الحب في هالزمن غير ... تأليف : موزاني

Queen Love

¬°•| فخر المنتدى |•°¬
إنضم
22 فبراير 2010
المشاركات
15,880
الإقامة
أكــيد وســط هـآلـكون
السلام عليكم ورحمة الله وبركاته ..


شحالكم .. ؟ واخبــاركم ؟ ... عساكم بيخـــير وســهآلــه .,

اما بعد ...

اقدم لكم هذه القصة وهي اول قصة اقوم بنشرها .. فاتمنى ان تنال على إعجابكم ...


(( الحب في هالزمن غير ))



البارت 1 :


هند : ابوي نجحت وانتظر منك الهدية ^_^...:ijhu:

ابو ناصر : الف مبرووك وان شاء الله بيبلج احلى هدية لاحلى هند .. انا كم هند عندي ( يحضن هند ) شو فخاطرج اطلبي وانا حاضر لو تبين عيوني .؟

هند : مممم ماعرف الي تعطيني اياه حلو .. :ast7y:

ابو ناصر : حاضر حبيبتي انتي تامرين امر .

( هند وهي طالعة فوق سايرة غرفتها رن فونها )

ذياب : اهلين بالحلوين والف مبروك ع النجاح .:eh_s(6):

هند : الله يبارك فيك وعقبالك .

ذياب : ان شاءالله ... والا عاد اقولج أي جامعة ناوية تدخلين ؟

هند : الين الحين ماقررت بس يمكن جامعة زايد .

ذياب : لو تسافرين استراليا تدرسين احسن لج .

هند : ليش اسافر والجامعات موجوده بالامارات !!:7:

ذياب : والله كيفج .

هند : والا جامعات استراليا ارقى واحلى من جامعات الامارات :bad:

ذياب : لافديتج منو قال هالرمسة بالعكس جامعات الامارات احسن بس اقترح لج اقتراح .:364370309157ae42e12

هند : مشكور ماريد من اقتراحاتك معذرة ..

ذياب : اونها عاد ... الحمدلله والشكر ..

هند : اقول يالدب عن هالفلسفة وقولي وين انت الحين ؟

ذياب : تصدقين الحين فالمريخ .

هند : الحمدلله والشكر .. اصلا الامارات احلى من المريخ ويوم تجذب ع الاقل جذب جذبه محترمة .

ذياب : انا اجذب حشى علي ..

هند : لا انت محشووم .. اقولك شي .. سي ياا ..

ذياب : شكلج مليتي من رمستي ترى ماقصدي شي والله آسف ترى اوقات اكون عبيط عاد انتي استحمليني ..

هند : ماعليه .. انا هب زعلانه بس اريد ارقد ..

ذياب : اوك .. نوم العوافي .. جااو

( وفي الصاله .. )
زايد : امي ممكن اطلب منج طلب صغير ..:cute:

ام ناصر : ها زايد شو فخاطرك ؟

زايد : امي انا بروح العين عند ولد عمي خالد بعد باجر .

ام ناصر : قول حق ابوك اول واذا وافق روح العين ..

زايد : امي انتي رمسيه اخاف مايخليني إذا قتله ..

ام ناصر : ليش انت وين رايح امريكا والا العين !؟ وبعدين ليش مايخليك ؟

زايد : انتي تفاهمي وياه هو يسمع منج انتي اكثر ..

ام ناصر : ان شاءالله برمسه ومايصير خاطرك الا طيب ..

زايد : مشكورة يا احلى ام بالدنيا الله لايحرمني منج ..:bigsmile:

ام ناصر : بعده ماصار شي ..

زايد : انا متاكد بيوافق دامج انتي بترمسيه ..

ام ناصر : ان شاءالله






انتظروا بارت 2 ..




اذا عيبتكم القصة لاتنسون التقييم
 

Queen Love

¬°•| فخر المنتدى |•°¬
إنضم
22 فبراير 2010
المشاركات
15,880
الإقامة
أكــيد وســط هـآلـكون
وااابويه ..@@ منو ذيااااب ؟؟


حلوه القصه

يلا اتريا البااااارت الثاني


من الحين تغرمتي بذياب هههههه من خلال القصة ان شاء الله بتعرفين منو ذياب ..



تسلمييييين ع المرور الفنتك :MercI:
 

Queen Love

¬°•| فخر المنتدى |•°¬
إنضم
22 فبراير 2010
المشاركات
15,880
الإقامة
أكــيد وســط هـآلـكون
بارت 2


( حصة تدخل على حمدان اخوها وهو قاعد فصالة الرياضة )

حصة : اقول حمدان اليوم بيون قوم خالي يعني ريم بتيي ...:bigsmile:

حمدان : قولي والله .. وشدراج انه ريم بتيي ؟

حصة : كيف اشدراني وانا باذني سامعة ابوي لما كان يرمس خالي وقاله بيوون عندنا .

حمدان : وشدراج انه ريم بتيي وياهم ؟

حصة : بس احساسي يقول جي واذا ماتصدقني انتظر وبتشوف

حمدان : ماعليه بنشوف هالاحساس الي عندج اخاف بس ايكون احساس جذاب ..

حصة : انزين شوف وفتح عيونك عدل ..

حمدان : شو قصدج أفتح عيوني عدل ؟:cool:

حصة : سلامتك ماقصدي شي يلا يلا انا رايحة عنك ..

( بعد ساعة حمدان اتصل بولد خاله أحمد )
احمد : هلا حمدان شخبارك ؟

حمدان : الحمدلله تمام ومن يداك ؟

احمد : تمام والله والا ماقالولك اليوم بيي عندكم ؟

حمدان : قالولي .. بس منو منكم بيي ؟

احمد : كلنا .. ليش ؟

حمدان : ماشي بس سؤال وطرح نفسه ..:blushing:

احمد : ماشي .. لو اني عارف ليش تسأل ..

حمدان : يالله قولي ليش ؟

احمد : ههه يعني لو غبي بيفهم ..

حمدان : قول خلصني .

احمد : اصلا انت ودك تسأل ريم يايه والا لا ؟

حمدان وهو منحرج :blush:: اقول يلا سي يو الظاهر انت شارب شي اليوم هب على عادتك ..

احمد : لا ماشربت شي بس ماي تصدق من الحر ماشرب شي غير الماي ..:=D:

حمدان : اشرب الي تبيه مايعورني شي حتى لو شربت بترول ..:999:

احمد : حشا عاد بترول شو ناوي تذبحني .؟:027:

حمدان : انزين انا بصكر شي فخاطرك ؟

احمد : لا سلامتك .. فمان الله ..

( بعد صلاة المغرب وصل الخال عبدالله وعياله .. وفي الميلس )
ابو احمد : ها شخبارك يا ابو ناصر وشخبار لعيال ؟

ابو ناصر : الحمدلله الكل بخير وسهالة .. وانتو شخباركم ؟

ابو احمد : الحمدلله بس عنود من يومين ارتفعت حرارتها واضطرينا انوصلها المستشفى ورقدناها يوم بالمستشفى وعقب ظهروها ..
ابو ناصر : سلامتها ماتشوف شر ..

ابو احمد : الشر ماييك والا ماقتلي كم نسبة هند ؟

ابو ناصر : الحمدلله 93% وان شاءالله السنة اليايه بالجامعة بتشوفونها ..

ابو احمد : ان شاءالله .. بالتوفيق ..

ابو ناصر : واحمد كم نسبته ؟؟

ابو احمد : 90% لكن الحمدلله احمد ناوي يدرس هندسة ..

ابو ناصر : شي طيب الله يوفقه ..

ابو احمد : والا اقول من ساعة قاعد ولاشفت حمدان وينه ؟

ابو ناصر : اكيد بغرفته يمكن محد قاله انكم وصلتوا .. الحين اتصل فيه واخليه ينزل ..

( ابو ناصر يتصل بولده حمدان )
حمدان : هلا ابوي عسى ماشر ..

ابو ناصر : وينك ؟ انت خالك من ساعة قاعد مانزلت اتسلم عليه ؟

حمدان : خالي تحت وماقلتولي احين ياي ثواني واكون عندكم انتظروني ..:29:

( حمدان وهو نازل يسلم ع خاله جان ايشوف ريم واخته هند قاعدات بالصالة )
حمدان : السلام عليكم .:1:

ريم + هند : وعليكم السلام

حمدان : كيف الحال ريم ؟

ريم : الحمدلله وانت شخبارك ؟

حمدان : بخير دامج بخير .. يالله عن اذنكم بسير الميلس ..

( حمدان يدخل الميلس وهو يسلم على خاله )
ابو احمد : شخبارك حمدان وينك لاحس ولاخبر ؟

حمدان : الحمدلله .. والله عاد انا موجود وين بكون يعني ؟!

ابو احمد : ها خبرني شو النتايج ؟

حمدان : الحمدلله كل شي تمام

ابو احمد : الحمدلله على كل حال

( وفميلس الحريم عند ام ناصر وام احمد )
ام احمد : ها يام ناصر متى عرس مريم ؟

ام ناصر : ان شاءالله شهر 7 بتاريخ 7 يعني الشهر الياي

ام احمد : يلا عاد عقبال ريم

ام ناصر : وان شاءالله بعد هند تراها هب صغيرة انا يوم متزوجة اصغر عنها بثلاث سنوات

ام احمد : حتى انا كان عمري 16 لما تزوجت ابو احمد لكن عاد زمن الحين وقبل يفرق

ام ناصر : هي صدقتي اول البنت من تكمل 14 خلاص عاد متزوجة والحين البنات عمارهن صاكات الثلاثينات ومب متزوجات .

ام احمد : الله يرحم زمان اول الحين نظام قانوني البنت ماتزوج الا مكملة 18 سنه .

ام ناصر : هي الحين الدنيا تغيرت هب نفس اول

( وفالصالة مع ريم وهند )
ريم : اقول هندوه ماشفتي شي فاخوج حمدان غريب ؟

هند : وشو الي غريب ؟

ريم : انتي مافهمتي قصدي عدل اقصدلج نظراته

هند : وشو فيها نظراته ترى يشوف مثل باقي الناس والا بعد هو غير .. والا قصدج نظراته اتجاهج ؟؟

ريم : عليج نور قلتيها اتجاهي مالاحظتي شي ؟

هند : مادري مالاحظت شي انتي حضرتج شو لاحظتي ؟

ريم : اتصدقين احسه يرمسني بعيونه

هند : هههه كيف يعني انا الي اعرفه الانسان يرمس بلسانه هب بعيونه والا انتي تعرفين لغة لعيون ؟

ريم : اووه اكره ماعندي ارمس وحد يتمصخر ع رمستي

هند : منو قالج اني اضحك ع رمستج

ريم : عيل تضحكين على خيبتج ؟

هند : لابس تذكرت شي

ريم : اقول هب علي انا هالحركات تراني اعرفج زين مازين ..

هند : الحمدلله زين يوم تعرفيني .. اقول غيري السالفة تراج ماتعرفين تسولفين سوالف سنعة

ريم : انزين انتي الي تعرفي يالله رمسي بنسمعج

هند : هممممم اقولج شرايج بجامعة زايد ؟

ريم : زينة والكل يمدحها .. بس ليش؟

هند : ناوية اسجل فيها .

ريم : اها شي ناااايس بالتوفيق

هند : وياج حبيبتي بس أي تخصص عاد ادخل ؟

ريم : انا خبري فيج اتحبين الرياضيات يعني عندج محاسبة تخصص حلو

هند : اوك شي طيب , اقول يالرمانة شو بتلبسين حق عرس مريم أي لون لاتقولين احمر ترى عفناه ..

ريم : هههه لا والله عاد حلاوة كل مرة احمر هالمرة بلبس اصفر يقولون هاللون يلفت الانظار ويميز الشخص الي لابسه ..
هند : لون حلو بس شو تتوقعين انا البس هو لون قريب من الاصفر

ريم : يمكن ايكون برتغالي

هند : هب يمكن الا اكيد برتغالي

ريم : عاد شوفي انا بستوي ليمونة وانتي برتغالة واما حصة لزوم تلبس اخضر وتكون تفاحه ههههه

هند : ههههه لا حصة بتلبس لون عنابي الاخت وحداوية

ريم : صدق وحداوية انا خبري فيها وصلاوية

هند : هي وصلاوية عيل بالله عليج وحداوية صدقتي انتي هههه

ريم : على بالي غيرت ناديها وحولت على الوحدة

هند : مستحيل طول عمرها وصلاوية

ريم : اووه راح الشتا ويانا الصيف وخلصت الدوامات وبيبدا السهر الين الفير

هند : يالله قولي بدا الملل والضيييييج

ريم : ليش الملل والضيييج اصلاً بالعكس الصيف حلو وياما انتظرناه بفارغ الصبر والا ايام الدراسة حلوة عندج ؟

هند : اتصدقين ايام الدراسة حلوة لكن عاد بننتقل للجامعة وبتتغير ظروف الدراسة من مدرسة لجامعة .

ريم : اكيد المدرسة غير والجامعة غير

( بعد شوي جان تيي حصة تزقر ريم لان اهلها ينتظروها خاري )
ريم : مع السلامة هند ان شاءالله نتلاقى مرة ثانية

هند : ان شاءالله ... ربي يحفظج





انتظروواا بارت 3 ..

احداااث اكثر وتشويق اكثر :9lam:
 
إنضم
5 أغسطس 2008
المشاركات
1,491
العمر
32
الإقامة
اُلُعَيًنُ
نااايص

بس لوو تحطين وصف اكثر بتطلع احللللللللى

يعني قوولي كل وحده شو كانت لابسه ..ووين يلسن بالضبط ..ووصفي اشكالهن وجي يعني

ومتابعين :=D:
 

Queen Love

¬°•| فخر المنتدى |•°¬
إنضم
22 فبراير 2010
المشاركات
15,880
الإقامة
أكــيد وســط هـآلـكون
نااايص

بس لوو تحطين وصف اكثر بتطلع احللللللللى

يعني قوولي كل وحده شو كانت لابسه ..ووين يلسن بالضبط ..ووصفي اشكالهن وجي يعني

ومتابعين :=D:

ههههه اشرايج تكملين القصة بدالي شكله عندج خبرة فالكتابة

فديتج تابعي والياي احلى وترقبي احداث العرس بتصير احداث غير متوقعه
 

بنت دبي

¬°•| عضو مميز |•°¬
إنضم
25 أكتوبر 2009
المشاركات
469
ناااايس
بلييز بلييز كملي


قبل الإمتحانات ><
 

Queen Love

¬°•| فخر المنتدى |•°¬
إنضم
22 فبراير 2010
المشاركات
15,880
الإقامة
أكــيد وســط هـآلـكون
بارت 3



( وفي غرفة الطعام متجمعة العائلة لوجبة العشاء )
... الكل قاعد ياكل ومتهني بالعشاء الا حمدان الي شاغلة باله ريم وكل تفكيره فيها وهب قادر يآكل من كثر التفكير .. ناصر يطالع حمدان وبكل استغراب توه كان احسن حال والحين حاله معتفس يقول فخاطره اموت واعرف شو شاغل باله ..
( بعد العشاء لحق ناصر اخوه حمدان وقعد وياه وقاله انه يريد يرمسه بموضوع وايد مهم ومايقدر ياجله )
حمدان : هاشوفيك خير ان شاءالله ؟

ناصر : انا اشفيني والا انت اشفيك لاتقعد اتقول ماشي تراني مابخليك ترقد الليلة الا انت قايلي شو شاغل بالك ..:65feefa3889db737a61

حمدان : شو قصدك يعني وضح اكثر

ناصر : انا اخوك العود ولازم اعرف شو فبالك يمكن اقدر اساعدك ..

حمدان ( وهو محتار شيسوي ) : همممم ماعرف من وين ابدا ؟:Afkr:

ناصر : ابدا من وين تبا بس قولي ليش سرحان طول الوقت ؟ وفي شو سرحان ؟

حمدان : خلاص انا بقولك بكل شي بس توعدني الي اقولك عليه يبقى سر بيني وبينك ؟

ناصر : افا عليك سرك محفوظ لا تخاف بس قولي :=D:

حمدان : انا بصراحه لما اشوف ريم احس نفسي مب فالدنيا واقعد سرحان فيها مادري شو فيها غير عن كل البنات ؟؟ معني شفت بنات احلى عنها لكن قلبي ماحب غيرها ..:005:

ناصر : والله شقولك ياخوي حتى انا مبتلش بحب شما ربيعة مريم لكن شسوي ماعرف ؟

حمدان : بالعكس انت تقدر تخطبها وخصوصاً انها مخلصة الجامعة لكن انا بعدني مامخلص ولاهي وانا اخاف قبل لا اخلص حد يخطبها وعقب ايزوجها ابوها واطير من ايدي ..

ناصر : انا برمس هند وبقولها تقول لريم انك تحبها ومجرد انك تخلص الجامعة وبتخطبها

حمدان : تعتقد هذا حل ؟

ناصر : مادري بس ماقدر اسوي شي غير جي نحن مانقدر انرمس خالي لانك بعدك ماتشتغل عسب تخطبها ويمكن الين تخلص تغير رآيك ؟

حمدان : انزين وانت شو بتسوي مع شما ؟

ناصر : انا بصراحه قلت حق مريم اتقولها اني بعد عرسها بسير اتقدم لها ..

حمدان : انت قول حق هند وعقب رد علي اووك ..

ناصر : اوك باجر يصير خير ..

( بالباجر بدا ناصر في تنفيذ المهمة ومامصدق تنش هند الا هو زاخها ايرمسها بالموضوع )
ناصر : هند اريدج بموضوع مهم ومحد غيرج يقدر ايحله ..

هند : عسى ماشر قول بسرعه ..

ناصر : ان شاءالله ... انتي تعرفين ريم اكثر وحدة وانا الاحظها لما تيي بيتنا تقعد وياج اكثر واكيد امبينكن اسرار واشياء وايد ..

هند : انزين وعقب دش فالموضوع بلا مقدمات ..:Bored_Whackin:

ناصر : انا بقولج شي ولازم اليوم تنفذيه ..

هند : شو هالشي ؟

ناصر : لا تستعيلين كل شي بتعرفينه ... انا ابييج اتقولين لريم انه حمدان ايحبها ولما يخلص الدراسه بيخطبها ... زين ..؟

هند : انت من صدقك اتريدني اقولها جي ؟!!!

ناصر : ليش شو فيها يعني لو قلتيلها ؟

هند : همممممممم ماقدر اقول ... قول حق مريم

ناصر : حرام عليج الحين مريم بروحها شاله هم العرس وتبيني بعد ازيدها !

هند تقاطع ناصر : وانا شذنبي ؟:dunno:

ناصر : اقولج لازم اتقوليلها والا حمدان بيزعل منج ..:cute:

هند : اووف منك دومك تحطني بمواقف محرجة :29:

ناصر: وشو الي يحرج يعني الحين يوم بتقوليلها ان فلان يحبها صارت محرجة ..

هند : وليش انا اقولها ليش مايقولها احد ثاني ؟

ناصر : لاترفعين ظغطي وسوي الي قتلج عليه بلا هذربة زايده :17:

هند : اوووف امري لله :bad:

ناصر : اقول بلا تافييف ودلع زايد

( نزل حمدان وجان ايشوف ناصر وهند وجان يغمز حق ناصر عسب ايرمسه بالموضوع )
حمدان : ناصر شو سويت اشوفك اترمس هند

ناصر : نفس الموضوع وبالغصب هند وافقت اترمس ريم وتقولها عنك ..

حمدان : يلا عاد انتظر الرد بفارغ الصبر ان شاءالله خير

ناصر : يحليلك والله ارحم حالك لاني جربت مثلك وطعمت مرارة الحب

حمدان : الله يعينا الظاهر كلنا ابتلينا

ناصر : بس كل واحد بلوته غير عن الثاني

حمدان : لا وانت الصادق قول كل واحد حاله ازفت عن غيره ..:m39b2:

ناصر : هههههه عاد مب لهاي الدرجة .. اقول بروح انا عند ابوي بلا عوار قلب وحب :66:






انتظروا بارت 4 وتعرفون شو بيصير مع حمدان وريم
 

بنت دبي

¬°•| عضو مميز |•°¬
إنضم
25 أكتوبر 2009
المشاركات
469
تسلممين خيتووو




نتريااااا الباارت اليااي
 

محمد خررررررررباش

¬°•| عضو مميز جدا |•°¬
إنضم
9 مايو 2011
المشاركات
824
الإقامة
قطر \ لخريطيات
انا ما احب المسلسلات ما عندج فلم كامل ههههههه

انا ما احب انطر اذا عجبني شي اطالعه كله وله كل سبوع جزء لا مالي خلق

انقهر ما يخلصني انطر خلاص ما ابي اكمل القصه هع هع هع هع:6u7:
 

الغزال العنيد

¬°•| عضو مميز |•°¬
إنضم
12 مارس 2011
المشاركات
309
الإقامة
البريمي
يسلموووووووووو ع الموضوع نتريا البارررررررررررررت 3 و القصه وايد حلووووووووووووه الى الامام :get-1-2009-oef8ifpj
 

Queen Love

¬°•| فخر المنتدى |•°¬
إنضم
22 فبراير 2010
المشاركات
15,880
الإقامة
أكــيد وســط هـآلـكون
انا ما احب المسلسلات ما عندج فلم كامل ههههههه

انا ما احب انطر اذا عجبني شي اطالعه كله وله كل سبوع جزء لا مالي خلق

انقهر ما يخلصني انطر خلاص ما ابي اكمل القصه هع هع هع هع:6u7:

مايصير مرة وحده القصة طويله ...

لازم بارت بارت عشان ماتمل :clap:
 
أعلى