ناس تمشى همها شوف مزيون ... حياكم ....

دريج الموت

¬°•| عضو مميز |•°¬
إنضم
9 يونيو 2008
المشاركات
250
الإقامة
البريمي
السلام عليكم ورحمة الله وبركاته اليوم جايب لكم قصيده متواضعه من كلماتي عن الدنيا ومانتيجتنا منها وعسى تنال اعجابكم .

القصيده



ناس تمـشى همها شـوف مزيون = وناس تقضي اوقاتها في السجـوني
من دون ذنب والقــرابه يعـرفـون = والواســطه فيهـم تســوي اطعــوني
واصغارهـم يامــا عليهــم يبكــون = لكــن على الله ربهــــم يــرتجـــوني
يـاربنــا المعـبود يـاخـالـق الكــون = يـامــن بـأمــرك كــل شـــي يكــوني
تـفـك عــوق الــدين وكل مسجون = مـالهــم غيــرك مـالمــلا يــرتجـوني
والأسد جايع والحصاني يشبعون = والكـلب ينبح تحت عالي الغصـــوني
والسبب واضح للشرف مايبيعون = مهما يجــور الـوقت وفيهــم يخـوني
هذي الحقيقه قلتها قول مضمون = مــاهمــني لــوالبشــــر يكـــرهـــوني
يامـا بهـذا الـدرب ناس بيمشـون = لكـــن بــوقت الــواقعـــه ينــدمـــوني
يــوم الحساب الكـل داين ومديون = مــاينفــع المـــاضي ومــايجمعـــوني
والأسـد يرجع والحصاني يـونون = والكـلب تنــزف دمعتــه مـــالعــيوني
هـذا جـزا الي ربهــم مايخـافــون = النــار مثــــواهـــم بهـــا يســـكنــوني
وآبــآئنـا يــامـالنـا بي يـــوصـون = يـــالله عســـانـا للــوصــيه نصـــوني
قالـو ترا الدنيا لهـا ســـر مكنـون = مـــره امـــان ومـــرة بــي تخــــوني
اليوم فوق الأرض الناس يمشون = وبكــره فـي الأكفــان بي يــدفنــوني
غني فقير رئيس مرؤس يصفون = في صـف واحــد بالتسـاوي تكــوني
والحـكــم واحــد والنتيجه يعلنـون = شــــهادتـين ثـــالثــه مــــاتكــــوني
وحــده إلى الجــنه وفيها يعيشون = في روضـةخضـرا الثمـر يقطفـوني
إلى جــوار المصطفى من يحبـون = والصــالحـين وكــــل مــايطلــبوني
والثـانيه إلى نـاربهـا كــل ملعـون = في محــرقـه كــل يصيبه اجنـــوني
إلى جوار شيطان لهم بي يطيعون = وانهار من كل الوصخ يشربوني
هــذاجــزا الـذات في وقت مدفـون = يــالله عســانا منهــم مــانكــوني
واخـــتامهـــا يالله يــاربي انكــون = ابحســن الخــاتمه لنـا يقبــروني

والسموحه في التقصير
 

أمواج هادئة

¬°•| طالب مدرسي |•°¬
إنضم
11 ديسمبر 2010
المشاركات
1,448
الإقامة
في أرض الله الواسعة
أممم حـلو ..
كلمات تلامس الواقع..
تسلم عليها..
 

انا-انا

¬°•| عضو مميز |•°¬
إنضم
25 مايو 2010
المشاركات
391
الإقامة
البريمي
ناس تمـشى همها شـوف مزيون
نااااااااااااايس
 

عزتي بذاتي

¬°•| عضو مميز جدا |•°¬
إنضم
8 مارس 2011
المشاركات
531
الإقامة
ف،بيتناااا
روعــــــــــــــــــــــــــــــــة
 

(غرور)

¬°•| عضو مميز |•°¬
إنضم
6 أبريل 2011
المشاركات
270
الإقامة
البريمي
آمين
واخـــتامهـــا يالله يــاربي انكــون = ابحســن الخــاتمه لنـا يقبــروني

آمين
 

دموع الشوق

¬°•| عضــو شرف |•°¬
إنضم
6 نوفمبر 2010
المشاركات
3,011
اليوم فوق الأرض الناس يمشون = وبكــره فـي الأكفــان بي يــدفنــوني


صح لسانك


[FONT=&quot]تڛڵم ﻋــ ﺇڵڱڵمٱت ږٻے ڵٱ ھٱڼڪ ۆڼټڕېٱ ٱڵڒۅڍ [FONT=&quot]..[/FONT][FONT=&quot][/FONT][/FONT]​
 

أسطورة روح

¬°•|راعية فزعة|•°¬
إنضم
5 يناير 2011
المشاركات
1,050
الإقامة
مركونـ بين البحر والبيت وحداني،، ابني لروحي أمل وج
ما شاء الله عليك ابدااااااااااااااع خطييييييير


بوركـــــــــــــــتـ
 

جامعيه

¬°•| عضو مبتدى |•°¬
إنضم
21 مايو 2011
المشاركات
19
إن كنت تقوى البعد في الــــروح مسكنك
وش ذنب خـــــــــــــل إتخلا عنه خليله
وإن جيتني والله بالـــــــروووح لحضنك
وأقـــــــــــــــــول هذا الخل ما فيه حيله


:icon_smile_hearteye:imuae65::flower2:
 

جامعيه

¬°•| عضو مبتدى |•°¬
إنضم
21 مايو 2011
المشاركات
19
كفايه صار لك شهرين غايب عني يالغالي
كفايه يا اعز الناس ترا والله ما اقدر

دخيلك لا تخيب فيك هقواتي وامالي
واذا انها عالصبر والله وغلاتك عندي راح اصبر

ابتحمل عنا فرقاك وحالي يرثي لحالي
معني والله لين اليوم مدري ليش بس تهجر

ابعرف شالسبب ارجوك وش اللي بس يجرالي
انا شسويت يا ربي عشان تثور وتتفجر

انا والله ما استاهل ابد كل اللي يجرالي
اقل ما فيها بس قللي سبب خلاك تتغير

ابعرف بس شالموضوع علامك صرت ما تبالي
بذمة كل اهلك فيوم شفتني بشي انا مقصر

عطيتك قلبي وروحي وهبتك حالي ومالي
حملت احساس هالدنيا وعطيته لك وانا افخر

عشقتك عشق لا قبله ولا بعده انعشق تالي
هويتك موت واتخيل الين الموت واتصور

واذا جاني مسج منك مخزن رقمك الغالي
ولا امسح رسالاتك اتم اقراها وافكر

واحلل كل كلمه بالمسج الله يا غربالي
واقول بخاطري معقوله حاسس فيني ويشعر

وارد اقول لأ يمكن تذكرني وهو سالي
لاني توني مطرش مسج طرش مسج يشكر

وارد اقول لأ ادري يبيني وحاسس بحالي
وارد اقول لا ما اظن علا باله انا اخطر

الين اني انا اتاكدت قلبه بالفعل خالي
ولا غيري انا بقلبه يحبني موت ويقدر

لاني مره مالمرات طرت فكره علا بالي
نويت ازعل بدون اسباب واشوفه لو بيتاثر

ابعرف قدري بقلبه بيهمه وظعي الحالي
او انه راح يطنشني ولا ياسال ويستفسر

وفعلا دق ما جاوبت حرقلي والله جوالي
ثلاث الاف مره دق وانا مطنش ولا معبر

كتبلي بالمسج اطلع انا عند بابك الحالي
قسم بالله ما تطلع لاخربها انا واحقر

ومشكلتي اعرفه زين يسويها ولا يبالي
نزلت وخاطره مكسور يقول شفيك متغير

وقلتله بس ابتاكد اذا قدري معك عالي
ظحكلي وقالي اتاكدت ودمعه بلل المحجر

وطارت فيني الدنيا لمكاني صاحبي جالي
تعذر لي وانا الغلطان وانا اللي لازم اتعذر

بعدها عشت احلى ايام في قربه هنيالي
وصلنا لمرحله ما نفترق عن بعظنا واكثر

بعدها فجاه خلاني ولا يسال عن احوالي
وانا في خاطري ادري محال فيوم يتغير

ادق له ما يجاوبني بديت اشك في حالي
اخاف انه حصل له شي اخافه بس متكدر

لعب في قلبي الوسواس خياله ما تهيالي
حوالي الف مسج طرشت حبيبي يا عسى ما شر

ولا جاوب وانا قاعد على اعصابي وغربالي
حبيبي صار له اسبوع فيني حتى ما فكر

الين اني عرفت شلون اخلي خلي الغالي
يكلمني وجت فكره بعد ما مت وانا افكر

وفعلا اتصل فيني وبدت احزاني واهوالي
وكانت صدمتي كبيره علي الغالي اتغير

سالته قلتله وش فيك ما من شر يالغالي
وش اللي صار بالدنيا علامك ليش متبعثر

او انك يعني ما تدري بدونك صرت انا لحالي
ولا لي خلق اي انسان كثر ما فيك انا افكر

وجاوبني وقال ارجوك ابي هالدنيا تصفالي
انا مليت من وظعي واشوف الكل متغير

انا ظاقت بي الدنيا وابي ابقى انا لحالي
خلاص اتركني لا تسال وانا برجع عقب اشهر

وقلتله مو علي تكذب اعرفك تظعف قبالي
تكلم قول شالموضوع بدا قلبي يدق اكثر

سكت لحظه وقال ارجووووك ابعد عني يالغالي
وخلني اذكرك بالخير وانته مثلي اتذكر

ولا اتطرش مسج واحد ولا اتدق لي ابد تالي
واذا لي خاطرن عندك لا تتكلم ابد سكر

وقلتله والله ما اسكر الين تقول وتصفالي
وقالي والله ما اتكلم ولو تبكي دمع احمر

ولكن شوف ربعك وانته تعرف بس وش جالي
خلاص افهمها عالطاير ولتحرجني بعد اكثر

وسكر والدمع فيني علا الخدين همالي
قسم بالله ما ادري علامه قلبه اتحجر

فوادي انهار وانا حملي يهد جبال وجبالي
في لحظه صارت الدنيا في عيني هالكبر واصغر

حسافه ما توقعته يصدق فيني عذالي
حسافه ما هقيته يوم يصد عني ويتغير

بعدها صارلي ما صار وربي يعلم بحالي
فوادي باقي بس شوي واحسه مالجسم يظهر

بديت اعرق ومدري ليش وخابت كل امالي
انا اتوقعت كل الناس ولا توقعت هو ينكر

وقلت بخاطري خله مصيره يرجع الغالي
اكيد انه سمع اي شي وجوه صار متعكر

ولكن طول اغيابه وزادت فيني اعلالي
مرض قلبي تعب فكري واحسه جسمي متخدر

وقلت خلني اطرشله مسج واشكيله احوالي
وطرشت المسج وشوي دق لي ودون ما افكر

هلا والله يا اغلى الناس هلا والله بالغالي
الو طارق ما قلتلك لا تذكرني او اذكر

ابي بس اذكرك بالخير ياخي خلني في حالي
وقلت وخاطري مكسور انا اسف وما اكرر

قسم بالله لين اليوم وحالي يرثي لحالي
قسم بالله الين اليوم ولا ادري ليش اهو اتغير

قسم بالله ما غظت عيوني ولا هدى بالي
قسم بالله ما مر يوم الا وفيه انا افكر

قسم بالله قلت بنساه بس طيفه يتهيالي
قسم بالله لو حاولت انا انساه اتذكر

الين اليوم انا عندي امل يرجع ويصفالي
اقول الشوق بيرده على فرقاي ما يقدر

الين اليوم وظحكاته وبسماته على بالي
الين اليوم ما ارقد كثر ما فيه انا افكر

ابعرف شالسبب ارجوك وش اللي بس يجرالي
انا شسويت ياربي عشان تثور وتتفجر

انا والله ما استاهل ابد كل اللي يجرالي
اقل ما فيها بس قلي سبب خلاك تتغير

ابعرف بس شالموضوع علامك صرت ما تبالي
بذمة كل اهلك فيوم شفتني بشي انا مقصر

انا راح انتظر ردك ولو حتى بمسج خالي
واذا ما جاني منك الرد وغلاتك عندي راح اصبر

سنه سنتين اللي يهم اشوفك ثاني قبالي
ثلاث سنين او اربع ابصبر يعني راح اصبر

ولكن حكم احساسك وجاوب يا اغلى كل غالي
بذمة والديك يهون تنساني ولا تذكر

يهون انك تخليني ولا تسال ولا تبالي
يهون انك تنام الليل وتتركني انا اسهر

كفايه صار لك شهرين غايب عني يالغالي
كفايه يا اعز الناس ترا والله ما اقدر

دخيلك لا تخيب فيك هقواتي وامالي
واذا انها عالصبر والله وغلاتك عندي راح اصبر

واذا انها عالصبر والله وغلاتك عندي راح اصبر

:imuae8::imuae47:
 

الجررريح

¬°•| عضو مميز جدا |•°¬
إنضم
17 مارس 2010
المشاركات
935
الإقامة
فـي دار العــز شامخــا الـرأس
تسلمي ع القصيدة

صح لسانج

ربي لا هانج
 
أعلى