شوفوا البنات شو صاروا يكتبون ع عباياتهم

سعود الظاهري

:: إداري سابق ومؤسس ::
إنضم
15 أكتوبر 2007
المشاركات
6,861
الإقامة
الجنـ هي الهدف ـة
حبيت اطرح عليكم موضوع و شو رايكم فيه .

الظاهره التى أنتشرت و بشكل فظيع و هي كتابه عبارات سفيهه و مبتذله على عبايات النساء .

منهم من تكتب على العبايه >> Follew me <<

و معناه >> إلحق بي << و كأن الناس ما يفهمون

و اللي تكتب اسمها و اتزخرفه كأن نك نيم

و اللي تحط حرفها بخط عريض لامع على ظهرها

و اللي من كثر الاعتزاز بقبيلتها تكتب >> اسم قبيلتها << بخط واضح وكبير حتى تلفت أنتباه الناس

و أيضا قصه البنت اللي كتبت عنها الجرايد الخليجيه كانت كاتبه على عبايتها << أتحداك تلمسني <<

القصه هنا ما تمس العادات والتقاليد فقط تمس الدين أيضا.

أعزائي :

هذه الظاهره نتاج شخصيات تافهه غير واعيه يطلق عليها ما تسمى >> بألامعه <<

فهي بدأت و من ثم أنتشرت

كل هذه نتيجه لصعف الوزاع الديني .

السؤال .... أين أولياء الأمور ...

أين الاب ؟ من أشترى تلك العبايه ..؟

أنتظر ردودكم .

دمتم خير أخوه .
أخوكم / الظاهري
 

راعي الطير

¬°•| مشرف سابق|•°¬
إنضم
14 أكتوبر 2007
المشاركات
850
لاحول ولاقوة إلا بالله
 

الطموحه

¬°•| مراقبة عامة سابقا |•°¬
إنضم
2 أكتوبر 2007
المشاركات
1,096
الإقامة
¬°•|بالجنه إن شاء الله|•°¬
السلام عليكم

خوي
انا ما الوم البنت ولا اعاتبها
يمكن عادي اشجعها تسوي كذا و تزيد (( القصد مفهوم ))
طالما الاب و الام و اولياء الامور سامحين بهذا الشي و هم الي ما منعوا بنتهم
يعني شو تتوقع من بنت اهلها سامحين لها تسوي كذا
اكيد بتسوي الي بتسويه و زود


طبعا كل هذا منتشر و صار ينتشر اكثر و اكثر بفضل قلة الوازع الديني و الانفتاح الغربي الي يستهدف الشباب بشكل كبير لانهم عماد المجتمع الاساسي
غير الاهل الي سايبين بناتهم علي كيف كيفهم (( و يا بنتي سوي اي شي)) >>> ما يهمهم لا عيب و لا مستحي و لا سمعه و لا خلق و لا حتي كلام الناس



استغفر الله
الله يهدي بنات و شباب المسلمين اجميعن​
 

سعود الظاهري

:: إداري سابق ومؤسس ::
إنضم
15 أكتوبر 2007
المشاركات
6,861
الإقامة
الجنـ هي الهدف ـة
سمحيلي أختي أم يوسف البنت ألي تبا تسوي شي حتى لو منعوها أهلها بتسوي . لو شي فراسها بتسويةو يعني معقولة هذيلا البنات ألي نشوفهم في السوق وكل وجدة مسوية على العباة مئة نقشة صايرة كندورة مب عباة . كل هذيلا سامحيلهم أهلهم . ؟؟؟؟؟؟؟؟؟؟؟؟؟؟المرأة مخلوقة من ظلع أعوج
 

المشاعر

¬°•| مراقبة سابقه |•°¬
إنضم
19 نوفمبر 2007
المشاركات
2,582
المراه مخلوقه من ضلع اعوج ..

هعهعهععه مكان سامعه هذي المقوله بس وين مادري


اولا موضوع حلو للنقاش




وانا مع الظاهري البنت حتى لو منعوها اهلها من شي اللي براسه بسويه ... الله يهديهم بناتنا ...
انا الحمدلله عباتي ساده سوده ... لافيها توقيع ولا صوره ولا خرابيط ... مااحب المصخره وشي يشد نظر شبابنا ..
انا ادرس بجامعه كل يوم اشوف العجب بالبس بالعبايات ب خلينا ساكتين الله يهديهم بس ويخلي عقلهم براسهم
 

الطموحه

¬°•| مراقبة عامة سابقا |•°¬
إنضم
2 أكتوبر 2007
المشاركات
1,096
الإقامة
¬°•|بالجنه إن شاء الله|•°¬
سمحيلي أختي أم يوسف البنت ألي تبا تسوي شي حتى لو منعوها أهلها بتسوي . لو شي فراسها بتسويةو يعني معقولة هذيلا البنات ألي نشوفهم في السوق وكل وجدة مسوية على العباة مئة نقشة صايرة كندورة مب عباة . كل هذيلا سامحيلهم أهلهم . ؟؟؟؟؟؟؟؟؟؟؟؟؟؟المرأة مخلوقة من ظلع أعوج

لي عوده للتعقيب عليك اخي الكريم

فمان الله​
 

المشاعر

¬°•| مراقبة سابقه |•°¬
إنضم
19 نوفمبر 2007
المشاركات
2,582
وانا مب لازم ارد يعني الظاهري لاني ياهل
 

الطموحه

¬°•| مراقبة عامة سابقا |•°¬
إنضم
2 أكتوبر 2007
المشاركات
1,096
الإقامة
¬°•|بالجنه إن شاء الله|•°¬
سمحيلي أختي أم يوسف البنت ألي تبا تسوي شي حتى لو منعوها أهلها بتسوي . لو شي فراسها بتسويةو يعني معقولة هذيلا البنات ألي نشوفهم في السوق وكل وجدة مسوية على العباة مئة نقشة صايرة كندورة مب عباة . كل هذيلا سامحيلهم أهلهم . ؟؟؟؟؟؟؟؟؟؟؟؟؟؟المرأة مخلوقة من ظلع أعوج

العذر و السموحه علي التاخر بالمجيئ لتعقيبي
و اسمح لي اخوي بهذا التعقيب البسيط

انت قلت البنت بتسوي الي براسها حتي لو اهلها منعوها...؟

طيب سوالي لك ..ليش البنت بتسوي براسها حتي لو اهلها منعوها ..ليش اهلها مالهم كلمه علي بنتهم ..ليش الاهل مش مربيينها ..ليش الاهل الام و الاب وين دورهم بالتربيه و سماع الابناء لكلام آبائهم ..وين راح دور الاهل..؟
او ان كلام البنت هو الي بيمشي و الاهل موجودين ..؟
والله لو الاب و الام قالوا لبنتهم لاء و البنت عاندت بامكان الاهل يتصرفون و يستخدمون عدت طرق عسب البنت تتصلب و تعرف تحترم امها وابوها و تسمع كلامهم مب تسوي الي براسا
اما في حال البنت الي تسوي الي براسها و اهلها موجودين ما اقول الحاله هذي مش موجوده
لا
الحاله هذي موجوده و شايفه منها نماذج
تلاقي البنت تسوي الي يحلالها و الام تتمنظر و كله لان الام بلا شخصيه
مش بلا شخصيه لا بس الام مخليه بنتها هي الراس العود و عودت بنتها من صغرها علي هذا الاسلوب و تلاقي الاب اما يكون كبير بالسن ما يقدر يتابع عياله او انه سايب كل شي ولا يدري بيهم شي
وهذا يدفع البنت انها تسوي الي براسها و تتفرعن علي اهلها و بهالحاله تلاقي البنت تسوي الي تباه و راسها مية سيف ولا تخاف


والله لو الاهل بس قالوا لا للبنت حتي لو كانت عنيده و متغطرسه و و ما سمعت الكلام والله في اسلوب الضرب و الاسلام ما حرم هالشي
الاسلام امر الاهل لما الابناء يوصلون لسن معين و ما صلوا ينضربون
فما بالك بامر ان البنت تسوي الي براسها و تعاند اهلها



والله كل المشاكل و المصايب الي تصير بسبب قلة التربيه و الاهل تاركين بناتهم علي كيف كيفهم
و كله علي انه التطور و الانفتاح

الله اعلم هالانفتاح وين بيودي عيالنا و بناتنا

الله يستر و يرحم حالنا و حال الامه
 

الطموحه

¬°•| مراقبة عامة سابقا |•°¬
إنضم
2 أكتوبر 2007
المشاركات
1,096
الإقامة
¬°•|بالجنه إن شاء الله|•°¬
المرأة مخلوقة من ظلع أعوج

مفهومكم لموضوع المراه مخلوق من ظلع اعوج خاطئ

مش معناته الي ببالكم

رح احاول اجيب لكم معناة الموضوع الصحيح

المراه مخلوقه من ضلع اعوج صحيح بس ضلع قريب من القلب


لي عوده بموضوع عن هذا الامر بموضوع مستقل ان شاء الله

دمتم بحفظ الرحمن
 

(الكعبي)

¬°•| مُِشْرٍفَ سابق|•°¬
إنضم
24 ديسمبر 2007
المشاركات
2,229
الإقامة
شمال عمان الغاااالية
الظاهري أسمحلي أنت والجماعة غطيتوا ع الموضوع وماعندي كلام أزيادة
 

عبير الورد

¬°•| عضو مميز |•°¬
إنضم
9 يونيو 2008
المشاركات
427
الإقامة
البريمي
بأختصـار (( دام أهـل البنـات راضيـن بهالـشي ))

نـحن مالنـا أي كلمـه وصعـب هالزمـن تنصـح حـد...

هالزمـن إذا نصحـت حـد كأنـك قاعـد تسبـه أو تنتقـص من قيمتـه...

ياعمـي خـلهم يعيشـون حياتهـم ألحيـن وحسابهـم موجـود بالآخـره...

كـل واحـد عليـه بنفسـه وبـس...ونحـن بنشـوف وايـد هالزمـن...

ما نقـدر نقـول غيـر (( الله يهديهـم ويصلحهـم ويصلحنـا معاهـم ))...

وأحـب أضيـف كلمـة (( تـرى مثـل مافالدنيـا بنـات مب زينـات أكـيد في بنـات زينـات ))...

وياليـت كـل واحـد شـوي يحكـم عقلـه قبـل لا يقـول أي كلمـه...

المـرأه مخلـوق من ضلـع أعـوج على قولتـك .. مب معناتـه هي إنسـانه مب سيـده !!

بس الرياييـل فالحيـن يفسـرون كـل كلمـة فالقـرأن ع كيفهـم...

ياخـي أول شـي لازم تعرفـون معنـى كـل كلمـه وبعدين تكلمـو...

وهـذا شـرح لمعنـى كلمـة (( المـرأه مخلـوق من ضلـع أعـوج ))...

.
.
.

الضلع الأعوج.. ليس تحقيرا للمرأة !!

العاطفة عند المرأة تسبق العقل وفقا لطبيعة المهام الخاصة بها.. فالحمل والرضاعة وتنشئة الطفل تتطلب طاقة عاطفة سيالة ولنأخذ مثلا يتكرر في حياتنا فالرجل يرى في بكاء الطفل إزعاجا وإفسادا لنومه وهو في ذلك يستخدم منطق العقل.. أما المرأة الأم فتذهب للطفل تهدهده وترعى ألمه فالعاطفة السيالة هي لغة الحوار مع الطفل.
الضلع الأعوج ومهمته : إننا يجب أن نفهم وأن يفهم الناس حقيقة رسول الله صلى الله عليه وسلم ( خلقت المرأة من ضلع أعوج ).. مهمة المرأة مهمة حنانية أي إنها بطاقة العاطفة تؤدي مهمتها والضلع الأعوج يؤدي مهمته.. فاعوجاج الضلوع القفص الصدري يجعلها قادرة على حماية وصيانة القلب والرئتين ولو كانت الضلوع مستقيمة هل كانت تحقق الحماية للقلب والرئتين؟

إن اعوجاج القفص الصدري أي اعوجاج الضلع هنا ليس سبا للمرأة كما يفهمه بعض الناس وهذا الوصف مناسب لمهمة المرأة سواء خلال فترة الحمل مما يعني حرصها على تجنب كل ما يؤثر على حملها أو خلال فترة تكوين النشء فهي هنا تتعامل مع من لا يستطيع أن يبين موضع آلامه.. وتلك مهمة صعبة كما أنها طويلة بطول فترة الطفولة التي يحدد الإسلام نهايتها بمرحلة البلوغ .


.
.
.

وبصراحـه الأهـل اللي عندهـم بنـات متمـردات ويسـون اللي فبالهـن أقـول يستاهلـوووووووووووووون لأنهـم ما عرفـو يربونهـن... !!

والسموحـه... !!
 

العــنــيــده

¬°•| عضو فعّال |•°¬
إنضم
11 يوليو 2008
المشاركات
112
هلا شحالكم انا مقهووره من هذيل البناات الي يسوون جيه
....................
بس بقوول
اذا اهيه ما استحت على ويها وتستحي
من بينزل عليها المستحى
وطبعا وفي النهاايه كلااااام المصفووف في العباايه
بتظهر مب خليجيه
وبعد فيها اميه عرق
.............................
تسلم على المووضووع الحمااسي
وتقبل مرووري
 

منيه الخاطر

¬°•| عضو مبتدى |•°¬
إنضم
12 يوليو 2008
المشاركات
20
العمر
35
الإقامة
uae
اسمحليه خووويه الظاهري بس حبيت اقووولك هب كل البنات عندهن هالحركات والبنت الحشيم هيه اليه تحفظ نفسها من المنقووود بارك الله فيك مثلا انا شخصيا ابووويه يخلينيه اسووويه اليه يريحنيه وافصل اليه يعيبنيه بس قسم بالله في حياتيه ما خطر في باليه انيه اسووويه جيه او اكتب ع عبايتيه هالخرابيط والبنت الحشيم واليه تفكيرها وتقيميها في الحياه عالي مستحيل اتسويه جيه ...




والسموووحه منكم



منيه الحاطر
 

كبـــــــريـاء

¬°•| مُشرفَة سَابِقِهْ |•°¬
إنضم
13 يناير 2008
المشاركات
2,664
الإقامة
بـــــلا وطن ،،،
الظاهـــــــــــــــــــري صار موضوع العباه واللى عليها موضوع قديم البنات كل يوم يوم يطلعون بموضه جديده ،،

والطموحه ما قصرت كفت ووفت في النقاش ،،

تحياتي :

كبــــــــــرياء
 

بنت البريمي

¬°•| استغفر الله |•°¬
إنضم
19 فبراير 2008
المشاركات
1,108
الإقامة
البريمي
ما شاء الله الجماعة ما خلوا شيء ...كفوا ووفوا ..

تسلم أخوي الظاهري ع الموضوع الرائع ..

ما نقول غير الله يهديهن .. استوى غزو فكري وثقافي .. الله يعين من الياي ..
 
أعلى