الجيش السلطانــي !!!

السامــي

¬°•| عضو مبتدى |•°¬
إنضم
11 أبريل 2011
المشاركات
42
الإقامة
هنـــــاااا
السلام عليكم ورحمة الله وبركاته

ياجماعه سؤال احد اسمه طلع في الجيش السلطاني .. ولا اسم عيال عمه ... ولا من جيرانه من سكان محافظة البريمي

لانه احس انهم نصبو علينــا ,,, سجلونا تاريخ 18/4/2011 ورمو اوراقنا الزباله

18363 الف شخص ولا عاد بانشوف غيرهم يقولون

انا اسمي ماطلع مع اني عندي شهادة الحادي عشر !!!! يعني كيف الي اقل مني الله يعينهم بس

كان عندنــا امل يقبلونــا بس الحين كل واحد فيكم يدور له شغل ثاني غير الجيش اغسلو يدينكم منــه

مسوين زحمـــه تعال سجل في النادي واخر شئ طلعو يقصون علينــا يبون يسكتونــا بس

واصلن اذا يبون يقبلونا من زمان كان شالونه مثل شباب صحار سجلو على طول الى الباصات !!!

امور غريبـــه عجيبه تحدث بس الشكوه لغير الله مذله

مازال الفســـاد متواجـــد

ودي
 

في الصميم

¬°•| خارج الخط |•°¬
إنضم
16 أكتوبر 2007
المشاركات
5,788
الإقامة
Al-Buraimi
السلام عليكم أخي الكريم
انا اسمي ماطلع مع اني عندي شهادة الحادي

ما هي الشروط المطلوبه / مع إحترامي لك لكن هل تقبل شهادة الصف الحادي عشر أم المجال مسموح للكل؟
يقصون علينــا يبون يسكتونــا بس
أخي الكريم مب زين نتهمهم واحنا ما نعرف الحقيقه بعد!!
يعني إذا وضح السبب سيبطل العجب ونحن ننتظر التوضيح!!

إحترامي لك!!
 

زيكو

¬°•| عضو فعّال |•°¬
إنضم
19 مارس 2011
المشاركات
102
أخي العزيز جاي الدور لكم..

لا تفقد الامل..

حشاهم يكونوا نصابين..

خل هالكلام عنك..وان شاء اللهـ الدور لـ شباب المحافظة قريبـ

تحياتي لك
 

السامــي

¬°•| عضو مبتدى |•°¬
إنضم
11 أبريل 2011
المشاركات
42
الإقامة
هنـــــاااا
السلام عليكم أخي الكريم


ما هي الشروط المطلوبه / مع إحترامي لك لكن هل تقبل شهادة الصف الحادي عشر أم المجال مسموح للكل؟

أخي الكريم مب زين نتهمهم واحنا ما نعرف الحقيقه بعد!!
يعني إذا وضح السبب سيبطل العجب ونحن ننتظر التوضيح!!

إحترامي لك!!

وعليكم السلام ورحمة الله وبركاته

هذي هــي الشروط :

يعلن الجيش السلطاني العماني بفتح باب التسجيل للانخراط في السلك العسكري وذالك من يوم الاثنين 18/4/2011 وحتى يوم الاربعاء الموافق:20/4/2011 م
الساعه السابعه صباحا بنادي النهضه بولايه البريمي وفق الشروط التاليه:
1- ان يكون المتقدم من ابناء محافظه البريمي ( البريمي ومحضه والسنينه)
2-ان يكون حاصل على شهادة الحادي عشر كحد ادنى
3- ان لا يقل عمر المتقدم عن (18) سنه ولا يزيد عن (30) سنه
4- ان يكون لائق طبيا
وعلى من يجد نفسه الكفاءة والرغبة بالتسجيل ان يحضر معه التالي :
1- اصل البطاقه الشخصيه مع صوره منها
2- اصل الشهاده الدراسيه مع صوره منها


:::::::::::::::::::::::::::::::::::::::::::::::::::::::::::::::::::::::::::

وبعدين انا ماتهمت بالباطل وقررة وتكلمت الا بعد التمعن في كلامهم الي في الجريده

شوف الكلام وانت احكم بنفسك وفهمني معناه يمكن انا احيانا يخونني التعبير !!!!

...................... نـــص الاعلان عن اسماء المقبولين الي نزل تاريخ 8 / 5 / 2011 ........................

إلحاقا للاعلان المنشور بتاريخ 23 مارس 2011م يسر الجيش السلطاني العماني ان يعلن للمواطنين الكرام الذين تقدموا بطلباتهم والمستوفين لشروط التجنيد بأن عليهم الحضور الساعه الخامسه سباحا حسب التواريخ الموضحه لكل مجموعه وذلك لأجراء الفحص الطبي المبدئي مصطحبين معهم اصل البطاقه الشخصيه والملابس الرياضيه


.............. الخاتــمــــه ................

اما المواطنين التي لم ترد اسماهم في هذا الاعلان فاءنه يؤسفنا إبلاغهم بأنهم لم يستوفوا شروط التجنيد المعلن عنهــا سابقا .. وان قيادة الجيش السلطاني العماني تقدر لهم رغبتهم الاكيده في الالتحاق بالخدمه العسكريه متمنين لهم التوفيق في حياتهم المستقبليه .


انتهــــاء

بعدين انا هب جالس اتبلا على الناس بدون دليل
 
التعديل الأخير:

& ظبية أبوها &

¬°•| عضو مميز جدا |•°¬
إنضم
28 ديسمبر 2009
المشاركات
639
الإقامة
البريمي وضواحيهاااا
اليوووووم وايد اسماء نااازلين بس محد من البريمي مقبول ليش ؟؟؟
الصراحه لهم الحق انهم يعصبو
اللين متى بينتظروا :angry3:
 
التعديل الأخير:

السامــي

¬°•| عضو مبتدى |•°¬
إنضم
11 أبريل 2011
المشاركات
42
الإقامة
هنـــــاااا
أخي العزيز جاي الدور لكم..

لا تفقد الامل..

حشاهم يكونوا نصابين..

خل هالكلام عنك..وان شاء اللهـ الدور لـ شباب المحافظة قريبـ

تحياتي لك


اي دور جاي الله يهديك وهم قالوا انهــا اخر دفعــه هاي ... معاد شئ بعدهـــا يعنــي


ننتظر على وش بعــد ؟؟؟ عطونــا الزبدهــ
 
التعديل الأخير بواسطة المشرف:

حماسة البريمي

¬°•| عضو فعّال |•°¬
إنضم
30 أبريل 2010
المشاركات
139
الإقامة
حماسه
ان شاء الله يتم تعيينهم

وترى الجيش مخففين على الشباب هالايام

يعني الدورة مب صعبة نفس أول .... عشان محد يشرد من الجيش
 

في الصميم

¬°•| خارج الخط |•°¬
إنضم
16 أكتوبر 2007
المشاركات
5,788
الإقامة
Al-Buraimi
أخوي لا تعصب علينا الله يهديك فقط إحنا بغينا بعض المعلومات "شروط القبول" عشان ما نظلم أي طرف ونتأكد وأيضا أتوقع مب إنت بس إللي ما قبلوك ف البريمي ، أتوقع عدد كبير، ويزاك الله خير أدرجت المعلومات والبيانات المطلوبه ...
ألحين بعد ما نزلت آخر دفعه هل تم التواصل مع غير المقبولين بإتصال أو غيره أم فقط إعلان ف الجرائد وسؤال آخر هل تم التواصل مع كتيبة الجيش ف البريمي (إذا عندهم فكره)؟؟!!


بعدين انا هب جالس اتبلا على الناس بدون دليل


حاشاك أخوي محد قال تتبلا ولا حد إتهمك ،، نعرف إن من حقك تعرف ليش ما قبلوك ،، إن شاء الله بنبحث عن إجابه وفالك طيب!!!
 

Ąℓŋ3αỉмỉ

¬°•| مُراقب سَابق ومطور |•°¬
إنضم
19 يوليو 2008
المشاركات
8,398
العمر
33
الإقامة
[البريمي دآري ومربآي] « ™

Ąℓŋ3αỉмỉ

¬°•| مُراقب سَابق ومطور |•°¬
إنضم
19 يوليو 2008
المشاركات
8,398
العمر
33
الإقامة
[البريمي دآري ومربآي] « ™

في الصميم

¬°•| خارج الخط |•°¬
إنضم
16 أكتوبر 2007
المشاركات
5,788
الإقامة
Al-Buraimi
تأكد أخوي "السامي"بعدك من القائمه وإن شاء الله أسمك من بينهم!!
أخوي "Ąℓŋ3αỉмỉ" شكرا لك ع المساعده وإن شاء الله يتوفقوا شباب البريمي!!!
 

السامــي

¬°•| عضو مبتدى |•°¬
إنضم
11 أبريل 2011
المشاركات
42
الإقامة
هنـــــاااا
أخوي لا تعصب علينا الله يهديك فقط إحنا بغينا بعض المعلومات "شروط القبول" عشان ما نظلم أي طرف ونتأكد وأيضا أتوقع مب إنت بس إللي ما قبلوك ف البريمي ، أتوقع عدد كبير، ويزاك الله خير أدرجت المعلومات والبيانات المطلوبه ...
ألحين بعد ما نزلت آخر دفعه هل تم التواصل مع غير المقبولين بإتصال أو غيره أم فقط إعلان ف الجرائد وسؤال آخر هل تم التواصل مع كتيبة الجيش ف البريمي (إذا عندهم فكره)؟؟!!





حاشاك أخوي محد قال تتبلا ولا حد إتهمك ،، نعرف إن من حقك تعرف ليش ما قبلوك ،، إن شاء الله بنبحث عن إجابه وفالك طيب!!!

اسف اذا عصبت عليك بس من القهر الي فيني

وصدقك تقريبا ماحد طلع اسمه من الي سجلوا تاريخ 18 / 4 / 2011 م

ابد ماتواصلوا معانا همزة الوصل بيننا وبينهم هي الجرائد غيرها ماشئ

والكتيبه الي في البريمي بصراحه مارحت عندهم

والحين خلاص المشرف : دبلماسي المحافظة .... جأب الكلام الي يبرد القلب

وان شاءالله يكون خيـــر

منتظرين الاسبوع القادم
 

السامــي

¬°•| عضو مبتدى |•°¬
إنضم
11 أبريل 2011
المشاركات
42
الإقامة
هنـــــاااا
هلا اخوووووووووووي
انا شفت صفحه من الاسامي
فيه اسمااء من البريمي


صح الكلام الاسامي الي طلعت سجلوا تاريخ : 23 / 3 / 2011 م هــــم الي طلعوا

ونحنـــا سجلنــا تاريــــخ : 18 / 4 / 2011 م

شكرا على المداخله
 

السامــي

¬°•| عضو مبتدى |•°¬
إنضم
11 أبريل 2011
المشاركات
42
الإقامة
هنـــــاااا
تأكد أخوي "السامي"بعدك من القائمه وإن شاء الله أسمك من بينهم!!
أخوي "Ąℓŋ3αỉмỉ" شكرا لك ع المساعده وإن شاء الله يتوفقوا شباب البريمي!!!

اقسم بالله 4 ساعات وانا جالس اقراء حتى عيوني صرن صغــار من كثر القراءه

اكثر من 4 مرات وانا اعيد قراءة الصفحه الواحــده

وللاسف لم احصل اسمي

اشكرك مره اخرى على التواجــد
 

السامــي

¬°•| عضو مبتدى |•°¬
إنضم
11 أبريل 2011
المشاركات
42
الإقامة
هنـــــاااا
اخي العزيز لك وعد مني ان اسبوع اليااي في اسامي شباب البريمي في الجريده الرسميه والخبر اليوم في الدوام قريته في رساله رسميه لمسوؤلنا بارك الله فيك

خلاص دام انت جبت الخبر قلبي تطمن

وان شاءالله نطلع كلنا شباب البريمي الاسبوع الياي

اشكرك جزيل الشكر على الخبــر الي يشرح القلب

كفيــت وفــيـــت اخــوي

الله يعطيك العاافيه
 
أعلى