حفلة جروح

بنت المقابيل

¬°•| مشرفة سابقة |•°¬
إنضم
27 أكتوبر 2009
المشاركات
2,575
الإعجابات
1
الإقامة
عن الثريا فوق متعلي
#1
حفلة جروح
على طاري حفل الجروح والقلب موجوع
بطاقات الدعوة توزع على كل الأبقاع
نتشرف بالحضور على غلافها مطبوع
وفي داخلها حضوركم يضفي الاستمتاع
وكل الجروح مدعوه والعذر ممنوع
وهل بقى عذر فيها من زحمة الأوجاع ؟؟
هلا بالجروح .. حياها في كل الفروع
مرحبا بوصولها ويا حي هالساع
كرسي القلب مجلسها والرأس مرفوع
وهاك فناجين الألم من قهوة الأضلاع
حزن وأسى حضر وخاطر/ن مفجوع
وذكريات ونفس ولهانه وقلب ملتاع
وحنين .. ونزف جرح .. وسيل دموع
في حفلة الجروح والجروح أوجاع
رقص وصخب فيها والصوت مسموع
وعتمة .. وعناد ليل /ن ما له شعاع
ديسكو ذهب .. حوله لؤلؤ مصنوع
وسقف أسود مغطيها .. تحسبه غابة أسباع
وورود ذابلة وهدايا ورزمة شموع
وجروح دفينة نازفة تشكو كأنها جياع
حاك الزمن ثوبها وطرزه جوع
وألبسها عتمته وبخورها ألم وحزن فواع
سهرة الجروح ... تعدت كل نوع
من تواصيف ودلال وحضور قمة الأبداع
تسولف هالجروح لبعضها دون روع
وكيف وهي ذاقت روع من كل الأنواع
ما كل من حضر الحفل كان موجوع
ولا كل من يبتسم ما يشكي أوجاع
بعض الجروح تستوي لنا بخضوع
وبعض الجروح ما لقينا لها أشباع



خـــــــــــــــــالص الود
بنت المقابيل
 

الجررريح

¬°•| عضو مميز جدا |•°¬
إنضم
17 مارس 2010
المشاركات
936
الإعجابات
0
الإقامة
فـي دار العــز شامخــا الـرأس
#3
صح لسانج بنت المقابيل...

ما عليج زود ما قصرتي

كلمات ولا اروع

دايم مبدعه...
 

بكيفي

¬°•| عضو مميز |•°¬
إنضم
24 يناير 2011
المشاركات
433
الإعجابات
0
#4
ولا كل من يبتسم ما يشكي أوجاع
بعض الجروح تستوي لنا بخضوع
وبعض الجروح ما لقينا لها أشباع

كلاااااااااام رااااااائع
راق لي...​
 

شاعر الخير

¬°•| عضــو شرف |•°¬
إنضم
4 نوفمبر 2010
المشاركات
273
الإعجابات
1
الإقامة
البريمي
#8
يا بنت المقابيل شعرك ف الهوى غنى
ولو كان الطير في السماء بسبتك انحنى

شعرك شعر وقد على وشعرى فنى
انا جديد ومالي حق بوصف الحنى

صح لسانك شاعرتنا

اخوكم شاعر الخير
 
أعلى