الظلم وعدم المساواه

Shmoo5y

¬°•| عضو مبتدى |•°¬
إنضم
18 أبريل 2011
المشاركات
21
السلام عليكم ورحمه الله وبركاته
انا عضو جديد وسجلت اليوم بس عشان هالموضوع ما ادري هل بينحذف ولا بتخلونه على حسب مصداقيه المنتدى
اليوم بدايه التسجيل في الجيش وطبعا انا واحد من الي راحوا يسجلون
طبعا وزعوا علينا ارقام والامور طيبه
بعدين خبرونا الشروط
العمر من 18 سنه-30 سنه
الشهادات من سادس ابتدائي فما فوق
من ابناء محافظه البريمي
وانا عمري 34 سنه
يعني مثلا اروح اموت خلاص؟
ليش باقي الولايات نفس نزوى مثلا سجلو الي فوق الثلاثين مدنين ونحن لا؟
انا بقولكم السبب
اول شي لأنه البريمي منسيه وما في حد يتكلم عنا مسؤل
يوم صار التسجيل اول مره وشالوا الي في صحار في باصات راحوا وياهم اعضاء مجلس الشورى عشان يتابعون الموضوع بنفسهم وكان بيصير نفس الي صار عندنا في البريمي بس احتجوا اعضاء مجلس الشورى واجروا اتصالاتهم وسجلوهم كلهم ولا شخص رجع فاضي الي عمره لين الثلاثين عسكري والي فوق سجلوهم مدنين ليش نحن ما في حد يتكلم عنا؟ شو فايده اعضاء مجلس الشورى الي في البريمي زينه؟
بس ياخذون معاش من الدوله عشان يقضون مصالحهم الشخصيه غير هالشي ما في
ما ادري شقول بعد بس من القهر دخلت وحطيت هالموضوع واعتقد في غيري كثير نفس مشكلتي
بيقولون روح سجل في الشركات؟
زين ما عندي شهاده اسجل عامل؟
شسوي براتب الشركه اتزوج منه ولا ابني بيت ولا شو بالضبط؟
ولا اصرف على نفسي وانسى اني اعيش حالي حال غيري اتزوج واسوي بيت؟
ما اقول الا حسبي الله ونعم الوكيل بس
وشكرا واتمنى انه الموضوع ما ينحذف
 

فتى الدار

¬°•| الشراع العقارية |•°¬
إنضم
7 مارس 2011
المشاركات
179
الإقامة
البريمي
ا
لله يكون بعونك اخوي انا ماريد اسجل فالجيش ماريد كان تبغي اعطيك من عمري وتروح تسجل وتعيش حياتك انا حاظر وماعندي مانع عمري 26سنه متكل ع الله فاموري الخاصه والحياة ماشيه والعمر يمضي والحمدالل​
ه
 

Shmoo5y

¬°•| عضو مبتدى |•°¬
إنضم
18 أبريل 2011
المشاركات
21
تسلم اخوي على مرورك وعلى مشاعرك الطيبه
وضكتني تعال خذ من عمري الله يحفظلك عمرك ويخليك لأهلك ان شاء الله وتعيش حياتك وانته مرتاح
 

محمد سالم

¬°•| عضو مبتدى |•°¬
إنضم
7 مارس 2011
المشاركات
38
الله يعينك اخوي
الحال من بعضه
 

طويل العمر

¬°•| عضو مميز |•°¬
إنضم
10 أكتوبر 2010
المشاركات
230
الإقامة
في قلب حبيبي
احس بالاسف لكن مو لك ياخوي لعمان الي شعبها منهان حسبي الله ونعم والوكيل شو بيخصرون لو حطوك مدني بس ابا اعرف ؟؟؟؟؟
 

سيدة أعمال

¬°•| عضو مميز جدا |•°¬
إنضم
28 يونيو 2010
المشاركات
778
الإقامة
البريمــــي
أنا نصيحتي الشخصية

وفـــد من كل شباب عمــــان إلى فرع حقوق اللإنسان للشرق الأوسط

كتبوا عريضة للأمور إللي صايرة معاكم والفرع في دبي مب بعيد

خلوا العالم يعرف إنه ما في تحسينات إلا بنسبة بسيطة

السلطان بروحه ما راح يقدر على مافيا الوزراء والفاسدين في الدولة

نحن الشباب إللي بنوقف وياه لتصحيح الوضع في البلد

ما شي غير منظمة حقوق الإنسان روووحوا والله معاكم

هذا حق مشروع لكل إنسان

طالبو بحقوقكم بالقانون المظاهرات ماراح تسوي أي شي

لأنه شكله ذيول الفساد بعدها موجوده في البلد

وعندك بعد The national هي جريدة تابعة لحقوق الإنسان في الشرق الأوسط

موجودة في مدينة الإعلام في دبي
 

DarkFireSlash

¬°•|مٌفكِر وُمبِدع تطوِري |•°¬
إنضم
25 أغسطس 2008
المشاركات
4,467
الإقامة
البريمي وين بعد
تقريبا كم راتب الجيش؟

فيه ظلم في وايد شياء اخوي ومحد تكلم لها وفيه ناس ماتت وتشردت بسبب هالظلم وهجت لبلاد ثانية

والله شو اقولك الحين صعب تستنى حد يرد لك اعتبارك لازم تسوي هالشي بنفسك ولما تسويه بنفسك يقمعوك او يكون الكل ضدك او يقولون عنك مجنون
 

دبلوماسي المحافظه

¬°•| فخر المنتدى |•°¬
إنضم
11 ديسمبر 2010
المشاركات
6,988
الإقامة
جنة عمان (البريمي)
خلونا واقعين
رواتب الجيش بعد التحسين الاخير اقل راتب 429 ريال
الشبااب هم الي اعمارهم من 25 الي 35 يكون في كل صحته ليش ما ياخذونهم ( لا تعليق)
والله يا اخوان الحكومه تبذل مجهود كبير في تحسين المعيشه
وليش نتطلع فضايحنا برع هل في حد يقدر يقول عن امور بيته لجيرانه مستحيل والحمد لله بعد التعديل الاخير في مجلس الوزراء ( الوزراء يحاولون اقصى جهودهم في تحسين وضع المواطن من كل النواحي )
اما بخصووص اعضاء مجلس الشورى فاقولكم ( لا تعليق ) كل واحد وراء مصالحه الشخصيه فقط وخايف ان ما يترشح
وان شاء الله في الاسابيع القادمه بيكون في تسجيل في الشرطه هني في المحافظه بس اتاكد من الخبر وراح انزله في الايام اليايه باذن الله وبخصوصك اخي الكريم روح مكتب المحافظ وان شاء الله ما راح يقصرون معاك حاول تدخل عند المحافظ او مدير مكتبه وحاول انهم يعطوك رساله لجه الي تطلبه انت
والله ينصر كل عماني مظلوووم
( هذا وجهة نظري فقط ) وانا قلبا وقالبا معاكم والله يوفقنا في الخير
 

نواف العبدلي

¬°•| عضو مميز جدا |•°¬
إنضم
22 أكتوبر 2010
المشاركات
585
الإقامة
البريمي
الله يعينك اخوي Shmoo5y

34 سنه في عز شبابك وقادر تخدم فالجيش اكثر من 25 سنه ما اعرف ليش يرفضوكم

بس لا تيأس قدم في وظايف ثانيه وراجع القوى العامله بأستمرار

الله يسهل عليك ويوفقك في وظيفه افضل
 

▒الســامــے▒™

¬°•| عضو مميز جدا |•°¬
إنضم
16 فبراير 2009
المشاركات
959
الإقامة
البريمي
أنا نصيحتي الشخصية

وفـــد من كل شباب عمــــان إلى فرع حقوق اللإنسان للشرق الأوسط

كتبوا عريضة للأمور إللي صايرة معاكم والفرع في دبي مب بعيد

خلوا العالم يعرف إنه ما في تحسينات إلا بنسبة بسيطة

السلطان بروحه ما راح يقدر على مافيا الوزراء والفاسدين في الدولة

نحن الشباب إللي بنوقف وياه لتصحيح الوضع في البلد

ما شي غير منظمة حقوق الإنسان روووحوا والله معاكم

هذا حق مشروع لكل إنسان

طالبو بحقوقكم بالقانون المظاهرات ماراح تسوي أي شي

لأنه شكله ذيول الفساد بعدها موجوده في البلد

وعندك بعد The national هي جريدة تابعة لحقوق الإنسان في الشرق الأوسط

موجودة في مدينة الإعلام في دبي

وليش نفضح عمارنا جدام العالم ونشتكي ع الحكومة
\

هالمنظمة اللي تتكلمي عنها لو كان فيها خير كانت بتساعد الفلسطينيين اللي تنتهك حقوقهم كل يوم


ما أقول غير الله يعينك ياصاحبي
 

شموخ بريماويه

¬°•| عضو مميز |•°¬
إنضم
29 أكتوبر 2010
المشاركات
220
انا معاك ياخوي لو فيي هالمنظمه خير جان ساعدت غيرنا ونحن الحمدلله بامن وامان ليش ندخل الغرب فامورنا
وبصراحه ياخوي ماكنت اتوقع انه ي انسان وصل لل34 وهو بعده مب مكون اسر ه ولا مشتغل صدق الحال ما يسر بس توكل ع ربك ياخوي الجيش مب نهاية العالم اذكر ربك واستغفر واطلب منه وكل امورك بتيسر بأذن الله ولا تخلي شي يوقف فطريجك وبالتوفيق
 

Shmoo5y

¬°•| عضو مبتدى |•°¬
إنضم
18 أبريل 2011
المشاركات
21
مشكورين كل الي مروا على الموضوع
ما اقول الا حسبي الله ونعم الوكيل
 

إنسآنـﮧ

¬°•| فخر المنتدى |•°¬
إنضم
20 مارس 2009
المشاركات
7,708
الإقامة
البربمــــي’داري

اللي عرفته أنهم يآخذون أوراق اللي اعمارهم

فوق الثلاثين..مدني

لآنه الجنة القرار اللي عندهم يآخذون اللي تحت الثلاثين عسكري

والله أعلم
 

oetc65

¬°•| عضو فعّال |•°¬
إنضم
16 نوفمبر 2009
المشاركات
165
العمر
38
الإقامة
البريمي
الله يكون في عونك يا الحبيب
معقولة عمرك 34 سنة ما عندك وظيفة او تفضل تشتغل في الجيش ؟
يا الحبيب كل شي له ضوابط و شروط
 

Shmoo5y

¬°•| عضو مبتدى |•°¬
إنضم
18 أبريل 2011
المشاركات
21
نعم اخواني الظاهر الناس احتجت بعد ما قالوا انه ما في تسجيل مدنين وبعدين غيروا وقالوا يسجلون وانا ما عرفت الا اليوم الصبح وفعلا رحت وسجلت
لكن شو اقولكم التسجيل شي يضحك يعني نظام تطفيش
دخلنا وما طولنا لأنه اصلا ما في زحمه قالوا الي بيسجل مدني يصف طابور وقف عندنا ضابط وسالناه شو الوظايف والتعين وين بيكون
رد علينا لا تفكرون انه سجلتوا في البريمي بيحطوكم في البريمي هذا على حسب توزيع القياده وين يحطوك حتى لو صلاله
سالنا زين شو الوظايف
قال احتمال دوبي يعني عامل كوي ملابس لول او عامل نظافه ب او أ
وشو الفرق ب يعني تنظف دورات مياه لول
أ تجمع الزباله عزكم الله انا عماني يشغلوني زبال وانتوا بكرامه وين في مصخره اكثر من هالشي وفي كلام حد يقول مراسل وحد يقول زراع والله اعلم
وكيف عاد التسجيل ياخذون الاوراق ويسجلون عليها رقم التلفون وتوكل عاد الله اعلم بتوصل الاوراق ولا في الزباله لول
بس ما اقول غير حسبي الله ونعم الوكيل
واخوي oetc65 نعم ما عندي وظيفه للاسف توظفت سنه 99 في الامارات وفي شركه بس بعد تفنيش تعسفي سنه 2001 ومنها ما اشتغلت ولا حصلت شغل رغم اني يوم اسمع تسجيل في مكان اسجل بس ما في نصيب او بالاحرى التوظيف يكون خالص من قبل والاعلان والتسجيل مجرد شكليات قدام الناس عشان لا حد يتكلم ويقول ما في تسجيل لول
الله كريم
وشكرا لكل الي مروا على الموضوع كان برد او قرائه
 

سوسو العبيدانى

¬°•| مشرفة سابقة |•°¬
إنضم
19 مارس 2011
المشاركات
3,890
الإقامة
السنينه
بولايه نزوى حتى المتقاعدين من الجيش خذوهم...ماابي اقهرك
بس بعض الشباب اطلعوا لانه التدريب صعب..يا حليلهم:laugh:
ولكن من حقك الاعتراض
وان شاء الله يكون الامر فيه خيره لك
رزقك ع الله ومحد بياخذه
نمله بين صخرتين الله ما بينساها
 

المؤمنه_بالله

¬°•| عضو فعّال |•°¬
إنضم
16 يناير 2011
المشاركات
113
الإقامة
العين
الله يساعدك اخي .
اتمنى ينظر في الموضوع بجدية من قبل اصحاب الاختصاص .
لان فعلا طفح الكيل
 
أعلى