تقــــــــــــــــــــــليد

ولد البلوش

¬°•| عضو فعّال |•°¬
إنضم
2 مارس 2011
المشاركات
107
الإقامة
البريمي
بسم الله الرحمن الرحيم

مرحــــــــــــــــبـــــــــــا الســـــــــــــــاع ،،
بالجـــــــــــــماعة ،،،،،،،
هــــــــــلا شـحــــــــــــــــــالــــــكم ؟؟؟

حبيت أناقش موضوع المظاهرات اللي صايره وعن الاضرابات بعد،،،،،،،
هو موضوع جديم شوي بس شو أسوي .. كنت مشغول وما دشيت النت من زمان ....
ما أدري شو سالفت هاي المظاهرات إلى كل مره تزيد،،،،،،،،،،،
أتمنى الكل توصله هالرسالة ....
أولا: هاذي المظاهرات ترى كلها فتن وفساد
تخريب وتدمير الوطن ... في الوجت نفسه يدمر صاحب المظاهرة
شو المستفاد من هاذي المظاهرة ،،،،،
ماتو ناس بسبتها ..
ثانيا :الناس يسون مظاهرات بس بدون أي تفكير سمعو هاذيج الدوله عندها مظاهرات جالو ليش نحن ما نسوي ؟؟
يعني شو يسمون هاذا ؟؟؟؟
تقــــــــــــــــــــلـــــــــيد
فالشي الزين ... طــــبعـــــــا []لا لا لا لا
فالتدمير والتخريب ،، هيه
هاذا اللي جاعدين يسونه الحين
هاذا اللي جاعدين نحن نشوفه ،،
الأمة الإسلامية ............. للإسف تدمر بسبب هاذي المظاهرات
بسبب هاذي المفاوضات اللي ما يلها معنا في بعض الدول مش الكل طبعا ،،
لكن تعرفون هاذ المظاهرات اللي جاعده تصير هاذي شو..
من عــــــــــــلامات الساعة الكبرى
هاذا شو يعني ؟؟
أنه يوم القيامة يجترب شوي شوي
بس الناس ما حاسه فيه ،،،،،،،
وين الدين ،، والإيمان ،، والدعاء ،، والإستغفار
للإسف يتلاشى ،،،،،،
المسايد ما شاالله واااااايد ما ينعدون بس اللي يصلون شويه
بس حج المظاهرات ،، ماشالله عليهم ،، أمة محمد تجتمع
الحين النصيحة راحت ،،،
الضياع والفساد يزيد أكثر من زيادة ،،،،
المظاهرات تسبب الحرب تسبب الموت ،،،،
أنا طبعا ضد هاي المظاهرات ،،،،،،،،،،،،،،
ناس جامو يعيشون ف رعب والسبه المظاهرات
ناس خايفه ما يدرون شوبيصير بعد والسبه المظاهرات
إذا الناس مظلومه ...... الله ما ينساهم
إذا مهموهه ،، بيفرج عنهم
الحياة مب بيزات وفلوس الحياة طاعة وعبادة ،،
نضرب أمثال من الواقع :
يجول واحد أنا والله معاشي ما يكفي عندي يهال ومصاريف ثانيه
الناس تشتكي أكثر شي من شو ؟؟
الرواتب ،، الكل .لا طبعا البعض
لـــــــــــيش ؟
المتعلم غير عن الجاهل
هذاك صار مدير ، مهندس ، دكتور ...ألخ
بعلمه بجهده ويحصل راتب فوج 600 ريال
يعني اللي أبيكم تفهمونه ،،
اذا كنت أنت عندك وظيفة من هاي الوظائف بتسوي مظاهرات شراتهم
ما أعتقد ،،،
لازم يكون هناك فقير وهناك غني
لازم يكون هناك عقل نفكر فيه جبل ما نجولها على لسانا
لازم نحترم قوانين الدولة ونطبقها
في أسباب ثانية وايد وايد بعد
ما نقلد الدول ،،
ما نقلد
ما نقلد
بس شي مهم نسيت أخبركم أياه
هاذا أهم شي ،،
الـــــــــــــــــــصبر
والله أنه الرزج بينزل عليك بدون ماتحس
بس الله يبى يختبرك ويشوف المدة اللي تجدر تتحملها

الأنــــــــبــياء متحملين ،، العنبوه ،، أنتوأي شي يصير ،، سرتو وسويتو مظاهرات
وإضرابات ،، والله ترى مب حلوة ،،
والله ما ينسى حد اذا لكم حج يتاخذوه أن شالله
هاذي أمريكا جاصه على العرب
عشان يتجاتلون وهم مستانسين يضحكون
وتستانس أكثر يوم تشوف المظاهرات تزيد وتتزايد

هاي أدعية تيب الرزج :-
( لا إله إلا الله الحليم الكريم لا إله إلا الله العلي العظيم ، سبحان الله ر السموات السبع ورب العرش العظيم ، الحمد لله رب العالمين )
مره واحده في اليوم -----< مغفرة الذنوب وتفريج الكروب
(الله ، الله ربي لا أشرك به شيئا )
مره واحدة في اليوم ----< تفريج الكروب

عاد هاذا الدعاء وايــــــــــــــــــــــد زين لا تعايزون ترى ما ياخذ من وجتكم شي
" لا إله إلا أنت سبحانك إني كنت من الظالمين ""
بس ،،
في اليوم بس مره وحده واذا واحد ميهود (مريض) يجولها أربعين مره
تعرفون شو فايدته هاذا
أي مسلم يدعي هاذا الدعاء الله يستجيب لدعوته
تفريج الكروب
جولو ( أستغفر الله وأتوب إليه )
كل يوم ف اليوم 100 مره
الله بيغفر لك كل ذنوبك
وبيوسع لك ف الرزج كان فلوس ولاعيال ولا غيره
*
*
لسانكم بيتعود فديتكم على هاذا فيه ذكر الله يعني أكيد يتحصلون أجر
اللسان مب حج فلان جال وفلان جال
وحج الجذب والألفاظ البايخة
خلو لسانكم طاهر شوي بسكم والله
اللسان بيشتكي من الهذر والكلام الفاضي
عاد بتخبركم عن سالفة صارتلي
*هاي قصتي جبل عن أشتغل ،،،،،،،،،،،
أنا كنت ما أشتغل
خلصت المدرسه ،، وجعت ف البيت
ما لجيت شغل ،،،
وطبعا كل يوم اسير أدور
ما خليت مكان ،، أبي أدش جامعة خاصة
تنحست ،، صارت عندي ظروف
رديت أدور شغل ،،، كل يوم ف القوى العاملة
تعبت ،،، شو اسوي ،، بعدين جلت لا أضيع وجت بتعلم سواجه
تعلمت وخلصت ،، وبعدني ما لجيت شغل
تصدجون كنت وايد أفكر،،،
تعبت خلاص جلت خلاص شكلي ما بشتغل
أجعد بروحي ،،، والشيطان يجص علي بالكلام
أجول ليش الناس دشو جامعات وأنا لا
ليش الناس تحصل شغل وأنا لا
أمكن الله غاضب علي ،،
ولاالله مايحبني ،، صرت افكر وافكر كل يوم صار ما يلي نفس على أي شي
خسرت 6 كيلو من وزني تعبت وايد ومرضت ،،
اتصلو فيني القوى العامله سرت وأنا كاشخ سويت مقابلة بس ما وافقو علي
أكثر عن 10 وظائف قدمت بس ما قبلوني حتى ف العين قدمت بس ما شي فايدة الرزج وين مكتوب بيطلع جعدت أجول أنا منحوس هاي الكلمة وايد تتكرر ف بالي على فكرة هاي الكلمة مب زينه ،،،
بس الأهل ما يجصرون هم واجفين ويايه ، ينسوني همومي ، وبعد فترة سرت القوى العاملة مرة ثانية عشان المقابلة سرت وأنا معصب حلفت جلت والله هاي أخر مره اسوي مقابلة
الحمدلله قبلوني بعد ما صبرت سنتين في البيت
والحمدلله هاي الشركة زينة وراتبهم زين واحين زادوني والحمدلله على كل حال
الوالد ما يجصر الله يخليه والوالدة بعد وجفت ويايه ...
حصلت وظيفة وشرولي سيارة كشخة الله يخليلي أهلي وخواتي وخواني والحمدلله على النعمة
ما أجــــــــــــــــــــــــــول غير ............
خلك قنوع تعيش مرتاح
أهم شي النية الصافية والإيمان
أتمنى الكل اقتنع بكلامي
وأعذروني إذا غلط بكلمة ولا شي
وإن كنت مقصر لا تعاتبوني بس حبيت أوصل هاي المعلومه
إن المظاهرات تدمر الشعب والوطن
*
*
*
تدمير الروح البشرية
لا للمظاهرات السلبية
تعيش الأمة العربية
لتنعم بالإمن والحرية

*
*
الله يحفظنا من كل شر إن شالله ويحفظ بلادنا عُمان والسلطان قابوس الله يخليه حجنا يارب
أتمنى الناس تهتدى ،، وتوسع من ثقافتها الدينية ،، قبل الدنيوية ،،
ويبعد عنا الأعداء يا رب ، وتنصر الأمة الأسلامية ، وتجعلها على صراط مستقيم
الله يكون في عون المسلمين ...


قام بكتابة الموضوع/ الــــــبــــــ(ولــد)ـــــــــــــــلـــــوش
بــــــــــــتــــــــاريخ : 20/02/2011م
ســـــــــــلطــــنة عُـــــــــــــــمان (محـافظة الـــــــبريـمي)
 

المرفقات

  • منصور البطل.jpg
    منصور البطل.jpg
    44.4 KB · المشاهدات: 6
التعديل الأخير:

في الصميم

¬°•| خارج الخط |•°¬
إنضم
16 أكتوبر 2007
المشاركات
5,788
الإقامة
Al-Buraimi
بصراحة كلامك أحسه نابع من نفسك بعد ما شفت وتحسرت على الحال إللي فيه العرب ألحين
وقصتك لازم تكون درس لك ولللي ما حصلوا وظايف

كلامك أحترمه جدا

دمت في طاعة


في الصميم

ملاحظة:الأعضاء الكرام"الرجاء إللي عنده ملاحظات على أي عضو سواء في وجهة نظر ولا طريقة كتابته ولا أي ملاحظة أخرى مراسلته على الخاص أو سجل الزوار عشان ما يكون فيه أي إحراج أو نخرج من الموضوع وبالتالي نوصل للهدف المطلوب"
 

اميرة بوحدتي

¬°•| عضو مبتدى |•°¬
إنضم
6 ديسمبر 2010
المشاركات
65
الإقامة
لندن_مانشستر
الموضوع حلوو

((وأنا مع المظاهراات السلميه))<<أدرري قووويه شووي

بصررراحه العطاله كثرروا
والاجانب ماااليين البلد وبأحسسن الوظايف
وشبااابنا عاطليين


بس الواحد يحمد الله على الامان الي احنا فيه والي اغلب الدول حاسدينا عليه

الله يديم عز عمان
 

^ سحآبة صيف ^

¬°•| عضو مميز |•°¬
إنضم
13 يناير 2011
المشاركات
472
الإقامة
في بيتنآآ
يصصصصصصصصصصصصصصلموو ع هيك موضووع
تقبلوا مرووري
 

حشيمة القلب

<font color="#DA0202"><b> ¬°•| إدارية سابقة |•°¬<
إنضم
29 يوليو 2008
المشاركات
24,489
العمر
37
الإقامة
°• مِنْ رَحِمْ الحُزنْ أتيتْ .. وسأبقىْ ..! °•
تم حذف الردود الجارحه والمحرجه


اتمنى اي تعليق جارح ماينكتب فالموضوع

للملاحظات حول صاحب الموضوع ارسال رسالة له او عبر الملف الشخصي ولكن يكون باسلوب راقي

اي رد خارج نطاق الموضوع يحذف بدون نقاش + تنبيه العضو



الادارة



متابعة
 

غصون البريمي

¬°•| عضو مميز |•°¬
إنضم
20 مايو 2008
المشاركات
482
الإقامة
البريمي
أأأأأأأأأأنا أوافقك الرأي ياولد البلوش
0( لما التفكير والله ولي التدبير )
( أصبروا فأن الله مع الصابرين)
ياناس وكلوا أمركم على الله ،فمن توكل على الله ماخاب ، لأن الله ماينسى عباده
 

صقر آلبريمي

¬°•|مـכـتـآر [آכـبـﮗ]ولآ [آטּـسآﮚ]ـ |•°¬
إنضم
20 سبتمبر 2010
المشاركات
5,025
الإقامة
البريمي وضواحيها
معـآ‘ك فـكل كــلمة ..


يج ـولون ويجولون الوجت بيعرف كل شي < عيبتي هالرمسة هههههههه هع .. ^^
 
أعلى