بخصوص دخول البريمي

[Dana_QTR]

مساء الخير

اخواتي/خواتي اعضاء المنتدى:a7m:


شخباركم ان شاء الله كلشي تمام:gd:

بغييت استفسر عن شي وماعرفت وين احط الموضوع

فشفت ان هالقسم انسب مكان


انا اتمنى اروح عمان وبالذات البريمي ((لي صديقة في البريمي وحابة اسويلها مفاجأة وازورها لأول مرة بحياتي)):imuae89:


فمـا أعرف كيف ممكن ادخل البريمي من العين؟؟


يعني لوكنت حاجزة فندق فالعين ممكن ادخل البريمي بالبطاقة الهوية أو لازم يكون عندي جواز السفر؟؟

وهل عادي اكون انا مأجرة سيارة من الامارات وادخل فيها البريمي؟؟ ولا لازم معاي اثباتات وحالة ؟؟


ياريت تفيدوني لأني بروح برووحي فماأريد اتعطل بشي وانا وحيده عالحدود كسرت خاطر روحي ههه


لأن بإذن الله اهلي ناويين يروحون الامارات وراح يحجزون السكن فالعين وانا قلت بزور صديقتي بما انها قرييبه:a7m:


فياريت تفيدوني بهالموضووع

وتسلمووون ياأحلى اعضاء واسمحوولي عالإطالة:6:

 

[ناصر الخميساني]

انتي قطرية (خليجية)؟

أذا ايه أتوقع عادي تدشين بالهوية

أما غير دول الخليج

لازم أيوون من المركز الثاني

ولازم يكون عندهم تأشيرة


ما أعرف يمكن جذيه​

 

[حميد راشد]

اختي اذا كنتي من رعايا دول الخليج فعادي تدخلين من الحدود بالبطاقه مال الهويه ..

اما اذا كنتي من دول اخرى فلازم ادخلين بلجواز وبعد لازم ادخلين من منفذ الهيلي ..

اما بخصوص السياره فعادي ادخلين بسيارتج الخاصه وانشالله ما بيصير الا كل خير ..

بس هاه تراه اوقات الاجازه يكون الحدود زحمه ..

هذا وانشالله اتزورين صديقتج وتقولي لها انه اعضاء منتدى لبريمي يسلمو عليها كلهم ..

 

[الشامسي]

اذا انتي مواطنه خليجيه.. فتستطيعين المرور بالهويه عبر منفذ المضيف او هيلي .. واما بالنسبه للسياره فهم ما يسئلون عنها سواء كانت ايجار او مملوكه ..

 

[Dana_QTR]

انا قطرية خليجية حتى النخاع:eh_s(6):

تسلمووون اكيد طبعا يوم اوصل البريمي بالسلامة بحط عالسيارة ستكر كبيييير شكراً اعضاء منتدى محافظة البريمي:basketball:


بس كيييف يعني الحدود شي مركزييين؟؟؟؟؟؟ انا كنت احسب وااحد بس:azz:

وكيف اعرف ان هذا هو المركز الصح اللي لدول الخليج:17:


ااااااااسفه ازعجتكم... بس يقووولوو الصدييق وقت الضيق:blush2:

 

[ناصر الخميساني]

شكراً لج من طيبج

ياليت مركزين بس
:007:​

سألي عن منفذ المضيف أو عود التوبة​

ودشي منه ​

 

[▒الســامــے▒™]

شكراً لج من طيبج

ياليت مركزين بس



سألي عن منفذ المضيف أو عود التوبة


ودشي منه

بس:mh0226: تقدرين تدشين من أي مركز

 

[بن يعقوب]

دام انج خليجيه من اي مكان تدخلين


والبريمي وهلها تهلي بج

 

[طواش]

ياريت توافينا بموعد الزيارة عشان سويلج مفأجاه :ijhu:

 

[Dana_QTR]

شكرا شكرا اعزائي اخواني اعضاء المنتدى اخجلتووني:a7m:

 

[إنسآنـﮧ]

بتنور البريمي بـ هل قطر

:balloon:

موفقه أختي

الأعضاء كفوا ووفوا ما شاء الله عليهم

:imuae89:

 

[أإأإألعنجهيـــه]

دانـــــــــــة قطرنــــــأإأ

عاإدي فديتج الأمؤور طيبه وبتنوّر البريمي بأهل قطررر ^_*

في منفذين .. واحد إأسمه منفذ عود التؤوبه ( المضيف ) والثأإني منفذ هيلي

والدخؤول يكؤون بالبطاإقه الشخصيه إأو الهويه إأو الجواز إأو إأي إأثبات عاإدي يالغلاإأ

وبالنسبه للسياره عاإدي غناإتي دخلي بأي وقت وهي بعد تقدر تييج لحد عندج وتاإخذج

للبريمي وتمشيج وتشوؤفين آلبريمي عن قرب ^^ وعقباإأل ما نروح قطرر ونخليج تدليناإ :==:

تحيـــــــــأإتي لــج حبــؤوؤبه

 

[شرطي مرور]

العنجهية ما قصرتي بالوصف


كفيتي وووفيت

بس لا توهقي البنت


تراها ما تقدر تدخل بأي إثبات غير


بطاقة الهوية


أو



الجوووووواز


ربي يوفقج بنت قطر وتوصلي بالسلامة

سيارة التأجير عادي تقدري ادخلي فيها البريمي ما في أي أشكال

وبتنور البريمي بزيارتج لها


واعتبري نفس بين أهلج

وبالنسبة عن مكان الحددود سألي أي تكسي فالعين


او دورية شرطة وما بيقصروا بيوصلوج للمركز ​

 

[Dana_QTR]

تسلمووووووووووون:6:



الحمدلله الجمعة كنت فالبريمي وماشاء الله حلووة بجمال اهلها وطيبة قلووبهم:icon_smile_hearteye

والاخوان فالحدود ماقصرو وكل شي كان بسييط وحلوو يعطيهم العافية:0962b59e9642d670ff5

 

[شرطي مرور]

ما شا الله عليج

ونحن شا بينه حرب وكل واحد

يعطي وصف


والطيبة يات وراحت ومحد عنده خبر بالدنيا


ربي يحفظج

 

[الفلق]

تستاهلوا أكثر

خليجنا واحد

والله يرحم الشيخ زايد

 

[الشاعر المحتد]

اختي العزيزة دخول البريمي سهل بس تحملي زحمة السيارات
اولا اذا كتي من رعايا دول مجلس الخليج ف بامكانج الدخول من اي منفذ عن طريق الهوية او جواز السفر السفر
اما اذا كتي من رعايا الدول العربية والدول الاجنبية ف اجباري تدخلين وتخرجين من منفذ هيلي عن طرق جواز سفر
وشكرا لج اختي والسموحة

 

[احساس طفله]

الحمدالله ع سلامتج خيتووو

ان شاء الله استانستي فالروووحه

:00100:^^

 

[Dana_QTR]

ما شا الله عليج

ونحن شا بينه حرب وكل واحد

يعطي وصف


والطيبة يات وراحت ومحد عنده خبر بالدنيا


ربي يحفظج

لزوم الشهره,,,لازم اجي واروح بدون محد يدري :batman: ههههه

تستاهلوا أكثر

خليجنا واحد

والله يرحم الشيخ زايد

آميين يارب ,,, تسلم خيوو:Afkr:

اختي العزيزة دخول البريمي سهل بس تحملي زحمة السيارات
اولا اذا كتي من رعايا دول مجلس الخليج ف بامكانج الدخول من اي منفذ عن طريق الهوية او جواز السفر السفر
اما اذا كتي من رعايا الدول العربية والدول الاجنبية ف اجباري تدخلين وتخرجين من منفذ هيلي عن طرق جواز سفر
وشكرا لج اختي والسموحة

تسلم اخوي,,, لاهنت

الحمدالله ع سلامتج خيتووو

ان شاء الله استانستي فالروووحه

:00100:^^

الله يسلمج حبيبتي... الحمدلله استانست طبعاً بشوفة الناس الطيبين:Afkr:

 

[عيناوي شخصيه]

تصدقون عاد انا امس وانا داش البريمي سالني وقالي انته فلان ؟ قبل لا اعطيه الهويه !!
والله استغربت هههههه
شكلهم مسوين سيستم خاااص لكشف البيانات من خلال لوحة السياره !!