الكفن ثوب الزفاف

غرور الجامعه

¬°•| عضو مثالي |•°¬
إنضم
6 ديسمبر 2010
المشاركات
1,015
الإقامة
في خلية العسل
وانا اتحوط فعالم الشبكه العنكبوتيه استوقفتني قصيده لبركات الشمري ,, حلوه كثير القصيده يمكن الكل بيقرأها وبيقول عاطفيه ولكن القصيده تحكي عن واقع مجتمعنا واللي هو فرض الاباء على بناتهن الزواج بدون اخذ رأيهن والاسلام اعطى المراه حق اختيار زوجها ,. المهم اخليكم مع القصيده اللي راقت لي كثير:


زينوها . . ودفنوها . . والكفن
[ ثوب الزفاف ]
غصب عنها زوجوها . .
وسلموها للقريب !!
مجبوره ماشاوروها . .
قصدهم شرع العفاف . . !!
مادروا ان البنيه . .
مغرمه ولها حبيب . .
جهزوها وهي تبكي . .وترتشف الدمع ارتشاف . .
وخبروها . . ان موعد الفرح منها قريب . .
مالقت احد فهمها . . وهمها ناظر وشاف . .
ان حكت باللي سكنها . .مالقت لها مجيب . .
وكانها هي وافقتهم . .
[ جرعوها الزعاف ]
حالها من فعل اهلها . .صار محزن ومريب . . !!
والحفل قرب وقامت ترتجف خوف ارتجاف . .
كل يوم تقول باكر الفرح باذن الرقيب . .
باكر يفهمون قصتي باخر مطاف . .
جا باكر ثم عدا وجا بعد باكر عطيب . .
ايقنت ان الجرح جرحها مالها طبيب . .
وانها لازم تطيع امرهم وترضى الجفاف . .
جوا لها والدمع يغرق جفنها الحلو الرطيب . .
قالوا يلاا ابسي . . ثوبك اللي للزفاف . .
كفنوها وفي نظرهم . . زوجوها للأديب !!
فرشوها الهم دايم . . والاسى لها لحاف . .
ياحسافه دخلوها . . والحشى يغلي لهيب . .
واحكموا قيد البنيه . . واسجنوها بالتفاف . .
وادعتهم وهي تقوول : حسبي الله الحسيب . .
رحلتي ماهيب طوويله . . ورجعتي بعد القطاف . .
سافرت عن دار اهلها . . وقلبها خطر وصويب . .
سافرت مع منهو خطفها من امانيها الضعاف . .
خايفه . . مستووحشه . . والعرق منها صبيب . .
وقلبها ينبض بذكرى ماضيه فيها اختلاف . .
حاولت ترضى بقدرها . . وللحدث هي تستجيب . .
بس عيت تقتنع وعشقها ذاك الضفاف . .
هو سالها جاوبيني / . . ليه دمعاتك سريب ؟
ليه لي ماتنظرين وانا زوجك شخص واف . . ؟
قالت بنبره خجووله . . انا في وضع رهيب . . !!
غصب عني زوجوني . . واطعنوني بالرهاف . .
هو سكت لحظه تامل . .وش اسوي يامجيب . . ؟
عقله وقلبه نطقها . . [ صاحب النخوه يعاف ]
قال منهو غير حبي يسكن بقلبك نجيب . . ؟
من تولى عرش قلبك اهتني به . .
وباكر الرجعه تراها . . وامسحي الدمع العجيب . .
خايف اني امسكك واقترف ذنب اقتراف . .
اضحكت ضحكه وقالت : مابعد هالطيب طيب . .
الله يجازيك عني بالاجر ويسر الطواف . .
ارجعت وقالت رجعت . . يا اهل الشرع الغريب . .!!
بنتكم جتكم ولكن . . .
بعد ذل وحسااايف
 

رحآيل

¬°•| مُشْرِفة سابقة |•°¬
إنضم
29 أكتوبر 2009
المشاركات
4,647
العمر
30
الإقامة
حيث عآش آلبشر ، وسيظلون حتى ينتهي آلقدر ~ْ
قصيدة حلوة وجميلة ..
تشبيه ثوب الزفاف بالكفن أحلى ما فيها ..
تسلمين أختي الأموورة عالطرح الحلوووو ..
 

غرور الجامعه

¬°•| عضو مثالي |•°¬
إنضم
6 ديسمبر 2010
المشاركات
1,015
الإقامة
في خلية العسل
تشكري اختي ع المرور العطر ..........

تحياتي لكي ........
 

غرور الجامعه

¬°•| عضو مثالي |•°¬
إنضم
6 ديسمبر 2010
المشاركات
1,015
الإقامة
في خلية العسل
تشكري اختي ع المرور الجميل

تحياتي لك .........
 
أعلى