مبنى الحب (القلب)

alshamsi109

¬°•| عضو مميز جدا |•°¬
إنضم
20 مايو 2008
المشاركات
546
الإقامة
al burimi
ما سمعتي بمبنى فخم..
مبنى شامخ..مبنى ضخم..
اسمه <مبنى العاشقين>
ناس ذوووق
من بعضهم واثقين
تقضين فيه احلى وقتك
ادفى همسك.
واغلى صمتك.
مبنى كامل للحبايب.
لا حسود ولا عذول ولانشايب
*في غرفة (انتظار)خاليه من كل شي
الا ساعه عالجدار. دندنتها عاليه
دايم في صراع هي وقلب المنتظر
غرفه مافيها ـ اريكه ـ للجلوس مثل
قارب بلا شراع
شئ بيديهي ليه قد سمعت بمنتظر
يعرف طعم الجلوس؟
*وفيه غرفه (للصراحه)تجلس فيها
بكل راحه =ويطلق لسانك سراحه=
ويشكي قلبك كل جراحه=ماتحس
باي خوف
بالوسط فيه سلم تطلعه
حبه
حبه
مبني بإخلاص ومحبه
*تلقى أول غرفه فوق
غرفه اتكيت وذوق
غرفه مختصه (بالشوق)للحبايب
يسهرون
*وفيه غرفه عاليمين لا آهات ولا أنين
كلها شوق وحنين
حب=وإحساس=وشجون
*جنبها غرفه كبيره غرفه جذابه
ومثيره ما تلقى لغير الحب سيره هذي
غرفة (الجلوس)
*وللهروب من متاهات الحياه=
والرجوع لماضي فات=
لأحلى واروع ذكريات
مالك الا(الاستراحه) اخر غرفه عاليسار0
*وفيه غرفه (للعتاب)للقاء بعد الغياب
=للراحه بعد العذاب
=كلها شوق واعتذار
آه ياهو مبنى كامل00
آه ياهو مبنى شامل00
آه ياهو مبنى حامل
<<كل لحن الأمسيات>>
انت وحدك00ولا انت وحدك00
انت عندك خادمين
=إلكلامك سامعين
=لأوامر طايعين
=لا تخاف اهما شريان ووريد
لك وحدك
مبنى دافي 00مبنى راقي00
كله احساس وشجون
مبنى صاحبه شخص وافي
مخلص وطبعه حنون
له بوابه كبيره00عندهاحارس امين
فوقها لوحه مثيره00كلها حب وحنين
مبنى لا يعرف خصام لا ولا يعرف كذب
كله حب واحترام..
مبنى اغلى من الذهب
هذا المبنى لا يتأجر ولا يشرى بس
يهدى
يهدى لشخص واحد مافي ثاني
لا تقول اناني..هذي قمه التفاني
00وهذي هي الأصول00
قال: بعض الناس تعبنا00
كلنا عند هالمبنى ولسكانه اهدينا حبنا
00بس مع الأيام تبنا ولمفاتـيحه سحـبنا
00وصار هذا البيت خالي00
قلت: انا عندي نصيحه
لازم تحسن الاختيار00
وتتانى فأخذ القرار00
ترى النار اولها شرار00
وللمحبه طعم حالي
بالنسبه لي ماراح أتوب
لو قلبي من الشوق يذوب
الحب عندي أحلى الدروب
والحبيب دايم في بالي
في النهايه ابغى اقول
مافي داعي الشرح يطول
لازم الحيره تزول
وتعرف المبنى وش يكون
هذا ياغلى الحبايب
***************************
<القلب اللي فبك ذايب>
وإختياري والله صايب
***************************
 

أم أحمـد

¬°•| ~~سُوِيْرِهُ السَّعِيْدِيّ~~|•°¬
إنضم
21 أبريل 2008
المشاركات
17,995
الإقامة
في بيت الوالد
وديتني عالم ثاني بالقصيده


كني عايشه فيهااا

قصيده من الشعر الحر

يجوود بكلماات ومعاني غريزيه جميله

اشكرك اخي العزيز

احترامي

سويرة


بس تراا مبنى طيب

هههههه

 

alshamsi109

¬°•| عضو مميز جدا |•°¬
إنضم
20 مايو 2008
المشاركات
546
الإقامة
al burimi
lماشي احلى عن القلب الواحد يسكن فيه

وخاصة اذا سكنه شخص عزيز
اراهن اي واحد يقرا الموضوع مايتخيل نفسه عايش فيه
شكرا سويرة
 

أم أحمـد

¬°•| ~~سُوِيْرِهُ السَّعِيْدِيّ~~|•°¬
إنضم
21 أبريل 2008
المشاركات
17,995
الإقامة
في بيت الوالد
صراحه صدقت وانت فزت في الرهاان من ناحيتي

احترامي

سويرة
 

بريمي_السعودية

¬°•| عضو مميز |•°¬
إنضم
11 مايو 2008
المشاركات
457
الإقامة
المملكة العربية السعودية
الشامسي ليذهب من ينتقد تصميم هذا المبنى لأقصى درجات الصمت فلا يسعه الا ان يعيش ما نثرت حروفك او يبقى صامتاَ

مبني بإخلاص ومحبه
*تلقى أول غرفه فوق
غرفه اتكيت وذوق
غرفه مختصه (بالشوق)للحبايب
يسهرون

يعطيك العافيه
 

حورية البحر

¬°•| مشرف سابق|•°¬
إنضم
9 مارس 2008
المشاركات
239
الإقامة
ارض الله الواسعة
روووووووووووعة الصراحة
يسلوووووووووو ع الانامل الي كتبت
 

alshamsi109

¬°•| عضو مميز جدا |•°¬
إنضم
20 مايو 2008
المشاركات
546
الإقامة
al burimi
الشامسي ليذهب من ينتقد تصميم هذا المبنى لأقصى درجات الصمت فلا يسعه الا ان يعيش ما نثرت حروفك او يبقى صامتاَ

مبني بإخلاص ومحبه
*تلقى أول غرفه فوق
غرفه اتكيت وذوق
غرفه مختصه (بالشوق)للحبايب
يسهرون

يعطيك العافيه

شكرا لك اخي بريمي سعودية مرورك دومه مميز ورائع وتمتعني بقرائته
 
أعلى