الفرق بين المواطن والوافد ( الربح )

الحالة
مغلق و غير مفتوح للمزيد من الردود.

عايش يومه

¬°•| عضــو شرف |•°¬
إنضم
9 نوفمبر 2010
المشاركات
694
الإقامة
البريمي
السلام عليكم ورحمة الله وبركاته ....
هذا اول موضوع لي في منتدى محافظة البريمي واتمنى انكم تتقبلون مشاركتي بصدر رحب

موضوعي بتكلم فيه عن الفرق بين المواطن والوافد من ناحية الربحية في المشاريع الصغيرة في محافظة البريمي

من خلال خبرتي وتجاربي الشخصية في مجال التجارة في المشاريع الصغيرة توصلت لنقطة مهمة جدا وهيه يمكن تكون من اهم واقوى الاسباب في عدم قدرة المواطن على منافسة الوافد الا وهي كم الربح الشهري او السنوي ، فالوافد يكفيه انه يطلع بربح اخر الشهر لو 50 ريال عماني هذا بعد ما يسدد كل التزاماته على مشروعه من كهرباء وماء وهاتف وايجار محل واجور عمال ... وغيره وغيره من الالتزامات ، طبعا هذا المبلغ لو حولته بالعملة الهندية يمكن يوصل 5000 روبية ، وهذا مبلغ جيد بالنسبة له ، اما المواطن اذا حصل وانا متأكد انه بيحصل هالمبلغ في نهاية الشهر حالة حال الوافد يعني فرضا في نهاية الشهر كان الربح 50 ريال عماني وهذا المبلغ بالنسبة لمستوى المعيشة في بلدنا بيكون قليل جدا ولا يتناسب مع طموح الشاب العماني لانه يريد سيارة ويريد يتزوج ويريد يبني بيت ،هذا من غير غلاء المعيشة في بلدنا ، وفي النهاية اكيد المواطن بينسحب من مشروعه وفي المقابل الوافد بيطور مشروعه وبيتضاعف ربحه مع الزمن وذلك لغياب المنافسة .

ماعلينا نقول والله المواطن حاول يرفع من مستوى مشروعه ويقدم خدمات افضل مع زيادة السعر ، النتيجة بتكون انه اغلب العملاء طبيعي بيتجهون للوافد لانه اغلبهم في مجتمعنا من ذوي الدخل المتوسط وما يفكرون في النوعية كثر ما يفكرون في الكمية !!!، وهذا المبدا اللي يشتغل عليه الوافد .
ومن هذي المشاريع التي من الصعوبة على المواطن منافسة الوافد فيها حاليا هي ورشة حدادة ، ورشة المنيوم، بيع مواد غذائية، ورشة تصليح السيارات ، سمكرة وصبغ السيارات وغيرها من المشاريع الصغيره ذات الربح المحدود .

سامحوني على الاطالة بس الموضوع مسترسل ويريد له نقاش اكثر وعرض اكثر من مختلف الجوانب عشان نقدر نوضح الحلول المناسبة اللي من خلالها يقدر المواطن ينافس الوافد .
طبعا الفروق وايد بين المواطن والوافد في عملية ادارة المشاريع الصغيرة وحبيت اطرح هالنقطة وعندي بعض النقاط الثانية ان شاء الله اذا حبيتوا بطرحها في مواضيع قادمة
.
 
التعديل الأخير:
أ

أ“أ‡أ،أ£ أ‡أ،أˆأ‡أڈأ­

زائر
انا اتفق معاك بكل شيء ..

و حبيت اظيف بعض النقاط ..

الوافد ونتكلم عن النسبه الكبيره عنهم..لما يشتغلون يقدسون عملهم ويعطونه كامل طاقتهم ولا يحركون من مبلغ المشروع مهما كان..
عكس المواطن ...لو مجرد فكر انه يسوي مشروع ..اول يعتبر نفسه وصل لمكان محد وصل مثله وانه مثالي وخلاص انتهى دوره...واذا يبغي يداوم ويشرف على مشروعه فلازم ياخذ فلوس من الدرج عساس ابسط الاشياء بطاقة رصيد او عشاء او حتى مشروب غازي ..

وأحد الأمثله الاخرى ..بالإلتزام.

نعتبر هناك مطعم ويداوم فيه وافد طبعا...ومعروف بهاذا المطعم وقت افتتاح الساعه 7 صباحاً..والكل يعرف ان في هاذا المطعم يداومون وافدين ...ولا شخص بيفكر ان صاحب المطعم بيفتتح وقت متأخر ...ولو شخص يريد يتريق الساعه 7:10 دقائق مثلا بيروح المطعم وهو ب كل يقين ان المطعم سيكون مفتوح.



ونأتي للمثال الثاني للمواطن...ونعتبر هناك مواطن يمتلك مكتبه لبيع القرطاسيه وتصوير المستندات ...ووقت الافتتاح للمكتبه الساعه 9 صبــاحا...فيجب ان نحسب حسابنا للمواطن انه سيفتتح بوقته المبكر الساعه 9:20



في الاخير الناس للناس ..والنجاح يحتاج إلى تعاون وتكاتف وتقدير لكل الاصدقاء في المشاريع التجاريه..
عشان المواطن يفيد اخوه المواطن يجب ان يضمو ايدهم بإيد وحده ويكونون روابط ولو كانت روابط بسيطه..




مثل ما كان اخوي الله يذكره بالخير غصن الريادي مد لي يد العون والمساعده بمجرد افتتاحي مكتب عقاري في اجد الايام.




اشرك اخوي على موضوع الرائع والمميزه..وانا استمتعت بالتحاور معك وبقرائة موضوعك الشيق والهادف.

 

Queen Love

¬°•| فخر المنتدى |•°¬
إنضم
22 فبراير 2010
المشاركات
15,880
الإقامة
أكــيد وســط هـآلـكون
صدق الوافدين مستربحين .. :013:


ثانكس ع الطرح الطيب
 

أم أحمـد

¬°•| ~~سُوِيْرِهُ السَّعِيْدِيّ~~|•°¬
إنضم
21 أبريل 2008
المشاركات
17,995
الإقامة
في بيت الوالد
حبيت الموضوووع
موضووع نقاشي جمييل
هنالك الكثير من الفرووق بين المواطن والوافد في اداره المشاريع
والمكاااس الرحيه لهااا

ولكن ايضاا يعتمد على نوع المواطن

1) الواافد اذاا فتح له مشرووع يكون هوو الراعي الرسمي له والمدير العام
اما المواطن فلازم يحط مساعد او نائب له لانه مب فاضي حق المشروووع دووم

2) الواافد يحصي الداخل والطالع للمشرووع وكل شي بحساابه اما المواطن هاتوو ولا تجيبوو حطوو ولا تحطوو واخر شي يصفى على الحديده ومرات بدون ربح

3) الوافد دقيق قي تعامله مع الزبائن الشغل شغل اما المواطن لازم هذاا بن عمي وهذاا ربيعي وهاا ولد خالتي ورااح المشرووع وطي

وهناالك الكثير من الاشيااء التي تؤثر على عمل المواطن والوافد

^^
وربي يعطيك العافيه على الموضووع .. وصدقني موضوع ال 50 رياال مع الوقت يكبر ويصير 5000 رياال بس يباله صبر وسعه باال

والتجاره شطااره


احتراماتي
سويرة
 

عايش يومه

¬°•| عضــو شرف |•°¬
إنضم
9 نوفمبر 2010
المشاركات
694
الإقامة
البريمي
استاذنا العزيز عتيج ... المدير العام
بصراحه يشرفني ويسعدني انك تكون اول واحد يرد على موضوعي، واللي حاولت اسلط الضوء على بعض النقاط اللي يتميز فيها الوافد عن المواطن في الامور التجارية وحبيت ابدأ بمسألة الربحية لانها في النهاية هي الهدف في التجارة عموما ، بس ما شاء الله عليك طرحتلنا مجموعه من الاختلافات واللي بصراحه كل نقطة تريد لها موضوع خاص .
 

عايش يومه

¬°•| عضــو شرف |•°¬
إنضم
9 نوفمبر 2010
المشاركات
694
الإقامة
البريمي
موزاني...... مشكورة على المرور والتعليق اللي اقدر اقول عنه المختصر المفيد لنظرة الاغلبية منا للوافدين ، وبصراحه وفقتي في الصورة اللي اخترتيها ، حاولت القاها بس ما ادري من وين يبتيها ههه.

وايدين يقولون حسبي الله عليهم هالوافدين مستربحين من ورانا !!! انزين وبعدين!!؟؟

لازم نفك خيوطهم ونحاول نكشف اسرارهم المهنية عشان نقدر ننافسهم مثل ماهم فهمونا وفهموا شو نريد واشتغلوا عليه .
 

عايش يومه

¬°•| عضــو شرف |•°¬
إنضم
9 نوفمبر 2010
المشاركات
694
الإقامة
البريمي
ام احمد.... مساك الله بالخير
مشكورة على تفاعلك في الموضوع وحماسك اللي حسيته من خلال ردك واللي من خلالة استنتجنا وايد اشياء منها يمكن تعاملاتك مع الوافدين في بعض المجالات التجارية ، ومعرفتك بطبيعة المواطن في تعاملاته مع الزبائن وذكرتي نقطة وايد مهمة في تعامل المواطن مع الاقارب والاهل واللي هيه يمكن تكون من اسباب خسارة المواطن في مشروعه وبدون ما يدري، او يمكن يدري بس عاد شو يسوي " ما يطيع زينك ... هذيلا اهلي وربعي !!!" والنهاية فشل المشروع .
 

oetc65

¬°•| عضو فعّال |•°¬
إنضم
16 نوفمبر 2009
المشاركات
165
العمر
38
الإقامة
البريمي
الي متي نقارن مواطن العماني البسيط ب وافد
اولا فارق في السن ( العمر )و نفرض مواطن العماني فاتح بقالة ( دكان ) طبعا بعد تخرجه من الثانوية العامة بدون النسبة ( يعني ما حصل كرسي في الجامعة او الكليات او المعاهد) يعني عمره في حدود 18-19 سنة . بالنسبة ل وافد يكون عمره في 25 سنة او اكثر
ثانيا مواطن عايش وسط مجتمع سواء كانت العائلة او الاهل و الوافد ما عنده أحد يعني مستعد يدوام ليل نهار بدون يحسب اي حساب لاهل او المجتمع اللي حوله
ثالثا بس من تعقيد الامور لاني بصراحة مع المواطن و ضد الوافد
 

•¦[محمد السعدي]¦•

:: فريق التغطيات التطويري ::
إنضم
20 يوليو 2010
المشاركات
1,726
الإقامة
روح البريمي
كلنا نعرف أن الأسيويين لو شو يصير مابيسوي أعلان لا القله منهم يعني لو بين كل 100 أثنين الي بسوو اعلانات ..
وكلنا نعرف ان العمانيين يسوون أعلانات بس بعد مش وايدين يعني بين كل 100 ، 30 الي يسوون اعلانات ..
وبعد نعرف أن الأعلانات هي وسيله لربح بس معظم الأعلانات هي وسيله للخساره ..
ولي بيقول أن الموزعين أغلبيتهم وافدين ويعطون الأسيويين بالحساب والعماني لازم يدفع كاش ، بقول صح ..
ولي بقولي ان الموزعين يبيعون للعماني بسعر أعلى من الأسيوي، بقول هاذا الواقع ..
بس السر فالربح السريع ،( نحن نعرف مقولة : أرضى بالقليل يأتيك الكثير ) ..
نفترض ان تاجرين واحد اسيوي وواحد عماني ، محلاتهم عدال بعض وكل واحد عنده محل الكترونيات..
أولاً ببداً بحسابات التاجر العماني :
راح هاذا العماني عند الموزع وطلب من عنده 10 تلفزيونات قيمة التلفزيون الواحد 50 ريال عماني ..
دفع هالتاجر 500 ريال وشل التلفزيونات وراح للمحل ، وصل المحل الحسابات بتكون بهالطريقه ..
قيمة التلفزيون : 50 ريال + الربح 15 ريال = 65 ريال عماني ..
بعد 6 أشهر باع هالتاجر الكميه كلها ، طبعا فالأشهر الست في موديلات جديده نزلت ولأنه شوي غالي بالنشبه لشعب ، وشعب يحب يكاسر فالسعر ، طولت البضاعه عنده ..
650 ريال أجمالي البيع نشل منهم 500 ريال راس المال ، الربح 150 ريال ربع هالتاجر 150 ريال في 6 أشهر من بظاعه وحده ...
نشوف الأسيوي ..
راح هالمقرود عند نفس الموزع لن ربيعه الي يبيع له الأغراض بسعر رخيص محد ، وخذ 10 تلفزيونات قيمة التلفزيون الواحد 50 ريال ..
دفع 500 ريال وراح المحل ، الاسيوي دفع 500 ريال ويبي ربح سريع وخلى الربح 50 ريال على 500 ريال ، يعني سعر التلفزيون عند البيع 55 ريال ، الربح 5ريالات بس ، شوي ، طبعاً هالأسيوي باع التلفزيونات بسعر رخيص ولنه حط في باله سعر 65 ريال بس بعد المكاسر يوصلهن لين 55 ريال ، انباعت الكميه في 10 أيام وربح 10 ايام 50 ريال من راس مال 500 ريال ،، كل أسبوع 50 ريال لمدة 6 أشهر
في الشهر الواحد 150 ريال الربح وكل 10 ايام تجي بضاعه جديده ومتطوره لمده 6 أشهر
6 أشهر * 150 ريال من الربح = 900 ريال في 6 أشهر ..
مبلغ خيالي وفيه فرق بين 900 والـ 150 ريال ..

للاسف التفكير للمدى البعيد عند التاجر العماني منعدم + يفتي في كل شي + التاخير عن العمل بشكل دايم ويتحسب انه شيخ وملك الدنيا بالمحل + مثل ماذكر الدرج دايم فاضي وحسابات اخر الشهر منعدمه عنده ..
طبعاً مش الكل ..بس الاغلبيه ..
 

إنسآنـﮧ

¬°•| فخر المنتدى |•°¬
إنضم
20 مارس 2009
المشاركات
7,708
الإقامة
البربمــــي’داري
طبعا الفروق وايد بين المواطن والوافد في عملية ادارة المشاريع الصغيرة

الفرق شاسع......

أولها همة الوافد وعزيمة ع النجاح........وأنه مايآجل عمله ليوم ثاني

المواطن كل يوم يآجل شغل.......(طبعاً القاعدة ماتعمم ع كل المواطنيين)

المواطن إذا شاف الدرج فاضي....غسل إيده من المشروع وقال خلاص ماشي فايدة...

الوافد يكد ويتعب لين إييب الربيه....

أن شاء الله الأمور تتغير للأحسن.......

أخوي عايش ....تسلم ع الموضوع الرآقي....

...ونقطة مهمة ....لآزم شبابنا يفكرون فيها صح..
 

لمسة إحتراف

¬°•| عٌضوٍ شَرًفِ|•°¬
إنضم
8 مايو 2008
المشاركات
2,045
الإقامة
{..عالمي الخاص
أعجبني الموضوع


لي عودة لتعليق

:imuae70:
 

ماكس العين

¬°•| عضو فعّال |•°¬
إنضم
7 نوفمبر 2010
المشاركات
114
الإقامة
البريمي داري
ههههههههههههههه
انا اقولك الوافد ياي يشتغل مودر اهله ومتغرب اكيد بيكد والدليل اتحصلهم يشتغلون اكثر من شغله في اليوم
اما المواطن يوم بيسوي مشروع كأنه مخترع شي ومحد مثله واذا داوم بيداوم على راحته بالكثير 9 او 10
والدليل روح شوف يوم شغلوا العمانيين في البقالات او الدكاكين صوب الباطنة ومسقط اول يوم الهندي اتحصل الدكان متروس ويوم واستلم المهمة العماني فاضي ولا وبعد بتحصل عنده اشياء منتهية صلاحيتها
يعني بالمختصر لاتمسكوا مواطن مشروووع ولا بيفشل
وسوري اذا غثيتكم
تقبل مروري
 

رجل طموح

¬°•| عضــو مــهــم|•°¬
إنضم
6 يوليو 2010
المشاركات
373
الإقامة
البريمي
مابضيف شي عكلام الخوان بس انا ما اشوف المشكله في العماني اللي يفتح المحل بروحه يمكن يربح ويمكن يخسر ولكن المشكلة العظمى في التجارة ( المستــــترة) تشوف اسم العماني منتشر عاللوحات وفي النهاية المحل كله ملك الوافد والعماني ماحجه الا 10 ريال اخر الشهر وهذا ما يخفى عليكم ولكن اللي لازم ننتبهله انه في حالة المخالفات او القضايا فإن العماني هو المسأوول بالدرجة الاولى حسب قانون الجزاء العماني فالحـــــذر الحـــــــذر
 

موزة النعيمي

:: فريق إنجاز للتدريب ::
طاقم الإدارة
إنضم
29 سبتمبر 2009
المشاركات
7,757
العمر
33
الإقامة
في قلوب من تحبني
يمنع رفع المواضيع القديمة
السموحه أخواني:bye1:
 
الحالة
مغلق و غير مفتوح للمزيد من الردود.
أعلى