العاملة,,,, و,,,,الأسرة

GAME _OVER

¬°•| مُشْرفِ سابق |•°¬
إنضم
21 يونيو 2010
المشاركات
1,411
الإقامة
فـي بـراري الـقـنـص
بسم الله الرحمن الرحيم

السلام عليكم ورحمة الله وبركاتة

مساااكم الله بالخير>< وصبحكم الله بالنور

أشحالكم عسااكم أبخير ؟

وعسى مافيكم كحه :biggrinsanta:

الموهيم أخواني خواتي منتدى محافظة البريمي

ما بطول عليكم وبختصر كلامي وبدخل في الموضوع

الموضوع :

هل العاملة أو الشغاله صارت ضروريه في كل منزل ؟

نرى الكثير من الناس صاروا يعتمدون على العاملة بشكل كثير في المنزل من ناحية تربية الأطفال

والطبخ والغسيل واشياء كثيرة .............؟

كيف أجدادنا عايشين قبل ؟

هل كانوا يعتمدون على عاملة في البيت ؟

للأسف أكثر مشاكل البيت والأسرة بسبب العاملة وكثرة أهمال الأطفال لعاملة سائت تربيتهم

ولا من معتبر ياما وياما شفنا وسمعنا ولكن لا فائدة

الطفل يكبر على تربية عاملة والأم والأب ما يدرون عن أي شي

مشاكل تصير بين الزوج والزوجة والأب والأولاد والبنات والأم والسبب العاملة والكثير من المشاكل وطبعاً مب كل العاملات بس الأغلبية





يا ترى هل العاملة صارت من الضروره بأن تتواجد في كل منزل ؟

وهل تؤيدون تربية الطفل على يد عاملة ؟


أترك لكم القلم

وفي أنتظار أرائكم
 
التعديل الأخير:

قيادة حرس الرئاسة

¬°•| ђάсқεя~4έṽέя |•°¬
إنضم
9 مايو 2010
المشاركات
9,144
الإقامة
AUSTRIA
وعليكم السلام ..،،


يا ترى هل العاملة صارت من الضروره بأن تتواجد في كل منزل ؟

وجهت نظري صارت ضروريه لكن يمكن الأستغناء عنها ..،،
وهل تؤيدون تربية الطفل على يد عاملة ؟

طبعا لاء ..،، لآنه ما راح يتعلم عاداتنا وتقاليدنا وراح يكبر ولا يعرف شي فها الدنيا فالأفضل أمه تربيه بدال البشاكير ..،،

☠ سلام ☠


 

سفيرة جامعة البريمي

¬°•| عضو مميز |•°¬
إنضم
4 نوفمبر 2010
المشاركات
396
الإقامة
ف هاي الدنيا
العامله صارت ضروريه ف حياتناا اتعودنا ع هاي الشي ومو كل العاملات مشاكل يعني ابديبها صح واختار العامله زينه المسلمه الي تحاف ربها وبتكون حياتك صح
اما ف تربية الاطفال م اساند هاي الفكره ولا اشجع عليها يمكن تكون هندوسيه وتعلمه صلاتهم وكيف يعبدووووو نار هاي صارت ف بيت اخوي الكبير بس الحمدالله الله رحمنا وكشفنهااااااا محطيتلنا شمعه ومجمعه اليهال حسبي ربي عليهااا ...........
 

GAME _OVER

¬°•| مُشْرفِ سابق |•°¬
إنضم
21 يونيو 2010
المشاركات
1,411
الإقامة
فـي بـراري الـقـنـص
اشكرك أخوي قراصنة البريمي على هذا المرور والرد المتواضع

وأشكر أختي سفيرة جامعة البريمي على هالرد الطيب

وشي أكيد يا أختي أن مب كل العاملات وأنا لم أعم بس قلت الأغلبية

وبصراحه عن نفسي لا أرى أي ضرورية وجود العاملة في البيت

ليش المرأه سموها ( ربت بيت ) مسمى على الفاضي أكيد لأ

المرأه من واجباتها أهتمامها ببيتها قبل كل شي

ولووو كانت توجد عاملة محد راح يقول من العامله بل الناس راح تتكلم عن راعية البيت

وربي يعطيكم ألف صحه وعافيه

:2253446f49dd40fbf5e
 

ندى الصباح

¬°•| مُشرفة سابقة |•°¬
إنضم
25 يونيو 2010
المشاركات
4,045
الإقامة
البريمي
يعطيك العافية أخوي ع طرح الموضوع

أصبح وجود العامله في بعض البيوت شي اساسي لا غنى عنه

كبيقة المتطلبات الضرورية التي لا تستغنى عنها الاسره ابداً

وذالك لاسباب معينه منها خروج المرأه إلى سوق العمل

وهذا حق من حقوق المرأه ولا أحد يستطيع أن يمنعها الا رب الاسره

فتعوض المرأه تقصيرها بواجباتها تجاه أبنائها والمنزل بجلب الايدي العامله

وذالك بعد المشوره عند رب الاسره

ولكن النقطه السلبيه فالموضوع هو أعتماد الام ع العامله أعتماد كلي ف تربيه الابناء

وتدبير شؤون منزلها

حيث يتعلم الابناء من العامله عادات دخيله ع مجتمعنا ولغة غريبه

وتصبح اللغة عند الطفل مكسره.

وعند ترك الامور لعامله تبدء شي فشي بتدمير الاسرة

أخير تبقى فكرة جلب الايدي العامله فيها نقاط سلبية وايجابيه ولكن يجب أن تخضع العامله للعمل ف البيت تحت

الرقابة بالطريقة الايجابية......

تحياتي


 

GAME _OVER

¬°•| مُشْرفِ سابق |•°¬
إنضم
21 يونيو 2010
المشاركات
1,411
الإقامة
فـي بـراري الـقـنـص
بارك الله فيج خيتي على هذا الرد الجميل والرائع

صدقتي في كل كلمة قلتيها

ولكن اللي أشوفه في مجتمعنا اذا اذا صار البيت فيه عامله المرأه

تتنازل عن كل واجباتها المنزلية للعامله

وهذا أكبر غلط

وهووو مفتاح خراب البيت

ونفس ما قلتي يجب لكل أمرأه فالبيت بأن تراقب العامله بأي شي تقوم به

ولووو رأت شي غلط تنبهها ولا تعطيها المجال لكي لا تكرر الغلطه

وربي يعطيج الصحه والعافيه
 

غالي الأثمان

¬°•| مراقب سابق|•°¬
إنضم
16 مارس 2010
المشاركات
3,857
العمر
33
الإقامة
..[ المدينه الزرقاء ]..
اولا مشكور ع الطرح...

ثانيا.. العامله ف هالوقت صارت اهم متطلبات الاسره... ورب الاسره او الشخص الذي اتى بالعامله لابد عليه من
مراقبة تصرفاتها تجاه ابنائه.. لانه اذا اهملها سيجد السوء منها واذا راقبها ولاحظها دائما سيجدها تستمع الى اوامره
وتجدها تخاف ان تعمل اي عمل يضر بالاسره..
والامر هنا يختلف عن الماضي.. ف الاسر قديما كانت تخدم نفسها بنفسها.. ولكن الان الخادمه هي اول متطلبات
المراه المقبله للزواج..
 
التعديل الأخير:

GAME _OVER

¬°•| مُشْرفِ سابق |•°¬
إنضم
21 يونيو 2010
المشاركات
1,411
الإقامة
فـي بـراري الـقـنـص
تسلم يمناك أخوي على هذا الرد

ولكن لووو الزوج والزوجه في العمل والأطفال مع العامله من راح يراقبها

ومن راح يدري كيف تعامل الأطفال ؟

والعامله ما صارت ضروريه في البيت ألي في الاونه الأخيره

ويمكن الأستغناء عنها

وليس من الظروره بأن تكون العامله فالبيت

يعني لوو صار البيت بدون عامله ويش راح يصير ؟

 

غالي الأثمان

¬°•| مراقب سابق|•°¬
إنضم
16 مارس 2010
المشاركات
3,857
العمر
33
الإقامة
..[ المدينه الزرقاء ]..
اخوي انا اقصد انه العامله اول مايجيبها رب الاسره.. لابد عليه انه يفرض شخصيته عليها ويخليها تخاف منه.. وبعدين هي ماراح تقدر تسوي اي شي مب زين ابدا...

بس اخوي اذا كان الاب والام ف العمل من بيجلس مع الاطفال؟؟

ع العموم الف شكر لك اخوي على طرحك القيم..
 

GAME _OVER

¬°•| مُشْرفِ سابق |•°¬
إنضم
21 يونيو 2010
المشاركات
1,411
الإقامة
فـي بـراري الـقـنـص
ياما ناس وناس ماعندهم عاملات والزوج يشتغل والزوجة تشتغل

والأولاد عند الجد أو الجده

كذي راح يتربون أحسن من وجود العامله

وأشكر تواصلك الطيب هذا

^^
 

*اميرة بينهم وقمرهم كلهم*

¬°•| عضو فعّال |•°¬
إنضم
18 أكتوبر 2010
المشاركات
115
الإقامة
هنا لاه
للعامله دور سلبي وايجابي ف نفس الوقت
كييييييييف يعني ؟؟
يعني الشغاله تساعدنا ف اشغالنا مثلا عن عائلتي عشان ما نروح بعيد
الكل يروح الجامعه والي يروح الدوام وتبقي الوالده بروحها ف عشان نخفف عليها اشغال البيت نخلي الشغاله تساعدها
لكن هم بعد ما نمصخها...
يعني ايام العطل يكون شغل البيت علينا بحيث مانحسس الشغاله انها توربين تشتغل 24 ساعه ف كذا هي راح ترتاح شوي وتشتغل احسن
لكننننننننننننننننن
بعضهم ياخذو الشغاله ويعطونهم عيالهم ف هنا مب زين لأن الشغاله ماراح تهمها مصلحه اليهال كل هما تسكته بأي طريقه
وهم بعد تتضايق من كثر الأشغال الي عليها وفوق جي تمسك عيال المدام
فأحس هنا دور الشغاله جد سلبي لأنها راح تعلم الطفل عادات وتقاليد غير عن عاداتنا
......................
وصلت الفكره:16:
شكرا ع هالطرح اخوي
 

قطوة البريمي

¬°•| مُشرِفَة سابقة |•°¬
إنضم
18 يوليو 2008
المشاركات
7,113
العمر
33
مممم بصراحه احش شي اساس سي تكون الخدامه موجوده ف البيت
خاصة لو كانت الام والابو يشتغلون ..

يعني منوه بييلس عند اليهال ؟؟ ومنوه بيطيخ الغدا وبينظف البيت؟؟

انت قلت انه اليهال ايلسون عند اليده ولا العمه ولا حد من الاهل

يعني احينه اليده وين لها بارظ حق ياهل توه عمره سنه ولا شهور
اصلا ما تقدر احس ..

وبعدين الناس يالله يالله تجابل عيالها . تباها تجابل عيال غيرها ..

وانال بصراحه ما اشجع انه الخدامه هيه تعلم وتربي الياهل .. مب حلوة ياخذ من طبايعها ..^^

يعني المفروض من اتي الام من الدوام .. خلاص تستلم دورها ك أم ف البيت .. وتراعي عيالها ^^



بالنسبه لكلامك ..

وبصراحه عن نفسي لا أرى أي ضرورية وجود العاملة في البيت

ليش المرأه سموها ( ربت بيت ) مسمى على الفاضي أكيد لأ
اكيد مب ع الفاضي .. مب معناته ربة بيت .. انها تشل شغل البيت فوق راسها وكل شي
جيه هيه انسانه وتحتاي مساعده .. صح ولا لا؟

وانت تعرف شغل البيت مب شوي ..
خمام .. غسيل .. طبخ .. غير اذا كان فيه عيال ..
احس ما تقدر توفق بينهم بدون خدامه ^^


هييك رايي والسموحه ^^
 

GAME _OVER

¬°•| مُشْرفِ سابق |•°¬
إنضم
21 يونيو 2010
المشاركات
1,411
الإقامة
فـي بـراري الـقـنـص
أشكرج خيتي قطوة البريمي على هذا الرد الجميل والرائع

كلامج منطقي ومعقول

وأنا مب قصدي أن المرأة تشل البيت فوق راسها

عيل أحينه في هالزمن كل البيوت فيها عاملات

والبيوت ألي ما فيها عاملات كيف قادرين بدون عامله ؟

كل القصد من الموضوع هل يتطلب لكل بيت عامله ؟

وربي يعطيج ألف عافيه على هذا المرور^^
 

قطوة البريمي

¬°•| مُشرِفَة سابقة |•°¬
إنضم
18 يوليو 2008
المشاركات
7,113
العمر
33
والبيوت ألي ما فيها عاملات كيف قادرين بدون عامله ؟

هالبيوت تلاقي فيها بنات ما يدرسن ولا يشتغلن .. فهالحاله ممكن انه نستغني عن الخدم ..
 

همس الشجون

¬°•| عضو مثالي |•°¬
إنضم
20 نوفمبر 2010
المشاركات
1,025
اصلا الحين في هالزمن ما راح تحصل بيت بدون شغالة
 

GAME _OVER

¬°•| مُشْرفِ سابق |•°¬
إنضم
21 يونيو 2010
المشاركات
1,411
الإقامة
فـي بـراري الـقـنـص
اصلا الحين في هالزمن ما راح تحصل بيت بدون شغالة



معقولة أن كل البيوت في هذا الزمن فيهم عاملات ؟

أنا مب ضد العاملات بل القصد نقدر نستغني عن العامله ولا لا ؟

 

ماكس العين

¬°•| عضو فعّال |•°¬
إنضم
7 نوفمبر 2010
المشاركات
114
الإقامة
البريمي داري
نحن ماعندنا شغاله والحمدلله
والي عندهم شغاله بتحصل اهل البيت كلهم باطتنهم عجازة يعني الخدامة اهي الكل في الكل
ولو سافرت الشغاله بيتمنون ترجع بسرعة بس علشان اتشيل شغل البيت
 

GAME _OVER

¬°•| مُشْرفِ سابق |•°¬
إنضم
21 يونيو 2010
المشاركات
1,411
الإقامة
فـي بـراري الـقـنـص
تسلم يمناح خيتي ماكس العين على هذا المرور الطيب

ونفس ما قلتي لووو الكل راح يعتمد على العامله بيخترب البيت

لووو سافرت العامله بيصير شغل البيت متعب عليهم بكثير

لأنهم تعودوا على العامله تقوم بكل شي

يزاج الله الف خير على طلتج الحلوه
 

مردك لي

¬°•| عضو مثالي |•°¬
إنضم
5 أبريل 2010
المشاركات
1,977
الإقامة
متربع بقلب خلي
تسلم الشيخ


انا من رااااائي انه اذا يعني تقدر تييب خدامه احسن
الحينه والله شغل البيت واااااااااااايد
وخاصتن اذا عندك عيال صغاااااااااااار
 
أعلى