جديد القصيد

[Be.Different]

السلام عليكم ..
ما اعرف اذا مسموحلي اكتب هالقصيد ..
اذا ما مسموح ارجوكم اعذروني توني عضو يديد بالمنتدى ..
هالقصيد من شعري و اتمنى تقييمه ..
رايكم يهمني وااااااااااايد ...
و مشكورين ..

اسم القصيده "انته حبي"

انته ياعمري و ربي
نبض من نبضات قلبي
انته كلك بأمنياتك
شمعه تنور لي دربي

انته يا فرحي وحبي
فرح عيني المستخبي
ابعدتك عن الناس لأنك
صرت احساسي و نبضي

اقول .. وايش اخلي يا ربي ؟؟
حبه أسرني و لعب بي
من بين هالعالم عشقته
عشق معشوق ملبي

آه آهين و آه يا قلبي
انته حبك صج خسف بي
انته يالعاشق الصامت
انته حبي و الله حبي

بطلب الله فهو حسبي
دعوة اللهم طلبي
لي يجيبك من بعيد
و تشوفني عينك و تقر بي

احبك و اعشقك وربي
كنك ملكت الكون قربي
قربك احس بكل دقاتي
دقة ورى الدقه يدق قلبي



و السموووووووووحة اذا كتبت شي ممنوع او غلط ...

 

[بو جسيمـ]

عليج السلامـ ورحمة اللهـ وبركاتهـ ..

اختي هب نحن لي نعارضج عن لا تكتبين الشعر ..

نحن نطلب منج تطرحين اللي عندج وعلينا نصوبج ونفيدج ..

اكتبي شعر ,, الشعر هب مخصص حق ناس معينهـ من الدنيـآ

لذلك لا تقولين اذا مسموح حقي ولا لا ,, لانج انتي حره وفكرج حر

بالنسبهـ للقصيده فـ البدايهـ صح الله لسانج ..

اسلوب غاوي فـ الكتابهـ والوزن يسمى بالشعر المربع

الوزن عندج حلو اختي القصيده فيهـآ كسور بسيطهـ تتجبر بسرعهـ

اما القافيهـ كذلك عندج خلل فـ شطرين يمكن بس والباقي ترتوب

ما شاء الله عليج بدايات حلوه ما عليج الا البياض ..

نتريا مشاركاتج اليايهـ ,, وربي يوفقج طالعي الوزن اتأكدي منهـ

ونحن كلنا نغلط محد معصومـ ,, شعراء كبار ويزلون فـ الوزن والقوافي

ما بتقصر منا نحن كـ مبتدئين ,, تستاهلين التقييمـ

ربي حافظج ,, فـ داعة الله​

 

[Be.Different]

لك الشكر الجزيل ..
ما تقصر .. بس لو سمحت ممكن تتحدد لي مواضع الكسور فالشعر ؟؟
عسب اعدل القصيدة ..
و شكرا مرة ثانية ...