مامشي ورى المجفي

روح جعلان

¬°•| عضو مميز جدا |•°¬
إنضم
29 أكتوبر 2010
المشاركات
852
العمر
32
الإقامة
عمان
(مامشى ورى المجفي ولو كآن ماكآن)
وهي عادتي الي يباني يجيني

ماهو تكبر او تعالي على انسان
ولاتجاهل للبشر لي يبني

هاي عزتي والنفس تحفظ لها شان
اموت ماخضع ومنحنى لك جبيني

لاتحسب اني عقبك أعيش ندمان
واجيك اطلب منك ود وحنيني

غلطان لو ظنيت ملايين غلطان
حبك رحل مع ماضيات السنيني

وش جاني منك غير صدن وهجران
وطبعا وضيع وحقد أيضا دفيني

انت الذي بتعيشه العمر خسران
لاني عطيتك عشق صادق رزيني

وفرشت لك صدري زهورن وريحان
ماتشم طيبات الوفا غير فيني

ابعد ودور لك على غيري الان
شف منهو الخسران بينك وبيني

صدقني لو لفيت ديره واوطان
مصيرك العوده هنا ترتجيني

وبعطيك منديلن حفاظا للوجان
تمش به دمعك وسعره ثميني

لو انت والمنديل في وسط دكان
اخترت ها المنديل والسعر ديني



وقت اللي اغواك ياهيه قد حان
خل ينفعك مع مقبلات السنيني

اما انا بعيشه العمر سلطان
مادام في يدي رضى والديني

ومادمت لله ساجد دوم عرفان
واعرف سعاده دنيتي فيه ديني

واحفظ مقوله قاله غيري انسان
من عادتي اللي يباني يجيني
 

انا-انا

¬°•| عضو مميز |•°¬
إنضم
25 مايو 2010
المشاركات
391
الإقامة
البريمي
مشــكــــــور ع الطرح اخوي
ربي لاهانك:approved:
 
أعلى