๛Ѿ ياجرحي أستأذنك بنام لي ساعه ๛Ѿ

الذوق السامي

¬°•| الشاعر المغرم |•°¬
إنضم
6 سبتمبر 2010
المشاركات
57
الإقامة
بَيْن حُرُوْف الْشِّعْر
ياجرحي استأذنك بنام لي ساعـه..
وارجوك دخيل الله لاتصحّيني


لي خمسـه ايام اعيش السّمع والطّاعـه ..
ولك خمسـه ايام تامرني وتنهيني



والمشكلـه جت عروق القلب فزّاعّـه ..
مايكفي انك سرقت النوم من عيني



اصبحت انا القاز وانت امسيت ولاّعـه ..
شبيتني يلعن اهلك وش يطفّيني



دكتور وممرضـه وابره وسمّاعـه ..
في كل ليله ولايدرون وش فيني



ياسيدي الجرح قلبي يشتكي راعـه ..
لا الذنب ذنبي ولا الموضوع بيديني



حبيت واخلصت واثر الحب فقّاعـه ..
روّح وباقي يموتني ويحييني



غيري هدر دم عشق وللاسف باعـه ..
غيري قتل كل حب بحد سكيّني



وانا الي اصبحت للأخطاء شمّاعـه ..
وادفع ثمن كل غلطه من محبيني



قبلي في العشق ناس وتشكي اوجاعـه ..
قالوا متاهـه وانا جيتـه برجليني



بدايته سلسلـه والنّفس طمّاعـه ..
اغراني ادري ولا في شي يغريني



واليوم لو قلت يااهل الحب وطباعـه ..
انتوا على دينكم وانا على ديني



اجبرني الجرح اعيش السّمع والطّاعـه ..
حتى ولو قلت له ياجرحي اعفيني



من خمسة ايام وانا في رجا ساعـه ..
وان جيت بنامها جرحي يصحّيني



الشاعر
 

جسووم

¬°•| مراقب سابق |•°¬
إنضم
21 مارس 2008
المشاركات
1,549
الإقامة
Chicago
أوف

اوف

والله أنك طرر وحبيتن بدون كإفين . . !

يعني قريتهآ عشر مراات وضمير مش راضي يخوز عنها على الاقل حتى لو يحفظ سطرين




والـــلــه سلامي عليك يالشآعر !

وربي ما خذلتني !

وتراني اترياا منك اليديد !


صدقني بكون لك بالمراصاااد !


شد حيلك عشاان توصل حق مطلوبك

المكـــــــــتبــــة

وتقبل ودي !

وارجوك لاتحرمنآ !

جسووم


 
التعديل الأخير:

كلي فداء البريمي

¬°•| عضو مميز |•°¬
إنضم
9 أكتوبر 2010
المشاركات
409
الإقامة
محافظة البريمي
صح لسانك خاطف
وننتظر المزيد منك
 
أ

أ“أ‡أ،أ£ أ‡أ،أˆأ‡أڈأ­

زائر




ماشاء الله كلمات جميله واحساس فكري رائع
كلماتك حساسه تعيشنا الجو بسردك الواقعي
الله يعطيك الصحه والعافيه وربي لا هانك
 

يوسف الكعبي

¬°•| شـــاعر|•°¬
إنضم
27 أبريل 2010
المشاركات
1,035
الإقامة
محضه
هذه القصيده قديمه واعتقد لشاعر سعودي

ياليت يوم تحط موضوع تنوه الى كاتبها اخوي


وتشكر​
 
أعلى