فضيحة عاالحدود قبل منفذ المضيف

•¦{ آلبُريْمِے دَآرِيْ }¦•

¬°•| فَخْرِ الْبُريْمِي |•°¬
إنضم
8 يوليو 2010
المشاركات
5,455
الإقامة
البريمي داري
من مبدأ الغيرة على بلادي وبالأخص ديرتي البريمي راح أكتب عن المنظر اللي حز في نفسي وأنا طالع من البريمي

متجه الى العين انتظر دوري في الطوابير حالي حال اي شخص والإ بهذي الحرمه لابسه عباية وشيبلة ونقاب متجهه

صوب سيارتي ودقت بايدا على الشباك طبعا انا فهمت انها تمارس مهنة التسول وتريد فلووووس وأنا متاكد انها مب

عمانية ولا من البريمي حاشاهم بنات بلادي والله لو الموت مايسونها والمصيبة أنها موضفة أولادها وياها ومعلمتنهم

أصول المهنة عدل فتلقاهم يتناقزون من سيارة لسيارة والله فضيحة كبيرة والمصيبة عالحدود يعني يالزائر شوف واطمش

على العمانيين طبعا اللي مايدري اكيد بيعمم على الجميع وانا الوم رجال الامن والشرطة والتحريات في البريمي على

هذا التقصير واذا حد منكم ياأحرار البريمي شاف هالمنظر اتمنى يتخذ اجراء مناسب بنفسه ولاينتظر من الشرطة

تحرك ساكن لانهم يشوفون المهزلة وساكتين وراضيين ان الناس تتشمت وتضحك على البريمي واهلها والله كان ودي

أضربها بالنعال بس لعنت بليس وروحت يعني لهذي الدرجة يالسه تشحتين وتختارين السيارة اللي تشوفينها فارههة

والرقم كذا وكذا واذا شافت تكسي ماتروح صوبه وعيالها مثلها حسبي الله عليهم انا كنت بصورهم بالتلفون عشان

ارفق صورهم بالموضوع بس قلت الله يستر عليهم واتمنى اني وصلت الفكرة للجميع وأحذر الاخوان من التعاطف معاهم
 

AL W$WAS

موقوف
إنضم
5 يناير 2010
المشاركات
2,756
الإقامة
♠ حــارة الـمجـرمـيـن وعـالـم خـاص فـيني ♠
اصلن في البريمي هذيله محد مسولهم سالفه
لا من الشرطه ولا من التحريات وهم ماخذين راحتهم...
 

•¦{ آلبُريْمِے دَآرِيْ }¦•

¬°•| فَخْرِ الْبُريْمِي |•°¬
إنضم
8 يوليو 2010
المشاركات
5,455
الإقامة
البريمي داري
اصلن في البريمي هذيله محد مسولهم سالفه
لا من الشرطه ولا من التحريات وهم ماخذين راحتهم...


هذي هي المصيبة مب لاقين حد يردهم والا ماستوى هالشي والباقي عليكم ياشباب اتصرفو بانفسكم اذا صادفتكم

هذي المناظر ترى الناس كلونا بلسنتهم اي شي يستوي قالو البريمي وعمان مايدرون انهم ملقطين من شرق وغرب

والله ان الشحاته من دولة شامية وانا حسيت بهالشي من اشكال عيالها والا هي اونها عبايه ونقاب ومستوية شريفة

مكة حسبي الله عليها اللي مايعرف بيقول اطالعو هل البريمي وين وصلت حالتهم ... اه يالقهر
 

العيوز دوت كومm

¬°•| عضو مبتدى |•°¬
إنضم
2 أغسطس 2010
المشاركات
93
الإقامة
ف البريمي
صح لسانك الوسواس والموضوع:nocomennt:
 

♦L♦

زعيم المبدعين
إنضم
27 أغسطس 2008
المشاركات
4,828
الإقامة
.♣In The Sadness♣.
الشرطه تشوفهم ولا تعمل لهم حاجه أصلا ..!

نحن مرات نروح نخيط حته الخياط ماسلم منهم

مره جتني وحده قالت انا وانا مسكينه الخ عطيتها 10 ربيات ولا المصيبه مايكفيها تقولي عطني 50 :74:

والله ولد خالي لما شافها تم يسبها سب طلابه وتتشرط آخر زمن ~_~

الله يعينا بس على هذي الناس..~
 

مروض الكهان

¬°•| مَشْرف سابق|•°¬
إنضم
30 مايو 2008
المشاركات
5,795
:lll-_-:


:lll-_-:


والله فعلا موقف مخزي


ويا كثر ما منتشرات ومتوزعات في كل مكان
 

صقر آلبريمي

¬°•|مـכـتـآر [آכـبـﮗ]ولآ [آטּـسآﮚ]ـ |•°¬
إنضم
20 سبتمبر 2010
المشاركات
5,025
الإقامة
البريمي وضواحيها


أخي شكـــرأ على طـرح الموضوع ..


ليسسسؤ جميعهم متشابهون .... فيــه حريم كل مره يخطفن على بيتنا وتقول أبي أأكل ولادي وجوعانين وأشوف

حالتهم والله إنه الرحمة تنزل على قلبي أشفق عليهم وأعطيهم الي عندي مثل خضروات ..
وأعطيهم خمسس دراهم أقل شي ...

أقول في خاطري وفي نفسي اذا انا الحين ساعدتهم بحصل الأجر الكـبير من عند الله سبحانه وتعالى ...

الشفقة عليهم الشفقة عليهم الشفقة عليهم والرحمــة تمنعي من أني أسوي هالشي .........


السموحه لاني طولت عليكــ ..بسس شوي الموضوع حساس .
 

صقر آلبريمي

¬°•|مـכـتـآر [آכـبـﮗ]ولآ [آטּـسآﮚ]ـ |•°¬
إنضم
20 سبتمبر 2010
المشاركات
5,025
الإقامة
البريمي وضواحيها

انتم تقولون موقف مخزي أو محرج ...وتسمونها فضضضيحة ..

ولكـــن الحأجة أجبرتهم على فعــــل ذلكـــــ ...
 

بدوي آلبريمي

¬°•| فخر المنتدى |•°¬
إنضم
27 أكتوبر 2010
المشاركات
7,160
الإقامة
البريمي
والله يؤم الشرطه والتحريات ساكته ومب قادره تسوي اقل شي تكؤن عالحدؤد دؤريه اربع وعشرين سسساعه هناك ما تخؤز من هذاك المكأن عشان هالاشكال ما تاخذ راحتهأ لكن الشرطه والتحريات والحكؤمه بشكل عام مسؤيه طآف يعني الي يبا يسؤي شي يسؤيه ولأ يخآف ..! الله يعينأإ بسس ..!


صدق انه فضيحه ..!
 

موزة النعيمي

:: فريق إنجاز للتدريب ::
طاقم الإدارة
إنضم
29 سبتمبر 2009
المشاركات
7,757
العمر
33
الإقامة
في قلوب من تحبني
اللي يقولي انهم حتايين بقوله غلطااااااااااااااااااااااان . .!
اللي محتاي مايطر بهاي الطريقه . !
واللي محتاي صح يغني نفسه عن الناس وهذا معروف . .
ونقول تجبرهم الحاجه ولكن مب بهذي الطريقه . .~

عنبو كم مره اسير وقلبي يحترق ع هالموقف . .
واخر مره صورت اليهال قلت بنزل صورهم بس قلبي ماطاوعني . .

جدا جدا المنظر مش لائق . .!

والله يوم يطلبون ما احسهم يطلبون لانهم محتايين يطلبون بس جي عايبتنهم السالفه والحوامه . .!

استغفرك ربي

لي عودة للموضوع عقب ما اصحصح عدل:facepalm:
 

Ąℓŋ3αỉмỉ

¬°•| مُراقب سَابق ومطور |•°¬
إنضم
19 يوليو 2008
المشاركات
8,398
العمر
33
الإقامة
[البريمي دآري ومربآي] « ™
صديقي

كلامك عين العقل ..

انت تعررف مسكنا وحده من اللي يتسوولن وقلنا لها بنعطيج بيزات بس نبي نعررف ليش تتسوولين

قالت بقوول بس تعطووني بيزات قلنا لها اي ..

قالت انا مو محتاايه بيززات والحمدلله

لكن زووجي يشررب خمر وكل معااشه ررايح ع الخمر ويم يخلصن بيزااته يااني وقالي ابي بيزاات انا من وين اييب له .. قالت اسير اطلب واتسوول عسب اووفر له

ولا والله تحلف تقوول انا مو بحااجه بس اتسوول عشاان زووجي
 

♦L♦

زعيم المبدعين
إنضم
27 أغسطس 2008
المشاركات
4,828
الإقامة
.♣In The Sadness♣.
انا كل ماتييني وحده تقولي حد من اللي يقرب لها فيه سرطان ×_× خخخخ

ولا المشكله بتعطيهم مايسدهم يتشرطون بعد ~_~ مايسدهم عنبوه المحتاج مايسوي جيه ياخذ اللي الله كتبه له ×_×
 

يديدة^^

¬°•| عضو فعّال |•°¬
إنضم
23 نوفمبر 2008
المشاركات
153
بصراحه انا اول مرة شفتهم قلت اكيد عمانيات ورحممممممممممممممتهم ورحمه اليهال


...بس كنت اطري السالفه لناس جان يقولون هايلا زلمات و................


بس بصراحه الشرطة وين عنهم يعني انا غريبه عن لبريمي خذت موقف انهم هم الي يشحتون


لين سألت وتوضحت لي الصورة واكيد في ناس وايد مثلي بس محد وضح لهم انهم مب عمانيين

ف احس الموقف جدا بااااااااااااااااااااايخ يدقون البيبان برايهم اما ع لحدود موووووووووول مب شي

والله لا يحوجنا لحد يااااااااااااااااااااارب.
 
أعلى