رايكم مهم ويساعد /ابي اطلق...!

جمالـــ

¬°•| عضو مميز |•°¬
إنضم
24 أكتوبر 2010
المشاركات
235
الإقامة
oman
بسم الله الرحمن الرحيم

بحكيلكم القصه وخبروني رايكم ..

طبعاً بختصر/

بعد مشاكل مع الاهل في موضوع زواجي والخطوبات اللي انرفضن باسباب مختلفه ومنها رفض الوالده وتخليها عني اذا اخذت فلانه واخرى قالو فيهم عرج (خ) والاسباب كثيره وعديده صابني انهيار وكلمت الاهل بعد ما امتلا راسي من كلامهم وضبتهم قلت لهم شوفولي اي وحده واتزوجها وخلاص ريحوني كنت منهار خطبولي وحده من اهل الوالده مضت امور الخطبه وجات الملكه وبعدها الزواج والانجاب (عندي ولد منها) المهم:
بعد الملكة عرفت انهاء مريضه وفيها ورم حميد عباره عن تليفات في مكان محدد في الجسم وطبعا ما حد قال لي قبل الملكه قلت في نفسي مو مشكله مرض وبيعدي رغم ان المفروض اني اعرف قبل الملكة اوكي مشت الحياة بس الصدمه انا وهي عكس بعض في كل شي ما نتشابه في شخصيتنا بس شو جلت فتره وراح نلقا حل وكل شي بيزول واني راح احبها مع مرور الوقت // لا جاء لا حب ولا غيره في الشهر نزعل تقريبا نصه وربع الشهر اجلس اراضي فيها والربع الباقي اداء واجب وعلى هذا الموال طوال فترة زواجنا اللي واصله سنتين ونص وانا حاولت اغير من شخصيتها عشان بس اعيش بسلام لاني ما راح احبها كزوجه ما حيت رغم هذه احترمها واقدرها بحكم العشره ولا مره قلت لها اني ما احبك ولا اثر هذا فيها حتى ما قلت لها اني ما ابيك رضيت بنصيبي وكل هذه على امل انهاء تتغير ولا صار المشكله الحين انه عندي ولد منها وانا روحي وعقلي وحياتي هذا الولد ما اجدر استمر مع زوجتي وقررت اطلجها وعمر ولدي الحين سنتين الا شهر هل طلاقي باأثر فيه مستقبلا الدنيا ادور بي من التفكير فيه ...شو اسوي ما ابيها خلاص وما اجدر اعيش معها انا ما ذكرت شو نوع المشاكل اللى صايره بينا لانها خاصه وقررت بس ولدي رايكم يساعدني بخصوص ولدي ....
 
التعديل الأخير:

mixrix

موقوف
إنضم
15 يوليو 2010
المشاركات
370
الإقامة
ف كوكب الأرض
أبغض الحلال عند الله سبحانه هو الطلاق بمعنى ( أكره شي الطلاق عند الله مع انه حلال وعادي ) سبحان الله وهذا ممايسبب تشتت ف العايله .

صديقي ,, أنا من رأيي لو تفكر أكثر قبل اتخاذ القرار .. أما اذ انك كنت مصر على الطلاق .. طلقها بمعروف وبشاشة واهم شي ما تكونون متزاعلين وتطلقون .
يعني طلقها بعد ما تصارحها انكم مش مناسبين وانك مش قادر تعيش معاها مثل اهي مش قادرة تعيش معاك .

اهم شي تطلقون وانتو مرتاحين وراضين على بعض ..تعرف ليش .؟؟!!

عشان ولدك ...

يعني عشان تتفاهم معاها متى تجي تشوفه و متى تجيبه عندها ومتى تاخذه ,,, أنت فاهم علي ؟ صح !

لا تقول ... ما اقدر اخذه منها ولا ما اقدر اخليه عندها ... لو طلقتها لا تنسى انها ف يوم كانت زوجتك و ام ولدك . ولها حق |*

ومثل ما قلت لك اهم شي يوم تطلقها تكونون مستانسين وما ماخذين ف خاطركم على بعض .


وانت بعدك فكر شوي *:298b5a831e8a667c2ba
 
التعديل الأخير:

غلاها

¬°•| عضو مميز جدا |•°¬
إنضم
7 أكتوبر 2009
المشاركات
586
الإقامة
فـــ (قلب)ــــي نـــاس
والله اخوي ما عرف شو اقولك

صحيح ابغظ الحلال عند الله الطلاق

بس اذا انت حاس حياتك معاها مستحيله طلقها

لأن انته الحين عندك ولد منها وشايل همه فكيف اذا بيت ولد ثاني وثالث ورابع

المسأله عقب تصعب أكثر واكثر

وحط فبالك شي مهم

الولد يحس براحه والأمان لما امه وابوه متفاهمين
مب مختلفين بكل شي

ياما ناس عايشين بين امهم وابوهم بس ما حاسين بالأمان والراحه

انا عندي مبدأ بالحياه "" الواحد يعيش مره وحده بس ""

هذي وجهة نظري
 

ندى الصباح

¬°•| مُشرفة سابقة |•°¬
إنضم
25 يونيو 2010
المشاركات
4,045
الإقامة
البريمي
أبغض الحلال عند الله الطلاق يا خوي

حاول وياها كلمها وصارحها يمكن تتغير أعطيها فرصة

وأذا ما فيه تغير نهائيا شور ع أهلك يمكن تلاقى الحل

عسى الله يهديكم ويصلح أموركم
 

خفوق القلب

¬°•| عضو مميز جدا |•°¬
إنضم
28 ديسمبر 2009
المشاركات
503
الإقامة
فوق السماء
اممممم الصراحه مشكلتك عويقه والله يعينك
بس انا اشووف انه انت من البدايه مب متقبلنها ومب قادر تبلعها لانك محطي وحده غيرها في بالك وعشان جي هاي مب قادر تستحملها انزين والحين من بينكم ولد لازام تاخذ الامور بهداوه وتتغضون عن بعض المشاكل عشان ايعيش ولدكم من بينكم مثلا تقدر تشل الحرمه وياك مكان بعيد عن الاهل والبيت وجي واتقول لها يفلانه انا الصراحه مب قادر اتحمل تصرفاتج واسلوبج يا انج اتغيرنه يا انج اتروحين بيت اهلج لاني انا مب قادر اتحملج اكثر من جي وانا ما ابا اظلمج وياي لانه ما اشوف انه انا وانتي نقدر نكمل حياتنا مع بعض وانا بعطيج شهر او شهرين اذا ما تغيرتي بطلقج
او انك تخليها تروح تيلس في بيت اهلها كم يوم واترتب امورك واتشوف يمكن اخر شي تطبع اانت الغلط يعني شوف نفسك وحاسبها عدل بعد حرام الظلم ..

واخر شي اذا انت مب مقتنع انك تكمل حياتك وياها طلقها يمكن الله يرزقك بالي احسن منها ويرزقها بولد الحلال والولد بيعيش عند امه ومستحيل انت تقصر عليه لانه ولدكاو حتى هي لانه ولدها ومحد يحب يعذب عياله ..
وكل شي نصيب فهالدنيا .
والله ييسر امورك ان شالله
 
التعديل الأخير:

مس بنوته

¬°•| عضو مثالي |•°¬
إنضم
25 مارس 2009
المشاركات
1,755
يالله الله يعييينك اخوي.........
ومثل ماقلوا اخواني واخواتي ابغض الحلال عند الله الطلاق......
وبعدك حاول تجلس عندها وفهمها زووود....
يمكن انتوا ماقادرين تتفاهموا عسبت جي.....
قبل لاتسوى اي شي صلى استخاره....
واما اليهال ماذنبه اي شي الله يخليه لكم....
 
التعديل الأخير:

رهييب

¬°•| عضو شرف |•°¬
إنضم
4 ديسمبر 2009
المشاركات
172
الإقامة
USA
كم أكره أن اسمع بشي إسمه طلاق..

أخي العزيز لا تقفل الدنيا فويهك .... تعوذ من بليس ... بداية انصحك أن تتريث واذا ساكن عند هلك أحسن تنتقل لعدة اشهر مكان اخر بعيد عن هلك واهلها ... انت وهي وبس والولد... حاول تقضى وقت معاها في استمتاع يعني تمشية وعشاء خارج البيت وشوي شوي صارحها ان بينكم فجوه وانك تخاف انها تكبر وان عندكم طفل وعشان هالطفل يجب انكم تضحوا ... لإن سبب وجوده بعد الله انتم... وخبرها انك تحبها بس تصرفاته ثاقله تفكيرك ... وخلك رومنسي اكثر من اللازم وخبرها انك تريد تفتح صفحه جديده وان الحياه حلوه مع التوافق....

حاول تدخل فتفكيرها وتشوف شو سبب هذا التعاكس ترا تغيير الحريم سهل والله بس يباله سياسه وصبر....

اهم شي تكسب ثقتها وانها كل شي فحياتك..... هذا عشانك وعشان طفلك...

إنت تخيل نفسك كنت عايش مع ام مش امك ( عمه) او اب مش ابوك ( عم) دمار يا اخي...

الحرمه يبالها دلع بين فتره وفتره .... مثلا اشتريلها ملابس عذوقك حتى ملاس النوم قولها انا يعجبني هاللون فيك ...

لا انصحك بالاستعجال لا سالفة الطلاق وفيه طفل معناته انك حكمت ع الطفل بالتشرد حتى لو قلت انك بتعيشه وبتربيه احسن عيشه ... هذا وهم شيطاني ... بكره انت متزوج وحده ثانيه وجبت منها عيال بيكون هالطفل مثل النطيحه فالقطيع....

حتى لو فيها مرض فهذا ابتلاء من رب العالمين ما بيدها ولا تمنته....

كثر من التقرب لها باي شي انت تشوفها تستانس فيه ومن تكسب ثقتها ابدء سياسة التغيير ...

هناك الكثير من الحلول بس ما نعرف اساس المشاكل بينكم...

أخي العزير اذا احببت التواصل معي عالخاص فلا تتردد وان شاء الله نوقف معك وقفة اخ لأخوه...ز
 

عليا العلوي

¬°•| منظمة تفاعل لأجل البريمي|•°¬
إنضم
3 مايو 2010
المشاركات
661
الإقامة
البريمي
انا تزوجت بطريقه غريبه صعبه اذكرها ....ونا من 4سنوات افكر بالطلاق وكل سنه بقول راح اطلق...وما أطلق خايفه على بناتي...يعيشن مع زوجه اب تعذبهن...لاني كلمت ريلي بالطلاق وقالي لو تنطبق السما ع الأرض البنات ما بتاخذيهن يعيشن عندج...ونا صابره ...لأني عكس زوجي بكل شي يكفي ان اعصابه بارده ونا حاره...هو من دون طموحات وأحلام..ونا من كثر طموحاتي وأحلامى ما حققت شي؟؟؟؟؟هههههه
بس اعرف كيف تعيش وتعاني..وعارفه انها صعبه عليك لكن انت ريال وحمد ربك عندك ولد واحد...مو بنت تحاتيها لو طلقت امها....نصيحه الأخ الي رد عليك اول رد..اشوفها مناسبه ولو ما قدرت حاول تشغل نفسك بدراسه او بنادي رياضي..او بأي شي يقلل من فرص تواجدك بالبيت...انا كذي اسوي...
:31:
 

جمالـــ

¬°•| عضو مميز |•°¬
إنضم
24 أكتوبر 2010
المشاركات
235
الإقامة
oman
أبغض الحلال عند الله سبحانه هو الطلاق بمعنى ( أكره شي الطلاق عند الله مع انه حلال وعادي ) سبحان الله وهذا ممايسبب تشتت ف العايله .

صديقي ,, أنا من رأيي لو تفكر أكثر قبل اتخاذ القرار .. أما اذ انك كنت مصر على الطلاق .. طلقها بمعروف وبشاشة واهم شي ما تكونون متزاعلين وتطلقون .
يعني طلقها بعد ما تصارحها انكم مش مناسبين وانك مش قادر تعيش معاها مثل اهي مش قادرة تعيش معاك .

اهم شي تطلقون وانتو مرتاحين وراضين على بعض ..تعرف ليش .؟؟!!

عشان ولدك ...

يعني عشان تتفاهم معاها متى تجي تشوفه و متى تجيبه عندها ومتى تاخذه ,,, أنت فاهم علي ؟ صح !

لا تقول ... ما اقدر اخذه منها ولا ما اقدر اخليه عندها ... لو طلقتها لا تنسى انها ف يوم كانت زوجتك و ام ولدك . ولها حق |*

ومثل ما قلت لك اهم شي يوم تطلقها تكونون مستانسين وما ماخذين ف خاطركم على بعض .


وانت بعدك فكر شوي *:298b5a831e8a667c2ba

عزيزي اهي من اهلي وانا مستحيل اطلق من غير ما يكون بينا تفاهم بهذا الشي والاجواء صافيه ...
اشكرك على الرد ونعم بالله...
 

جمالـــ

¬°•| عضو مميز |•°¬
إنضم
24 أكتوبر 2010
المشاركات
235
الإقامة
oman
أبغض الحلال عند الله الطلاق يا خوي

حاول وياها كلمها وصارحها يمكن تتغير أعطيها فرصة

وأذا ما فيه تغير نهائيا شور ع أهلك يمكن تلاقى الحل

عسى الله يهديكم ويصلح أموركم

ثلاث سنوات وانا احاول ما كو فايده واهلي هم ساس المشكله همهم بانا ما نفترق لو على حساب سعادتنا !!
شكر على الرد
 

جمالـــ

¬°•| عضو مميز |•°¬
إنضم
24 أكتوبر 2010
المشاركات
235
الإقامة
oman
اممممم الصراحه مشكلتك عويقه والله يعينك
بس انا اشووف انه انت من البدايه مب متقبلنها ومب قادر تبلعها لانك محطي وحده غيرها في بالك وعشان جي هاي مب قادر تستحملها والله ييسر امورك ان شالله

اي حب انا اللي كنت احبها راحت مع نصيبها ..
المساءله مو مسالة تحمل المساله اكبر
اشكر على الرد..
 

جمالـــ

¬°•| عضو مميز |•°¬
إنضم
24 أكتوبر 2010
المشاركات
235
الإقامة
oman
يالله الله يعييينك اخوي.........
ومثل ماقلوا اخواني واخواتي ابغض الحلال عند الله الطلاق......
وبعدك حاول تجلس عندها وفهمها زووود....
يمكن انتوا ماقادرين تتفاهموا عسبت جي.....
قبل لاتسوى اي شي صلى استخاره....
واما اليهال ماذنبه اي شي الله يخليه لكم....

اعتقد ثلاث سنوات تكفي اختي حاولت بلا جدوى رغم اني ما احبها كزوجه تحملت والله يعلم بس احين افكر بولدي ما بيها ..اشكرك على الرد
 

جمالـــ

¬°•| عضو مميز |•°¬
إنضم
24 أكتوبر 2010
المشاركات
235
الإقامة
oman
كم أكره أن اسمع بشي إسمه طلاق..

أخي العزيز لا تقفل الدنيا فويهك .... تعوذ من بليس ... بداية انصحك أن تتريث واذا ساكن عند هلك أحسن تنتقل لعدة اشهر مكان اخر بعيد عن هلك واهلها ... انت وهي وبس والولد... حاول تقضى وقت معاها في استمتاع يعني تمشية وعشاء خارج البيت وشوي شوي صارحها ان بينكم فجوه وانك تخاف انها تكبر وان عندكم طفل وعشان هالطفل يجب انكم تضحوا ... لإن سبب وجوده بعد الله انتم... وخبرها انك تحبها بس تصرفاته ثاقله تفكيرك ... وخلك رومنسي اكثر من اللازم وخبرها انك تريد تفتح صفحه جديده وان الحياه حلوه مع التوافق....

حاول تدخل فتفكيرها وتشوف شو سبب هذا التعاكس ترا تغيير الحريم سهل والله بس يباله سياسه وصبر....

اهم شي تكسب ثقتها وانها كل شي فحياتك..... هذا عشانك وعشان طفلك...

إنت تخيل نفسك كنت عايش مع ام مش امك ( عمه) او اب مش ابوك ( عم) دمار يا اخي...

الحرمه يبالها دلع بين فتره وفتره .... مثلا اشتريلها ملابس عذوقك حتى ملاس النوم قولها انا يعجبني هاللون فيك ...

لا انصحك بالاستعجال لا سالفة الطلاق وفيه طفل معناته انك حكمت ع الطفل بالتشرد حتى لو قلت انك بتعيشه وبتربيه احسن عيشه ... هذا وهم شيطاني ... بكره انت متزوج وحده ثانيه وجبت منها عيال بيكون هالطفل مثل النطيحه فالقطيع....

حتى لو فيها مرض فهذا ابتلاء من رب العالمين ما بيدها ولا تمنته....

كثر من التقرب لها باي شي انت تشوفها تستانس فيه ومن تكسب ثقتها ابدء سياسة التغيير ...

هناك الكثير من الحلول بس ما نعرف اساس المشاكل بينكم...

أخي العزير اذا احببت التواصل معي عالخاص فلا تتردد وان شاء الله نوقف معك وقفة اخ لأخوه...ز

شكرا عزيزي على الرد/ اللي بينا مو مشكله وحده مشاكل عده ولا تظن اني ما حاولت اني اعدل المسار بس كل شي ضدي ....

انا ما معك بان الولد بيتشرد ...ماهي قاعده ان اولاد المطلقين كلهم متشردين اهم شي النيه وانا لو عندي ذرة تاكد بانه بيرتاح بينا واحناء متزوجين ما راح اتردد وراح اقتل كل شي بقلبي وادوس عليه وبخليها ...
 

جمالـــ

¬°•| عضو مميز |•°¬
إنضم
24 أكتوبر 2010
المشاركات
235
الإقامة
oman
نصيحه الأخ الي رد عليك اول رد..اشوفها مناسبه ولو ما قدرت حاول تشغل نفسك بدراسه او بنادي رياضي..او بأي شي يقلل من فرص تواجدك بالبيت...انا كذي اسوي...:31:

الله يعينك ويساعدك واشكرك على الرد
 

موزة النعيمي

:: فريق إنجاز للتدريب ::
طاقم الإدارة
إنضم
29 سبتمبر 2009
المشاركات
7,757
العمر
33
الإقامة
في قلوب من تحبني
السلام عليكم ورحمة الله وبركاته . .
أخوي اني التمس فيك رؤيتك المتردده في موضوع الطلاق . .!
وهذا ان دل يدل على انك صحيح تفكر بهالشي ولكن ماتتمناهوهالشي باين من اسلوبك . .!

بصراحه ابغض الحلال عند الله الطلاق وانت عارف هالشي اكيد . .
وانت انسان خير وقلبك طيب وكبير . . وتبي الخير لك ولحرمتك ولولدك
وتتمنى لو حياتكم الزوجيه تكون احسن من هالحال . .
وهالشي باين عليكك من اسلوبك . .

الطلاق يمكن حاليا ما يأثر لان الولد صغير . .
ولكن فكر فيها قبل كل شي . . لو طلقت اخوي
الولد عند منو بيظل؟ عندك ولا عندها؟
بتقدر تخليهبعيد عن عينك؟ ونفس الشي هيه بتقدر تبعد ولدها عنها ؟
الولد راح يتشتت بينك بينها . ز
ولو صار وهيه خذته راح تشوفه يمكن مره\ مرتين بالاسبوع . .! وطبعا يمكت تكون زيارتك له رسمية جدا!
ويمكن من الاساس الحرمهماتخليك ايضا . .!
النقطه اللي ماوضحت امامي في الموضوع هيه [ طبيعة زوجتك]
هل هيه تحاول مثل ما انت قاعد تحاول في حل مشاكلكم؟
هل هيه حاسه انك انت ماتبيها وتبي اطلقها؟

يمكن غلطتك انك ماصارحتها\ ماقلت لها شو تبغي منها بالضبط؟
يمكن الحرمه مب عارفه؟ يمكن الحرمه هب منتبه لعمرها؟
كونك زوجها واجب عليك تعلمها\ تفهما\ ادرسها\ وتتعب عشان توصلون لمرادكم . . .

وبما انك انت عرفت هالشي من بعد الملكه . . وعدى ع الموضوع فتره
ليش كملت ويبت ولد ؟
واذا ع الدلع ترا كل الحريم يدلعن .. بس لازم يكون فيه معير لهاشي وهذ انت تقدر تضبطه اخوي

يمكن لازم تغير من طريقتك معاها. اسلوبك معاها.. وتكون اكثر جامد
يمكن هالشي يغيرها شوي ..

استخدم كل اطرق لانك وصلت مرحله متقدمه من الزواج
وكل شي يتصلح بالنصيحه \ بالاسلوب الطيب \ وبالاسلوب الجامد في بعض المواقف . .

ونصيحتي اخيا : استمر على مينونك لا اييك اين عنه ههه
 

mixrix

موقوف
إنضم
15 يوليو 2010
المشاركات
370
الإقامة
ف كوكب الأرض
عجبني رد العضو رهيييييييييب قال :


كم أكره أن اسمع بشي إسمه طلاق..

أخي العزيز لا تقفل الدنيا فويهك .... تعوذ من بليس ... بداية انصحك أن تتريث واذا ساكن عند هلك أحسن تنتقل لعدة اشهر مكان اخر بعيد عن هلك واهلها ... انت وهي وبس والولد... حاول تقضى وقت معاها في استمتاع يعني تمشية وعشاء خارج البيت وشوي شوي صارحها ان بينكم فجوه وانك تخاف انها تكبر وان عندكم طفل وعشان هالطفل يجب انكم تضحوا ... لإن سبب وجوده بعد الله انتم... وخبرها انك تحبها بس تصرفاته ثاقله تفكيرك ... وخلك رومنسي اكثر من اللازم وخبرها انك تريد تفتح صفحه جديده وان الحياه حلوه مع التوافق....

حاول تدخل فتفكيرها وتشوف شو سبب هذا التعاكس ترا تغيير الحريم سهل والله بس يباله سياسه وصبر....

اهم شي تكسب ثقتها وانها كل شي فحياتك..... هذا عشانك وعشان طفلك...

إنت تخيل نفسك كنت عايش مع ام مش امك ( عمه) او اب مش ابوك ( عم) دمار يا اخي...

الحرمه يبالها دلع بين فتره وفتره .... مثلا اشتريلها ملابس عذوقك حتى ملاس النوم قولها انا يعجبني هاللون فيك ...

لا انصحك بالاستعجال لا سالفة الطلاق وفيه طفل معناته انك حكمت ع الطفل بالتشرد حتى لو قلت انك بتعيشه وبتربيه احسن عيشه ... هذا وهم شيطاني ... بكره انت متزوج وحده ثانيه وجبت منها عيال بيكون هالطفل مثل النطيحه فالقطيع....

حتى لو فيها مرض فهذا ابتلاء من رب العالمين ما بيدها ولا تمنته....

كثر من التقرب لها باي شي انت تشوفها تستانس فيه ومن تكسب ثقتها ابدء سياسة التغيير ...

هناك الكثير من الحلول بس ما نعرف اساس المشاكل بينكم...

أخي العزير اذا احببت التواصل معي عالخاص فلا تتردد وان شاء الله نوقف معك وقفة اخ لأخوه...ز
 

جمالـــ

¬°•| عضو مميز |•°¬
إنضم
24 أكتوبر 2010
المشاركات
235
الإقامة
oman
السلام عليكم ورحمة الله وبركاته . .
أخوي اني التمس فيك رؤيتك المتردده في موضوع الطلاق . .!


خلاص اليازيه صدجيني ما اجدر اكمل طول فترة زواجنا وانا احاول ارتب الامور كل الكلام اللي قلتيه سويته ..احين همي ولدي ،،واصلا الحرمه ما تبيني بعد .. لاني ما اتماشى مع رغباتها وتريدني خاتم في يدها اقسم لك لو شخص غيري ما تحملها كل هالفترة ..ردك يسعدني
 

mixrix

موقوف
إنضم
15 يوليو 2010
المشاركات
370
الإقامة
ف كوكب الأرض
صديقي أنا لاحظت من ردودك على كل الاعضاء ... بأنك أصلا خلااااااااااااااااص مقتنع انك تطلقها ....


أرجو انه ما يكون هناك تدخل ثالث ... ( خلف الكواليس) من ربع و اصدقاء او اهل يترسون راسك .



,,,,,,,,,,,,,,,,,,وبما انك مصر على الطلاق عموما خلاص طلق .... وعشان الولد ..خليه يتزاور بينكم ..يعني وديه عندها يجلس وانت زوره . واصرف عليه وعطها مصروف معين لأن الولد يحتاي له فلوس ما دام بيكون عندها .
 
أعلى