!!نتيجة تعاطفكم من العاملين فالمحلات و المطاعم>> قبل شوي ضرابة عند طيبات الشام ..

مجنون في حب داري

¬°•| عضو جديد |•°¬
إنضم
23 مارس 2010
المشاركات
9
السلام عليكم جميعا..
بدخل فـ الموضوع بالمرة..


قبل شوي كنت واقف عند دكان الشيشة وشوف اللي يشتغلون فـ طيبات الشام متولفين على واحد عماني هو و عياله و يبون يضربونه.. ويالسين يسبونه ومسكين هو بروحه واقف جدامهم..المهم سرنا انا وربعي وهناك كانو شباب 2 واقفين عدال المقهى اللي عدال المطعم ونزلوا يحايزوا وعقب يئ واحد بعد يحايز.. و تولفنا تقريبا 7 عمانيه جدام 15 زلمة من مطعم طيبات الشام.. موضوع السالفة عن العماني طلب عصيرة وشافه انه مب فرش وعقب قال حق الزلمة ردة.. قام الزلمة يرد عليه و بلفاظ مب حلوة وعاد تموا يتشاتموا وعقب ادازو .. نحن حاولنا نحل الموضوع وكنا عارفين ان الزلمة هو الغلطان بس حلينا الموضوع عشان العماني من صحار وكان شال عياله فـ السيارة و الوقت كان الساعة 1 فليل.. المهم يوم بغى يسير العماني قام واحد من الشباب اللي كانوا يحايزو و يحلوا السالفة يتكلم مع الزلمة اللي مسوي السالفة بس الزلمة مصخها قام يشاتم ويعلي صوته ويسب و خلاف قام يدز ويضارب..و يوم خلصوا مضاربين طلب هالريال الشرطة والزلمات شردوا صوب شقتهم.. المهم يات الشرطة وشلوا بطايقهم وتحول الموضوع للشرطة....

الزبدة من الموضوع انا بقولكم شي ومثل ما شفته من اهل البريمي.. انا شفت ان اهل البريمي وايد متعاطفين و وايد يغلطوا عليهم وهم ساكتين (اقصد يغلطوا عليهم اصحاب المحلات ).. ياخي ما بقى حد من اللي يشتغلون فالبريمي ما سو راس وبطر علينا .. ياخي انا ما اقولكم كونوا عصبين على الزلمات و الهنود بس يا خي لا تسكتوا عن حقكم.. عيل اللحين واحد زلمة يغلط على ولد البلاد جدام عياله.. والله نحن من البريمي استحينا من الريال.. مسكين ياي من صحار ويقوم الزلمة يسبه ويهدده.. انا بصراحة يربت مطاعم البريمي مال الشاميين كلهن وبصراحة يعاملوك جنك انت الوافد وهم اهل البلاد.. واللحين بعد نص الهنود سولهم راس.. يا خي منو يرضى ينذل فـ بلاده من واحد وافد.. يا خي بسكم تعاطف .. اليوم يات على واحد من صحار وباجر بتيي من واحد من برع البلاد.. يا خي اي زلمة ولا هندي شفتوه قليل ادب لا تسكتوا عنه وعلموه الادب.. .. والسموحة منكم..
 
التعديل الأخير:

البارونه

¬°•| عضو مميز |•°¬
إنضم
4 أبريل 2009
المشاركات
287
الإقامة
البريمي
ي
يه هذا الي صاااااير الحين .. من ثبتو وجوهم كبرو علينااااااا..


ماصار التعامل مثل قبل مادري ليش ..


وماااحس انه فيه رادع ولا ماوصلنا لهذا الحال..
 

ندى الصباح

¬°•| مُشرفة سابقة |•°¬
إنضم
25 يونيو 2010
المشاركات
4,045
الإقامة
البريمي
هذولا بيالهم هزاب وبيعتدلوا

الله لا حطكم ب هالموقف

انا صارلي كذي كنت متصلة اطلب من المطعم

وسدت التلفون فويهي أونها بزي وأنتظرتها لحد ما يابت الطلبية

وشرشحتها عشان مرة ثانية ما تسوي هالحركة لا لي ولا لغيري

الحين من تشوفني دقلي سلام من يعيد

فخاطري اقول ما يبالج غير العين الحمرة
 
التعديل الأخير:

صقر الديرة

¬°•| عضو مميز |•°¬
إنضم
25 أبريل 2010
المشاركات
434
السلام عليكم ورحمة الله وبركاتة
شكرآ لطارح الموضوع

أدش في الرد مباشرة وبدون مجاملة ولا زعل
قبل عيد الفطر المبارك دشيت محل الحلاقة ومعي اولادي بارك الله فيهم لحلاقة الرآس وعددهم ثلاثة وأنا الرابع أعوذ بالله من كلمة انا ولكن لحلاقة الرآس واللحية وبعد الإنتهاء من الحلاقة قال الحلاق لولدي الأكبر سنآ قل لابيك حسابكم سبع ريالا وخمس مئة . رد عليه ليش قال هذا المبلع الحالي وباختصار أخرجت مبلغ وقدرة -- ريالين ونصف وأعطيت المسئول هناك فرفض إستلام المبلغ فقلت له إتصل بالشرطة أو اربابك فانا لا زلت موجود بالمحل لأعرف من رفع الأسعار --- وبعد ما يقارب الخمس دقائق قال صاحب المحل خلاص صديق روح انا ما يريد زيادة سوري أنا غلطان


فياء شباب البلد لا تكونوا كريمين لمن اراد ان يستغلكم فانتم شباب المستقبل فكونوا يدا ليد


والسموحة منكم وموه الفرق بين حلاقة اللحية حلاقة عادية وخنجرية على شان تكون اللحية الخنجرية اغلى باي شباب المستقبل خليكم يد بيد وخبروا ربعكم بالموضوع
 

مروض الكهان

¬°•| مَشْرف سابق|•°¬
إنضم
30 مايو 2008
المشاركات
5,795
أنــــا معاكــ

الزلماتــ مكبرين راسهم

والناس اذا طلبوا والطلبيه كانت بايته ما يردون عليهم ولا يتصلون بالمسؤول عنهم

يعطوون الموضوع طاااف

والهنود مب أقل عنهم مستوى

صايرون يقولولنا الحاجه حقك اذا تبى خذت واذا ما تبى توكل
 

هيباتيا

¬°•| عضو مبتدى |•°¬
إنضم
11 أكتوبر 2009
المشاركات
79
بدون تحيز لأي الفريقين

حتى الشباب مب سهلين !

حطوا نفسكم بمكانهم في غربة ، اكيد في خواطرهم يقولون ما بنسكت عن حقنا ويشبونها حريق يوم حد يشارهم !


وأنتوا تتعاملون بها المنطق ... وهات يا ضرايب كنتيجة طبيعية لقناعة الطرفين بهالشي !


الأسلوب الحسن يخمد كل شي .. !
 

shadow

¬°•| اسْتًغْفِرُ الله |•°¬
إنضم
1 أكتوبر 2009
المشاركات
603
المشكلة من الوافد نفسه ،

يمكن هم كذي تعاملهم مع بعض فبلادهم :74:
 

موزة النعيمي

:: فريق إنجاز للتدريب ::
طاقم الإدارة
إنضم
29 سبتمبر 2009
المشاركات
7,757
العمر
33
الإقامة
في قلوب من تحبني
انا ماراح اتحيز لاي طرف
ولكني بعد لاحظت ان تعامل الوافدين مستوي ماصخ
صاروا اصحاب البلاد ونحن الوافدين^^

ما اقول غير
الله يسامح لي كان السبب
وكبر راسهم علينا^^

ولي عوده
 

مستشار

¬°•| عضو مميز |•°¬
إنضم
17 مارس 2010
المشاركات
374
هذي مشكلتنا ف عمان ... طيبين وطيبين .. نحن طيبين بس طيبتا صارت تجلب علينا ان بغيتون الصدج...
ف العين هالوافدين ان كانوا زلامت ولا غيره يعاملونهم كأنهم ولا شي.... وهذا منطق...

يقول الشاعر ( لاتشتري العبد الا والعصا معه... ان العبيد لأنجاس مناكيدوا)
ولي ما عايبنه يراجع غيري .. طيبتنا صارت تحرقلنا اعصابنا يوم نسمع مثل هالسوالف وياريت كنت عندكم يوم صارت السالفه...

ياي من صحار وبعده عياله عنده؟؟؟ وبسبة عصير؟؟؟ ع بالي طالب ب 1000 ريال مشاوي...!! اه يالقهر
 
التعديل الأخير:

السَعيدي

<font color="#ff0000">¬°•| إداري سابق|•°¬</span></
إنضم
21 سبتمبر 2007
المشاركات
9,912
الإقامة
توام
بسم الله الرحمن الرحيم


اولا اشكرك على طرح الموضوع واهتمامك بمثل هالمواقف والأمور المتعلقه بالمحافظة واهلها


الموضوع مش مثل ما تتصوره اخوي

أحترام العاملين في بلادنا بمختلف جنسياتهم لا يعتبر ضعف او تحريض لهذا العامل على التمرد

هالشي من طبيعة اهل البلاد وعاداتهم
والحمدلله هالشي معروف عن اهل هالبلاد
التواضع واحترام الغير

طبعا الموقف لي تكلمت عنه مؤثر وما يرضينا

لكن الاهم من هذا ان البلاد محكومه وفيها قانون
والمشاد بالكلام ما يؤدي إلى أي نتيجه
لان كل شخص مقتنع برأيه حتى لو كان غلط

كان الأجدر أخبار الجهه المختصه فور حدوث الخلاف
وانت بروحك قلت انه اول ما اتصلتو بالشرطه العمال هربو وهذا دليل على أنهم غلطانين ويعروف انهم بيتعاقبوا


أنا شخصيا اوصي بالأتزان وعدم التهور أبدا

وحل الأمور بحكمه هو خير تصرف يقوم به الأنسان

ونتمنى عدم حدوث مثل هذي الامور عندنا
 

AL W$WAS

موقوف
إنضم
5 يناير 2010
المشاركات
2,756
الإقامة
♠ حــارة الـمجـرمـيـن وعـالـم خـاص فـيني ♠
كم مره وانا اقول لارحمه بعد اليوم ومحد يفهم
ياحبايبي في ناس اذا تحترمها تحترمك...
وفي ناس اذا تحترمها ـــــــــــــــــ انتو عارفين الباقي
قال صدام من يحترم يوحترم

 

Ąℓŋ3αỉмỉ

¬°•| مُراقب سَابق ومطور |•°¬
إنضم
19 يوليو 2008
المشاركات
8,398
العمر
33
الإقامة
[البريمي دآري ومربآي] « ™

عليا العلوي

¬°•| منظمة تفاعل لأجل البريمي|•°¬
إنضم
3 مايو 2010
المشاركات
661
الإقامة
البريمي
يا اخواني وخواتي...خلكم عاقلين وفكروا بعقلانيه.....المشكله مش في زلمه او هندي او عماني .....المشكله ف عقولنا وطريقه تفكيرنا وكيف نحسب الموقف.....لا فرق بين أعجمي...وعربي إلا بالتقوى....وفي ناس لا من اصلنا ولا هم يحزنون ومعاملتهم..حلوه وتشرح الصدر.....اخواني المعامله الطيبه تقربك من ناس والمعامله الخشنه تبعدك عن ناس.....يعني لو صادفت بحياتك كم واحد زلمه يعاملك بطيبه ...بتقول هاذوله الزلمات طيبين وحبوبين...ولو صادفك كم هندي معاملته طيبه بتقول يحليلهم لو انه هندوسي بس معاملته احسن عن العربي....يعني على حسب الأشخاص...تنحب عشاير وقبايل.....هالعماني بيروح صحار وضايق صدره وبيعامل كل زلمه على إنه ما عنده أخلاق..وبتصير عنده عقده..وبيكره كل الزلمات ...شوفوا كيف شخص واحد خرب عالباقي؟؟؟؟؟؟قولو لا إله إلا الله...كلنا بنوقف بين ايدين رب العلمين وبنتحاسب......ولا تنحازوا لأي طرف.....الي تربى صح بيعامل الناس كلها بأدب وأخلاق بغض النظر عن الأصل...ولا تنتظر الناس تعاملك بأدب المهم أنت تكون صافي القلب ومعاملتك عطره وحلوه....وخلى الباقي على رب العلمين ..واستهدوا بالله
 
أعلى