[ فضائيات ]

[ذات أثر]

موضوع مهم ما طرحتيه أختي خافق ...
طبعاَ الدور الأساسي ع الأهل .
لأنه أصبحت الأسرة عندها درايه و وعي كافي و عارفين مخاطر هذه الفضائيات إذا مب الأم الأب و إذا مب الأب حد من الأولاد أو الأخوان أصبح العالم متعلم و لكن الإهمال هو السبب الرئيسي ..
مره كنت فاتح ع إم بي سي الأطفال و كان يوم جمعه و يعرض فلم للأطفال ..
قصة الفلم و المشاهد اللي فيه ما تصلح يطالعها مسلم ما بالكم بطفل و غيره طبعاَ كثير ..
نتمنى أن لا يتساهل الناس فى مصلحة عيالهم .

اخوي بو سلطان // بعد الاسر لين يومك هذا ما عندهم درايه
حتى لو متعلمين و قارين // بس ما ادري وين عايشين !!

^^"~ و بالنسبة لام بي سي 3 عفن بمعنى الكلمة ( مع احترامي الشديد )

اشكرك اخوي بو سلطان على مداخلتك الطيبة

و لا تحرمنا من طلاتك

بارك الله فيك​

 

[ذات أثر]

الدور الرئيسي فتربية الأبناء يعود ع الأهل
وهم اللي يعودون عيالهم ع العادات الزينة والشينة
والتربية تبدأ من لما يكون الواحد صغير
وكل واحد يمثل البيت اللي هو تربى وطلع منه

و،

وبالنسبة للفضائيات ع الأهل انهم يتابعون عيالهم
ويعرفون هم شو يالسين يشوفون لأن مثل ما في الشي الزين
في بعد الشين واللي هو أكثر شي نحصله فالتلفزيون
والياهل بطبعه يحب يقلد كل اللي يشوفه
من رقص وغناء وعنف
ويهال هالزمن هب جنهم يهال
كل واحد يرمس رمسة كبار ويخلي عمره واحد عود ومحد قده
​

و،

​

​

​

الحل برأي انه كل واحد براقب عياله ويشوف شو يتابعون
والقنوات اللي هب زينه تنحذف ~
​

و،
​

ربي يعطيج العافية ع الطرح وما فيج حيله
​

أولا اشكرك اختيه على المداخلة الطيبة منج

بس تعرفين // احيانا ما نقدر نعق اللوم كله ع الاهل ,,

مثلا ~ فيه بعض البهال يروحون بيت الييران و يشوفون القنوات عندهم

و الييران مب وايد مشددين على عيالهم

هنيه بتكمن مشكلة يديدة خيتوو

يعني الام كيف راح تعرف ولدها شو شاف

مثلا واثقة من يارتها و هيك

بارك الله فيج على المرور الراقي

وبانتظار كل يوم​

 

[ذات أثر]

عاد اليهال وتعلقهم ف التي في هالايام خلاص صار ادمنا احسه ..

حتى الاهل ما يقدرونلهم استوو .. حمدلله مفتكين ما عندنا يهال ولا بنعاني منهم..

صدق مشكله بصراحه يوم ما يكون فيه رقابه بشو يطالعون .. بس احس الاهل ما بيتمون يدققون ف كل لقطه تستوي ف اللي يطالعونه .. يعني مرات الاهل يستهينون ف الرسوم .. يقولون شو ممكن ينحط ف هالرسوم

وهم ما يدرون انه اغلب الرسومات دمار ويعلمون الاطفال امور كبيره ومب قدهم ..

اهم شي الاهل ما يخلون اليهال وايد ع التي في وينتبهون لشو يطالعون ..ويحاولون ينبهونهم ^^

تسلمين خافق ع الطرح

ههههههههههههه قطوة البريمي // باجر بتعرسي و برتبي شو بتسوين ويا عيالج ؟ :Frshah1:

حبيت كلمة يستهينون //

انا بخبرج ~ مرات يكون الرسوم عارضينه من زمان بس بعض اللقطات محذفة !!

و لكن يوم يردوا يعرضوه الحين !!

ما يحذفون شيء ~ فالاهل ماخذين فكرة انه هالرسوم زينة و ما فيها شيء :canadian:

أشكرج ختيوو على مداخلتج العجوبية

بارك الله فيج​

 

[ذات أثر]

هالوقت كل شي فيه صعب

لازم الواحد ينتبه ع عياله لأن حتى الرسوم في بعضهن ينقلن صوره غلط لطفل

فلازم تكون فيه متابعه دقيقه من قبل الأهل ع الأبناء ف البيت


مشكوره الغلا ع الطرح الممتاز

وننتظر من الزووود

كلامج عين العقل اختيه :1:

و لكن ما فيه شيء مستحيل

اشكرج على مداخلتج العجوبية

و بانتظارج تنورينا كل يووم​

 

[ذات أثر]

الصرآآحه كل البرآمج والآفلآم الكرتونيه


مآآجوفهآ تصلح للآطفآآل اسآسآ مآفيهآفآيده بآلعكس تدمرهم

وتخليهم يقلدوون اي شي

ويآكثر مآسمعنآ عن حآلآت شنق وقفزيقلدوون بآت مآن وغيره

وكله عن حب وآبي رفيج يآرفيجه وعلى الدنيآ السلآم اغتآلوهآ برآءة الطفوله

الآهل اهم مقص الرقيب موب عشآن يبوون يرتآحون منهم يخلوهم ويآ التلفزيون ومآيدروون شآللي يجفونه

يسوون لهم برنآمج وجفوآ آللي ينآسبهم وقعدوآ ويآهم بآلعكس رآح يستآنسوون
وبآلنهآيه

كل رآع مسؤؤل عن رعيته


هآذوولي آمآنه



وآلله يعطيج العآفيه خيتوووووووو ع الطرح الرآقي

صدقج يا بنت قطر ~ العيال امانة . . و اذا ما ربيناهم صح منو بيربيهن الاعلام !!!

و تسلمين على مداخلتج ^^"~ الكشوخية .

و كثري طلات ~ بارك الله فيج :hai-there:

​

 

[ذات أثر]

اول شئ ثانكس ع هالموضوع الرهيب

وبعدين عيال هالايام ماينقدر عليهم كل شئ يعرفونه ماتقدر تقص عليهم

والله يرحم زمانا نحن وحليلنا ههههه

حتى تفكير الطفل بهالزمن صار غير وهالقنوات طايحين فيهم بهالبرامج والافلام الي ماتخصهم

وعاد يهالله يلقطون كل شئ وتم ف عقولهم وكله مصاخه وافلام عنف ولا ترقيص عاد الحين

والله حاله​

هلا اختيه غيثة السحايب

^^"~ العفو اختيه . .

و الله اليهال يا بوج ، كانوا يهال من زمان يوم يشوفوا شيء يناسب سنهم

و يوم انه يقتلوا برائتهم ^^"~ راحت :imuae43:

اشكرج على مداخلتج اللطيفة خيتوو

و بانتظارج كل يوم​

 

[ذات أثر]

مااشااء الله عليج خاافق

مووضووع طيب

..

انا بعطيج رراي

مب عيب الوواحد يتاابع الفضاائيات بس ياخذ الززين ويتررك الشين

مرحبا فيك اخوي الوسمي ~

أنا ما قلت عيب و لا ما عيب // التي في فيه الشين و فيه الزين

و لكن لازم ننتقي الافضل لعيالنا

أشكرك على مداخلتك الرائعة

بارك الله فيك​

 

[ذات أثر]

’,​

فهذا الزمــن اليهال ماشاء الله عليــهم يعرفون كل شيء
وطبعــا هب كل شيء ع اليهال و الأهل بعد حقهم دور ف تربية اعيالهم
ولازم يعلموهم العادات الزينه يعني مايخلوهم يطالعون التلفزبون 24 على 24
ويعرفون القنوات الي يطالعوهن اليهال اذا هي زينة ولا لا


,’

وفيـه وحدهـ عمرها تقريبا بين 6-7
جافت بات مان وعيبها يوم يناقز ويطير
روحت البنت الطابق الثاني ونقزت من الطابق الثاني لين الطابق الأرضي ( تقلد بات مان )
لكـن الحمد الله انها ما ماتت ~

,’

والحل لازم الأهل يعرفون عيالهم شو يتابعون
أو انهم يحذفون القنوات الي هب زينه

’,

تسلمين يا الشيخه ع الطرح المتميز

​

^^"~ و الله اليهال شدراهم لو ما مخليهن الاهل ع النت و التي في !!

الحد لازم يكون من الساس و عقب بيصلح الباقي

اشكرج اختيه على المداخلة الغاوي منج

و بانتظارج كل يووم

لا خال و لا عدم​

 

[عۈد بطرآنيـے]

أولا اشكرك اختيه على المداخلة الطيبة منج​

بس تعرفين // احيانا ما نقدر نعق اللوم كله ع الاهل ,,​

مثلا ~ فيه بعض البهال يروحون بيت الييران و يشوفون القنوات عندهم​

و الييران مب وايد مشددين على عيالهم​

هنيه بتكمن مشكلة يديدة خيتوو​

يعني الام كيف راح تعرف ولدها شو شاف​

مثلا واثقة من يارتها و هيك​

بارك الله فيج على المرور الراقي​

وبانتظار كل يوم​

كلامج صح الياهل إذا ما شاف فالبيت بيشوف فمكان ثاني
لكن لو من هو وصغير تعود على إنه فيه أشياء ممنوع عليه يتابعها ما راح يشوفها
يمكن يشوفها مرة مرتين وما بيشوفها دوم ~


​

​