كـــــتـــبـــت الـــشعر

مردك لي

¬°•| عضو مثالي |•°¬
إنضم
5 أبريل 2010
المشاركات
1,977
الإعجابات
0
الإقامة
متربع بقلب خلي
#1
كتبت الشـــعــــــر مــــو لجلـك ولكــــــن فـاض بـي
بركـــان واما انتي فلا تسوين قصيده في نظر عيني

حلفتي لي تصونينـي إذا صـار الزمــــــن خــــــوان
وأول مــــــا عثـر حظـــــي علـى دربـــــك خذلتينـي

كسر رمح الزمـــــن صدري وجيتك اشتكي حيـران
نزعتي الرمـــــح من صدري وفي ظهري طعنتينـي

خســــــــااااره كييـف حبيـتك؟؟! نعـم والله ندمـــان
غـــبــــــــي أدري نعـم ادري مـا دام انـك سكنتينـي

سنـــــــه مـن عمـــــــري وانـا فـي لعبتـك غرقـان
أشيل الـــــشــوك من دربك وجرحـي كـان يدمينـي

وكنت أبكي إذا تبكي وأكـون لبسمتـك فرحـــــــان
وكنت اقرب من رموشك لعينـك يــــــــوم تبغينـي

عرفتك للآسف صحـــــــراء وحولتـك إلـى بستـان
وشلتيني غصن أخضـــــر وفي صخرك زرعتينـي

حفرتك داخلي وظني تصوني عشرتـــــــي أزمـان
وكنت أحفر قبر موتيــــــــ علـى ساحـل شرايينـي

على كف الشقا نامت جروحي والألـم سهـــــران
يحطمني .. يبعثرني .. وفي صحـراك يرمينـــــــي

ولكن عــــزتـــــي تفـرض أكـون بدنيتـي سلطـــان
وإن ظنك أجي أركع لرجلــك... مـا عرفتينــــــــي

انا ما عادتي اشحذ من أمثالك رضــــــا وإحسـان
امـــــــــــوت بـــعــــزتـي ارحـم ولا ذلــك يغطيـنـي

وما دام الوفــــــــــا عنـدك يـدور لـه علـى عنـوان
بدور لي على قلـب يصـــــــــــون الحـب وسنينـي

ولو قلبـي رجـع حَبـك بولـــــع فيـه بالنيـــــــــران
وبكســـــرهـا أنـا رجلـي إذا صوبــــــــك توديـنـي

ولو دار الزمــــــن ضدك وجيتـي تطلبـي الغفـران
وجبتي الشمــــــــس فـي كفـك لعندي..مـا بتلقينـي

تقول الناس في وصفك:جميله مثل عـود البــــان
وإنك أجمل وأحلى بشـــــــــر مخلـوق مـن طينـي

وإنك غاليـــــة وأثمـن مـن الياقـوت والمرجـان
تقوم أكوان مـن أجلـك وتقعـد لـك بلادينـــــــــي


حــــــسافه غرهم شكلك ويـا مـا تخـدع الألــــوان
عموماً .. بقت كلمة أخيرة لك على قلبي وسمعيني

إذا كنتي بنظر غيري مـــــلاك على هيئـة إنسـان
قسم بالله ما تسوين شعـــــــره مـن رمـش عينـي[/COLOR]
 

متغطية ببرقع امايه

¬°•| عضو مميز |•°¬
إنضم
27 فبراير 2010
المشاركات
291
الإعجابات
0
الإقامة
البريمي فديييتها
#2
القصيدة مب غريبة علي !!!

اعرفها والله اعرفها

ولا انا اعرف صاحبها !!!!!!!!!!!!!!!!!!!!
 

مجروحة المشاعر

¬°•| عضــو مــهــم|•°¬
إنضم
15 نوفمبر 2009
المشاركات
3,414
الإعجابات
0
العمر
29
الإقامة
عمان داري مالها مثيل ... هي فخري وانا لها قتيل
#5
حتى انا اعرف هالقصيدة

عندي اياها ف دفتري مال الشعر

وانا ماخذتنها من جريدة

يسلموا اخويه ع هالنقلة

ربي لا هان قدرك وغلاك
 
أعلى