ذات الفيس الجميل

العاثرة

¬°•| عضــو مــهــم|•°¬
إنضم
11 مارس 2009
المشاركات
615
الإعجابات
0
الإقامة
عنـــد الكفــيل
#1
السلام عليكم ورحمة الله وبركاته


يااااااااي ..جااان توحشوني والله
ادررري انكم بعد ولهتم علي وعلى هذرتي اللي ماتخلص
وبهاي المناسبة السعيده احب اني اهنيكم
بعودتي:7btain: <<<بليز نزلوا نعلكم ومحد يفلعها ترا تمزح
وبحلول هذا الشهر الفضيل عسى الله يتقبل منا ومنكم صالح الاعمال
واحب اهني امي وابوي واخواني وخواتي العشر طعش
وحريم الحاره الله يذكرهم بالخير
ولطوف بو قذله راعي الدكان
<<بس اظن اني ذكرت الكل

عموماً يامسلمين ... سالفتي اليوم او موضوعي اذا بغيتوا
منذ كمن يوم وانا اقرقع فهالنت طبعاً اجازه ولافي شغلة ولا مشغله
واذا بي اقرا موضوع عن وحده كسرت خاطري ..تقول(بالشامي) انوو هلا اجا وقت الرمضان وهي بدها تتحجب
يعني فهيكـ بدا حجاب ما يطمس جمالها ..
وطبعاً البنات ماقصرن وفزعلها الا بلفة الورده ولفة الارنبة ولفة الحمار
وكما ترون ادناه لفة كاب الشعر مال الحمام
7
7


المهم ...
عاد انا تحمست وقمت ادور وابحث عن لفات الحجاب
وعن هالمواضيع
طلعن نص بنات الخلق يبن يتعلمن شقايل يبرزن جمالهن مع الحجاب
لان تدرون يعني حرام نلبس عبايا وجذا يعني يسد اننا شيوون بعد نغطي شعورنا حراام يعني
يمكن بالكشه ممكن نغطي ع ملامح الويه..


<<<تراها تطنز مب جد

يعني عزيزاتي البنات..
بخصوص ابا اطلع كشخه بعباتي وشيلتي

عبالج مغطية شعرج عن تلقطين قمل مثلاً..!!!

الحجـــــــــــــــــــــــاب للي مايعرف معناه الحقيقي
لغوياً معناه الساااااتر
اسلامياً هو لباس ساتر لجميع جسد المرأه وهو فريضه على المرأه المسلمه واتفقت عليه كافة الفرق والمذاهب الاسلامية

يعني للبقــر اللي للحين مافهمووو
الحجاب ما المفروض يبرز جمالنا ويخلينا كووول ومغريااات ومادري شووو

وللي فهمت بس تعمي عيونها وتقص على عمرها بكلمت ( الحجاب يعاكس الموضه)
ياااا اختي الحين ربج اهم ولا الموضه؟!!

وجه المرأه سواء ابرزتي جماله بمكياج ولا بطريقة لفج لشيله واختيارج للألوان هذا كله فتنه
قال تعالى : (وَإِذَا سَأَلْتُمُوهُنَّ مَتَاعًا فَاسْأَلُوهُنَّ مِنْ وَرَاءِ حِجَابٍ ذَلِكُمْ أَطْهَرُ لِقُلُوبِكُمْ وَقُلُوبِهِنَّ)

يعني اللي بتتعدل وبتدور عباه اخر موديل
وبتحط مكياج آخر صقعه <<<تسمع بصرعات الموضة
تبا الشباب يخطبونها مثلاً!!
ولا تبا البنات يسمنها القندريلا صاحبة الفيس الجميل
!!!

أظن ان الفكره وصلت وبصراحه مالي بالهذره فرمضان اخاف اعطش
يلا قوموا تسحروا وتجنبوا البيض.. !!
يعني بيض وصيام وتعب ..محد يعلم شنتائج

المهم يلا مناااكـ

<<<مالها خلق تختم تبا تتسحر

احتراماتي لكم
العـــاثرة (ام الفيس الجميل)<<<ترفع معنوياتها
 
التعديل الأخير:

أم أحمـد

¬°•| ~~سُوِيْرِهُ السَّعِيْدِيّ~~|•°¬
إنضم
21 أبريل 2008
المشاركات
17,995
الإعجابات
1
الإقامة
في بيت الوالد
#2
:182fd25f9b06446ba41

انتي الكوول .. لطالما اعجبت باسلووبج
تنقليين المعلوومه بطريقه مش ممله ابداا
ربي يعافيج ... ياا صاحبه الفيس الجمييل
ومباارك عليج الشهر
وعلى لحاره بكبرهااا ^^
تقبلي مروري المتواضع
احتراماتي
سويره
 

العاثرة

¬°•| عضــو مــهــم|•°¬
إنضم
11 مارس 2009
المشاركات
615
الإعجابات
0
الإقامة
عنـــد الكفــيل
#3
:32:
نور الموضوع بطلتج والله
مشكورة على هالحضور المتميز
والله يبارك فحياتج ويعوده علينا وعليكم بالخير والطاعه

سحور هني وصيام شهي<<<فاهمه غلط
 

غيثة السحايب

¬°•| مُشرفَة سابقة |•°¬
إنضم
3 أكتوبر 2009
المشاركات
2,347
الإعجابات
0
الإقامة
بقلبه
#5

اول شئ ابارك حق الكل بحلول هالشهر الكريم عليكم ويتقبل الله منا ومنكم صالح الاعمال

وموضوع الحجاب وايد تكلموا فيه بس محد يسمع

قال لفت الورده قال

والله انه يقصون عليهم وهالحريم ماادري وين عقولهن

وياما بنشوف اكثر عن جي

المهم يسلمووو الغلا ع الموضوع الرهيب
 

العاثرة

¬°•| عضــو مــهــم|•°¬
إنضم
11 مارس 2009
المشاركات
615
الإعجابات
0
الإقامة
عنـــد الكفــيل
#7

اول شئ ابارك حق الكل بحلول هالشهر الكريم عليكم ويتقبل الله منا ومنكم صالح الاعمال

وموضوع الحجاب وايد تكلموا فيه بس محد يسمع

قال لفت الورده قال

والله انه يقصون عليهم وهالحريم ماادري وين عقولهن

وياما بنشوف اكثر عن جي

المهم يسلمووو الغلا ع الموضوع الرهيب


مشكورة على المرور يالغلا
لاعدمتلج هالطله
 

شووق قطر

¬°•| مراقبة عامة سابقة وصاحبة العطاء المميز |•°¬
إنضم
29 سبتمبر 2009
المشاركات
27,432
الإعجابات
1
الإقامة
قـــلــبي""الـــدفــــنــــه""
#8
آول شي كل عآآم وانتي بآلف خيير


واسلووبج بطرح الموآضيع مآآله حل



وصج وآلله صآروآ يتفننون بآلحجآب مع انه اجووفه بعكس الحجآب العآدي

يعني ايخلي اشكآلهم غلط والحجآب العآدي يزيد الويه جمآل

وبآلآخير نقوول آلله يشفيهم

والف شكر لج ع الطرح الرهيب والشيق
 

العاثرة

¬°•| عضــو مــهــم|•°¬
إنضم
11 مارس 2009
المشاركات
615
الإعجابات
0
الإقامة
عنـــد الكفــيل
#9
:hai-there:
مشكوووره على المرور الفنتكـي

طبعاً الأصل دايم احلا ولا بديل له
بس شنسوي بزمن صاروا الناس ينافسون فيه ع المنكر
الله المستعان


نورتي بحضورج
ولا عدمتلج هالطله
 

اثير

¬°•| مشرفة سابقة |•°¬
إنضم
21 مارس 2009
المشاركات
2,181
الإعجابات
0
الإقامة
جميرا
#10
لا اله الا الله
 
التعديل الأخير:

العاثرة

¬°•| عضــو مــهــم|•°¬
إنضم
11 مارس 2009
المشاركات
615
الإعجابات
0
الإقامة
عنـــد الكفــيل
#11
وهذا هو المطلوب اثباته

اتمنى ان الفائده تعم الجميع

وانه يكون في صدى لكتاباتي حتى لو ماشفته بعيني

:)

مشكورة على المرور يالغلا
لاعدمتلج هالطله
 

Smoooya

¬°•| عضو فعّال |•°¬
إنضم
9 فبراير 2010
المشاركات
164
الإعجابات
0
الإقامة
البريمي
#15
:imuae47:

الموضوع حلو واسلوبج صريح جدا،، لو تسحمين لي اختي بعلق ع بعض مفردات ذكرتيها ((بقر، تبا للشاب ، وما ادري شنو ))

حلو تستخدمين اسلوب المبالغه عشان تتاكدين ان المعلومه وصلت ، بس اللفظ + الاسلوب يساهم في تقيدم الطرح بشكل ارقى و اوضح ..وما اعتقد اللفاظ التي ذكرتيها لها اهميه .!

اختي العاثرة انتي انسانه مميزة وانا داائما مهتمه بما تكتبين وتنثرين بقلمك ..

والسمووحه مجرد نقد >>>>علما بان المواضيع المتميزة تلفت النظر وينقد عليها ..

وتحياتي لج
 

العاثرة

¬°•| عضــو مــهــم|•°¬
إنضم
11 مارس 2009
المشاركات
615
الإعجابات
0
الإقامة
عنـــد الكفــيل
#16
اختاه جان ريتي ترى لفه الطاقيه هاي هابات فيها هبه استغفر الله ما ادري منو قاص عليهن وقالهن ان ها حجاب

يختي بعد الغباء والمقصه مايبالها قول ومشاور
تلاقينهن الا من اللي مسمايين (ربيع من خطف)
 

العاثرة

¬°•| عضــو مــهــم|•°¬
إنضم
11 مارس 2009
المشاركات
615
الإعجابات
0
الإقامة
عنـــد الكفــيل
#17
:imuae47:

الموضوع حلو واسلوبج صريح جدا،، لو تسحمين لي اختي بعلق ع بعض مفردات ذكرتيها ((بقر، تبا للشاب ، وما ادري شنو ))

حلو تستخدمين اسلوب المبالغه عشان تتاكدين ان المعلومه وصلت ، بس اللفظ + الاسلوب يساهم في تقيدم الطرح بشكل ارقى و اوضح ..وما اعتقد اللفاظ التي ذكرتيها لها اهميه .!

اختي العاثرة انتي انسانه مميزة وانا داائما مهتمه بما تكتبين وتنثرين بقلمك ..

والسمووحه مجرد نقد >>>>علما بان المواضيع المتميزة تلفت النظر وينقد عليها ..

وتحياتي لج

:==:

عاااادي يالغلا واكثر من عادي خذي راحتج وانتقدي ع كيفــج
انا ما ازعل من الاراء الشخصيه


وعن المفردات اللي اختاراها انا غالباً اراجع مواضيعي واقيسها حسب مقايسي الخاصه

طبعاً ترددت شوي عند كلمة بقر ...بس بعدين قلت وت ايفر ..مافي كلمه ثانيه توصف اللي يعمون عيونهم
عن الحق ويغيرون فالدين وهم عارفين.. ولا المفروض احبهم ع روسهم واقول برافووو حبيباتي غيرن فالدين كثر ماتقدرن ودربكن خضر

بس فالاخير كل انسان وله اسلوبه وله شخصيته ..يعني انا ما اتوقع انه كل الناس يكونون نسخه مني عشان يكونون صح ولا اتوقع انه الكل يحب اسلوبي .. بس عموماً ..بحاول اني اراقب لغتي فالمواضيع قد ما اقدر

مشكوووره على المرور
و عساااج ع القوة
 
أعلى