حاول تصير إنسان .. أو نص إنسان

عاشق الحريه 1

¬°•| عضو مميز |•°¬
إنضم
30 مايو 2010
المشاركات
475
حاول تصير إنسان .. أو نص إنسان
ياللي غرورك بعثر الحب فيـّه

مدري كذا.. من ربك إنسان ثقلان
أو انك تسوي سواياك .. ليـّه

ماهي طريقه! حتى في رمش الأعيان
تحسدني نظرات الغرام الأبيـّه

ليت الزمان "يلف" ويجيك ماجان
وأنظر لك بنظرات تقهر شويه

صدقني راح تحس.. إنك بلاشان!
صدقني راح تشوف.. كم هي قويه!!

لكن ألوم القلب لا مآل .. شفقان
يربذ بروح ٍ ماتعرف الخطيه

مره مع التفكير.. ومرات من شان
يكسب (رضى المحبوب) يقسى عليه!!

ومره يهد الحيل ويقول ولهان
ودّي اشوف أجمل قمر بالبريه

ياقلب أنا بعطيك ..( نبذه) من الأن
عن ألتي صفت وراها سريه

مربيه في قصر.. مو وسط سكان
بعيد عنهم في عوامل نقيه

مايزعجه بوري ولا ريح دخان
ولايزعجه عج الرياح العتيه

وماياكل إلا توت.. أو حب رمان
ولايشرب إلاااا.. يفحص الماء 100

(ظبي ٍ) تفرعن فيه رقه ووجدان
سبب خلل ياناس.. بالجاذبيه

خلى مدارات النوايا بالأزمان
تعلن لنا.. عن إضطراب الخليه

ومن الغنج والزين يزهى بفستان
والرمش لاشافه يدق التحيه

أنا أشهد إن النوم.. ماهو بسلطان
دامه تسلطن !! طار نومي عليّه

(الحب) هو سلطان..! ياشيخ غلطان
يالي تقول (النوم)..! ماهي سويّه

وانا ياقلبي من سبايبه حيران
والمسأله كبرت.. وصارت قضيه!!

يعني أنا ندمان ولاني بندمان
صراع بين النفس والقلب بيه

معادلات وجمع / تفكيك وأوزان
ويظهر لي في تباع شمسه هديه

لون البنفسج .. سايد ٍ بين الألوان
تغريب روح وبعد .. حزن وأذيه

يعني كذا الموضوع..! ياسيدي بان
إنك إذا حبيت .. صرت (الضحيه)

تفرش لها صدرك من الطيب ريضان
وتحاول إنك.. تجعل الطبع زيه

هذي سياسة .. كل عاشق وهيمان
يمسي بنيـّه ثم يصبح بنيـّه

و(الحب) هو سلطان..! ياشيخ غلطان
يالي تقول (النوم)..! ماهي سويّه
 

بنت المقابيل

¬°•| مشرفة سابقة |•°¬
إنضم
27 أكتوبر 2009
المشاركات
2,575
الإقامة
عن الثريا فوق متعلي
صــــــــــــــــــــــــــــــــــح لسانك أخوي

ما عليك زوووووووود

أبدعــــــــــــــــــــــــــــــــــــت

لا هان منطوقك ... كلمات راقت لي

تسلم
 
أعلى