رحت أشتكي لليالي السود

راعي الجروح الدفينه

¬°•| عضو مميز جدا |•°¬
إنضم
2 يوليو 2010
المشاركات
583
رحت أشتكي لليالي السود - حتى الليالي تجافيني
حالي نحل صار مثل العود - لا زلت يا زين ناسيني
اذكر زمان الذي عشناه - حتى انطفت نور شمعاته
واليوم نشكي من المآساة - كل العرب والله آفاته
ربي بلاني وصرت أهواك - حرام تعمل كذا فيّه
تجفى محبٍ مشى برضاك - وتبادله بالكراهيّة
من كثر مابي عشقت النوح - والضيق والهم يهواني
هذا قدر وانكتب فاللوح - فرقاك زادت بي أحزاني
غاب القمر وانطفى نوره - والشمس باين عليها كسوف
ورفيقك اللي تقف دونه - يمر كنّه عمى ما يشوف
يا زين صوتك تحاكيني - ينسيني البعد والحرمان
ما تدري إنك نظر عيني - ما تدري إنك أعز إنسان
ناديت بصوتي العالي - يا خلي اسمع صدى صوتي
ارجع عليّ يا بعد حالي - في غيبتك أنتظر موتي
إنتا حياتي على ناري - والقلب ما حب غير إنتا
وإنتا الذي مشغل أفكاري - أموت وأصل السبب إنتا
يا عين كفّي هليل الدمع - واتصبري دام تقوينه
اللي تبينه يبي فرقاك - يا عين لا عاد تطرينه
يا قلب تشكي عذابك ليه - يكفيك يا قلب ماصابك
من لا يودّك تودّه ليه - يوم الفراق شوفة أحبابك
يا عيون خلي كفى تعذيب - نظراتك اليوم ما اقواها
نظرة عتب ثم نظرة طيب - مع نظرة الحب ما احلاها
يا روحي اللي تبي وتريد - مير المقادير ردّتها
عين ٍ تعايد نهار العيد - وعين ٍ على الخد دمعتها
يا خلي يكفيك من هجري - كثر التردد على بابك
أنا الذي انقضى عمري - يا خلي كله من أسبابك
حلفت لك بالذي سواك - ما أنساك لو طالت الغيبة
وأعيش عمري على ذكراك - وأصبر على المر وتعذيبه
كثر البكا زوّد أحزاني - يكفي كفاية كفى يا صاح
ما شفت غير الأسى جاني - عشرة ألم والألم ذبّاح
مالي هوى ما اشتهي ما اريد - مالي هوى فالعرب جملة
مالي هوى غير ذاك السيد - لو قبّلوني على القبلة
والبارحة يا كحيل العين - روحي على داركم حامت
وآنا دموعي على الخدّين - حتى قصور البلد ناحت
مدري ولا ادري وكيف ادري - مدري وغير القدر يدري
مدري المحبّة على خبري - ولا اسحب القلب من بدري
ليه يا زمن كل ما قلنا - بكرة نقابل أعز الناس
تهجر في لحظة وتبعدنا - ونعيش بين الرجا والياس
وختام قولي طلبت الرّب - إن كان زلّيت يغفر لي
يصعب على النفس ويّا القلب - كثر الدموع اللي بتهلّي
 

لسعـۃ ع ـَـَذآب

¬°•| عضو مميز |•°¬
إنضم
9 يونيو 2010
المشاركات
311
الإقامة
دار بني كعب
صح لسانك الشيخ
ونرقب منك الزود
تحياتي
نصخ روحي
 

خلفان الكعبي

¬°•| عضو مميز |•°¬
إنضم
1 يونيو 2010
المشاركات
243
العمر
38
الإقامة
دار بني كعب
رااائع ما خطته اناملك أخي العزيز ... وننتظر منك الجديد دائما
 

بيـاض السحـب

¬°•| مُشْرِفَة سابقة |•°¬
إنضم
2 يناير 2009
المشاركات
2,367
راعي الجروح الدفينه

الله يعطيك العافية على هذه الكلمات

ولكن هل هي من كتاباتك أم أنها منقولة ؟

ولي عودة بإذن الله تعالى

 

راعي الجروح الدفينه

¬°•| عضو مميز جدا |•°¬
إنضم
2 يوليو 2010
المشاركات
583
مشكورين على المرور
 

أم أحمـد

¬°•| ~~سُوِيْرِهُ السَّعِيْدِيّ~~|•°¬
إنضم
21 أبريل 2008
المشاركات
17,995
الإقامة
في بيت الوالد
يسلموووووووزن
على النقله الحلوه
احتراماتي
سويره
 
أعلى