رجع بعد ما تركني ...

عاشق الحريه 1

¬°•| عضو مميز |•°¬
إنضم
30 مايو 2010
المشاركات
475
الإعجابات
0
#1
‏??‏?رجع يسأل عن أخباري بعد غيبة
(( أيام ))
.. رجع شايل وجع صدره وقال أرجوك واسيني

رجع كنه يحسبني سعيد بدنيتي أو زين
.. وإهو ما يدري الدمعة تسيل ولاتسليني

دمع هالوجه أو كنه جمع في غيبته (( جرحين ))
.. وأنا عيني بدت تدمع على حزنه وتبكيني

يقول الدنيا خانتني وبعدك يا الغلا سكين
.. ولا أحدن يا الغلا غيرك يقدرني ويراعيني

حبيبي ضقت بغيابك حبيبي حيل أنا مسكين
.. وأنا جيتك بها الليله وتكفى لا تخليني

و أنا لامن نطق تكفى عطيته لوطلب (( هالعين ))
.. وأجود بكل ما يملك خفوقي وتملك إيديني

وقلت: ابشر ولايهمك تدلل وش تبي يا زين
.. تراني فدوه عيونك (( لو إنك جيت تشقيني ))

حبيبي لو تبي القمره عطيتك فوقها ثنتين
.. بعد لو تطلب النجمة أبنطق جيتك إضويني

بعد هذا ضحك ..بعثر همومه سلهم الرمشين
.. وقال الله يا الطيب وأنا ظنيت ناسيني

صراحة حيل (( تحرجني )) يا طيب يا أطيب الغاليين
.. ولا ادري كيف بوفيلك حبيبي وأنت تعطيني

بعد هذا تسامرنا وتواعدنا بعد يومين
.. ووصيته على قلبي وهو مثلي يوصيني

تواعدنا على الجمعه (( ولا جاني )) إلى الاثنين
.. ومر أسبوع والثاني وشوقي يشتعل فيني

تصدق عاد (( يا السامع )) !! ولا جاني الين الحين
.. وقبل تسأل عن أسبابه بجاوب وإنت واسيني

لأنه (( ما تــ )) في حادث وأنا مت بغيابه لين
.. [[ عرفت إني كذا ببقى ولا أحد يقوى يحييني ]]
 

اثير

¬°•| مشرفة سابقة |•°¬
إنضم
21 مارس 2009
المشاركات
2,181
الإعجابات
0
الإقامة
جميرا
#2
اوول بااركن

عيبني هالكلمات


تواعدنا على الجمعه (( ولا جاني )) إلى الاثنين
.. ومر أسبوع والثاني وشوقي يشتعل فيني

تصدق عاد (( يا السامع )) !! ولا جاني الين الحين
.. وقبل تسأل عن أسبابه بجاوب وإنت واسيني

لأنه (( ما تــ )) في حادث وأنا مت بغيابه لين
.. [[ عرفت إني كذا ببقى ولا أحد يقوى يحييني ]]


يعيطك الف عاافيه باادره ططيبه وعاد نبي نشووف ابداعاتك
 

رواضي

¬°•| عضو مميز جدا |•°¬
إنضم
3 يونيو 2010
المشاركات
848
الإعجابات
0
الإقامة
.©«-.¸¸.-»© في بيت ابويه¶© «-.¸¸.-»©
#3
صح لسانك اخويه
 

بيـاض السحـب

¬°•| مُشْرِفَة سابقة |•°¬
إنضم
2 يناير 2009
المشاركات
2,367
الإعجابات
0
#4
عاشق الحريه 1

الله يعطيك العافية على هذه القصيدة الجميلة

وسلمت أناملك على نقلها لها

فلك كل الشكر والاحترام

ودمت بخير


تنقل لقسم القصائد المنقوله لأنه الانسب لها
 
أعلى