كْيميآء ¬>> الحْسن << فينْي نآتجّه عن آحتْكآك بينّ ذرآت آلآنآقهّ ودمّ الوريدّ >

[رحآيل]

أحـــــلآآآمـــيـــــ... أـزهـــــاآآآر ،، و حـــياآآتـــ..ـــي، بــــســـتــ،،ــــاآآآـنـــ..


أياام وأياام نعيشها ونحياها وتمضي على مدى الأزمان ويمكن ما حد درابها ..
تتلاشي مع الأحلام وترجع مع طلوع كل شمس في الصباح ..
نبقى نتذكر أبرز الأحداث ولكن ننسى تفاصيلها .. مع أن بعض الأوقات صعب ننساها ..
هموم وأحزان .. أفراح وابتسامات ..حب و كره ..غضب ورضى ..
كلها ذكريات باقية وتبقى ..
ما دام القلم شغال ..

اليوم وبعد طول انتظار قررت أفتح يوميااااااات ..:angel:
ولكن ممكن تسمونها شهرياااات ..
لأن ما شاء الله أنا بزنس جير ومب كل يوم أفضى أكتب >>>> اللي يسمع مرررررة عاد ..ههه

المهم ..:imuae12:
اليوم ببدا بأول يومياتي السحرية ..
واللي يقراهن بصفعه >>> عيل ليش حاطتهم ..هههه
ودايماً أحب أحط عنواين غبية لأنها تكون مشوقة شوي ..
عشان يوم أقراهن أتذكر أن العقل نعمة ..

*
*

ملاحظة ..
ممنوع الرد تراني أستحي ..خخخخخ:imuae84:

 

[رحآيل]

يلا نحتفل ..
ههههههههههههه

صدق إن العقل نعمة ..:imuae52:

 

[رحآيل]

احم احم ..
بطاقتية الشخصية ..*.*:imuae12:

الإسم : يعني تستهبلون أكيد سر المحبة >>>>خخخخخخ
العمر : 16 وبعد أسبوعين 17 سنة ..>>> حشا هالأسبوعين ما بيخلصون ..
الصف : رايحة ثالث ثانوي إن شاء الله ..
الهوايات : كل شيء تقريباً ..

الجنسية : دنا عمانية ونص ..^-^ *

امممم .. وخلاص ..

 

[رحآيل]

اممممم ... ورجعنا ..:imuae29:
المهم ..
أول شيء قلت فنفسي هاي كانت سنة دراسية طويلة ..
وحلووووووة وشينة في نفس الوقت ..
بس ترا طغى الحلا على أكثر أيامها ..
فقلت ما بخليها تمر مرور الكرام بدونأي شيء ..
فنزل القرار السري التالي :
أكتب عشر مقالات عن المدرسة بعدين أبدا باليوميات العادية ..
وخلاص ..ههه

 

[رحآيل]

كنت أتمنى أسوي جريمة ... *.*:nocomennt:

أخيراً .. أخيراً ..وأخيراً خلصت المدرسة " مدرسة العسكر ":027:
كانت سنة طويلة وعجيبة والإجازات فيها طوووويلة ما شاء الله كل الناس
يحسدونا .. أتذكر الأيام الأولى لما كانن المعلمات لابسات قفازات
والمعقمات منتشرة في كل صف والنشرات مصبوغة فيها جدران المدرسة
وأدراج المعلمات .. وكل يوم تدخل تتفلسف علينا وحدة لا تسلمو بالأيد
لا ترمي الكلنيكس والأخطر من هذا وذاك اللي يكون فيه الزكام " يعزل
كما البعير الأجربِ " >>> سبحان الله ..ليما ألحين أذكر شرح القصيدة
الأولى من كتاب المؤنس اللي كانت بعنوان " من معلقة طرفة ابن
العبد " ، ومما زاد الطين بلة والنار حطب أن 80% من بنات الصف
مجهولات الهوية تماماً يعني نصهم من مدرسة حفصة ونصهم من مدرسة
ميمونة وأنا من مدرسة صعراء الأمووورة ..بس ما كانت هاي مشكلة كبيرة
لأني ما شاء الله علي أوني اجتماعية يعني من هاك الصوب وإذا صابني
انفلونزا اتش ون ان ون فاعتبرا كل المدرسة صابتها وياي :imuae87:* بس
المشكلة كانت كيف نتعرف على بعض ونحن نخاف من الانفلونزا ؟:914: فكانت
النتيجة أن كل اللي ينقال لنا عن خطورة هذا المرض يدخل من هاي الأذن
ويطلع من ذيج .. صح انا خفنا شوي ولكن طبينا الخواف بالسوالف ..
وطاح صفي متحرك ننتقل من صف لصف يعني أدرس أحياء ويا بنات غير عن
الفيزياء وأنا عادي أسولف ولو إني ما أعرف أسامي أغلبهم لليوم ،
وبعدين جاء الخبر اللي مثل السم " لا يوجد امتحانات نص سنة وكله راح
يكون آخر السنة " أذكر يومها كنا نخطط لانتحار جماعي >>> كانت هاي
فكرتي ..:arg:وكل محاولات اعتراضنا بآآءت بالفشل الذريع >>> كلمة الذريع
لقطها من التلفزيون .. وبعدين كالعادة أنا ما أحب أفكر بفاجعة قبل
ما تصير فطبيت السالفة وقلت لما تجي الامتحانات بنصيح كيف كيفنا
وألحين خلونا نركز على الامتحانات اللي صارت كل يوم .. وما شاء الله
كان يطيح لي 4 امتحانات في اليوم . وحانت ساعة الصفر لما قالولنا
ما شيء محذوف من كتبنا وتعدت الساعة ساعة الصفر لما جدموا
الامتحانات وتعدت الساعة أصفار الأصفار لما عطونا جدول امتاحاناتنا
الحلووو اللي يقول كل يوم بتذاكروا اللي درستوه في سنة كاملة ومع
أن نص كتاب الاحياء ما مدروس والرياضيات والفيزياء والاسلامية
والاجتماعيات كلهن ما خلصناهن وكان باقي أسبوعين عن الامتحانات
فأكلونا الدروس أكل والمصيبة انا ما خلصنا الوحدة الأخيرة مالت
الاحياء ولا مالت الاجتماعيات ولا مالت الإسلامية ولا كان عدنا وقت عشان
نراجعهن لأنا كنا نمتحن فاليوم امتحانين وثلاثة .. إلخ

لما بدن الامتحانات بدأت معاناة السهر على الكتب والنوم ساعتين
والاستيقاظ من الفجر علشان نكمل .. أما الفيزياء والكيمياء والأحياء
فكل واحد منهم كنا منقصين وحدة فالمذاكرة بسبب ارتفاع الضغط ..:imuae21:
أقصد ضيق الوقت ..
وسبحان الله كنا نتعصر ونتذكر ونحل ..:imuae61:
يلا كل شيء بيبين في الشهايد ..
المهم وبآخر يوم في المدرسة بعد امتحان الأحياء كنا نسلم على بعض
ونسولف السوالف الخطيرة ونوزع الأرقام والايميلات وكلنا كنا مخالفين
قميص أسود واللي لابس أزرق وإلا لابس بني أي شيء غير الأبيض :imuae40:
والحجابات .. أي احجابات لبسنا شيل سودة ..بس الشيء الوحيد اللي ما
عيبني أني كنت أبا أرتكب جريمة يعني أقفل مجمع الكهرباء وإلا أكسر
جرس الإنذار وإلا أشخبط على الجدار ..بس ولأول سنة بحياتي ما
سويتها .. ولما قعدت أفكر بالموضوع قلت بخاطري صح أنها كانت سنة
طووويلة وكنا بداخل مدرسة عسكر لكن ثمر فينا.. يعني استوينا نمشي
سيدة مب مني مناك وااايد مثل قبل كنا قبل ننطرد من الصف وننهزب في
الطابور وننفصل من المدرسة وننخبط بالعصا:h035: بس هاي السنة تخرجنا
ضباط على اكتوفنا خمس نجوووم :bowtie-guy:.. والله كانت سنة أكشن ،وبالنهاية يوم
ركبنا الباص .. عمي درويش وزع علينا مصاص وقعدنا في الباص نطالع
بعض جنا بنموووت ولا حد منا بيشوف الثاني ووصلنا كل وحدة لبيتها ..
وعااااد جنا حمل 100 طن انزاح عن ظهورنا ..

وفي اليوم الأول من الإجازة حسيت بملل فضيييييع .. بعد كل ذيييج
المذاركة نصير فاضين ...يااااه متى بتبدأ السنة الياية >>>> سؤال
غبي طبعاً بعد 3 شهور ..
وداعاً لعالم الجريمة فقط تفككت العصابات وأصبحنا جنود الغد >>> يالله
باجر بيبان ..ههههههههه:ena:
وتم بحمد الله ..

 

[رحآيل]

ظاهرة التكافل والتعاون بين طلاب المدارس ..ههه:a44699d967a94d285b8

إذا فيك خير اضربها ..ههههههههه:boxing:

 

[رحآيل]

نــكــ..ــبـــةــ،،

اللهم انصر اخواننا المرابطين في غزة ..
اللهم ثبت أقدامهم وأشفي مرضاهم وانصرهم على من عاداهم ..



اللهم عليك باليهود الظالمين المعتدين ..
اللهم أرنا فيهم عجائب قدرتك يا رحمن يا رحيم ..

 

[رحآيل]

قلت لك الدنيا ماهي معروفة ..
قلت لي الدنيا منهو عرفها ..
كانت ولا زالت وبتظل مجهولة ..

 

[رحآيل]

محاضرة المجانين
امممم .. أتذكر ذاك اليوم .. قمت الصبح وتجهزت للمدرسة وطلعت مستعيلة
كالعادة بدون إفطار >>>يظاهر هذا تقليد ويانا لازم نتبعه نحن طلاب المدارس ..هههه ،:imuae38:
المهم وصلنا لحصة الانجلش يت طالبة دقت الباب وقالت أن فيه محاضرة
مال الطب النفسي فقاعة الموسيقى وممكن لبنتين من كل صف يحضرون بس
سألت الأبلة من يرد يحضر رفعت أيدي :imuae84:قلت طب نفسي ومجانين وسوالف وما أحضر مستحيل ..:bounce:
المهم الأبلة اختارت بنتين وما اختارتني وبعدين قالت وحدة منهم أنا عندي

رحلة في الفصحة ويالناشاط مالنا >>>عيل لي رازة بويهج ..ههه .. :bad:
المهم قالت الأبلة خلاص عيل ( سر المحبة ) تروح بدالج واسمني فرحت >>> يا ربييي قلت لكم ما انعطى ويه ..ههه
المهم قالت رحت أنا والبنت وقعدنا نسولف ليما وصلنا قاعة المسرح أو
الموسيقى أي يمكن الأثنين ويا بعض :imuae84:
المهم كل البنات وصلن وزادن بعد لكن المحاضر الدكتور ما شرف وقعدنا
ملانين وأنا أحاتي الحصة لأن أبلتنا شريرة اللي كانت علينا:imuae87:
وقلت بانشوي لو ما شرف الحبيب .. وأخيراً وصل الدكتور أشرف مال
قسم الطب النفسي فمستشفى البريمي >>>واللي ما كنت أعرف أنه موجود ..هههه ..:bowtie-guy:
ودخل وقعد بدون لا يسلم عاد أنا وربيعتي حللنا الشخصية واحد شايف
عمره يوم تدق افراسه يانا وشايفنا ما نستاهل سلام من جي دش وما سلم .. :ena:
وكانت حاضرة ويانا الاخصائية الشرانية وأبلة الموسيقى وبلشنا وطلب منا
نكتب كل تساؤلاتنا فأوراق ونسلمها له وقمنا ندور أسئلة ونتعصر علشان
بس نطولها وإهي قصيييرة وبعدين سلمناه إياهن ومسك ورقة ورقة وقام
يتفلسف ويحكيلنا قصص وكان أحلى شيء فالمحاضرة لما يسأل كنت دايما
أجاوب وأتفلسف حتى لو ما أرعف >>>>عيل مضيعة الحصة عالفاضي .. :imuae40:
وكان إذا طلع الجواب صح شافني وقال برافو عليكي وإذا كان غلط شاف
بنت من صف 12 قادة عدالي ويقول ما بيصح كدا والبنت تضحك مسكينة ما
قايلة شيء وأنا وربيعتي شوي وبننقلب من فوق الكرسي من الضحك ،
وأتذكر كان يتكلم عن أول يوم له فالجامعة دخل عليهم الدكتور وقالهم من
ياكل تبن وما حد رد عليه وبعدين سألنا شو يعني تاكلو تبن ؟؟ وجاوب
يعني أنت حمار !!! ونحن نطالع مستعيبين وبعدين قالنا حتى أنتو حمير :a3b0b00b4e:ولازم تاكلو التبن علشان تصيروا
طلبة مجتهدين يعني ندرس زين ونجد ونجتهد بس هو قالها على شكل حمار ..ههه
وأتذكر بنت لما دش الدكتور يتكلم عن الاهل ودورهم في بناء الأبناء ومن
ذاك الصوب كانت بنت شوي وبتاكله تقول أهما ما يهتمون وحالتهم حالة
وكل ما يقول الدكتور كلمة ردت عليه بعشر ونحن نطالع السرك قاعدين ..خخخخ .:imuae71:
ونحن طالعين قعدت أتفلسف عالبنات وأخبرهم وأقولهم إنا كان الدكتور يقول
إنا حميييير !!! وكانت محاضرة حلوة ..:imuae40:
تعلمت فيها أكون حمارة ..ههههههههههه >>>يالله تستر من الياي ..
يقولولي تيس أقولهم حلبوه ..هههه
وبعد عن العقل الباطن ( اللاواعي ) اللي شبهه الدكتور بالزبالة والعقل
الواعي وما قال عنه شيء ..والباقي كان خرييط عن شباب هالأيام وكيف
تؤثر فيهم وفي أنفسهم الحياة والأفلام ..إلخ :imuae87:
تم بحمد الله ..

 

[رحآيل]

هيه صح نسيت أقولكم ..
باركولنا قطوة أختي يابت عيال ..
حلوات صغيرونات وأمورات ..

 

[رحآيل]

ملاااااحظة ..:imuae47:
أي عضو عنده شيء يبي يقوله عن اليوميات
أو تعليق أو انتقاد أو أي شيء ..
يدز لي تنبييييه ..
وخلاص ..

 

[رحآيل]

رحلة المصايب إلى صحار ..الجزء الأول

:bounce:
في نهاية العام بدأت الرحلات اللي يروح لحديقة الحيوان واللي يروح للعين
مول واللي يروح لصحار وحد بعد راح مسقط المهم نحن حشرنا أبلتنا وقلنا
له نبا نروح صحار وحد قال مزرعة بس اتفقنا في النهاية على صحار ..:89:

وهنا طلعت لنا مشكلة أون بعض البنات يعني أكثر من نص الصف ما يبا
يروح اللي يقول أبوي ما خلاني واللي يقول عندنا عرس واللي يقول
بنروح بلادنا واللي يقول ما فيا أروح واللي يقول بروح رحلة ويا جماعتنا
*.. فقالت المعلمة نحن ما بنروح إلا إذا كان أكثر من نص الصف بيروحون
:007: المهم اتفقنا قبل الرحلة بيومين إنا خلاص بنروح ووزعوا علينا أوراق
الموافقة وفي الباجر فرحانين قلنا يلا أقنعنا بنات ثانيات ويوم جمعنا
الأوراق نقصن عن أمس قامت بنت وقالت فلانة مريضة:bad: ما تروم تروح
ومسكينة بالصدق ذيج البنت مريضة حتى أمس كانت ترجع وقالن نص
البنات أعذار ما منهم أول ولا آخر فعصبت الأبلة:a033: وراحت وألغت الرحلة
ولما يات نحن كلنا كنا زعلانين :61:وخاصة أن المصريات الثلاث اللي
فصفنا ما بيروحون وكل هذا بسبب أن ما عندهم تصريح وأبو الثنتين التوأم
اللي فصفنا ما وافق يسويلهم تصريح وقالت الثالثة أنا كنت رايحة عشانهم
ويعني خلاص ما بتروح وقعدنا يحلينا زعلانين لأنا كنا بنروح باجر وألحين
خلاص ..:bad:
ولما يات حصة الإنجليزي دشت المعلمة مربية صفنا وكانت معصبة
:a033:وقالت فشلتوني قلتوا لي أحجز ويا الباص وأخذت أذن من المديرة
وألحين خلاص ، وبعدين قامت بنت وقالت لازم نساعدهم علشان يسون
تصريح:bounce: وقلنا حق الأبلة زادن البنات ويلسنا على راسها لين ما وافقت
تتصل بأبو التوأم وتقنعه يسوي لهم تصريح والمهم وافقت وقالت خلاص
باجر الرحلة وبروح عند المديرة للمرة الثالثة ..وأنتهى الموضوع ..:imuae84:

في الباجر ياين مخالفين وكاشخين وفرحانين:imuae38: يمعت الأبلة التلفونات
وقالت يلا ..والحمد لله كل شيء كان زين ما عدا أن مصريتين عندهم
تصريح ( التوأم ) والحلوة الثالثة ما عندها يعني مهربينها إذا يودتنا الشرطة
بتفر راعي الباص والأبلة في السجن ..هههههههه ..>>>> ونحن ما
بيستويلنا شيء ..خخخخخخ ..المهم مشينا فرحانين ومستانسين نقول ألغاز
ونكت :99:وكانت الأبلة يايبة خواتها الصغيرونة ووحدنا كبرنا وقالت
الصغيرونة ما تعاندونها تراها تستحي ويوم سمعت أنا إنها تستحي :a44699d967a94d285b8قعدت
وراى الكرسي اللي قاعدة فيه وقمت طول الرحلة أناديها تبين هذا وصح
جذي وشوفي هناك والمعلمة تطالعيني بنص عين:a054: المهم وصلنا للمركز
مال الشرطة وخافت الأبلة وأنا أقول أبلة عادي أكشن لو زخونا وحلو
بيودونا السجن إرهابيين والمعلمة تقولي " سر " سكتي وأنا منو يسكتني ذيج
الساعة وقالت الأبلة بدلوا أماكنكم أنا والبنت اللي عدالي مكان المصريين
اللي جدام ورا راعي الباص وقلنا يلا وكانت بنت يايبة غشوة غطينا فيها
المهربة :imuae89:وقمت ووقفت وقلت أبلة أنا بوقف جذي وبغطيها بإيدي قالت
الأبلة: "سر يلسي بسرعة إذا ما كاشفينا ألحين بيكشفونا " ويلست ولو
شفتوا ويه الأبلة كانت بتموت علينا من الخوف قامت وقالت: بنت تنخش
تحت الكرسي >> ههه جيه حولين هاذولا شرطة ..ههههه ..:a054:ويا راعي
الباص وقال خلاص يلا وبسرعة رجعنا مكانا وقمنا نحتفل قالت المعلمة :
سكتوا بعدنا ما طلعنا ، وبعدين ردينا ننكت ونضحك ونسولف ، ولما عبرنا
من صوب وادي الجزي وقفتنا سيارة شرطة !!!!!!:9lam:

وقف راعي الباص على يمب ونزل ونحن شوي بتيها أبلتنا سكتة قلبية :imuae75:
ياويلنا عرفونا رحنا فيها مهربين كشفونا وأنا أقول: واااو أول مرة توقفنا
سيارة شرطة أكشن مثل الأفلام وأحر ما عند الأبلة أبرد ما عندي
:99:..والأبلة تسكتني وأنا ما أروم وخيفانين وتسأل الأبلة البنات اللي ورا
شو يستوي وبعدين صرخت بنت قالت : شوفي هذاك الشرطي عمي والثاني
ولد عمي وقالت بنت ثانية هيه هذاك عمي :a44699d967a94d285b8وكانن قرايب هالبنات وقمنا
نضحك وقالت الأبلة لفي ويهج بيطالعج وطالعها عمها وقام يضحك ويسولف
ويا راعي الباص :9lam:بعدين راحوا الشرطة ورجع راعي الباص ودخل
وكمل وما قال ولا كلمة شوي بقفز عليه أكفخه نحن كنا قاعدين على
أعصابنا خاصة الأبلة وهو كان قاعد يسولف ولا جنا شيء مستوي وبعدين
يكمل ولا يقول ولا شيء سألته الأبلة ها شو أستوى : قال ما شي خلاص ..:a054:
هاي بداية الرحلة بس والباقي بعدين ..هههه :imuae43:

 

[رحآيل]

هذا آخر يوم بيكون فيه أسمي سر المحبة ..>>> يعني بغير النك ..ههه:315921608f80a798bcc

 

[رحآيل]

احذروااا ...
ساعات العصبية

تسوي فينا جذي ..

.
.
.
.
.

هههه .. حشا عاد مب جي:h035: ..هههههههه

 

[رحآيل]

​

رحلة المصايب لصحار .. الجزء الثالث :

هلااااااااا
بااااااااك .. امممم وين كنت واااصلة يا ربييييي .. هيه صح ..في الكافتيريا ..
طلبنا غدانا وتغدينا وكان في بنت تعبانة ما طاعت تاكل ويبنالها
باسكن ربن وبعدين استوت نشيطة >>>> تبون أي أحد
يتنشط يبوله آيسكريم ..ههه:imuae21:
هيه وبعدين قالت المعلمة : " يلا نروح نصلي .." وقمنا عقب
نتناوب:003: يعني يبقن بنات ويحرسن الطاولات وأغراض البنات
الثانيات والباقيات يروحن يصلن ولما خلصنا قالت الأبلة : " يلا
رحآيل قومي أنتي و .. و .. وأخذوا أختي ولاعبوها فالألعاب ":arg:
قلت أنا:" زين بأركب لعبة التصريخ هاذيج وبطلع من عيونهم
هذيلا اللي يصارخون " ورحنا نسأل عن السعر ويلست أنا
أحسب بصوت عالي والعرب يطالعون ويضحكون :nocomennt:وبعدين سرنا
وركبناها وقعدنا عالكراسي أنا وبنتين من ربعي وأخت
الأبلة ..وأنا سويت فضيحة هناك بس أستحي أقول
بتضحكون :imuae67:.. هههه ..المهم لما بدت اللعبة كان الريال يتحكم
فيها يدوي وهي بس تروح فوق وتنزل تحت بسرعة وتكسر
ظهورنا وقلت أنا : " ما يعور ":34: وياليتني ما قلت لأن الريال قام
يدقدقنا عشرين دقة ورا بعض عاد ذيج الساعة قلت : "
هههه .. انكسر ظهري .. " والأبلة وأختها الثانية وبنت برع
قاعدين يضحكون ونحن داخل نضحك ونزلنا بعدين نمشي مثل
الفيران بس فزنا فالتحدي ما حد صرخ :013:.. هههه .. وبعدين قلنا نبا
نركب القوارب راحل الريال وسحب القارب وقال ركبوا وأسير
وأنط ذيج النطة هزت الماي كله هناك :imuae20:.. هههه .. وبعدين ركبت
وياي ربيعتي والقارب الثاني ركبت فيه أخت الأبلة ربيعتي
الثانية وكان القارب يسوي موسيقى تا را را تا رارارارارا :imuae18:وشكله
دائري قمت أنا دووووور ودوخت راسي وراس اللي عدالي
وعفسنا الدنيا ولما نزلنا نمشي جنا سكرانين:imuae55: وأنا أقول : " تا
را را تا رارارارارا .. ههههه " .. وبعدين لعبت الأبلة باسكت بول
ووعطتني أمسك شنطتها وكانت ثقيلة قلت أنا : " خيبة أبلة
شو فيها طابوووق !! " قالت : " فيها تلفوناتكم " وحضرتني أنا
ناسية أن الأبلة وزعت التلفونات في الكافتيريا وردت ويمعتهم
بعدين وتلفوني فمخباتي ..:eh_s(6):
المهم بعدين طلعنا وأنا بعدين أقول : " تا رارا تا رارارارارا .. "
شو أسوي لصقت فلساني ..هههه​

المهم هذا ألحين يكفي عورني اصبوعي وأنا أكتب:mara'9: .. ههههه
والباقي بعدين يا حلوووين ..هههه :imuae22:​

​

 

[رحآيل]

​

مرة وفي جوف وغمرة المحبة ..​

قعدت أقرى رسالتك ..​

حسيت بكلماتك الحلوة وحلاتها ..​

حسيت بمشاعرك العميقة وصدقها ​

لكن .. ​

لما وصلت لنهاية الرسالة ..​

عرفت إنها ..​

إنها ..مب لي..ههه​

​

:arg:​

 

[رحآيل]

امس كان يوم طوييل ..
بصراحة أول مرررة أودع حد بهالشكل ..
يعني ما تقول بموت وهذا آخر يوم أشوفهم فيه ..
أمس الأربعاء كان آخر يوم لي بالمركز الصيفي ..
ودعت معلماتي وودعت ربعاتي وودعت ضحكاتنا اللي تبدا
كل يوم الساعة 8 وتنتهي 11 ونص ..
ما بنكر كان أحد أفضل الأيام بحياتي ..
ولكن فنفس الوقت بتبقى دمووع البعض محفوورة بقلبي ..
>>>>> أنا طبعاً ما صحت " لوح " ..ههه
بس طبعاً زعلت وطبعاً راح أشتاق للحلوين هناك ..

 

[رحآيل]

 

[رحآيل]

ستبقى كلماتج يا أبلة فاطمة محفورة في قلبي :
" اللي ما يحفظ السورة .. بعلقه فالمروحة .. "
...^-^

 

[رحآيل]

تعالوا بسألكم ..
أصلح أمثل بدوي .. بدوي مب بدوية ..
هههههه ..
أصلح وإلا لا تراني مثلت ..
أون أسمي شويليح:hehe: .. ههههه
عاد اللي حظر .. تراه حظر واللي ما حظر تراه فاته وااايد ..
فجمعية المرأة العمانية فالبريمي .. حظروا نص أهل البريمي ..
نص المسرحية نسيناها .. ما ادري يمكن لأنها ما تدربنا عليها واايد ..
من الخوف .. لا مستحيل لأنا نقعنا كلام وغيرنا نص المسرحية وقلنا نكت
وااايد ونشوف أبلة نورة وأبلة عصمة يضحكون خلف الكواليس ونحن
ما ضحكنا ولا خفنا ولا عبرنا
إلا نقعنا وأنا كل شوي أقول وين البندقية:Bored_Whackin: ..هههه
وااااو .. كان يوم حلووو ..
:92: