۩ڝدﻓﻬ غريبة و الحقيقة ما على الدنيا غريب۩

راعية بو شنب

¬°•| عضو مميز |•°¬
إنضم
7 أبريل 2010
المشاركات
317
الإقامة
*_*
شكرا ع مروركم
وسمحوووولي الجزء الاخير بيتأخر واااااايد وانشاءالله بعد العيد بنزله واختم القصه واختم جميع مشاركاتي ف هذا المنتدى الرااائع ودمتم بود ....................
 

راعية بو شنب

¬°•| عضو مميز |•°¬
إنضم
7 أبريل 2010
المشاركات
317
الإقامة
*_*
طير يا طير

وراح عبيد ف المكان الي عادل قاله يروحه , ويلس ينتظره ف السيارة بس عادل تأخر , وعبيد كان يحاتي وخايف يصير شي جااايد ..


وبعد ربع ساعه م الانتظار وصل عادل وبركن سيارته جنب عبيد ونزلوا منها وقفوا هم الاثنين ف الشارع , عبيد ما قدر حتى يسلم عليه لانه عادل كان يطالعه بنظرات غضب ومخلي شكله يخوف لدرجه فظيعة .


عادل ( بعصبية ) : مب ناوي حتى تسلم علي , عارف نفسك غلطان صح ؟؟


عبيد ( يحاول يفسرله ) : عادل يا خووي انت تعرفني انا ما اسوي شي الا م اكون مقتنع فيه , وانا ادري اني الي سويته غلط , بس كنت عارف انه ابوي ما بيرضى وانت ادرى فيه .


عادل : بس ليش ما خبرتني انا , كنت بساعدك ع الاقل , وم متى انت متزوج , وليش بالسر ؟؟


عبيد : خفت اخبرك , وانا قلت حق ابوي اني ابى اتزوج بس هو ما رضى , قالي انه لازم انتظرك انت عقب انا , وانا بصراحه كنت مستعيل وما بغيت تكون علاقتي فيها حرام , انا بغيتها بالحلال واهلها كلهم يدورن الا اهلي انا .


عادل ( يطالعه بنظره هاديه ويبتسم ) : مبرووك يالعبد ولا تزوجت قبلي هااه ؟؟ ومتى بنشوف العروس الذهبية ؟؟


عبيد ( ما صدق م الله طار م الوناسه ) : صج ؟ يعني ما بتخبر علي ولا بتعصب ؟


عادل : لا فديتك بالعكس انا بساعدك وبوقف معاك , انت اخوي وانا مالي غنى عنك يالدلووع .


المهم بعد الي صار والكلام الي دار بينهم صارت امورهم طيبه وعادل بطبعه انه متفاهم وطيب . كل واحد ركب سيارته وراحوا البيت , وف الطريق يتصل عبيد حق شهد : شهد انا اسف بس ما بايدي اسوي شي هو حكم علي , وصدقيني انا احبج واموت فيج بس ما بايدي والله


شهد ( بخوف ) : عبيد انت شو تقول ؟ شو قالك عادل شو صار ؟ ارمس بسرعه ؟؟


عبيد ( ما قدر يكمل , فطس م الضحك ) : ههههههههههههه , فديتج انا ما اتخلى عنج لو شو ما يصير , يا قلبي عادل ما قال شي وبارك لي وقال هو بيساعدني ..


شهد : يا حمار لا تسو هالحركات مره ثانيه .


وف البيت مرام تنتظر ع احر م الجمر وتبى تعرف شو بيستوي وتروح وترد ف الصالة وتعض اصابعها م التوتر .. وصل عبيد اول شي ويدخل ومخلي عمره معصب ويشوف مرام بنص عين


عبيد ( بعصبية ) : انشاءالله تكوني استانستي يالفتانه , دومج انتي الي تخربين حياتي , خلاص عااد طلعي م حياتي .


عادل ( يدخل م بعده ويصرخ ع عبيد ) : عبيد خلاص اذلف غرفتك ولا تخلني اشوف شكلك .


مرام ومن الخوف والحزن الي سيطر عليها تيلس ع الارض وتصييح بصوت عالي والكل تفاجأ كانت هذي اول مره يشوفوا مرام تصيح وبهالطريق . كانت نفس الطفله الصغيرة الي فقدت شي وما حصلته . عبيد وعادل ما عرفوا شو يسوا هم كانوا يتمصخروا معاها تنزل مروى ومزنه ويشوفوا مرام , الكل واقف منصدم مب عارفين هذي منو تكون , مستحيل تكون مرام , عقب عبيد ما قدر يستحمل ويعرف انه الي خلاها تصيح ,


عبيد ( بحنان وبندم ) : مرام انا اسف والله كنت اتمصخر, مرام صدقيني مب قصدي اقولك جذي انا اسف سامحيني , خلاص مرومتي مشي دموعج سكتي ( يمسح دموعها م خدها ويحضنها ) .


الكل حاول يهديها بس مرام ما هدت , شكلها كانت مخزنه الدموع وعبيد فجرهن .. >>> هع هع هع هع
 

راعية بو شنب

¬°•| عضو مميز |•°¬
إنضم
7 أبريل 2010
المشاركات
317
الإقامة
*_*
.. تبتعد مرام عنه وتركض غرفتها وتقفل ع عمرها
عبيد حس بندم فظيع وما اعرف شو يسوي ؟
عبيد ( بحسره) : عدول روح راضها هي تسمع كلامك مب شراتي دلخ ما اعرف اراضي
عادل : لا والله , تسو بلاويك وتباني انا احينه احل مشكلتك , انا لو روحت بتكلم ع نفسي وبمشكلك انت .
عبيد : حشى حشى جي انا اخوك دلوعك عاد ما اهون عليك
عادل : انا قلت الي عندي , جان تبى ؟
عبيد : تم بمنيتك مابي شي منك , انا بعرف كيف اتصرف
مروى ومزنه بعدهن واقفات ف الصالة ولا يعرفن شسالفه ويطالعن بعض وبعدها كل وحده راحت غرفتها وما اهتم للموضوع الي عندهن يكفيهن ...
عادل وهو ف غرفته احد يدق عليه الباب ... ( منو )
ابو عادل : انا ابوك يا ولدي ادخل
عادل ( متفاجأ): حياك ابوي ( وهو يفتح الباب ) بيتك يا ابوي وادخل بدون استأذان
ابو عادل : تسلم يا ولدي هالعشم الي اعرفه فيك مب عبيد الله يهديه دفش ف كل شي ,
عادل : اكيد عرفت بالي سواه عبيد بأخته صح ؟
ابو عادل ( مصدوم ): ليش هو شمسوي الحمار ؟
عادل ( توهق ):ها الغالي بس تدري هو ومزاحه الثقيل .
ابو عادل : زين ما علينا انا ياي اكلمك ف موضوع ثاني , اسمعني احينه انت ناوووي تروح تخطب وماشاءالله عليك مجهز كل امورك قبل ما انا اوافق . وطبعا انا سويت شي من وراك وما حبيتا قولك الا من ترجع من السفر .
عادل <<<< فاااج عيووونه وقلبه يدق بسرعه , متخرع م كلام ابوه يخاف يقوله انه غير رايه ولا بيخطلبه جواهر .
ابو عادل : انا خطبتلك البنت الي تباها وحددنا موعد الملجه واتفقنا انا وابو البنت ورتبنا كل امورنا وانا بعد يا ولدي قلت بسويلك حفلة الملجه مثل ما انت مخبر امك وانشاءالله بيكون يوم الخميس وخواتك واخوك وامك يدرون قبلك ومجهزين واحينه دورك اخبرك وشرايك احينه ؟
عادل من الفرحه ما اهتم حق كلام ابوه ولا شو قاله ولا ع شو اتفقوا المهم انه يوم الخميس يعني بعد اربعة ابام بياخذ قلبه وروحه جواهر الغاليه ومن كثر ما هو مستانس يحضن ابوووه بقوووه ويبوسه ع راسه , ابو عادل فرحه لما شاف فرحت ولده بالخبر ونسى هموم الدنيا كلها , اهم شي عنده يريح اعياله ويسويلهم كل الي يبونه .
مضت الايام بسرعه ومرام وعبيد بعدهم ما يرمسون بعض .
الخميس الصباح والساعه 10:30 بالتحديد يرن تيلفون مرام وكان رقم غريب , تشوف الرقم وساكته مب عارفه منو وبعد الاتصال وصلها مسج ( هلا يالغلا مرام انا شهد مرت عبيد ممكن ارمسج ؟)
استانست مرام وع طول اتصلت فيها : هلا بالشهد هلا
شهد : هلا وغلا فيج يا قلبي , زين ما بغينا تردي ونسمع هالصوت الغاوي
مرام : ههههههههه شسوي اتغلى بعد من حقي .
شهد : حياتي مرام انا متصله عشان عبيد وحليله هو وايد مضايق وما يبيج تزعلين منه سامحينه الله يخليج انا ما يهون علي اشوفه جذي بليز مروم عشان خااطريه اول مره اطلب منج شي .
مرام ( تضحك بصمت ) : شهد انتي ع العين والراس , بس انا قايله ما بسامحه ع الي سواه فيني وخليه جذي احسن عشان يتأدب .
شهد (شوي وبتصيح ) : لا حرااام والله دخيلج مرام لا تسوين جذي فيه والله حرام هو بيسويلج الي تبينه بس عشان ترضين .(( مرام تقاطعها بضحكتها الهستيري هههههههههههههههههههههههههههههاي ))
شهد سكت صخت مره وحده مستغربه منها شفيها هااي تخبلت توها معصبه واحينه تضحك .
مرام (تضحك) : هو عدالج احينه ؟
شهد : لا مب هنيه وهو ما يعرف اني انا متصله فيج ..
مرام : زين يالغاليه لا تخبرينه عيل انج اتصلت وانا مب زعلانه منه بس شوي بعذبه اوك فديتج .
شهد (مستانسه ) : انشاءالله من عيوني , السموحه منج .
مرام : بالحل ياختي , انزين انا بخليج احينه وااايد مشغوووله , مع السلامه ياقلبي
شهد : الله يحفظج .الكل كان مشغول بتجهيزات الملجه والحفله البنات ف الصالون يتعدلون الام والابو ف البيت يجهزونه ويرتبون عادل وعبيد ف الحلاق يتكشخ << عااده هو روعه وبيصر اروع ويخبل ....
الساعه 6:45 بدأ الناس يتوافدون جواهر وصلت ودخلت من الباب الي ورا عشان محد يشوفها ع اساس انهم طلبوا يسون الحفله ف بي عادل لانه اكبر واوسع من بيتهم .
رجعن البنات من الصالون وكانن طالعات جنان ف جنان , سبحان الله جميلات وزاد فيهن الجمال , مزنه لابسه ثوب خليجي من قطعتين ولونه اسود ع احمر ومسويه مكياج احمر واسود وذهبي خفيف فوق العيون ورافع شعرها بطريقه حلوه ونافختنه وحاطه الشيله فوق البفه , مروى لابس ه نفس مزنه بس مدرج البني ومسويه مكياج بني هااادي , مرام طالعه ملكة الحفله شكلها جنان وحتى قبل ما تنزل عند الحريم امها يلست تقرا عليه وتبخرها عن العين ,, مرام لابسه فستان من الساتان الاحمر الساده وفيه كرستال من على الصدر والشال فوق الراس والحلق الالماسي البسيط ومكياج احمر خفيف وهادي وكانت طالعه مره جنان ,,, طبعا كان الكل منبهر من جمال مروى ومزنه لانهن كان غير بلبسهن وبمكياجن ولا ننسى الادب والاحترام الي فيهن يغلب ع جمالهن الاخاذ , مرام تنزل من الدري وكل العيون عليها وعبالهم انها هي العروس مرام م نظراتهم ما قدرت تسلم ع احد ولا تشوف احد كانت مستحيه من الخاااطر وما تحس الا بأيد تمسكها م وراها وتسحبها داخل الغرفه الثانيه , تلتفت مرام وراها وتتفاجأ<<<<<<<<<<<<<<<<<<<<<<<<<<<<<<<<<< ادري تفكيركم خااايس
مرام : عبيد خرعتني الله ياخذ بليسك انت كيف دخلت هنيه <<<<< ووويه قفطكم هع هع
 

راعية بو شنب

¬°•| عضو مميز |•°¬
إنضم
7 أبريل 2010
المشاركات
317
الإقامة
*_*
السموووووووحه طووولت عليكم بس هذي الاجزاء الاخيره واحلو اخلصها لكم بأسرع وقت ممكن
وعاااده انتوا لاتبخلووا علي بالردووود ولا تنسوووني !!
 

راعي الجروح الدفينه

¬°•| عضو مميز جدا |•°¬
إنضم
2 يوليو 2010
المشاركات
583
قصه جميله جدا
اشكرك يا اختي على القصه الجميله
ننتظر التكمله
 

راعية بو شنب

¬°•| عضو مميز |•°¬
إنضم
7 أبريل 2010
المشاركات
317
الإقامة
*_*
مشكور اخوي راعي الجروح الدفينه ع ردك الطيب
وانشاءالله ما اخيب ظنكم وانزل التكمله قريب
 

راعية بو شنب

¬°•| عضو مميز |•°¬
إنضم
7 أبريل 2010
المشاركات
317
الإقامة
*_*
عبيد ( بهمس ) : شهد هنيه ابيج تعرفينها ع امي بصفتها ربيعتج دخيلج مروم
مرام ( اطالع عبيد بنظره خبث ) : لا والله واحينه تباني اساعدك هاااه ؟ ما يخصني اني تصرف بروحك .
عبيد (والدمعه ف عينه ) : الله يخليج اترجاج بليز بليز مرام
مرام (تبتسم بمكر ) انزين بس احسبها هاااه وحطها ف بالك .
استانس عبيد وطلع تيلفونه عشان مرام تشوف صورة شهد وتعرفها ع طول ,,,
تطلع مرام وتروح صوب الحريم تسلم عليهن وحده وحده والي توقف عندها ما ودها تودرها ,, مرام شافت شهد يالسه وشكلها كيوت وهي مستحيه منهن , تتقرب مرام منها وتسلم عليها شهد ف البدايه ما عرفتها بس بعدين ركزت ع صوتها وع طول عرفتها .
مرام : شو هالزين كله شو هالحلاه , بصراحه طلع اخوي فن وذوقه غااوي
شهد (مستحيه) : ثانكس بس عاد لا تحرجيني .
مرام تسحب شهد من ايدها وتروح صوب امها عشان تعرفها عليها , ام عادل تسلم ع شهد بفرح لانها كانت وايد حلوووه وطيبه وهي ارتاحتلها وايد . ام عادل تمت تسولف عند شهد طول الوقت وما بغتها تفارق عيونها ابدا , استانست شهد من موقف ام عادل لانها حبتها بدون ما تعرف انها حرمت ولدها .
انتهت الملجه والكل كان فرحان وخاصتا عادل وجواهر , أكيد دامهم تزوجوا وصاروا لبعض وماشي خرب عليهم ولا احد يقدر يفرقهم احينه غير الموت .
بعد يومين الكل راح شغله , مروى ف مكتبها ومندمجه ف الاوراق والمخططات الي عندها , ويقطع بنات افكارها دق الباب ,مروى بكل بروده : تفضل .
سيف ( والابتسامه شاقه الحلج ) : السلام عليكم بالمزايين .
مروى استحت : وعليكم السلام , تفضل اخوي استريح
سيف ف خاطره شو اخوي وانا ناوي عليج <<< استغفر الله شو ناوي عليج بعد هاي
سيف من شاف الحنا ع ايدها اختبص وتغير لونه وف نفس الوقت ذاب من حلات ايديها بالحنا . مروى حست فيه وشافت عيونه كيف تلاحق ايديها وكان منبهر .
مروى : كانت ملجت اخوي يوم الخميس ف عشان جي متحنيه . ف خاطرها ياربي ليش انا قلت جي ما كان له داعي اني اوضحله , والله اني غبيه .
سيف ( براحه ) : مبروك وانشاءالله يتهنوا , و عقبالج ههههه
مروى ( عيونها تحت ): الله يبارك فيك
عدت الامور ع خير ومروى تحاول تخلص شغله بسرعه عشان بس يطلع من عندها وف نفس الوقت ما تبيه يروح عنها .
مرت الايام والاسابيع ولا تغير ع ابطال قصتنا مثل ما هي , ع الروتين السابق .
سيف( ينادي امه بصوت عالي ) :امااااااااااااااااااااااااااااااايه , امااااااااااااااااااااااااااااه , يمه , مااااااااااااااااااااما , ماااااااااااااااااااماتي , والاخير الوالده يا الغاليه << متفيج الريال ....
امه : هااااه هااه شو عندك يالس تصارخ سمعت الفريج كله .
سيف يركض صوبها شرات اليهال ويبوسها ع راسها : يمه خلاص انا عزمت وقررت ابيها ابيها ..
ام سيف : بسم الله عليك يا ولدي شو هي الي تبيها ؟
سيف : ابى اتزوجها والله يا يمه ما ابي غيرها ابيها هي يعني هي .
ام سيف ( والفرحه مب سايعتنها ) : صج , ابركها من ساعه الله يفرح قلبك مثل ما فرحتلي قلبي , ومنو هي الي خذت عقل ولدي سواف ؟
سيف خبرها بنت منو وكيف عرفها واول ما تلاقوا . والام ما صدقت من الله وهي كانت تتمنى انها تناسب عايلة بو عادل وما عدا انها كانت تتمنى مرام لولدها سيف بس يالله دامها مروى اكيد راضيه ..
ابو سيف اتصل ف ابو عادل وخبره انهم ناوووين يخطبون ايد بنته لولده سيف , واكيد ابو عادل ما رفض وافق بس طلب منهم انه ياخذ راي البنت اول وعقب يصير خير ,
ابو عادل خبر حرمته بالموضوع وعاده هي ما صدقت من الله استانست وع طول راحت غرفة مروى . وطبعا الملقوفه مرام تدري بكل صغير وكبيره وهي سبقت امها عند مروى.
مرام تفتح باب غرفة مروى بقوه كأنها رايحه اضارب .
مروى (منتزقه ) : بسم الله الرحمن الرحيم اللهم سكنهم مساكنهم , شفيج اتخبلتي شو؟
مرام ( تنقز فوق سريرها ) : الف مبروك يا العروس وحلمج وتحقق يا الدبه ..
مروى مب فاهمه شسالفه انتي شو تقولي احينه عروس , وحلمي تحقق ؟
مرام كانت تبى تخبرها بالسالفه كلها بس ما قدرت لان امهم دخلت عليهم وقاطعتها ,
ام عادل : وانتي شتسوين هنيه ؟
مرام : ماشي اسولف عند اختي حرام ؟
ام عادل : يالله انزين عطينا عرض مقفاج يالله
مرام ( وبرطمها واصل الارض ) : انشاءالله . وهي وطالعه تغمز حق مروى وتضحك .
ام عادل خبرت مروى بالموضوع والبنيه ما صدقت سيف يخطبها ويبيها يااااربي اخيرااا هو لي انا <<< هههههههه صج سخيفه ... ام عادل عرفت من ابتسامة مروى الهبله انها هي تبيه وموافقه . يعني نقول مبروك ؟
مروى تهز راسها وهي مستحيه ع الاخر وصايره كاتشب منكب فوق ياهل ....
 
التعديل الأخير:

راعي الجروح الدفينه

¬°•| عضو مميز جدا |•°¬
إنضم
2 يوليو 2010
المشاركات
583
روعه ابداع
ننتظر اليدد
 

راعية بو شنب

¬°•| عضو مميز |•°¬
إنضم
7 أبريل 2010
المشاركات
317
الإقامة
*_*
مر اسبوع كامل ومروى تحاول تتجنب سيف ولا تشوفه , وهو مستغرب منها شفيها جي تسوي مب من عوايدها ..
تحددت الخطبه يوم الخميس واتفقوا على انه الملجه والعرس يوم واحد وف نفس يوم عرس عادل وجواهر . عبيد : كيف تتزوج قبلي , يعني انت احينه بتروح وتخلاني بروحي هنيه ( يخلي عمره يصيح ) << منكر فيه
عادل : طالع منوا حينه الي متزوج انا ولا انت , سبقتنا , واحينه ياي تقولي اتزوج قبلك .
عبيد ( يضحك ) : يا ريال ما فيها شي لو كنت متزوج بس انا عاده ما سويت عرس وابى اسويلها حفله لا صارت ولا استوت , وبصراحه يا اخوي مابي اخش عليك شي .
عادل : هااه شو بعد صاير ؟
عبيد ( مستانس ) : بصراحه هو الخبر يونس . عادل انت عم وانا ابو شحلاااته اخيرا..
فجأه سمعوا صوت ضربه قويه و اول ما فتحوا الباب لقوا امهم طايحه ع الارض وصينيه العصير منكسره عدالها . ومن شافوها ركض شلوها وتموا ينادوا ابوهم بصوت عالي وعبيد كان خايف انه يكون هو السبب ف طيحة امه , وف المستشفى الكل متجمع ينتظر الدكتور يظهر من عندها . مرت ساعات وهم ينتظروا , يطلع الدكتور وكان شكله منقلب , كلهم توتروا من شافوه وحسوا بخوف فظيع .
ابو عادل ( بخوف وهدءا اعصاب ) : هااه بشر طمني , انشاءالله مافيها شي .
الدكتور : الحمدالله هي احينه حالتها مستقره , وصابتها سكته قلبيه خفيفه وانشاءالله ما عليها خوف , ونحن حطيناها تحت المراقبه ولا تخافوا هي صحتها ما شاءالله عليها.
الحمدالله اطمنوا كلهم عليها بس عبيد كان حاله مختبص وهو عارف انه هو السبب ف طيحة امه . عادل يروح صوب عبيد : تعال بنروح الكفتيريا .
عبيد (بحزن ) : لا يا خوي خلني هنيه يالس يكون احسن .
عادل : يا ريال نش معاي ابى ارمسك , وهي ما فيها شي انشاءالله
عبيد راح مع عادل وكان طول الوقت ساكت والدمعه ف عينه, يلسوا ع الطاوله وهو بعده ساكت وسرحان , عادل يضرب بايده بقوه ع الطاوله , يا خووي وين سرحت ؟
عبيد : مادري عادل احس اني انا السبب , قلبي يعورني وصدري ضاايق .
عادل : شو انت السبب ؟ لا تقوول جي انشاءالله كل شي بيتصلح وما أظني هي سمعت شي لاتحاتى دامي انا معاك ما بيصير الا كل خير , وبعدين لا تنسى امي متفاهمه وقلبها كبير واكيد بتوقف معاك .
عبيد اطمن شوي من كلام عادل وحس براحه وهو بعد يعرف انه امه اكيد بتسامحه وبترضى عليه .
مضى يومين وام عادل ف المستشفى وعبيد يحاول يتجنب شوفتها بس كان يوصل المستشفى يسال عنها ويروح يخاف يلاقيها ويحط عيونه ف عيونها ..
مرام : عبيد بلاك متغير هاليومين ؟ امي تسأل عنك ليش ما تروح تزورها ؟
عبيد: وانتي شلج ازورها ولا لا , يالله فارجي من غرفتي , ظهري برا ..
مرام (معصبه) : ايييه انته شفيك علي انا , اذا فيك حره ما تحطها فيني , صج انك حقير .
عبيد ( متحسف ) يمسكها من ايدها : مرام انا اسف والله , والله اسف مب قصدي احرج عليج . <<< يقربها منها ويحضنها وتم يصيح ع صدرها ..
مرام ما عرفت شتسوي حست بضيقه ف صدرها وهي تشوف حالة اخوها جذي ومب عارفه شفيه , لفت ايديها عليها وحضنته وخلته لين ما يهدأ , عقبها ابتعد عنها ولف ويهه الصوب الثاني عشان ما يشوفها , مرام دخيلج خليني بروحي مابي اشوف احد .
مرام طلعت من غرفته وهي كلها حزن وحسره , ما تعرف شتسوي ولا تعرف هو شفيه جذي متغير . مرام تروح غرفة مروى ويهي متغير .
مروى: بلاج مرومه تايه ؟ ادورين شي ؟
مرام : لا مروى بس عبيد مب عايبتني حالته , تدري انه توه حضني وتم يبجي ع صدري .
مروى (منصدمه) : عبيد جذي سوا ؟؟؟ غريبه , ما قالج شفيه ؟
مرام : لا, حتى مارضى يشوف ويهي م عقبها طلعني م الغرفه .
مروى : تدرين مروم هو م دخلت امي المستشفى وحالته مب طبيعيه, مب عبيد الاولي . احس انه شي صاير وهو مب راضي يرمس , وعادل يدري بالموضوع وساكت .
تدخل عليهم مزنه وامل وكانت توها يايه من بيتها وشكلها حزين وكئيبه . سلمت عليهن وبعدها يلسن يحللن مشكلة عبيد وتغير تصرفاته .
يرن تيلفون عبيد وكان رقم عادل : هلا عبيد شحالك ؟
عبيد : بخير عادل بخير
ام عادل : عبيد يا مسود الويه وينك ما تزورني ؟
عبيد ( منصدم ) : اماايه ؟
ام عادل : احينه امايه هااه ؟ وينك عني ما اشوفك , حشى ما تقول بتياني وتطمن علي؟
عبيد : انشاءالله اميه احينه ياااي عندج وشاتميني ع راحتج .
 

راعية بو شنب

¬°•| عضو مميز |•°¬
إنضم
7 أبريل 2010
المشاركات
317
الإقامة
*_*
يطلع عبيد من غرفته بسرعه ويركب سيارته وع طول المستشفى ويسرع مليون خرده ,,
ومن وصل المستشفى خفف سرعته شوي شوي , وصل القسم وحصل عادل وابوه واقفين برا الغرفه .
عادل ( مستانس ) : هلا هلا عبيد , ادخل هي تنتظرك
عبيد دخل عند امه واول ما شافته ضحكت ودت ايدها عشان يقرب منها .
ام عادل : فديتك ا عبيد , عسى الله لا يحرمني منك , بس ليش ما خبرتني عشان اشاركك فرحتك ولا ما تباني اكون معاك .
عبيد( والدمعه ف عينه ) : عسى الله لا يحرمني منج يالغاليه ويخليج لي طول العمر , سامحيني يالغاليه كنت خايف من ردت فعلكم .
ام عادل ( تصيح ) : مسامحتنك يا ولدي مسامحتنك .
صفت القلوب وعبيد ارتاح يوم درت امه بخبر زواج ورجعت ام عادل بيتها والكل مستانس ورجعت الفرحه لبيت ابو عادل .
مرت الايام والاسابيع والشهور واقترب موعد العرس والكل مرتبش يجهز ويرتب حق عرسه .
عبيد قرر انه يخبر باقي افراد الاسره بخبر زواجه والتي سوف يكون صدمتا عليهم , لكن لا خوف دام ان امه واخوه يدرون بالموضوع <<< نرجع للعاميه يا سخيفه
تجمع الكل ف الصاله وينتظروا وصول عبيد الي ع احر من الجمر .. بعد ربع ساعه من الانتظار وصل عبيد .
عبيد ( بتوتر ) : السلام عليكم !!
الكل : وعليكم السلام .
ابو عادل : هااه عبيد شو عندك مجمعنا اليوم ؟ شو مسوي من البلاوي ؟
عبيد ساكت ومب عارف شو يقول ... مروى ومزنه : عبيد يالله قوول لا ترفعلنا ضغطنا.
عبيد طلع م الصاله وراح صوب سيارته وتنزل شهد معاه وماسكه ايده بقووه من الخوف هي اول مره تشوف اهله كلهم وخاصتا امه وابوه .
دخل عبيد الصاله ومعاه شهد وماسكنها من ايدها .. ابو عادل يطالع عبيد ومستغرب ,
مرام قامت وسلمت ع شهد وعادل بعد سلم عليها .
ام عادل : اكيييد انتي الغاويه شهد ؟ حياج بنتي تعالي توه ما نور البيت ..
شهد تروح صوبها وتبوسها ع راسها . وابو عادل يطالع وساكت ينتظر الجواب ع سؤاله.
بعدها عبيد : ابوي هذي شهد زوجتي ..
مروى ومزنه انصدمن وفجن الحلج ,, ابو عادل : زين يوم اعترفت كنت اتريا هاليوم ؟
عبيد : شو قصدك ابوي ؟
ابو عادل : شو انتع بالك انا نايم عنك ولا اعرف بسوالفك يالشين .. تعالي بنتي يلسي حذالي , انتي كنتنا .. استانس عبيد من ردت فعل ابووه وانه ما قاله شي , وبعد قاله انه بيحتفل ف زواجه مع اخواانه وبيسولهم عرس .
عدت الامور ع خير واكتملت فرحتهم ,,
اليوم الخميس الساعة 9ونص بالليل قاعة زاخر للاعراس ........
يدخلن 3 عرايس القاعه وكانن ف قمة الروعه والجمال , مثل الحكايات الخيالية , ,,
الحضور كان منبهر من جمالهن الاخاذ وروعتهن , وأأأكييد بطلتنا مرام طالعه خبااال بلبسها اللؤلؤي ومكياجها الهادي والي عطاها جمالها الطبيعي ولا كأنها مسوي مكياج .
يلسوا ساعه يحتفلو بزفة العرايس ويسلمو عليهم مستانسين بعدها دخلوا المعاريس ,
يدخل عادل وعبيد وسيف ومحمد وابو عادل وابو سيف القاعه .
وهم يمروا ف الممر اطييح عين محمد على مرام وع طول عرفها واستااانس حيييل وحس نفسه انه بيطير من الوناااسه ..
طبعا كلهم متجمعين عشان الصوره الجماعيه محمد واقف عدال امه ..
محمد ( بصوت خفيف ) : امييه منو هذا الي واقف عدال ابو عادل ؟
ام سيف ( تضحك بخبث ) : هذي مرام بنتهم اخت مروى . ليش تسأل ؟
محمد : اماايه عقب بخبرج ..
خلص العرس وكل وحده وراحت مكان مع عريسها واليوم الثاني الصباح .
ينش محمد من الصبح ويروح غرفة امه ..
محمد : اماايه ابى ارمسج ف موضوع ..
ام سيف : قول ولدي شو عندك ؟
محمد : انا ابى مرام وابي اتزوجها .
ام سيف : هذي الساعه المباركه وكنت انا متوقعه من يوم سالتني عنها امس .
محمد ف غرفته والفرحه مب سايعتنه يسمع قصيد لشاعر سلطان الهاجر صدفة غريبه
ڝدﻓﻬ غريبة و الحقيقة ما على الدنيا غريب
يا زينها صدفة بلا سابق وعد يا زينها
الله صرفها لي مثل صرف العلاج من الطبيب
أثر الجروح تطيب لا من عولجت في حينها
لا طاب جرحي منه .. من غيره لعله ما يطيب
يطعن و طعناتها على شان الغلا راضينها
أحلى شوي من العسل و ألذ من طعم الحليب
و أحر من همسة شفايفها و غمزة عينها
و مجدلٍ يوم انتثر كله ما غير يفوح طيب
يطيح لو ما ترتبه بيسارها و يمينها
لا ينزعج ترى الجمل ما طاح لو أنه صويب
لا يا بعد ناسٍ تحد لطيحته سكينها
و لا يفرح الحاسد تراها طعنةٍ من يد حبيب
و شلون أبونسها و هو بين الفواد و بينها
مر اسبوع كامل والمعاريس بعدهم ف شهر .
وابو سيف راح وخطب مرام لولده محمد وابو عادل اكيييد وافق ومرام من شافت شكله اختبصت وما صدقت كيف صار جي , وكيف انه محمد هو نفس الشخص الي قلبها دق لاول مره ,, وطبعا الحلوه وافقت وكل شي صار بسرعه من بعد مار جعوا اخوانها من السفر تحددت ملجتها وصار عرسها وتزوجت مرام من محمد
والكل عاش بوناااسه وسعاااده ...
تاريخ التوثيق : 24/2/2011
بقلمي / راعية بو شنب (جف الحبر)














ترقبوا المزيد من قصصي ودمتم بود !!!
 

راعي الجروح الدفينه

¬°•| عضو مميز جدا |•°¬
إنضم
2 يوليو 2010
المشاركات
583
اشكرج يا اختي على القصه الروعه و الصراحه اني كنت مترقب انه تكملي القصه وكنت كل يوم ادخل وطلع و اليوم قريت القصه كامله تستاهلي التقيم
 

راعية بو شنب

¬°•| عضو مميز |•°¬
إنضم
7 أبريل 2010
المشاركات
317
الإقامة
*_*
مشكور اخوي ع مرورك ومتابعتك للاحداث قصتي ,, وبصراحه عورني راسي لين ما كتبت نهايتها وبصعوبه
 
أعلى