ما ابي احد ياخذك غيري باسم النصيب

حنايا الروح

¬°•| عضو جديد |•°¬
إنضم
23 مايو 2010
المشاركات
3
مآآبي آحد غيرك يآخذني بآسم النصيب
طلبتك علشان اللي بيني وبينك لا يجيني ~ >هالغريب









[ تبي بنت خالك اهلا وسهلا , مآتبيهآ لااني امك ولا اعرفك ]


[لايكووون حآط عينك على غير بنت عمك ]

[ تبي تزوج ؟ عندك بنات عمك وش كثرهم ]


[ فلانه أنتي مخطوبه ؟ لا بس من يومي وانا لولد عمي اهلنا يقولون كذا ]


[ ولد عمك مو موظف بس هو اولى من الغريب ]


العادات والتقاليد كثيررره بديرتنآ و اكثر شي منتشر هو (زواج الاقارب) , طبعا هي العاده المسيطره على مجتمعنا
دايمآ نسمع ان البنت لأبن عمها او لأبن خالها والولد ماله الا بنت عمه هو احق من الغريب !!!
هذي العادات كآنت من زمن اجدادنا وللحين مستمره فبعض الزواجآت نجحت وبعضهآ وبالذات فـ جيلنآ هذا فشششلت لان مآفيها نوع من الانسجآم والحب , طبعا يعتبر عدم الانسجآم هو اكبر سبب لفششل الزواج ..


احبتي اختصرت المقدمه لنجعل البقيه من كلامنآ هو محور النقآش في هذا الموضوع


•• هل تفكير الاباء في السابق اكثر واقعيه ؟!

•• هل اصبح من المستحيل للشآب ان يختآر شريكة حيآته بنفسه حتى لو كآنت من غير الاقآرب ؟! ( والسؤال للبنت كذلك )

•• هل يعتبر عقوق للوالدين اذا مآاخذ الولد بنت خاله او عمه ؟!( والسؤال للبنت)


•• من برايكم الظالم والمظلوم في مثل هذه الزواجآت ؟!

•• هل اجبآري ان يكون بينهم انسجآم وحب من قبل الزواج ؟!


.

.


اترك لكم المجآل , وانتظر تفآعلكم


.
 

راعية بو شنب

¬°•| عضو مميز |•°¬
إنضم
7 أبريل 2010
المشاركات
317
الإقامة
*_*
هل تفكير الاباء في السابق اكثر واقعيه ؟!

•• هل اصبح من المستحيل للشآب ان يختآر شريكة حيآته بنفسه حتى لو كآنت من غير الاقآرب ؟! ( والسؤال للبنت كذلك )

اولا تسلمي ع الموضوع ...
- تفكيرهم في السابق زمن اول كان ما عليه كلام ونص الاهالي ما زالوا يعيشوا ف زمن وما يدروون انه احينه عقليت الشباب وتفكيرهم تغير ,,

- لا مب مسحيل وحتى مع الرفض اهله عليه يقدر يقنعهم بالكلام الحلو والتصرفات العقلانيه ولانه احينه الاهل اذا شافوا انه عيالهم يمشوون ع حسب ما يبونه يحطوونهم ع الراس والعين وينفذوون كل الي يبيه , فاذا الريال يبى يتزوج م البنت الي يختارها لازم انه يشغل عقله ويلطف السانه ويصفي قلبه ..
تقبلي مروري البسيط !!
 

ناوية خير

¬°•| عضو مبتدى |•°¬
إنضم
30 نوفمبر 2009
المشاركات
37
الإقامة
^^تحت السماء فوق الأرض^^
الحمدلله رب العالمين الله رزقني عيال عم اصغر مني ههههههه
ومصيري ما مرتبط لا بمصيرهم ولاهم مرتبط مصيرهم بمصيري

بس حتى خواتي نفس الشي هلي ما يقولو هالرمسه

دايم يقولو ما بنقول انهم حق بعض عن يكبرو ويقولو ما نبا بعض

والحمدلله ابويه ولا عمي نفس الطبع قبل لا يردو على احد ف سالفة الزواج

اول شي يسونه يشاورون البنيه إذا قالت لا مستحيل يجبروها حتى في واحد

قال حق ابويه انته بناتكم مخلينهن ع كيفهن هع بالعكس انا اشوفه ان طريقة اهلي الصح


بس بالفعل صايره وايد خصوصا ف مجتمعنا انا اربيعتيه زوجوها ولد عمها

غصبا عنها وعنه لا هو يباها ولا هي تباها لكن الحمدلله رضو بالواقع وتفاهمو

وحاولو كثر ما يقدرو يتقبلو بعض ومع الأيام بيحبو بعض


بالنسبه حق عقوق الوالدين ما اقدر افتي لكن شرط بصراحه يكونو الأهل راضين عن زوج بنتهم او عن زوجة ولدهم

وما شرط الأنسجام قبل الزواج ترا وياهم فترة خطوبه بيتعودو على بعض
 
التعديل الأخير:

اثير

¬°•| مشرفة سابقة |•°¬
إنضم
21 مارس 2009
المشاركات
2,181
الإقامة
جميرا
الدنيا تطورت ..
رووح بعيد وتعال سالم ..

ما اتفق ان البنت تاخذ وولد عممها يمكن هذاك يحب وحده او اهي تحب واحد شو ذنبهم

وبعدين الدنيا تطوورت كل ولد يختار شريكه حياته عسب عقب اذا صاار شي يكون هو المسؤل ولا يلووم احد
 
أعلى