للبنات:بصراحة هل توافقي؟؟

[ولد صحـــار]

--------------------------------------------------------------------------------

بصراحة إذا كنتي عندك شهادة جامعية وشاب تقدملك وإنتي تريديه لأنه جدا مناسب لك بس كان شرطه: إنك ما تفكري تشتغلي وتفضي بس له ولإولاده وطلب هذا الشي منك بقمة الأدب..
ساعتها هل تتنازلين عن الوظيفة عشانه??

 

[نملة متحنية]

اول باركن باركن النمل لوووووووووووووول

اكيد لوو كانت عندي شهادة جامعية مابوافق على هشي ابداااااا بس يمكن ارمسة واتفاهم ووياه وكل شي بتفاهم يصير ..

وبعدين دارسة سنين كلها بعدها احط الشهادة فالبيت بس مااظن يطلب هطلب غير الانسان الجاهل لانه وايد حريم عندنا فالكولج كبار ويدرسن عسب الشهادة والشغل شوو الفايدة اخذ الشهادة وانا كبيرة احسن اخذها وانا صغيرة فديتني بس مااظن يطلي هطلب ..؟
احترامي
نمولهـ

 

[مجروحة المشاعر]

انا راح اقنعه اكمل دراسه ليش اني ابي ارجع الديوون الي علي

واذا اهو بيدفعهن عاي احسن

بيسوي خير وبقعد مجابلتنه اهو والعيال

 

[ولد صحـــار]

شكرا ع المرور نمووووووله ومجروحة المشاعر

 

[اثير]

طبعا بترك وظيفتي الزم ما علي بيتي وحياتي .. فوق كل شي

البيزات اللي استلمهن مابيهن مقابل اودر بيتي وريلي وعيالي ..

 

[ملكه جمال عمان]

كل الشكر لك اخي..

بصراحه ما اتنازل ..

ولا حتى بفكر ..



والسموحهـــ,,,

 

[شيخة الغيد]

طبعا لا اشحقه اتخلى عن شي تعبت وسهرت عليه الليالي عسب اوصل للي اباه

 

[قماااااااااري]

طبـعآ كل شيء بالتفاهم ينحل
واكيد هو مثل ما كان اسلوبه حلو وياي
انا برد عليه بنفس الاسلوب بقنعه بطريقتي الخاصه
لان من الصعب اتخلى عن حلم عمري او شيء تعبت عليه سنين طويله

 

[ناوية خير]

إذا كنت مكملة دراستي الجامعية بوافق
لكن إذا بعدني ادرس ف الجامعه وقالي اخليها برفض

نقطه ثانيه بعد ما اوافق ع رمسته بطلب منه اني أفتحلي مشروع صغير له علاقه بدراستي ويديره عامل

 

[ورد وردي]

الصراحه على حسب وانا اشوف اذا كان يناسبني اجلس فالبيت ولا لا

والشهاده ترا معي متى مابقيت اشتغل بشتغل...


ومثل ماجالوا اللي قبلي...بالتفاهم تنحل الامور

 

[نسيم الشوق]

بتفهم معه انشاء الله يقتنع اني اشتغل الان ظروف الحياء وايد صعبه

 

[ايمان]

اذا طلب هذا قبل الزواج صراحة مابوافق بس اذا بعد الزواج بتفاهم معه بس حرام اضيع تعبي ودراستي مابيهون

 

[أمير بطبعي]

تقبلو مروري الخفيف على الموضوع واول مشاركاتي في هذا المنتدا الجميل
موضوع جميل اخي( ولد صحار )
أولا : كل شي بتفاهم يجي
ثانيا : اذا كانت الشاب قادر على اعانة زوجتة وعيالة في المستقبل وقادر انه يوفر كل متطلباتهم ومتلطبات ام عياله وبدون الحاجه لوضيفة زوجتة فماله داعي لوضيفة الزوجة فمن الاحسن لها انها تفضا لبيتها وتقابل عيالها وتداريهم وتربيهم احسن تربيه وعلى حسب ما هي تريد
ثالثا : اذا الزوجة تشوف ان قادرة توافق بين بيتها وشغلها وان ما تقصر في احداهم فمافيه مشاكل انا تشتغل بس اهم شي لا تقصر بحق اولادها وزوجه .
بس على حسب ما اشوف في هزمان اذا الزوجة تشتغل يكون اهمالها لبيتها وعيالها وزوجها بنسبة 80 % والاتكال كله على الشغاله والعوان الي موجودين في البيت .
تقبلو مروري
تحياتي : أمير ​

 

[ولد صحـــار]

اشكركم ع مروركم الطيب

 

[الاشواك الناعمه]

اذا كان بيصرف علي وبيعيشني فنفس مستواي المعيشي عااادي ليش لا

وف هذا الزمن مستحيل تحصلوا واحد راتبه مرتفع خاصه ف بلادي الحبيبه عماان

يعني.....هو بيقولي اشتغلي احسن

 

[روح الشبلي]

ابصراااحه اذا شفته يستاهل
ليش لا

 

[ولد صحـــار]

ثانكس على المرور

 

[هاوي الحزن]

طبعا بترك وظيفتي الزم ما علي بيتي وحياتي .. فوق كل شي

البيزات اللي استلمهن مابيهن مقابل اودر بيتي وريلي وعيالي ..

أهنيك على هذا الرد

والله والنعم والحمدلله دام حد أمثالك موجود بزمانا هذا

الله لا هانك

 

[محششه ع النت]

لا مراح اتنازل اهم شي الشغل متعبه عمري 12 سنه ادرس ودراسه الجامعه بعدين بكل بساطه ارفض لا مسستحيل حياتووووووووووووو

يسلمو ولد صحار عالطرح

 

[كحل العيون]

بصراحه اذا طلب هالشي مني ما ارده لان بيتي وريلي وعيالي اول من كل شي
اهم شي راحت ريلي