دار المسنين

ابن هلال

¬°•| عضو مبتدى |•°¬
إنضم
20 مايو 2010
المشاركات
15
دار المسنين كما يدعون اخواننا المتطوعين جزاهم الله الف خير
بسسسسسسسسسسسس ليش تم انشاء اماكن كهذي هل نحن فعلا محتاجبن لمثل هذه الاماكن
وشو حاجتنا لها ليش الواحد فينا مايمسك والدينه يااخواني فكرو ترا كل واحد فينا بيجيله اليوم الي بيوصل فيه لهالمرحلة "كما تدين تدان"

ليش دار المسنين نهايتهم لانهم تعبو ورا راحتنا
اخواني ابي ارائكم فالموضوع ليييييييييييييييييييييييييييييييش دار المسنين نهايتهم هل فعلا هم يستاهلون هذي النهاية
انتظر ارائكم
 

راعية بو شنب

¬°•| عضو مميز |•°¬
إنضم
7 أبريل 2010
المشاركات
317
الإقامة
*_*
اكيد ما يستاهلوون فديتهم امي وابووي ربوني وعلموني وتعبوا علي واخر شي اعاملهم بالطريقه هذي
ومهما كانت ظروف الشخص المفروض انه يقدم والديه عن كل شي ولانه رضا ربه من رضا والديه .
تقبلوا مروري !!!
 

محمد المرزوقي

¬°•| مجموعة تفاعل لأجل البريمي|•°¬
إنضم
13 أبريل 2010
المشاركات
1,002
الإقامة
داري البريمي
صدجت أخوي كما تودين تودان



بس الي يخلي والدينه في دار المسنين اعتبره انسان جاهل

وسموحه ع هاي الكلمه










وتسلم أخوي ع الطرح
 

ناوية خير

¬°•| عضو مبتدى |•°¬
إنضم
30 نوفمبر 2009
المشاركات
37
الإقامة
^^تحت السماء فوق الأرض^^
مسائكم طاعة

دار المسنين لازم وجوده في مجتمعنا

ما شرط حق الآباء والأمهات الي عيالهم رموهم

في آباء وامهات كبار السن ماتو اهلهم في حادث وارتمو في الشوارع

بقولكم قصة صغيره :
في عائله متكونه من أم وأب وابنه لم يرزق الله سبحانه وتعالى هذه العائله
سوا هذه البنت الأب والأم كبار ف السن ولا يوجد لديهم اقارب ويقطنو في بيت بالإيجار تعرضت الأم والبنت لحادث وطلع الأب من المنزل الذي كان يعيش فيه لأنه بنته التي كانت تعمل هي من يدفع الإيجار واضطر ان يعيش ف الشارع

في هذه الحاله دار المسنين مهم جدا لمثل هذه الحالات

اما بالنسبه لمن يرمي والده و والدته في دار المسنين له يوم كذلك إن لم يكن في حاله في دار مسنين سيكون حاله بشقاء ف الدنيا والآخره

رضاء الوالدين من رضى الله سبحانه وتعالى


موضوع جدا رائع شكرا لك
 

ورد وردي

¬°•| عضو مميز |•°¬
إنضم
19 مايو 2010
المشاركات
243
العمر
33
الإقامة
بيت ابوي
اهم لهم الاحترام والتقديررر لولاهم ماوصلنا لمكان ...

ومثل ما قلت كما تدين تدان...

والله يهدي جميع الطايشين والمعتقدين بأن دار المسنين هيه الدار المناسبه لهم ...

والله انهم ما يستاهلوا يكونوا لهم اهالي...

واصلا حتى وان كانواا الاهل كفار من الواجب رد الدين لهم بالاحترام والتقدير ....


والله يحفظلي والديني ويخليهم ان شاء الله ....
 

رذاذ

¬°•| عضو مبتدى |•°¬
إنضم
11 مارس 2010
المشاركات
83
الإقامة
أوراق مبع ـثرة وع ـالم مج ـهول
والله يا اخوي انت فيك الخير وانا فيني الخير وغيرنا فيهم الخير وبيهتموا في مسنينهم

بس فيه القليلين اصل الي يعقوا اهلهم بعد ما تعبوا عليهم وربوهم وهالامكان تم انشائه لرعايه واشوفه من الفتات الانسانيه الطيبه

والله يهدي الجميع
 

اثير

¬°•| مشرفة سابقة |•°¬
إنضم
21 مارس 2009
المشاركات
2,181
الإقامة
جميرا
ممكن الوولد يشل والدديه لدار المسنين او البنت

واحيانا ينجبروون يودوونه ملان حريمهم يجبروونهم ع هالشي هاايلا مافيهم خير
 

نملة متحنية

¬°•| مُشرِفَة سابقة |•°¬
إنضم
3 نوفمبر 2009
المشاركات
2,102
الإقامة
في بيتنا ^.^
مشكوور اخووي المووضوع ناايس

انشاءالله ماايي يووم واشووف امي وابووي فذاك المكان بسم الله عليهم ..

هذي يزات التربية لي يفر امه وابوو فدار المسنين

بخبرج كنا نطالع التلفزيون امس حلقة (دمعه عمر)يوم فر امة دار

المسنيين ووالسبب حرمة قالت امي ياليتها فرتك دم ولا طلعت حق

الدنيااا يا الخايس وامي وايد عصبت ماتدري انه حتى فالواقع جذى ؟؟

هذيله ذرة تربية مافيهم ولامابيسوون جذى ؟

بلا امي وابوي مااعيش انا فالكوولج واتخبل ابى ارجع اشووفهم فديتهم

والله الله لايحرمني منهم


احترامي
نمولهـ
 

مردك لي

¬°•| عضو مثالي |•°¬
إنضم
5 أبريل 2010
المشاركات
1,977
الإقامة
متربع بقلب خلي
تسلم الشيخ ع هالموضوع
الي يخلي الوالدين فدار المسنين هذا انسان مينون او جاهل
او حرمته مشتنه ع كيفه وقاتلته سير توووحه فدار المسنين
بس بعد عيال بيسو نفس ما هم سوا اول فبوهم وامهم



تسلم يمناك والله
 

ابن هلال

¬°•| عضو مبتدى |•°¬
إنضم
20 مايو 2010
المشاركات
15
اكيد ما يستاهلوون فديتهم امي وابووي ربوني وعلموني وتعبوا علي واخر شي اعاملهم بالطريقه هذي
ومهما كانت ظروف الشخص المفروض انه يقدم والديه عن كل شي ولانه رضا ربه من رضا والديه .
تقبلوا مروري !!!

تسلمي اختي عمرورج الطيب بس هذا الوضع
 
أعلى