أنا والصناعية ,, واقعية ترفيهية

نسايم ريف

¬°•| شاعرة |•°¬
إنضم
29 سبتمبر 2009
المشاركات
1,503
بسم الله الرحمن الرحيم


شحالهم عرب ؟ ربكم الا بخير وسهاله ~


ندخل في الموضوع على طول

بكتب لكم اليوم قصتي في الصناعيه


القصه عباره عن مجرد سوالف فكاهيه حبيت اطرحها في القسم عشان انغير الجو اشوي واتشاركوني احداث يومي


نبدء على بركة الله~


امس كنت انا وبنت عمي طالعين عندنا دوام... ونحن ماسكين الخط يالسين انسولف انا وياها حسينا ان الجو شوي حار..الصراحه هلكنا والمكيف مايبرد والحراره عندنا ياربي سترك ..عاد يوم شفنا جي الوضع زدنا السرعه لان الخط اللي قابضينه طويل شوي..<< عذر عشان انزيد السرعه
المهم كنا الصبح فاضين شوي..وطبعا بعيد عن البيت وماعدنا حد نعطيه السياره يروح ايشيك عليها لان الشعب كلهم مداومين وعندهم أشغال ولازم انشيك على السياره لان ورانا خط الرجعه الظهر والحراره هذي تذبح ...الواحد يبا شي يبرد عليه الحين مب ناقصنا انزيد عمارنا

المهم ياطويلين العمر(( وعمرج طويل يارب )) ..فقررنا انا انروح صوب الصناعيه (()) انشوف علة السياره شو ..وعاد ماكذبنا خبر ووصلنا..اول شي يلسنا انحوط صوب الكراجات شوي ،، اتراجعت بنت عمي شوي..قالت مب حلوه في حقنا من الساعه 8 الصبح في الصناعيه وبنات بروحنا..فسوينا اتصالاتنا ويا شباب العايله والأهل يمكن حد منهم يكون فاضي لكن للأسف كلهم كانوا مشغولين..

ومحد منهم طاع ايي عندنا لانهم ابعيد ..فقالوا لنا بيطرشون لنا ميراج ،، هذا واحد يشتغل في واحد من المكاتب اللي للعايله

لكن من سمعنا طاريه<<قلنا عزة الله كدينا خير عيل

لانه يظهر دقيقه ويختفي عشر

وانتظرنا ويوم شفنا ماشي امل <<<خلاص الامل تبخر من عقولنا
عاد هني اتشجعنا شوي ورجعنا صوب الصناعيه.. << شو هالشجاعه يابنات ،، هههههه

ووصلنا عند واحد من الكراجات ولما شيكوا عليها حصلوا السير منقص،، قالنا زين ماانكسرت علينا المكينه ..ههههههه ..المهم قلنا له عابلها..قال تمام ..(( مسويات عمارهن يفهمن في السيارات ))


نزلنا انا وبنت عمي من السياره قلنا شو انسوي لحد مايخلص التصليح..ماينفع نيلس هني لان شارع عام وشباب وصناعيه وامة لا اله الا الله فيها..(( لا والله صادقات الصراحه ))

عاد ونحن واقفين نطالع يمين وشمال..حصلنا سنتر مجابل الصناعيه ..بس لازم نتخطى الشارع عشان نوصل...قلنا يالله ماعليه انروح هناك ابرك من يلستنا فالصناعيه على الاقل نتبرد شوي لان متنا من الحر.. << الذكاء الخارق طلع الحين (( لا ماشاء الله فينا عقول بعدنا ))

المهم روحنا ودشينا هناك ..ويلسنا نتريا ..اتصلنا في اهلنا خبرناهم ايون صوبنا ،، قالوا انزين وبعدين خبرناهم ان نحن في السنتر..ويلسنا نستغل الفرصه..يعني سويناها جولة شوبنج لان عندنا ساعتين نتريا وطحنا حواطه من محل لمحل لحد ماتعبنا..آخر شي حسيت ريجي ناشف مت من العطش حشه...خطفنا اشترينا لنا شي نشربه..(( لو بحصل ماي مغلي بشربه ذيج الساعه من الظمى ههههههه ))

شفنا اهلنا اتأخروا علينا محد يا ...ونتصل فون ثرهم العرب في بوظبي يعني ماحول يوصلون لنا...قلنا يالله ماعليه بندبر امورنا المهم طلعنا من السنتر وانطالع هذا خلص السياره ولابعده ،، وتمينا واقفين انا وبنت عمي وكل وحده اطالع الثانيه..(( فرحانات بعمارنا هههههه ))
ونحن في وقفتنا خطف واحد من مخاويين شما شافنا واقفين انا وبنت عمي ،، شفت يطالع صوبنا خلاف يا عندنا
ويعزم علينا وحليله ،، <<اسميه راعي معاني ونشمي>> ..
لكن عاد تعذرنا منه قلنا له مشكور بس نتريا سيارتنا اتخلص وبنروح وهو يحلف ونحن نبا الفكه .....بنت عمي سوت فيني نذاله راحت وعاد هو لصق فيني بالحلاف <<< اتوهقت انا ههههههههه

ياهي بلشه بس ربي يعين

قال انزين اييب لكن عصير << مارام يعطينا سيارته بس توه اتفيج يعزم ع عصير هههههههه

قلنا له لا(( عاد شو بيفهمه هالآدمي )) يابويه حل عن سمانا لكن ماشي مفر

آخر شي بالغصب اتفتكت منه وروحنا بعد مامسكت في بنت عمي

ونحن نمشي صوب السياره مالتنا عاد الهرنات والحركات ماعند حد ههههه ،، قلت مسيره مستويه في شارع الصناعيه ههههههههههه

وصلنا السياره وركبنا نستر على اعمارنا ..والحمدلله ان حصلناها مخلصه السياره..وقالنا هذاك لو مايبناها يمكن اطيح علينا في نص الشارع ونتوهق عاد ونحن ماسكين خط ،، لكن الحمدلله ربنا يحبنا


عاد حاسبنا راعي الكراج وعطيناه بيزاته وقبضنا الدرب مروحين الدوام وشغلنا المكيف وحسينا بالراحه اخيرا ...

كان يوم متعب الصراحه بس عجيب


مايستفاد من القصه :

1- لكل البنات اللي يسوقن(( اياني وياكن اتفكرن اتروحن الصناعيه /، ياويلها من سواد ليلها اللي بتشبر شبر هناك )) ؛؛<< حلفي انتي بس ههههه

2- يرجى اخذ دبة ماي شرب وغتره وعقال احتياط للمواقف الطارئه << يعني انسوي حفله تنكريه بالمختصر المفيد



وهذي قصتي ويا الصناعيه

اتمنى اني اكون سردتها باسلوب حلو وممتع

ها شورايكم فيها ؟؟؟

ماتمنى يصير لحد مثل اللي صار لنا هههههههه


بانتظار ردرودكم

الرب عليكم حافظ

 

شووق قطر

¬°•| مراقبة عامة سابقة وصاحبة العطاء المميز |•°¬
إنضم
29 سبتمبر 2009
المشاركات
27,429
الإقامة
قـــلــبي""الـــدفــــنــــه""
لحمد لله انهآ عدت ع خير
وصعب ع بنيه اتروح الصنآعية كلهم هنآدوة
وغيرهوزين آخذتوآ درس الصرآحة وآنا اقرآ جنت
آتخيلكم عآد والحرآرة شآويتكم
هههههههههههههههههههههه

مشكووووووووووووووووووورة نسآيم استمتعت بطرحج
 

موت وميلاد

¬°•| ما نشبه بعض|•°¬
إنضم
21 مارس 2009
المشاركات
3,000
الإقامة
العين
قصه حلوة جان خسرتة وخليتنة ييب عصير خخخخخخخخ

تسلمين اختى ع الطرح الرائع 00000
 

يوسف الكعبي

¬°•| شـــاعر|•°¬
إنضم
27 أبريل 2010
المشاركات
1,035
الإقامة
محضه
هههههه حشى شياطين ومتبرضات ههههههه

بس حسيت بشعوووووووووركم خخخخخخخ

انا مره وجفتني بنت فصناعية البريمي متورطه بسيارتها وهي من ابوظبي... عيل كشوخه بعد ^_$

وصلتها عند شي من هاي المحلات... بيرنج التاير خربان ,,, ويووووووو خويين شما ونوره وسعاد كلهم تجمعوا عدنا خخخخخخ
اونهم لي يساعدها واللي يبى يوصلهاواللي يبى يشتري السياره واللي اهبل اونه مشبه عليها وان فسيارتي من طلعت ووجفت عندها طاروا مثل الذباب هههه

قالت دخيل والديك وصلني مواجف الباصات فالعين اللهم اني معذره من السياره ومن تصليحها ههههههه
 

نسايم ريف

¬°•| شاعرة |•°¬
إنضم
29 سبتمبر 2009
المشاركات
1,503
لحمد لله انهآ عدت ع خير
وصعب ع بنيه اتروح الصنآعية كلهم هنآدوة
وغيرهوزين آخذتوآ درس الصرآحة وآنا اقرآ جنت
آتخيلكم عآد والحرآرة شآويتكم
هههههههههههههههههههههه

مشكووووووووووووووووووورة نسآيم استمتعت بطرحج



ههههههههههه مااعليج منا شوووق ترانا نعجبج ماينخاف علينا <<< أونها مستويه قو


وعن الحراره سكتي عاد ردينا يهال وسوينا مروحة ورق بأوراق الكراسات

هههههه

وعسى دووووم مستانسه ياشووووق

ربي لايحرمني من هاطله الحللوه
 

نسايم ريف

¬°•| شاعرة |•°¬
إنضم
29 سبتمبر 2009
المشاركات
1,503
قصه حلوة جان خسرتة وخليتنة ييب عصير خخخخخخخخ

تسلمين اختى ع الطرح الرائع 00000



تبى الصرااحه هو يباااله .....

بس عااد فضيحه مايستوي ....


ربي يسلمك الشيخ والرائع مرورك الطيب
 

نسايم ريف

¬°•| شاعرة |•°¬
إنضم
29 سبتمبر 2009
المشاركات
1,503
هههههه حشى شياطين ومتبرضات ههههههه

بس حسيت بشعوووووووووركم خخخخخخخ

انا مره وجفتني بنت فصناعية البريمي متورطه بسيارتها وهي من ابوظبي... عيل كشوخه بعد ^_$

وصلتها عند شي من هاي المحلات... بيرنج التاير خربان ,,, ويووووووو خويين شما ونوره وسعاد كلهم تجمعوا عدنا خخخخخخ
اونهم لي يساعدها واللي يبى يوصلهاواللي يبى يشتري السياره واللي اهبل اونه مشبه عليها وان فسيارتي من طلعت ووجفت عندها طاروا مثل الذباب هههه

قالت دخيل والديك وصلني مواجف الباصات فالعين اللهم اني معذره من السياره ومن تصليحها ههههههه


هههههههههههه شفت عااد يالكعبي !!!


بس بصرااحه ... مخاوين شما يبون بس سبه ... لكن على منو ؟؟ عن ألفين ريال يطولي بعمرك

أما هذي اللي داروبها مخاوين مغاازل على نياتها وحليلها :h035:

وغصب عنها بتودر السياره وتواليها بعد
 

راعية بو شنب

¬°•| عضو مميز |•°¬
إنضم
7 أبريل 2010
المشاركات
317
الإقامة
*_*
وناااسه مغامره
<<<<<<<< تكره شي اسمه الصناعيه واخص صناعيه العين
تسلمي ع الطرح خيتو !!!
 
أعلى