فلم هندي

الحالة
مغلق و غير مفتوح للمزيد من الردود.

العاثرة

¬°•| عضــو مــهــم|•°¬
إنضم
11 مارس 2009
المشاركات
615
الإعجابات
0
الإقامة
عنـــد الكفــيل
#1

منذ زمن لا هو بعيد ولا هو قريب <<<لغز
كُنت في سن الـ(عباطة) او مايسمى بالمراهقة
يازعم توي اتفتح على العالم وأكتشف نفسي
داخلياً وخارجياً
:

طبعاً انا في تلك المرحله بديت اتابع الفلام الهنديه
ومنها اكتشفت انه القلب له فايدة ثانيه غير اللي درسونا اياها فالمدرسه
اكتشفت انه دقاته تزيد حتى لو ما ركضنــا..!
وانه ممكن نحس بنغزة وألم فقلوبنا حتى لو ما عندنا مشكلة غازات..!
بمجرد اننا ندش جو الفلم ونعيش احداثها
قلوبنا تتأثر
:
طبعاً انا ما كنت غبيه وادري انه 90% اذا ما كان 100% من اللي يصير فالأفلام الهندية (خرييييط)
وان في احيان ما يكون فالفلم شي واقعي غير اسماء الابطال
(راجوا و رنجنا) <<<ياحبهم للتطقيم حتى بالاسماء


:
يعني نحن كلنا نعرف ان ( كُل حاجه جايزة فالافلام الهنديه)
وان لا مستحيل على بوهنوود
صرنا مانتفاجئ من حركات الافلام الهنديه<<زادت مناعتنا التصديقية
وصار اذا شفنا واحد يزحلق حصانه من تحت شاحنه وبعدين يرجع يكمل يركض ..
يكون الموضوع جداً عادي
اذا ماتت البطله ورجعت قامت من الموت اخر الفلم لأنهم مالقوا حبيبه ثانيه للبطل ..
سوووبر عادي
اذا شفنا حرمه حامل تركض و وراها العصابه وفجأه وقفت و ولدت فأقل من خمس ثواني و خذت ولدها ورجعت تركض ..
أكستريملي عااادي
:

شو يعني !! وين الغريب فالموضوع!
تراه فلم هندي ..و الخيال عندهم لا محدود
وهذا واحد من الاسباب اللي تخليني اتابع هالافلام
على رغم من خريطهم وصواريخهم المنافيه للعقل الا ان نهاياتهم سعيده دايم


:
:

دايم اذا حبينا وطلعتلنا مشكله صغيره بنفكر فأسوء الاحتمالات
وبنعرف ان النهاية النكديه تلووح فالأفق
فليش ندور النكد والحزن حتى فالافلام ! <<هو أحنا نأصيين
يعني هي الافلام كلها على بعضها هنديه كوريه امريكيه ولا غيره
كلها كذب×كذب
فليش ما ندور شي يفرح بدل الهم والغم والنكاده

:

اذا تغاضينا عن حكايات الحب العربية
اللي جنهم حالفين بالله يسدون نفوسنا عن الحب
الا هذا حب وحده وابوها زوجها ولد عمها
ولا هذ حبها وماتت حبيبته وهو تخبل
ولا انتحرت
وغيييره الكثيــــــــــــــــــــر
و عند الاجانب بالمثل اللي بيطيح فالبحر وبيموت
واللي بينتحر
واللي بيخون واللي بيختطفونه الفضاء


عنبووه حتى فالخيال ماقادرين تيبون نهاية تفررح؟

لكني وقفت ادور النهايات السعيدة فالافلام
مب لأني يأست من الحب بس لأني حسيته غباء اني ادور اللي اباه فالواقع فالأفلام!!
لأنه الحب مب مستحيل
والنهايات السعيده مب مسأله تعجيزية!
ياما شفنا اثنين تزوجوا وقصة الحب الوحيده اللي صارت بينهم كانت ففترة الخطبه
وحبهم دام العمر كله



اكثر مناظر تعيبني فهالحياة وتفتح شهيتي للحب هي منظر شايب وعيوز
يقولها نفس النكت اللي رددهن عليها سنين وهي للحين تضحك
وهو للحين يشوفها حلوه ويشوف الاشياء اللي يحبهن فيها


يعيبني المنظر الصبح وانا طالعة رايحة الدوام على طريق المزارع وتمر علي سيارات
(لاند كروزر <<للمهمات الصعبة) وكل وحده فيها شايب وعيوز


هذا هو الحب اللي ماقد شفته ففلم
يمكن لأن الكل الحين يدورون حب فوري
وصدقوني كل شي ايي بسرعه يروح بسرعه


:)

تحياتي لكم نفراً نفراً
والسموووحه طولت عليكم <<خذتني الهذرة
العــــــــــاثرة
 
التعديل الأخير بواسطة المشرف:

الغيثي

¬°•| عضو مميز |•°¬
إنضم
9 مارس 2010
المشاركات
281
الإعجابات
0
الإقامة
البريمي
#2
تسلمي ع الموضوووووع
 

راعي صوغة

:: إداري سابق ::
إنضم
21 يوليو 2008
المشاركات
5,782
الإعجابات
0
الإقامة
قصر السور
#3
أول شي عيشتيني جو الأفلام . ويلست أتذكر ..

وخلاف دخلنا موضوع الحب .. والحب الغير صادق من القلب ..

واخر شي دخلتينا ف الحب النابع من القلب ..

صدقتي شوابنا قبل لا تعرفوا على بعض . ولا قال بتعرف عليها عسب أعرف طباعها ..

على نية قلوبهم .. والفكرة وصلت &"":

ماشاء الله عليج أختيه العاثرة على الطرح الأكثر من رائع ..

سلمت يمناااااااج ^^

وتستحقييين التقيييم ..

تقبلي مروري البسيط ..^^
 

المغرم الهاوي

¬°•| فخر المنتدى |•°¬
إنضم
23 ديسمبر 2008
المشاركات
2,631
الإعجابات
0
الإقامة
BETWEEN MY LOVE
#4
كشخه يسلمووووووووووووووو
 

واسع الصدر

¬°•| عضــو شرف |•°¬
إنضم
29 سبتمبر 2009
المشاركات
613
الإعجابات
0
العمر
18
الإقامة
البريمي
#5
خرابيط الحين وايد حب وافلام وحركات

الي يبا يتكلم عن الحب

يتكلم عنه وهو مع ام عياله

مب فالخطبه وقبل الخطبه

وفي الفون والمسن وغيره

وتعارف وما شابه

الحب ولفة عمر وسنين

من يدخلو عش الزوجيه لين ما يموتو

الحب مب مسج وقلوب ودبدوب احمر وهدايا

الحب احترام كل واحد للثاني طول العمر

ما يفرقهم غير الموت

احب حتا لو على حصير وتمر

وهم يرضون بلي يعيشون فيه

يا زين شيابنا وعيايزنا

ولالالالالالالاكن شو ياب طاري الحب وياج

نبااااااااااااااااااااااا تغير للموجه شوي

ما تلاحظي كل المواضيع عن الحب

بكل انواعها
 
التعديل الأخير:

دانة غزر

رئيسة المشرفين
طاقم الإدارة
إنضم
15 أبريل 2008
المشاركات
20,156
الإعجابات
6
الإقامة
البـــــــــــريمي
#6
الحب شي اساسي فهالحياااه

الحب ما يعرف كبير ولا صغير

ولولا الحب الناس ما احترموااا بعض

وعاشوا مع بعض حياه سعيده

مووضوعج راائع جدااا

الف شكر لج

ونتريا الزود
 

إنسآنـﮧ

¬°•| فخر المنتدى |•°¬
إنضم
20 مارس 2009
المشاركات
7,709
الإعجابات
0
الإقامة
البربمــــي’داري
#7
العاثرة.......


جميل كلامج عن الحب بالطريقة المنطقية والواقعية

الله يطول بعمر شيابنا وعاييزنا صدق حبهم صادق وع النية

متحملين بعض وع قلب واحد........



ماقصرتي أختي........تسلم يمناج
 

غيثة السحايب

¬°•| مُشرفَة سابقة |•°¬
إنضم
3 أكتوبر 2009
المشاركات
2,347
الإعجابات
0
الإقامة
بقلبه
#8

اسميج طحتي ع العوق خخخخخخخ

ياحلات الافلام الهنديه ( نهايه سعيده )

بالمقارنه مع الافلام العربيه تلوع الجبد كله ضرب وعوار قلب مثل ماقلتي هب ناقصين

واحينه ماتحصلين هالحب الصح 99 % حب مصلحه بس انااؤمن بالحب

والحياه السعيده ودايما اتفائل

مشكوره يالغلا ع الموضوع الفنان ونتريا منج الزوود
 

العاثرة

¬°•| عضــو مــهــم|•°¬
إنضم
11 مارس 2009
المشاركات
615
الإعجابات
0
الإقامة
عنـــد الكفــيل
#11
أول شي عيشتيني جو الأفلام . ويلست أتذكر ..

وخلاف دخلنا موضوع الحب .. والحب الغير صادق من القلب ..

واخر شي دخلتينا ف الحب النابع من القلب ..

صدقتي شوابنا قبل لا تعرفوا على بعض . ولا قال بتعرف عليها عسب أعرف طباعها ..

على نية قلوبهم .. والفكرة وصلت &"":

ماشاء الله عليج أختيه العاثرة على الطرح الأكثر من رائع ..

سلمت يمناااااااج ^^

وتستحقييين التقيييم ..

تقبلي مروري البسيط ..^^

:19:
ماشااالله عليك لخصت هذرتي بكلمتين
تسلم على المرور والمشاركه اخويه
نووورت
 

العاثرة

¬°•| عضــو مــهــم|•°¬
إنضم
11 مارس 2009
المشاركات
615
الإعجابات
0
الإقامة
عنـــد الكفــيل
#13
خرابيط الحين وايد حب وافلام وحركات

الي يبا يتكلم عن الحب

يتكلم عنه وهو مع ام عياله

مب فالخطبه وقبل الخطبه

وفي الفون والمسن وغيره

وتعارف وما شابه

الحب ولفة عمر وسنين

من يدخلو عش الزوجيه لين ما يموتو

الحب مب مسج وقلوب ودبدوب احمر وهدايا

الحب احترام كل واحد للثاني طول العمر

ما يفرقهم غير الموت

احب حتا لو على حصير وتمر

وهم يرضون بلي يعيشون فيه

يا زين شيابنا وعيايزنا

ولالالالالالالاكن شو ياب طاري الحب وياج

نبااااااااااااااااااااااا تغير للموجه شوي

ما تلاحظي كل المواضيع عن الحب

بكل انواعها

صح كلامك
ولن كل المواضيع صارت عن الحب
كتبت عنه
ما بقول انه آخر اهتماماتي لأني ما ابا اجذب
بس كل مافالموضوع اني بغيت اووضح للبعض
المعنى الحقيقي للحب
الحب مب انه قلبك يحرقك للحظة
الحب معناه الأستمراريه
والحب مايكتمل الا اذا كان له نهاية واضحه
بس بغيت اوضح هالامور عشاااان ...شسمه

نورت الموضوع بحضورك يالوسيييع
 

مجروحة المشاعر

¬°•| عضــو مــهــم|•°¬
إنضم
15 نوفمبر 2009
المشاركات
3,414
الإعجابات
0
العمر
29
الإقامة
عمان داري مالها مثيل ... هي فخري وانا لها قتيل
#14
موضوع مره ف محله

تسلم يديج خيتي

بس انا صح اتابع افلام هنديه لمجرد الاستمتاع

وثانيا انا اتابع افلام اكشن ورعب اكثر من الحب
 

العاثرة

¬°•| عضــو مــهــم|•°¬
إنضم
11 مارس 2009
المشاركات
615
الإعجابات
0
الإقامة
عنـــد الكفــيل
#15
الحب شي اساسي فهالحياااه

الحب ما يعرف كبير ولا صغير

ولولا الحب الناس ما احترموااا بعض

وعاشوا مع بعض حياه سعيده

مووضوعج راائع جدااا

الف شكر لج

ونتريا الزود

:imuae55:
بالضبط
الحب شي اساسي
والحب مب واحد في حب الام والابو والخوان والاصدقاء
بس انا هني عشان اوضح الالتباس اللي صار فالــ(حب) بين الناس
عبالهم لعبه حبيني وبحبج اليوم وباجر يصير خير

مشكوره على المرور
لاعدمتلج هالطله
:)
 

العاثرة

¬°•| عضــو مــهــم|•°¬
إنضم
11 مارس 2009
المشاركات
615
الإعجابات
0
الإقامة
عنـــد الكفــيل
#16
العاثرة.......


جميل كلامج عن الحب بالطريقة المنطقية والواقعية

الله يطول بعمر شيابنا وعاييزنا صدق حبهم صادق وع النية

متحملين بعض وع قلب واحد........



ماقصرتي أختي........تسلم يمناج
:19:
ياااي جااان استحي
هههههه
تسلمين على المرور يالغلا
ويسعدني ان الموضوع عيبج

عسااج ع القوة
 

العاثرة

¬°•| عضــو مــهــم|•°¬
إنضم
11 مارس 2009
المشاركات
615
الإعجابات
0
الإقامة
عنـــد الكفــيل
#17

اسميج طحتي ع العوق خخخخخخخ

ياحلات الافلام الهنديه ( نهايه سعيده )

بالمقارنه مع الافلام العربيه تلوع الجبد كله ضرب وعوار قلب مثل ماقلتي هب ناقصين

واحينه ماتحصلين هالحب الصح 99 % حب مصلحه بس انااؤمن بالحب

والحياه السعيده ودايما اتفائل

مشكوره يالغلا ع الموضوع الفنان ونتريا منج الزوود

:belokan:
مشكوووره على المرور المميز
الله يرزق الانسان على نيته يالغلا
اللي تبا تلعب بتحصل اللي يلعب واللي العكس بيها نصيبها
:29:
نورتي بحضورج
 

موزة النعيمي

:: فريق إنجاز للتدريب ::
طاقم الإدارة
إنضم
29 سبتمبر 2009
المشاركات
7,757
الإعجابات
44
العمر
28
الإقامة
في قلوب من تحبني
#19
ماعليج قاصر في ذمتي الغااااااااااليه..~ّ
دايما مبدعه..^.^
كل الشكر
 

!الـغ ـروب!

¬°•| مُراقِبة سَابقَه |•°¬
إنضم
1 أكتوبر 2009
المشاركات
2,000
الإعجابات
0
العمر
27
الإقامة
.............
#20
نحن التلوث ماقرب صوبنا الا من هالافلام اللي الحين تتابعونها
الواحد يوم يشاهد فيلم هندي يعيش حياته بعالم ثاني ولما يخلص الفيلم يروح يطبق اللي شافه ع باله بيوصل ..

اختي
مب كل انسان شرات عقليتج فيه ملايين من اللي يشاهدون الافلام الهندية يكون عندهم حب التقليد وحب المتعه واللي يطبق الخريط ينتهي بخريط

>>>>>>>> خارج نطاق الرد




طرح لامس اوتار الحقيقة وعزف عليها بمصداقيه
الافلام التي تشاهد اليوم هي التي أدت الى الاختلاط بين الحب الحقيقي والحب المصطنع
هي التي أدت الى زيادة الشوائب في طرق النقاء اليوم ..
لو لم نتابع هذه الافلام ولو لم نبحث عن التطور وعن تطبيق مانشاهده (الخيالي) في الواقع لكانت القلوب الآن بخير وأرقى وانقى ..


اجدادنا لم يتابعوا الافلام الهندية وهم في ريعان الشباب ولم يهيموا او يعيشوا في داومة تخيل .... والذي شاهدها من الاجداد لا اظن انه كان مراهقا يبحث عن الحب الحقيقي في تلك الخرافات الموجوده اليوم ...



العاثرة
طرحتي موضوع توشح الاجابة في مضمونه ... متابعة الافلام وتخيل النهايات السعيده في كل مره هي السبب في وضعنا الحالي ... والسبب الرئيسي في الخلط بين الحب الحقيقي والمزور ^^ الابتعاد عن النهج الاسلامي الصحيح

طرح راقي
شكرا لكِ وأكثر
 
التعديل الأخير:
الحالة
مغلق و غير مفتوح للمزيد من الردود.
أعلى