نقطة سوداء في البريمي

الحالة
مغلق و غير مفتوح للمزيد من الردود.

مجرد إنسان

¬°•| عضو مبتدى |•°¬
إنضم
3 فبراير 2010
المشاركات
19
السلام عليكم ورحمه الله وبركاته


من يدرس في كلية البريمي يرى العجب العجاب من بعض الطالبات

فالملابس التي يلبسنها و المكياج و العطر الذي من مسافة كيلو ينشم و صوت الكعب و اللي من خارج الكلية يمكن ينسمع

و الضحك و السوالف بصوت عالي و الخضوع بالقول

لا حياء و لا مستحى

وما يحصل من تعارف كله هالأمور تدعوا إلى ضرورة منع الأختلاط في الكلية

الفصول قامت تسكر من أول أسبوع

والشباب ما قدروا يسجلوا بعض المواد و السبب الزحمة

البنات عندهن الصبح يقدرن يدرسن

ليش بعد يدرسن العصر مع الشباب ؟


نطالب الكلية بمنع تسجيل البنات مع الشباب في الفترة المسائية

و الصبح يكفي لهن و اللي تبي ترقد ترقد وتترك الدراسه

ثانيا نستغرب من الأهل و الي يسمحوا بتسجيل بناتهم مع الشباب

و خاصه انه هناك فترة الصباح و ما يكون هناك إختلاط

وانا اكتب هالموضوع للاهل اللي متساهلين مع بناتهم انهم يلزموا بناتهم يدرسن الصباح بدل العصر

لانهم ما يدروا مالذي يحصل في الكلية



والعجب العجاب من الكلية و اللي مسوية المسجد بالقرب من تواجد البنات ومكان خروجهن ؟

الناس بدل ما تذكر الله و هي رايحة المسجد صارت عيونها تناظر يمين و يسار



وأذكر مسؤولي الكلية بأن لا يكون همهم الأول الفلوس

لازم يراعوا امور الدين

الحمدلله نحن مجتمع مسلم وما يرضى بالتبرج و غيره



واتمنى إبقاء الموضوع هنا ولا ينقل لقسم الكلية


والله يهدي الجميع

والله المستعان
 

سلندر غاز

¬°•| عضو مميز |•°¬
إنضم
22 يناير 2010
المشاركات
251
الإقامة
الطــويـه
صحيح أخوي "مجرد انسان" أتفق معك فـ محاور حديثك
والكلام اللي ظهر منك اذا دل ع شي فهو يدل ع غيرتك ع بنات بلادك
بصراحه شي يعور القلب لما تشوف اللي يخزي العين من أشياء وحركات تلفت نظر القاصي والداني
انا ما اعمم ع الكل لكن هناك طالبات ما يمثلن الا انفسهن وما يعكسن بيئتهن
هن بمظهرهن الملفت يجارن الانفتاح العشوائي والسريع ..!

وتطرقت أخوي لنقطه جيده ألا وهي موقع المصلى ..!
بصراحه اتمنى انه يتغير مكانه لان عيون الشباب تزيغ هني وهناك وهم رايحين يتعبدون ..!



وتذكروا الاختلاف فـ وجهات النظر لا يفسد للود قضية ..!


خالص ودي ..
 

جرووح دفينه

¬°•|مُشْرٍٍفة سابقة |•°¬
إنضم
5 أكتوبر 2009
المشاركات
7,943
الإقامة
البريمي
هلا وسهلا فيك اخووووي ,,,,كلامك صح ميه بالميه انا كنت ادرس فالكليه وبصرااااحه في بنااات ما يستحن ع ويوههن وفوووق جذااا في منهن يدرسن العصر مع انه الصبح بس للبنااات ....اوكي لو وحده تشتغل او عندهاا ظروووف ما في مااانع انها تدرس العصر بس تكوون محتشمه بس بالنسبه للبنااات الي ما عندهم ظروووف ليش يدرسن العصر....ان شاء الله الكليه تسمع مطالبكم وتغير دوااامهن بس للصبح,,,والله يهدي بنات المسلمين,,,,​
 

Ąℓŋ3αỉмỉ

¬°•| مُراقب سَابق ومطور |•°¬
إنضم
19 يوليو 2008
المشاركات
8,398
العمر
33
الإقامة
[البريمي دآري ومربآي] « ™
اولا بشكررك ع الطررح الرراقي لاهنت

ثانيا اللي ابي اقووله

والله انه البنت اللي تمشي جنها ساايره عررس

حااطه ذاك المكيااج ولابسه ذاك الفستاان الله يهديهن


....

شي ثااني وانا عندي اعترراض ع نقطة وحده ... انت تقوول تبي البنات يسجلن بالصبااح

اذ اذ ادارة الكليه بنفسهاا ررافضه فكررة انها تفتح سكشناات يديده بالصبااح

شوو تبي البناات يسووون >> للعلم عندنا بنات فــ الكلاس عملن اضرراب قاامن ماايحظررن المحااضرره لانه الكليه ررفضة تفتح سكشن يديد بالصبااح

يعني البناات ماابيدهن شي

القررار الاول والاخير للكليه

...

الشي الثااني

اخووي اصاابعك مو سوووى >> فــ بنااات يشهد الله انهن اخلاق واسلووب ..

...

لاهنت ع الطررح
 
التعديل الأخير:

موزة النعيمي

:: فريق إنجاز للتدريب ::
طاقم الإدارة
إنضم
29 سبتمبر 2009
المشاركات
7,757
العمر
33
الإقامة
في قلوب من تحبني

أأخووي مجرد انسان
المشكله لاتكمن في الاختلاط.!
وانما المشكله تكمن في الناس الموجوده في اماكن الاختلاط

ابسط مثال عندك جامعة السلطان.!
فيها اختلاط.!
لكن هناك قوانين وضوابط.!
والاغلب متقيد بها..<< الا من ضل.!

في كل مكان مختلط لازم تكون هناك فئة تنحرف.!
ولكن هذا مش معناته انه الاهل لما وافقوا بناتهم يدرسون انهم عاطينهم حريتهم او اكثر.!
في بنات يشتغلون الصبح ويدرسون المسا
في بنات عندهم مسؤوليات الصبح ويفضون في المسا.!

عشان كذي..
يا انهم يغيرون التوقيتات يخلون البنات المسا والشباب الصباح وهذا بعد صعب
لان اغلب الشباب اكيد يشتغلون

او انهم يحطون قوانين رادعه في الكليه.!
وانهم يخصصون كلاسات للبنات وكلاسات للشباب.!
وممرات خاصه للبنات وممرات خاصه للشباب.<< مثل جامعة السلطان..!
والواحد يوم يسوي الشي يسويه كامل.!
ومفروض يراعون نقطة ان المسجد قرب كلاسات البنات..!

هذا لي عندي حاليا

لي عودة..~
 

خُــرَآفـهَ

¬°•| عضو مميز |•°¬
إنضم
16 فبراير 2010
المشاركات
249
اصابع ايدك مب وحده


صحيح ناس تتعمد تاخذ المساء



بس في ناس غصب عنها


بنت يابت كل اهله بس علشان يفتحون السكشن الصبح وما رضوا

اونه ما بيفتحون بسبه بنتين


هذي شو ذنبها


اما على سالفه المكياج

فالمفروض فعلا

يكون في قانون منع مكياج السهره


لانه نحن ارووحنا ننتزق

عاد الحين صاحين من النوم

ونشوف مهرج ... استغفر الله

واشياء بشعه

اعتقد انه في بنات عندهم مرايا

كااااااااااااااااااااااااااااااااااااااااااااااااااذبه

يشوفن ويهن فيها الصبح
 

لمسة إحتراف

¬°•| عٌضوٍ شَرًفِ|•°¬
إنضم
8 مايو 2008
المشاركات
2,045
الإقامة
{..عالمي الخاص
هلا أخوي

انا معااك مع فالنقطة السواء

ولكن في بنات ملتزمات بداومات الصباح ومضطرات للدوام العصر

وفي بنات للأسف يحب لمة الشباب ويفضلن المساء

اشكرك ع النقطة ولكن اود ان لا تعمم
 

a picky girl

¬°•| مُشرِِفَة سابقة |•°¬
إنضم
31 يناير 2010
المشاركات
2,893
العمر
34
الإقامة
Among Stars
عيل انا اشوف افظع من اللي تشوفه انت ,بصراحه يمكن كليتكم احسن بس في ....ما اقدر اقول اسم الجامعه للاسف في بنات ما يلبسن شيل ومن غير لبسهن غير المحتشم...الخ
 

Queen Love

¬°•| فخر المنتدى |•°¬
إنضم
22 فبراير 2010
المشاركات
15,880
الإقامة
أكــيد وســط هـآلـكون
استغفر الله العلي العظيم

البنت الحشيمة بتكون حشيمة لو وسطيت الشباب

لكن الي غير الله يستر عليها

اي نعم موضوع واقعي ومهم للنقاش

وسالفة الاختلاط هاي في وايد اماكن مختلطة

عافااانا الله واياكم
 

AL W$WAS

موقوف
إنضم
5 يناير 2010
المشاركات
2,756
الإقامة
♠ حــارة الـمجـرمـيـن وعـالـم خـاص فـيني ♠
لا حياه لمن تنادي
 

الهيثمي

¬°•| عضو مبتدى |•°¬
إنضم
2 مارس 2010
المشاركات
35
الإقامة
فوق الأرض
فتنه

الله يعينا من هذا الزمن
اليوم كل شيء هب زين صار عادي
بعدها كلية البرمي افضل من غيرها
من الجامعات والكليات حيث الأختلاط اربع وعشرين ساعة .....الخ
مكياج والوان وأشكال
كنا داخلين دور عرض ازياء هب جامعات وكليات
 

شبيك لبيك

¬°•| عضو مثالي |•°¬
إنضم
23 فبراير 2009
المشاركات
1,375
الإقامة
ǎŁBuraimi
أخووي كلامك صح 100% وهالشي حاصل..


لكن بغيت اعقب على نقطة دراسة البنات العصر..أولا في بنات ملزومات يدرسن المسا عسب عندهن دوامات الصبح والفئة الثانية ان استوا عندهن تعارض الصبح وما يصيروا يأخذون المادة غير العصر وفي عندك فئة البكالوريس اللي الكلية اجبرتهم ان يكونن محاضراتهم المساء..وفي فئه البنات اللي يبون يدرسون عند الاولاد ووووو...


يعني في وااايد اسباب ولاتحكم على كل البنات انه رازات ويوههن عند الاولاد عشان السبب الي فبالك......

وهوه المفروض ع الكلية ان ما يسموحوا للبنات الدراسة العصر الا اذا جان عندها واحد من الاسباب وطبعا بالتنسيق مع رئيس القسم ورئيس القبول والتسجيل واظني هالحل بيكون عااادل..
 

نسيم الشوق

¬°•| مجموعة تفاعل لأجل البريمي |•°¬
إنضم
28 مارس 2009
المشاركات
295
الإقامة
بكل قلوب
لاتظلموا بنات احيانا يكون عندهم ظروف مثل دوام صباح واحيانا رفض مدير قبول وتسجيل فتح شعب في صباح بعدين حتى شباب ايام الامتحنات يكونوا مع بنات صباح ويلبس بنطلون جنز يوصف جسمها وشعر كانه بنت واحيانا يلبس بنطلون قصير ليش ما احد يساله وين عادات وتقاليد بس همه يجذاب انظار بنات
 

ريف المحبة

¬°•| عضو فعّال |•°¬
إنضم
14 مارس 2010
المشاركات
171
الإقامة
في قلب حمودي
موضوعك يستحق النقاش

في بنات مضطرات ياخذن العصر بس الي ما مضطرة ليش الله يعلم شوضميرها يقولها

اذا كان صاحي اصلا"

البنت المحتشمة وعارفه ربها لو حطوها في كلية كلها شباب بتضل هي نفسها ما

تغيرت وحاشمة نفسها ومحترمة نفسها واهلها ف المقام الاول

اما سالفة المكياج واللبس لازم على الكلية تحط قوانين تلزمهن بهالشي حتى

الشباب بعض منهم يلبسون لبس كانهم في بيوتهم وحجرهم الله يهديهم كلهم

وسالفة المسجد عسى الله يفرجها عليكم لان صدق مساخة

تسلم الطيب ع الموضوع
 

ترحال

¬°•| عضو مميز جدا |•°¬
إنضم
19 مارس 2010
المشاركات
953
الإقامة
بين متاهات الزمن
مشكور اخوي ع الموضوع المميز ..
والله تبا الصدق انا بعد طالبة وادرس فكلية من الكليات الي فمسقط وشايفة كيف البنات خادمات بعمرهن ونحن كليه كلها اختلاط وشباب لا حيا ولا مستحى.. الله يهديهن ..
 

ظل الظلام

¬°•| عضو مبتدى |•°¬
إنضم
8 أبريل 2010
المشاركات
53
هلا شباب .. شببات .. شحالكم

انا أقول كل حد يرده اصله وتربيتة ومعدنة الطيب

التعميم ما يجوز الخير موجود والشر موجود

نعم في نماذج من الي ذكرت ..

نسأل الله لهن الهداية ,,,

ظل الظلام
 
الحالة
مغلق و غير مفتوح للمزيد من الردود.
أعلى