محتاجه شاعر ينتقدني ويساعدني..^^

[موزة النعيمي]

شحالكم

عندي ست ابيات كتبتهم..

بس للاسف الشطر الثاني ماعرفت اضبط الوزن والقافيه بكعس البيت الااول احسني اكثر متمكنه منه

وهذه هي الابيات.:​

لا عاد تطري لي جرح ايدي
يالي انا عن غير شوفك ارغب

ماعاد اغتر بصوتك ونفك قيدي
وحياتي من دونك عيشها ارحب

من هجرت قلبي ياحلوه عيدي
صارت حياتي عذب في اعذب

زمان(ن) مهما بعدت في وريدي
واليوم ماعدت فعرش القلب تقلب

هذي ابياتي وحروف القصيدي
عيت لا في حضرتك تكتب

افلست من مشاعر الفيض رصيدي
وماعاد في حبكم اليوم ارغب


​

هذه هيه الابيات

ولحبيت اني اكملها كيف ممكن اكمل؟:artist:


ومشكوورين..​

 

[آل يذوه]

صح لسانج يا اليازيه

قصيده مميزه وموفقه

وبالنسبه للكسور

فالخلل عندج هو نقص او زيادة حرف او حرفين في كل شطر وبتنوزن القصيده

مثل

زمان(ن) مهما بعدت في وريدي
واليوم ماعدت فعرش القلب تقلب

الشطر الاول ناقص حرف
والشطر الثاني زايد حرف

بس على العموم بدايه موفقه

وفي انتظار ابداعج

استمري وللامام ​

​

 

[بيـاض السحـب]

اليآزيه


ما شاء الله عليك ابدعتي بكتابتك


أنا مو شاعرة ^_^


بس حسب معلوماتي الأدبية لازم الوزن يكون زابط


إنتي اعتمدي على التفعيلات والكلمات بتطلع على حسبها


كتير أنا جربت ويزبط معي هيك ^_^


وموفقك يا رب

 

[العا(هدوء)صفه]

صح لسانج يزوي
لي عوده باذن الله

 

[وافي وطبعي سنافي]

ابيات حلوة وكلمات روعة يعطيك العافية

 

[العا(هدوء)صفه]

يزوي
صح لسانج
طلعتي شاعرة وما عندنا خبر
المهم
اهم شي في القصيده هي فكرتها
وعقب
تحطي لحن معين او بدايه للكتابه عشان تكوني على نفس الوزن
وبالنسبه للقافيه
انتي في هالقصيده اخترتي قافيه صعبه شوي
لانه يحتاجلها وزن وكلام مرتب
بس هذا مب معناه انج ما توفقتي
لا بالعكس
كسرتي الحاجز وابدعتي في هالقصيدة
واذا ودج تكمليها
امشي على اول سطر او اول بيت وان شاء الله بتظهر احلا قصيده


يوم اتذكرك والماضي استعيدي
يشق صدري صوتن له كنت اطرب
وش جاب طاري الشقى في عيدي
وده اني من الحسافه اشرب
يحير دمي في وسط الوريدي
وانا ودي من داخلي اهرب
وسوالم
بس هذا تفاعل صغير مع قصيدتج

 

[موزة النعيمي]

شااااااااكره لكم اخوااني
وان شاء الله اقدر اكملها بالصوره الصحيحه^^

 

[فـيـ الـكـعـبـي ـصـل]

صح لسانك ... ويعطيك العافيه