بيت شعر والشاعر يكمل * ( نرجو الالتزامـ بالوزن )

[وافي وطبعي سنافي]

ياوسن يافوعة الوردي

احكمي بالروف ع فوادي

ياعجيد وسيد الخردي

غايتي ومناي ومرادي

ياحياتي وانتي الودي

لك غلا في قلبيه زادي

بحت لك بما خفا سدي

من ضميري صافي ودادي
للي بعدي
يسري عليه هاجسا تالي الليل
ياتي مباغت بالوزى يقرع طبول

 

[نسايم ريف]

يسري عليه هاجس ن تالي الليل

ياتي مباغت بالوزى يقرع طبول

مـ لقيت له ســبه ولا ريت تحليل

إلا عيون اللي دعى القلب مشغول

بــ سهام عينه صاب من دون تمهيل

واصبحت فامره دون قـوه ولا حـول




للي بعدي : ....



وين العوايد والسنن لوليه

أقفت وتذراها هبوب الهبايب

 

[وافي وطبعي سنافي]

وين العوايد والسنن لوليه
اقفت وتذراها هبوب الهبايب
وين الوفى ياهل الوفيه
كان وقت ن والهنى طايب
وين قت ن به الناس الصخية
و لا تفرقهم صروف ونوايب
للي بعدي
لوداع لو مالدار قفيت
لا بد للحيين وصلات

 

[نسايم ريف]

لوداع لو مالدار قفيت

لا بد للحيين وصلات

قفيت لاحي ن ولا ميت

باقي جسد حي ن ولا مات

لولا اخاف اللوم ونيت

لكّن ما بتفيد ونات

ماحيدني في يوم زليت

حاشا ولا مني قصورات



للي بعدي : ....


فاجعه لا صار طعنك من جريب

والطعن فــ الظهر أكبر فاجعه

 

[وافي وطبعي سنافي]

فاجعه لا صار طعنك من جريب

والطعن فــ الظهر أكبر فاجعه

وفاجعة لا خان في يوم الحبيب

وخلاك فاحزان الليالي الموجعه

يروح مبعد وانته له دايم طليب

دون عذرا فالهوى له يقنعــه
للي بعدي
من دار الاياويد ضميان

لا ياتني شربه ولاشي تحية

 

[اثير]

كم خنجرن للوطن مشتاقن وحالـم؟؟
ابرحل عن مدى حسك وشوفك واعلـن النسيـان
مدام ان التعب علـم عيونـي كيـف يرثونـك!!
اصعب سؤال الي جوابه للاسف مثله سؤال
ماهو تفلسف الا موقف صار واسمع ثاني بيت
البارحه يومه سال وش ذكرك ذيك الليال
كان الجواب بكل بساطه من متى اصلا نسيت ..




للي بعدي:

مـا تباطـيـت القصـيـد !! الا تباطيـتـك
والشعر في جيتـك شكـل وطعـم ثانـي ..

 

[نسايم ريف]

السموحه منج الغلا (( النادره )) بس طوفتي البيتين اللي مفروض تكملين عليهم .... ودامج معانا نتريا باجي المشاركات ربي لايهينج ^^



من دار الاياويد ضميان

لا ياتني شربه ولاشي تحية

شرواة صحرى تنطر امزان

والا سيول ن موسميه

غرقان انا فالحب غرقان

ياهل الهوى ثيبو عليه

 

[نسايم ريف]

مـا تباطـيـت القصـيـد !! الا تباطيـتـك

والشعر في جيتـك شكـل وطعـم ثانـي ..

لاتـبادالي خـيالك قـمت ضــميـتـك

مادريت انه خيالك ذا تهايالي

لو تبي عيوني هديه كان انا اهديتك

فدوتك عيني .. وعمري فدوه لــ بسماتك




للي بعدي : ...

ياغرام القلب ياأغلى حبيبه

ياملاك الكون .. كم أهواج أمي

 

[وافي وطبعي سنافي]

ياغرام القلب ياأغلى حبيبه

ياملاك الكون .. كم أهواج أمي

انتي لي عمري واغلى جريبه

وحبك فد سرى فعروق دمي

الرضى منك انا دايم طليبه

قولي عليه وبالامر سمــــي

للي بعدي.........
الايواد فالحزات تنصاها
لي بالكرامة عز ن ويود
تفرحبها في يوم تلقاها
والعطى منهم ماله حدود

 

[الجرناس]

ما كل من خبرك تحاماها

بعض البشر له وصف نمرود

اللي قضى ماني مقاضيها

ما بين نغمات (ن) على العود​

واللي بعدي يقرب

القاف ياللي في تواليه مقصود

مرحيب قرب والمخاشر قصدها​

 

[نسايم ريف]

القاف ياللي في تواليه مقصود

مرحيب قرب والمخاشر قصدها

ماني من اللي يلحقه قول منقود

نفسي مروضها ووالي عمدها

أحــوم مثل الحر في عالي حدود

واختار صيد اللي صعيب ن هددها


للي بعدي : ...


مستعجل ن طبعه كذا دوووم

ماغيرت فــ طبوعه ايام

 

[وافي وطبعي سنافي]

مستعجل ن طبعه كذا دوووم

ماغيرت فــ طبوعه ايام

وانا اللذي منه محروم

امشي وراه وهايم هيام

يشبه بحسنه قايد ريوم

بو خصورا جلد وهضام
للي بعدي
عفو ن وليفي والسموحة
مابقت لك بروحي مساحة​

 

[نسايم ريف]

عفو ن وليفي والسموحة

مابقت لك بروحي مساحة

كـل إنســان بجــروحه

وكـل ن يضـمد جـراحه

مايعـيب الحــق بـوحه

والهــوى شــروعه مباحه



للي بعدي : ...

سهران مدري وش بلاني

تحاربت والنــوم عيني

 

[وافي وطبعي سنافي]

سهران مدري وش بلاني

تحاربت والنــوم عيني

بت طول الليل شفقاني

تايه بحسرات ومحيني

حاولت بس الغفى ماياني

لين الدجى شعشع يبيني

زاغ قلبي بات باحزاني

ولا من دوا لي يداويني
للي بعدي
يوم الملا طياح غافين
بت بوزى والقلب محروم

 

[العا(هدوء)صفه]

مرحبا

يوم الملا طياح غافين
بت بوزى والقلب محروم

اسجع الونه بفراق غاليين
خلوا القلب بجملة هموم
من روحوا لليوم عاميين
ما لفاني خبرهم والعلوم


قصيدة المشاركة

وين هذاك الوقت اقفى وراح
يوم كنا وياه في هرج ومزوح

 

[شَـםـآ çـلٍوٌشِ]

{ لـٍآ تتَصلْ بـَي طـَآ إ بتْ آلنّفْسْ مآبييـڪ !
مآبيـڪ دآمـڪ فـَي آلمشآ إ عـَـَر تتسلـٍآ ,

مسـَحتْ رٍقمـَڪ وٍ آلرٍسآيـَـَل وٍ مآضيـَڪ

مآبيـَــہ آللي منّـڪ مـٍآبيـَـَـہ ڪلــہ !

 

[نسايم ريف]

السموحه منج الشيخه بس المفروض تكتبين ع هــ البيتين ^ ^




وين هذاك الوقت اقفى وراح

يوم كنا وياه في هرج ومزوح

ماضي ن عدّى بفرحه وانشراح

باقي ن جدام عيني و بوضـوح



للي بعدي : ...


ليت كنت فــ وقت جدي وجده

أهل المعاني والسلوم الرشيده

 

[وافي وطبعي سنافي]

ليت كنت ف وقت جدي وجده
اهل المعاني والسلوم الرشيدة
وقت ن به الاخلاق معتده
طيب وفى وشورى سديده
اخوان شما فاللين والشده
وبعهودهم صدق الوكيده
وما بينهم حب وموده
وكل ن على اصله يحيده
للي بعدي
بدو ن غساني ودهم طيلة ازمان
نقالة المعروف واهل الحمية

 

[محمد الخروصي]

بدو ن غشاني ودهم طيلة أزمان
نقالة المعروف واهل الحمية

أنزف لهم دم القوافي ولوزان
وسرج عوادي لعن ابوها قوية


من شاعر صور من البيت شيطان
يناطح العجمى فروحه وجيه

..........

لزين في قلبي بيوت وعمارات
تشبه بلد زايد وحبك خلقها​

 

[نسايم ريف]

لـ الزين في قلبي بيوت وعمارات

تشبه بلد زايد وحبك خلقها

يملك من الطيبه جزيل الإشارات

لكـن مصيبه إن روحي سـرقها

خذها وراح يجاور ابها المجرات

بين النجوم ونار حبه حــرقها


للي بعدي : ....


ســبحان من جمّع قساوه و رقه

وسبحان من خصص تواصيف لـنسان