المندي الهندي

[البدوي]

عجيبة امر المطاعم في واحتنا الحبيبة رغم كثرتها الا ان ولا واحد منهن متخصص في اكلات بعينها ...!!! والعجب العجاب مطاعم باكستانية وهندية باسمي عربية وبانها مطاعم عربية ... كم عدد المطاعم اللي تدعي بانها تسوي المندي اليمني والاكلات اليمنية 100% في واحتنا ؟؟؟
والجواب ولا واحد ؟؟؟
لان الهدف تجاري ولا يهم الامانة فالغش شعارهم ؟يوم الجمعة رحت اطلب مندي لحم في احد المطاعم بالخضرا ء اللي تدعي بانها متخخصة في الاكل اليمني ودقيت الهرن وكان شخص واقف عدال سيارته فقلت : اخي انا دقيت الهرن للمطعم مب حقك .. قال لي انا صاحب المطعم .. !!!
فسالته هل الشيف يمني ..فقال :نعم ..وقلت له والاخرين فقال : هنود و باكستانيين وغيرهم !!!
اي اللي يطبخون مب يمنيين وانما هنود!!!والهندي معروف عنه التقليد وانه يعرف اي شئ ونفس الشئينطبق علي الباكستاني !!!!بس الاسم عربي لجذب الغلابة من الناس .... اي غش عيني عينك !!!


اخواني قد اكون مبالغ في الامر بس الواجد ممكن ياخذ جولة سريعة ويشوف بعينه .سؤالي : ليش الغش التجاري ؟ ووين البلديه عنهم ؟؟؟ ولا البلدية ما تهمها شو اللي تقدمه المطاعم
؟؟فاكلاتنا الشعبية نسيناها ويوم تذكرناها خلينا الهندي والبنغلاي حتي المصري يسونها !!!
اكيد فقدت جودتها؟
شو رايكم

 

[مشاغب]

شكلك متعقد من الهنود

 

[معاااد يمديك]

================================================

 

[رحآيل]

هو أنا ما أتمشى بالسيارة وإلا أروح مطاعم ..
بس كلامك صح أخوي ..
ليش دايم يكتبون اسم المطعم عربي ويحطون أعلانات ..
المطعم الفلاني والمطعم العلاني ..
وفي النهاية هنود يطبخون لنا فيه ..

تسلم اخوي عالطرح..

 

[العا(هدوء)صفه]

هههههههههههه
يا ريال كل واسكت
ترا هذا اسمه تجارة
وبعدين لو حصلت مطعم يمني مية بالمية
بتحصل اسعارهم فوق مع انه اكيد طبخهم حلو

 

[رماد الشوق]

بجولك شي ترا التجااارة شطارة
وهم شطااار ,,,
بيربحوووون .......يعني بيربحوووون ....بالغش ولا بغيرة ....
يشووووفون مصلحتهم أهم من مصلحة الزبون ,,,

 

[الــــ ع ــــنــــود]

شووووووف اخويه هذا يعتبر من سر نجاح بعض التجار

ان يجذبون النااااااااااااس بالاسم بس المضموووووووووووون يكون غير عن الواقع

يعني يقولون دام كاتبين المندي اليمني بيتحسبون الناس ان الي كلهم يشتغلون يمنين

بس هب مهم الاشخااااااااااااااص اهم شي النظاااااافه فالمطاعم لان انا صارلي جم موقف وحرمت اشتري من جم

مطعم والسبب قله النظافه

السموحه ع المداخله البسيطه

يسلموووووووووو ع الموضوووع

 

[همس البريمي]

صحيح كلامك يعني اتحس ان نحن ضحية نصب و احتيال و لعب و ضحك ع عقولنا ...


اتمنى الحصل في البريمي مطاعم عالميه مثل الكنتاكي و الهارديز و المكدونالد و البيتزاهت او المطاعم الصينيه .. جربوا الاكل الصيني ترا فظيييييع ...



المفروووض تكون رقابه ع هالمطاعم الهنديه 100 % و يا جماعة ترا النظافه معدومه في المطاعم و مطابخهم تشهد بالزباله الموجوده الي عندهم .. و الله يستر




سلامي لك و تحياتي ..