حفلة زفاف نجليهما ....~

أم عقوص

¬°•| عضو مميز |•°¬
إنضم
2 يناير 2009
المشاركات
413
العمر
33
الإقامة
البريمي (دار عيني)






اللهم بارك لهما وبارك عليهما واجمع بينها في الخير
واغنهما بحلالك عن حرامك وهب لهما الذرية الصالحة

يتشرف

فلان بن فلان الفلاني و فلان بن فلان الفلاني

بدعوتكم لحضور حفل زفاف نجليهما ...

فلان
على كريمة السيد\ فلان بن فلان الفلاني

وذلك في تمام الساعة السابعة والنصف مساءً من يوم الخميس الموافق ..\..\...م بقاعة الأفراح

ودامت دياركم عامرة بالأفراح والمسرات

جنة الأطفال منازلهم يمنع التصوير




*طبعا هالديباجه نفسها تتكرر كل مره فكل بطاقة دعوة توصلنا.. كأنها شي مفروض علينا نكتبه ونتبعه*


(السؤال إللي يطرح نفسه) >>> منو أول واحد كتب هذي الديباجه؟؟


(ما علينا من هذا كله لأنه مش صلب موضوعنا)


- قبل العرس بشهر -

عويش وفطيم وخلود ومريوم وهنوده وأسوم وحصوه بنات عمي سالم ومهره بنت خالتي سميره وأمون ربيعة إيمانوه كلهن بيسيرن العرس
وشما بنت عمتي هدى بعد بتسير وناديه بنت جيرانهم قالت نخطف عليها وأختها ميروه قالت بتشاور ريلها قبل بس احتمال تسير وتشل عيالها وياها
*صح نسيت*شيخه بعد بنت عزه خالة أمي بتسير هي وعمتها.. وريم بنت ربيع أبوي بتسير هي وأختها ناهد.
*أووووه تذكرت*
ما سألت عبير بنت خالي عبيد إذا بتسير ويانا

(بذمتكم .. مب جذا يحتشرن الحريم فكل عرس..؟؟
وكل وحده تسير وتشل وياها حريم الحاره وبناتهن ..
وأتحداكم إذا وحده منهن تعرف المعاريس .. !!! )



- صباح العرس -

(حوار بين عويش وفطيم)

عويش: فطيم شو رايج ألبس (أسود)؟؟
فطيم: لا الأسود مب لايق عليج ذاك الزود .. لبسي (سماوي) أحلى عليح ^^



(حوار بين هنوده ومريوم)


مريوم: هنوده وين نعالي البيضاء إللي لبستها فعرس جواهر ربيعة إيمانوه؟؟
هنوده: هناكي .. مكانها محد خذاها .. بسألج شفتي الإكسسوار الأخضر مالي إللي فيه لمعه؟؟
مريوم: هيه شايفتنه فكبت عويش .. !!

- قبل حفلة الزفاف -


(أسوم ترمس سوير (أخت العروس) فالفون)


_ انزين عاد فديتج لا تنسين تحجزيلنا طاوله .. ترا القوم كله بيحضر هع!
_ أفا عليج الغالية .. نساج الموت .. أول ما وصلت القاعه حجزت طاولتين حقكن
_ عاد عساها جدام قرب الكوشه؟؟ نبغي نطالع العرس عدل << بعدها تتشرط حضرتها
_ هههههه هيه فديتج جدام .. موقع استراتيجي.. بتشوفين العرس كله
_ ما قصرتي .. يارب تلحقين أختج ونشوفج عروس الشهر الياي
_ خخخخ الشهر الياي عاد ؟ ... قولي 6 شهور ع الأقل .. يالله ربي يسمع منج هع<< مستعيله الأخت


- قبل العرس بلحظات -



هنوده: يا بنات وينكن؟ يلا خلصن بسرعه.. أحينه بينزل سيف من غرفته وياويلكن إذا حصلكن مب جاهزات.. بيعصب وبيسير عنكن ..

(سيف سنزل من الدري .. والبنات تحت يسمعن صوت خطواته)


فطيم: يااااااااااااويلي !!! ...سيف نزل وأنا بعدني ما لبست اكسسواراتي ولا حطيت الماسكرا ..
مريوم: خلود وين العطر مالي؟
خلود: وأنا شدراني .. مب متفيجه أحين يالسه ألبس عباتي
مريوم: انزين دخيلج يوم تخلصين تعالي لبسيني اشغاباتي ما قدرتلهن (الشغاب<< عباره عن زينه تلبسه النساء في آذانهن)
خلود: انزين انزين أحين جلبي ويهج سيف بينزل .. بلبسج فالسيارة
فطيم: ياااربي ما حصلت الماسكرا .. توها كانت هنيه
هنوده: هيه شلتها عويش .. سيري شوفيها

(وفي نفس اللحظه)


سيف: هاا بنات بعدكن ما خلصتن؟
(البنات كلهن بصوت واحد): يلا أخوي ..خلصنا خلصنا .. انته سير شغل السياره لين نظهر <<< وطبعا بعدهن ما خلصن من عملية الصبغ والكاشي هع!

(سيف سار يشغل السياره ورجع ,, والبنات بعدهن ما خلصن !!)

- بعدكن ما خلصتن ؟؟؟ (وهو معصب طبعا)
أنا مواعد ربعي .. وعقب بسير المقهى بطالع المباراه .. مب متفيجلكن ... خللللللللللللللللللصن

(ثواني بس والبنات كلهن في السياره !!!) <<< خافن يسير عنهن ويفوتهن العرس هع

- في السياره -

هنوده: سيف شرايك فيني ؟
سيف: جي انتي منو منهن؟؟ <<< ما ينلام هع!
هنوده: ما عرفتني؟؟ أنا هنوده << فرحانه بعمرها ع بالها بيمدحها سيف: لا والله ما عرفتج ... شو مسويه بعمرج؟؟
هنوده: شرايك ؟؟ حلوه صح؟؟
سيف: لا والله لا حلوه ولا هم يحزنون ... غاديه ساحره .. منو مشخبط فويهج؟؟
هنوده: لا تعليق <<< قفطها بالقو حليلها

مريوم: عويش دقي حق قوم أسوم وحصوه شوفيهن جان ظهرن من البيت
عويش: توها أسوم مطرشتلي مسج تقول لي ظهرن والملاقاه هناك


- بعد ما رجعن البنات من العرس .. وبعد ما خلصن صحون العيش والحمص والتبوله والفتوش والمتبل ... إلخ <<< بعد ما كلن الأخضر واليابس هع!! -


خلود: يااااربي باقتها روعه
مريوم: بس فستانها ما عيبني وايد
خلود: لا حرام عليج .. حليو .. لا باس به
مريوم: بس أنا ما عيبني .. حسيته عنقاشي مال أول
هنوده: بسألكن منو هذا إللي دخل يرزف عقب ما دش المعرس؟
خلود: هذاك أخو العروس .. بلاه؟
هنوده: غرشوب ما شاء الله عليه .. بسألج هذا متزوج؟
خلود: والله مادريبه .. بس أظنه هذا آخر العنقود
هنوده: يالله ياربي ترزقني ^^
مريوم: عويش بلاج صاخه؟
عويش: قاعده أفكر فالمعرس الغبي .. هو أحلى عن حرمته بواااايد .. مادري على شو ماخذنها
مريوم: استغفري ربج .. هذا النصيب .. قولي الله يوفقهم ويجمع بينهم على الخير ويرزقهم الذريه الصالحه

(وتمن البنات أسبوع كامل وهن يرمسن عن العرس .. وما عندهن سالفة غيره )

*ملاحظه هامه*

العروس تصير ربيعة مها بنت أخو خال أمهن من أم ^_^




بقلم :
أم عقوص
 
التعديل الأخير:

مروض الكهان

¬°•| مَشْرف سابق|•°¬
إنضم
30 مايو 2008
المشاركات
5,795
اممممممممممم


ما اعتقد كل الناســـ شراتج ^^ هع هع


ما أشوف هذي الديباااجه في بيتناإأإآ

هع هع
 

غيثة السحايب

¬°•| مُشرفَة سابقة |•°¬
إنضم
3 أكتوبر 2009
المشاركات
2,347
الإقامة
بقلبه
هههههههه

الصراحه طحتي ع العوق خخخخخ

وانا توني راده من عرس وماخلينا شئ ماقلناه والتعليق بلا قياس

صدق انه نحتشر

يسلمووو
 

شووق قطر

¬°•| مراقبة عامة سابقة وصاحبة العطاء المميز |•°¬
إنضم
29 سبتمبر 2009
المشاركات
27,429
الإقامة
قـــلــبي""الـــدفــــنــــه""
يعطيج العآفية حبيبت قلبي وعسآج ع القوة دآيم

ومثل مآقلتي هآلشي بآلفعل اهو آللي صآير

حشرة وحش ومفوشر وووو الخ وهآي طبع النسوآن ابكل مكآن

وننسى ع قولت المصآرووة العرووسة للعريس والجري للمتآعيس
 

™β.в

¬°•| عُضوٍ شًرٍفٌ |•°¬
إنضم
20 يوليو 2008
المشاركات
582
العمر
33
الإقامة
●--{لَسْتُ عَلَى قيدِ الْحَيَآةِ •°
*
{حيهم آم عقۈص.,
منۈره آلبقعه سيس بـ موضۈعچ :imuae83:..,
,
آلصرآحه يبتيهآ فـ آلصميم :29:ههههههه..,
صح ڪلآمچ حبۈبه ..,
آحيآنآً آحس آنه نحن مرتبڜين آڪثر عن آلمعآريس ۈإلي بيعرسۈن^_^"
ۈآلدليل آلبآرحه يآني آتصآل رفيچتي بتعرس ۈآنآ مرتبڜه ڜۈه بلبس فـ عرسهآ ۈڪيف بڪڜڅ ۈين ..ۈهيڪ ^_^"
ۈلآ آلعرس فـ ڜهر3 ۈآنآ من آلبآرحه آحآتي لۈۈل..,
بس يۈم آيي ۈقت آلعرس يمر عآدي يعني ۈلآ چنه صآر ڜي
مب جنه هـ آلعرس إلي ڪنت آڅطط له من ڪم ڜهر ^_^"
ۈلآ بعد فۈق ڪل هآآ آلآهل 99% يمڪن مآيۈفقۈن آسير عرس رفيچتي
ۈ 1% يۈآفقۈن يعني آلآمل ضعيف ۈآآيد ^_^"
بس آنآ مب من آلنۈع إلي آرتبڜ ۈآحڜر نفسي على عرس آي حد ..,
إذآ ڪآن حد من آلآهل آلمقربين ۈآآيد صۈبنآ ..ۈبس ۈمب هآڪ آلزۈد آحضر آعرآس ..,
ۈبحآل آقنع آلآهل آحضر عرس رفيچتي لآنهآ مآي بيست فرييند <--ۈآچب علي لۈۈل..,
بس هذآ مآيعني آنه هـ إلي قلتيه ۈمثلتيه مآيصير فـ زمآنآ..!!
إمبلآ صآير ۈآآيد منه بعد ..,
څصۈصآً آلبنآت يحڜرن عمآرهن آڪثر عن آلعرۈس ..
ۈتتفآچآئين يۈم تعرفين آنهآ مآتڅص آلمعآريس بس هيڪ ۈيآ آلچمآعه لۈۈل..,

يعطيچ آلعآفيه عزيزتي ع آلطرح آلغآۈي..,
ۈمآتقصرين نتريآ ڪل يديد من صۈبچ ..ۈلآتبطين ..,
آلله حيچ سيس =)

:imuae16:
\
/
\
Copyright ©
domain-8e033fd825.gif
. S τ y l є . 2 0 1 0
 
التعديل الأخير:

غٌَ ـلآ بُنٍيً گـ عُ ــبُ

¬°•| םـشُرٍَفٍة سْابِقِهْ|•°¬
إنضم
6 يونيو 2008
المشاركات
5,921
العمر
36
الإقامة
му σωη ωσяℓD
عن نفسي انسانه بيتوتيه لو اني ضعت في الطوشه وياج ربشتيني في الموضوع ع فكره للحين ما عرفت شو صله القرابه بينهم هع


المهم مثل ما قلت وين ووين اروح عروسات وعن نفسي مب من نوع الناس الي احب احط ميك اب وايد وبصراحه انا انسانه هيازه مالي بارض اقعد اتعدل
فديتني والله ما سمعتي يوم قال محمد عبدو احلى من العقد لباسه الله يسلمج هذي مسوينها فيني << وين تبين


وبعدين الزين يفرض نفسه احم احم

لكن كلامج كله صح وما عليج زود هذا حال الحريم ياكلن ويحشن ما ادواهن الا حد يركب لهن مايكات في الطاولات عسب يفضحونهن هع هع هع
 
التعديل الأخير:

CR7

¬°•| βu βşɱą |•°¬
إنضم
26 ديسمبر 2007
المشاركات
15,618
العمر
32
الإقامة
☠ في أرض الله الواسعة ☠
ههههه
يعطيج العافية ع الطرح الغااوية
امممم
اعتقد انه هذا الي حاصل بالفعل
الله يعين
^_^
تسلمين ام عقوووووص
وتقبلي مروري البسيط
 

حكاية حب

¬°•| عضو مميز |•°¬
إنضم
28 مارس 2009
المشاركات
441
والله كلامج صدق أختي .. هذا اللي صاير ألحين ويمكن أكثر بعد
ترى الفراغ يسوي واااايد ^^

يسلموو ع الطرح الحلو
 

الكعبية

¬°•| مراقبة سابقة |•°¬
إنضم
20 مايو 2008
المشاركات
6,041
العمر
31
الإقامة
سـأإأإگن دآيم فـے عيونے
هههههههه نايس الموضوع
عيشتنا جو العروسات

صدق انه يوم يستويلنا عرس نرتبش مدري ع شووووه يا حظي

تراه الا ساعات وبيخلص ونحن من كم شهر نزهب حق هالكمين ساعه ><
 

مس كلوزر

¬°•| عضو مثالي |•°¬
إنضم
3 أكتوبر 2009
المشاركات
1,498
الإقامة
عابر سبيل ولو انا فبلادي
هههههه
والله انج حفله
انا عن نفسي ماسير اي عرس ولا ازف حد معايه اسير روحي ^^

ولا عااااد سالفة القريييض فاخو العروس وجان معرس هاه واااايد منه
ولا الريل بلاه خذ هاي ووهو احلى عن حرمته حتى حرام <<< ياخي هاي وايد نقولها بس نحن شولنا هع هع
ولا سالفة الفستاااان لازم نتشاور واخر شي بلبس اللي انا ابا البسه ^^

تسلميييين ع طرحج
ونخدمج عرووووووووووس ^^<<<< اسميييني بخدمه خدمه يوم بتعرسين ^^
 

ЄỉмΘωεllά

¬°•| مُشرِفَة سابقة |•°¬
إنضم
17 ديسمبر 2009
المشاركات
1,567
الإقامة
سحبها الكفيل لعنبوه :@
ههههههههههههههههه

شرٍآتنآ وٍِرٍِبيٌٍ دوٍِمٌ هآلحنهٌٍ
وآلزفهٌُِ تصيرِ قبلٌٍ الرٍِوٍِحهٌ للعرٍِآسآتٌٍ
والموٍِآل ( آيهٌٍ خلصنآ وٍِهذآ كًله مآشي منهٌٍ )

رٍِبيٌٍ يعينٌٍ
هههههههههههههههههه

تسلمينٌٍ آم عقوٍِصٌٌ
لِآعدٍمنآ هآلطلهٌٍ آنشآللهٌٍ ,’
 

أم عقوص

¬°•| عضو مميز |•°¬
إنضم
2 يناير 2009
المشاركات
413
العمر
33
الإقامة
البريمي (دار عيني)
هههههههه

الصراحه طحتي ع العوق خخخخخ

وانا توني راده من عرس وماخلينا شئ ماقلناه والتعليق بلا قياس

صدق انه نحتشر

يسلمووو


أدريبج راده من عرس ... هههههه

عاد شو قلتن انتي والحلوه الثانيه؟؟ << أكيد فهمتي ههههه

ربي يسلمج ومشكوره وايد ع المرور ^^
 

أم عقوص

¬°•| عضو مميز |•°¬
إنضم
2 يناير 2009
المشاركات
413
العمر
33
الإقامة
البريمي (دار عيني)
يعطيج العآفية حبيبت قلبي وعسآج ع القوة دآيم

ومثل مآقلتي هآلشي بآلفعل اهو آللي صآير

حشرة وحش ومفوشر وووو الخ وهآي طبع النسوآن ابكل مكآن

وننسى ع قولت المصآرووة العرووسة للعريس والجري للمتآعيس


الله يعافيج ويقويج يارب

ترا يقولون العرس لاثنين وإلي ينون ألفين هههه


ربي لا حرمني هالطله

ثانكس ^^
 

أم عقوص

¬°•| عضو مميز |•°¬
إنضم
2 يناير 2009
المشاركات
413
العمر
33
الإقامة
البريمي (دار عيني)
*
{حيهم آم عقۈص.,
منۈره آلبقعه سيس بـ موضۈعچ :imuae83:..,
,
آلصرآحه يبتيهآ فـ آلصميم :29:ههههههه..,
صح ڪلآمچ حبۈبه ..,
آحيآنآً آحس آنه نحن مرتبڜين آڪثر عن آلمعآريس ۈإلي بيعرسۈن^_^"
ۈآلدليل آلبآرحه يآني آتصآل رفيچتي بتعرس ۈآنآ مرتبڜه ڜۈه بلبس فـ عرسهآ ۈڪيف بڪڜڅ ۈين ..ۈهيڪ ^_^"
ۈلآ آلعرس فـ ڜهر3 ۈآنآ من آلبآرحه آحآتي لۈۈل..,
بس يۈم آيي ۈقت آلعرس يمر عآدي يعني ۈلآ چنه صآر ڜي
مب جنه هـ آلعرس إلي ڪنت آڅطط له من ڪم ڜهر ^_^"
ۈلآ بعد فۈق ڪل هآآ آلآهل 99% يمڪن مآيۈفقۈن آسير عرس رفيچتي
ۈ 1% يۈآفقۈن يعني آلآمل ضعيف ۈآآيد ^_^"
بس آنآ مب من آلنۈع إلي آرتبڜ ۈآحڜر نفسي على عرس آي حد ..,
إذآ ڪآن حد من آلآهل آلمقربين ۈآآيد صۈبنآ ..ۈبس ۈمب هآڪ آلزۈد آحضر آعرآس ..,
ۈبحآل آقنع آلآهل آحضر عرس رفيچتي لآنهآ مآي بيست فرييند <--ۈآچب علي لۈۈل..,
بس هذآ مآيعني آنه هـ إلي قلتيه ۈمثلتيه مآيصير فـ زمآنآ..!!
إمبلآ صآير ۈآآيد منه بعد ..,
څصۈصآً آلبنآت يحڜرن عمآرهن آڪثر عن آلعرۈس ..
ۈتتفآچآئين يۈم تعرفين آنهآ مآتڅص آلمعآريس بس هيڪ ۈيآ آلچمآعه لۈۈل..,

يعطيچ آلعآفيه عزيزتي ع آلطرح آلغآۈي..,
ۈمآتقصرين نتريآ ڪل يديد من صۈبچ ..ۈلآتبطين ..,
آلله حيچ سيس =)

:imuae16:
\
/
\
Copyright ©
domain-8e033fd825.gif
. S τ y l є . 2 0 1 0



الله يحييج يارب

تسلميلي حبوبه ع المرور الغاوي

وان شاء الله تسيرين العرس .. عاد كله ولا البيست فريند هع !!

ومثل ما قلتي بعضهن يحتشرن على أعراس ناس ما يعرفونهم هع ^^

حشرن مع الناس عيد


ثانكس ع الطله والدفعه المعنويه ^_^
 

أم عقوص

¬°•| عضو مميز |•°¬
إنضم
2 يناير 2009
المشاركات
413
العمر
33
الإقامة
البريمي (دار عيني)
عن نفسي انسانه بيتوتيه لو اني ضعت في الطوشه وياج ربشتيني في الموضوع ع فكره للحين ما عرفت شو صله القرابه بينهم هع


المهم مثل ما قلت وين ووين اروح عروسات وعن نفسي مب من نوع الناس الي احب احط ميك اب وايد وبصراحه انا انسانه هيازه مالي بارض اقعد اتعدل
فديتني والله ما سمعتي يوم قال محمد عبدو احلى من العقد لباسه الله يسلمج هذي مسوينها فيني << وين تبين


وبعدين الزين يفرض نفسه احم احم

لكن كلامج كله صح وما عليج زود هذا حال الحريم ياكلن ويحشن ما ادواهن الا حد يركب لهن مايكات في الطاولات عسب يفضحونهن هع هع هع



فديتج هذيلاك البنات إللي فالبيت والسياره (خوات)
والباقيات ترا يقربولهن من بعيد وأنا بينت صلة القرابه
والهدف من هالخبصه كلها أبين أن كل من هب ودب يسير العرس هههه


أحسلج يوم ما تسيرين تعورين راسج بالأعراس هع

وعيبتني صراحه سالفة المايكات فالطاولات ... بينفضحن صدق ههههه


تسلمين ع المرور فديتج ^^
 
أعلى