عدم جلوس الشباب مع الشياب ( كبار السن ) والعكس مع الطرف الاخر

الــــ ع ــــنــــود

¬°•| مُشرِفَة سابقة |•°¬
إنضم
25 أكتوبر 2009
المشاركات
4,327
دائما نلاحظ في المجالس احيانا اان الشباب بروحهم والشياب بروحهم >> يعني الكل يتكلم في ناحية .


واليوم حبيت افتح لكم المجال لهذا الشي الغريب >>> غريب
eek.gif


*بعض الشباب يرا ان المجلس لا يناسب اهتمامه أو عمره مما سيشعره بالضجر والضيق

* بعض الشياب يقول لولده منذ الصغر ( يا ولد لا تيلس مع الكبار اجلب ويهك يلا ) ويمكن كف وراها >>>>


شو رايكم بصراحه ؟ في هذا الموووضوع ..
 

alshibli

¬°•| مراقب عام |•°¬
طاقم الإدارة
إنضم
8 نوفمبر 2009
المشاركات
7,630
الإقامة
البريـــــــمي
هو الموضوع صحيح....
لكن من الأفضل أن الشباب يجلسو مع الشياب علشان ياخذو الخبرة والعادات والتقاليد إللي أصلها من عند الشياب....
 
التعديل الأخير:

موزة النعيمي

:: فريق إنجاز للتدريب ::
طاقم الإدارة
إنضم
29 سبتمبر 2009
المشاركات
7,757
العمر
33
الإقامة
في قلوب من تحبني

تشكرين اختي على الطرح

بالعكس انا اؤيد يلسة الشباب مع الشواب..

عشان يتعلمون منهم وع الاقل ريحة يدودنا ماتضيع وتروح.~

لان شباب اليوم هب مقصرين ناسين لي وراهم وجداهم ولا جنهم عيال عرب وبدوان..^^


بس مب في كل شي يعني


اكيد لكل جيل اختصاصاته واهتماماته

ولكن شي جميل ان نشوف تكاتف شبابنا مع شوابنا لان هالشي ينمي شي بداخلهم" شي ماينوصف"..

لج تحياتي.~
 

Silent heart

¬°•| عضو مميز |•°¬
إنضم
30 نوفمبر 2009
المشاركات
215
الإقامة
فـ قلب كلـ من يحبنيـ
بعض الشباب يرا ان المجلس لا يناسب اهتمامه أو عمره مما سيشعره بالضجر والضيق

تفكير شباب هاليوم غير عن تفكير الشياب ف يعني ممكن انهم ايرمسووون ف شي ايخص الشياب يعني سوالف الشياب المعرووفه بس المفروووض انهم ايقعدوون وياهم ويسمعوونهم عسب يتعلموون منهم لانه من يلستهم بيتعلمون اشيا وايد بيتعلمون كيف ايرمسوون وكيف يتعاملون ويى الغير ووايد اشيا ممكن يتعلموها واهمها العادات والتقاليد


* بعض الشياب يقول لولده منذ الصغر ( يا ولد لا تيلس مع الكبار اجلب ويهك يلا )

هالشي غلط دامهم مايرمسووون ف اشيا هب زينه او انههم ايرمسون ف اشيا المفروووض انه الولد ف هالسن مايسمعها ممكن لكن انه مايخليه ييلس عندهم هالشي غلط والمفرووووض الواحد ومن هو صغير ييلس عند الكبااار عسب يتعلم منهم ويستوي ريال ع قولتهم يعني لو ما اختلط ويااهم كيف بيتعلم ف المفروض الريال ايخلي عياله وياه لما يقعد عند الرياييل ولا الشياب جان يباهم ايظهروون رياييل ويتعلمون العادات والتقاليد

والسموووحه

ربي يعطيج الصحه والعافيه

تقبلي مروري
 

علمني كيف أخونك

¬°•| عُضوٍ شًرٍفٌ |•°¬
إنضم
27 أغسطس 2008
المشاركات
1,155
يسلموا ع الطرح

ان شاء الله دوم ع تواصل
 

مس كلوزر

¬°•| عضو مثالي |•°¬
إنضم
3 أكتوبر 2009
المشاركات
1,498
الإقامة
عابر سبيل ولو انا فبلادي
انا اشوف التربيه لها دور فهالشي
يعني من السنع انه الولد من يوم صغير يتم ويا ابوه يوم حد ييهم ولا يوم يقربون القهوه
فجي هو من يوم صغير بياخذ من عاداتهم والمهازب لازم منه ^^
واذا من يوم صغير كان ويا ابوه ويده طبيعي يوم بيكيبر بيتم بعد يقعد وياهم ع الاقل وقت العصير

تسلمين ع طرحج
 

الــــ ع ــــنــــود

¬°•| مُشرِفَة سابقة |•°¬
إنضم
25 أكتوبر 2009
المشاركات
4,327
مشكووووووووووورين ع المرور وبالفعل احس ان البعض يتجنب انه ييلس عند الشياااااااااااب

مع ان والله يوم تيلس عندهم تحس يلستهم كلها تجاارب وخبره وقصص

أماامك موسوعه من كل شئ في الحياااه ...

إذا بغيت تتعلم من الماااااضي دروساً فأنصحك ان تسأل كبير بالسن ..

أخباارهم مسليه وقصصهم طريفه وكلامهم حـــــــــــكم <<<< تسوي دعاايااااااااااا حقهم خخخ

تقدر تكتبهاااااااااا في مفكره وترجع حقهاااا يوم

تحتااااااااي ..


مشكووووري اخواني ع المرور
 

CR7

¬°•| βu βşɱą |•°¬
إنضم
26 ديسمبر 2007
المشاركات
15,618
العمر
32
الإقامة
☠ في أرض الله الواسعة ☠

احم احم
^^
استغرب يوم قلتي انه في شواب يقولون لليهال لاتيلس عند الكبار
^^
ف العادة اسمع العكس^^"

المهم
^^
في كثير من الناس ما يحبون ايلسون مع شوابنا الله يطول بعمراهم
ع قولتهم شياب وما عندهم سالفة(البعض طبعا)
وعن نفسي احب ايلس وياهم
لانهم كله سوالف^^
والله اشوف واعرف اشياء يديده منهم
خاصة اذا تكلموا عن ماضيهم
والجلسة معاهم متتفوت
صح امكن يسولفون وايد
بس يوم تشاركهم بالي عندك
وتشوف فرق التفكير بينك وبينهم
راح تستفيدون
^^
امممممم
هذا رايي باختصار
هع

تسلمين اختي غرشوبة ع طرحج لهذا الموضوع
وتقبلي مروري المتواضع
CR9

 

الــــ ع ــــنــــود

¬°•| مُشرِفَة سابقة |•°¬
إنضم
25 أكتوبر 2009
المشاركات
4,327
مشكوووووووووووور راعي مشااكل ع المرور


بالفعل اخوووووي cr9 انا قبل فتره كنت يالسه عند نااااااااااس

والولد ياي يصيح يقوول لامه ابووووووووويه يقووولي ما ايلس عندهم

يبااااني العب عند اليهااااااااااااااااال .... وانااااا بصراحه استغربت الي اعرفه ان الرياااال يعود ولده ع اليلسه عند

الكباااار والشبااااااااااااب و ع فكره اكثر من مره اسمع ان بعض الاباااااااااااء وخاصه اذا كااان الولد صغير ما يريده

ييلس عند الكباااااااااار مع ان يمكن هالياااهل يستفيد من حديثهم وطبعا العلم فالصغر كالنقش ع الحجر

انا ما اقووول الكل اقصد الاغلبيه من الي اشوفه واسمعه

تحيااااااااااااااااتي
 

مريومة

¬°•| عضو مميز |•°¬
إنضم
17 ديسمبر 2009
المشاركات
265
الإقامة
البريمي
واللة نحن ما خذينا العادات والتقاليد غير من كبار السن(الشياب)
وكل واحد مصيرة يصل الى هاذا السن.....ليش عزة النفس والكبر
وبالعكس الشياب افهم واعقل عنا لانهم مروا بالحياة ع شتئ انواعها
 

الــــ ع ــــنــــود

¬°•| مُشرِفَة سابقة |•°¬
إنضم
25 أكتوبر 2009
المشاركات
4,327
اختيه كلامج 100 % صح

ومشكوووووووووووووره غناااااااتي ع المرور
 

غٌَ ـلآ بُنٍيً گـ عُ ــبُ

¬°•| םـشُرٍَفٍة سْابِقِهْ|•°¬
إنضم
6 يونيو 2008
المشاركات
5,921
العمر
36
الإقامة
му σωη ωσяℓD
اسمحيلي اخالفج في نقطه مافي واحد بيقول حق ولده لا تقعد في ميالس الرياييل
بالعكس بيستانس لو شاف ولده ايالس الشواب والكبار

اما عن الشباب اشوف ان نسبه الشباب الي يشاركون الشياب ميالسهم قله وصاروا مب مثل قبل
 
أعلى