وصيه حبيب لزوج حبيبته

المشاعر

¬°•| مراقبة سابقه |•°¬
إنضم
19 نوفمبر 2007
المشاركات
2,582
الإعجابات
0
#1
هذي القصيده قريتها بأحد المنتديات وعجبتني
والله يساعد اللي مثل حالهم
أبد .. ما جيت ابارك ولكن جيـت باوصّيـك
على الله ناوي ٍ تدخل بهـا الليلـه .. مُعذّبْتـي

ترى لولا الظروف اللي عطتْك وحدّت محاكيك
قسم بالله ما تدخـل عليهـا لـو علـى رْقبْتـي

ولكنّ النصيب اقوى ولا ادري ويش اسوّي فيك
نعم .. صارت معذبتك .. ولا صارت معذبتي

كذا شاءت بنا الأقدار تحرمني لجـل تعطيـك
كذا لازم عشان تفوز إنت وانا أخسـر بتجربْتـي

تراها غاليه جـداً .. وتكفـى .. والله يخليـك
تـدللها .. تدلعهـا .. تنسّيـهـا مصاحبْـتـي

أنا من كثر ما اغليها أحس اني بديـت اغليـك
ولا تسـأل بأيّـة حـق ولا ّوش مناسبْـتـي

لإنك لو بتسألني بتسمع شـيء مـا يرضيـك
لـذا ياخـوي لا تسـأل ولا تسمـع لأجوبْتـي

أبيك تحطها في داخل عيونـك وبيـن ايديـك
وهي دلوعه اعتـادت علـى كثـرة مداعبْتـي

فداعبها شوي شوي حتـى تشتهـي طاريـك
وشاغبها إليـن تقـول لـك: بطّـل مشاغبْتـي

واذا هي مالها خلقك..ولا تضحك ولا تسلّيـك
تحمّلها وإسألهـا: يـا عمـري ليـه عصّبْتـي

وبالك اسمع انّك يوم تضربها وهـي تشكيـك
ما يحتاج اورّي لـك بفـن الضـرب موهبْتـي

صحيح انك بتملكها ومعك الصـك بالتمليـك
وانا عارف حـدود الله ومـن حقـك معاقبْتـي

ولكن قلّها المجنـون وصّانـي وهـو يعنيـك
يقـول انّـه بينتظـرك ولـو شيّـب وشيّبْتـي

وانا مجنونها اللي ما نساها وانت مـا يمديـك
تغطّي ذكرياتي في هواهـا.. وربْـع تجربْتـي

أحس اني تماديت بكلامي.. والغضب حاديـك
ولو انّك في مكاني مـا تفكّـر فـي محاسبْتـي

كفاك اني تركت الليله اشغالي عشـان اجيـك
دخلت القاعه برجلي ولا ادري ويـش عاقبْتـي

وانا ما جيت اخرّب عرسك الليلـه ولا أأذّيـك
أنا جيتك عشان اخاطبـك وتسمـع مخاطبْتـي

توصّى..وانتبه..واحرص عليهـا والله يهنّيـك
ترى كل الكلام اللي طلَع مـن ضيقـيَ وكبْتـي

ولكن ما قدرت انّي أقوله وانـت مـا يخفيـك
أخـاف انّـي إذا قلتـه تقـوم وتقطـع رْقبْتـي


:)
جروب عيال العز
:)
 
التعديل الأخير:

السَعيدي

<font color="#ff0000">¬°•| إداري سابق|•°¬</span></
إنضم
21 سبتمبر 2007
المشاركات
9,912
الإعجابات
1
الإقامة
توام
#2
الله الله
كلمات راااااااااااااااائعه
يعطيج العافيه يا أختي على نقل هذا الموضوع المميز

والله يكون في عون الشاااااااااعر
وصح لسااااااانه



جروب عيال العز
 

المشاعر

¬°•| مراقبة سابقه |•°¬
إنضم
19 نوفمبر 2007
المشاركات
2,582
الإعجابات
0
#3
الله يعافيك ويطول بعمرك اخويه


:) جروب عيال العز :)
 

بنت العرب

¬°•| مشرفة سابقة|•°¬
إنضم
15 يناير 2008
المشاركات
1,304
الإعجابات
0
#4
مافيها حيله القصيده
وصح لساان الشاعر
ذكرتيني بقصيده ..اسمها الوصيه بحطها عقب عشان تقرونها

وتسلمين يالغاليه ع القصيده
ونتريا يديدج
______
قروب المشاغبين
 

من لي غيرك

¬°•| عضو مميز |•°¬
إنضم
9 فبراير 2008
المشاركات
323
الإعجابات
0
#5
يالله ع المتعذب

صح لسان الشاعر ،، ونقل موفق يا المشاعر :p


تحياتي لج حبوبة ... :) عيال العــــــــــــــز :)
 

اليامي

¬°•| بـ ق ــايا ذكـريـات |•°¬
إنضم
14 ديسمبر 2007
المشاركات
1,424
الإعجابات
0
#6
يا سلام يالمشاعر
على المشاعر
هذا قلمك ولا نبض احاسيس منك
:::::
المشاغبين
 
أعلى