يسولف لي عن الضيقة...

مروض الكهان

¬°•| مَشْرف سابق|•°¬
إنضم
30 مايو 2008
المشاركات
5,795
الإعجابات
0
#1
مرحباااابكمــ

هذي قصيدة قريتها وراقت لي وقلت بنقلها ...

يسولف لي عن الضيقه وانا كلي ألم وأحزان
وأنا من وين ماناظر بعيني شفـت ضيقاتـي

يسولف لي عن الضيقه وأنا عنوان للحرمان
دخيلك لا دخيل الجـرح لا تكشـف معاناتـي

دخيلك لا تشجعني أسولف وأكسـر الكتمـان
تعبت من السكوت اللي تعود يسكـن بذاتـي

عليم الله مافيني شبر يضحك فرح وأشجـان
وأنا لو جيت ابضحك لك أجيك أضحك بدمعاتي

حياتي شعرن وشاعر وجمهوري بقايا انسان
ونقـادي زمـن قاسـي ولا يفهـم كتاباتـي

أناظر للبشر حولي أحد يضحك أحـد طربـان
وأنا صعبن علي أضحك أسايرهم بضحكاتـي

عجزت أكذب على نفسي بفرحه ما بها ألوان
وحزني ما عجزعنـي بـدا يرسـم نهاياتـي

طريقي صعب وجروحي كثير وداخلي ضميان
أبي لو يـوم واحـد أحـاول أجمـع شتاتـي

أنا قصه تبعثرت وتطايـرت بزمـن خـوان
تعلمت أخسر البسمه وأداري عضـة شفاتـي

أبكتب لك وبالخط العريض وريشـه الفنـان
أنا الخسران توقيعي وانا الخسران بصماتـي

أكمل لك عن الضيقه اكمل لك عن الأحـزان
تأكد لو بكمل لك تصيـح وتطلـب سكاتـي


وسلااامتكمـــ
 

آل يذوه

¬°•| ناقد شعري |•°¬
إنضم
29 سبتمبر 2009
المشاركات
2,425
الإعجابات
2
الإقامة
دَارْ القْوَافِيْ لِيْ عْيَتْ عَ ايْ شَاعِرْ
#2
ردي الحال

صح لسان قايلها وناقلها

قصيده مميزه

اعجبني هذا البيت

يسولف لي عن الضيقه وانا كلي ألم وأحزان
وأنا من وين ماناظر بعيني شفـت ضيقاتـي


مشكور اخويه على الطرح

تقبل مروري الله لا هانك

دمت بود
 

نسايم ريف

¬°•| شاعرة |•°¬
إنضم
29 سبتمبر 2009
المشاركات
1,503
الإعجابات
3
#4
تسلم ياخوي ع الطرح الجمييل

قصيده في قمة التعبير
ربي لاهانك ع الإختيار الموفق
صح لسان قايلها وتسلم يد ناقلها
 

المـــــهآ

¬°•| عضو مميز جدا |•°¬
إنضم
18 أكتوبر 2009
المشاركات
690
الإعجابات
0
الإقامة
ب أرض الله
#5
حياتي شعرن وشاعر وجمهوري بقايا انسان
ونقـادي زمـن قاسـي ولا يفهـم كتاباتـي

أناظر للبشر حولي أحد يضحك أحـد طربـان
وأنا صعبن علي أضحك أسايرهم بضحكاتـي



تسلم اخوي ع النقل الرائع والقصيده المميزه

اللي لها تأثير في نفس كل شخص

تسلم يمينك والله
 
أعلى