عمركم شفتوا اشارة مرور فالبريمي

[نار الشوق]

بصراحه حابه اناقشكم فموضوع اشارات المرور فالبريمي
طبعا أكيد الكل شايف انه ولا اشارة مرور فالبريمي( شي غريب )
بالرغم من انه البريمي تحتاج فبعض الأماكن حق اشارات مرور
( حمراء وخضراء وجنها برتغاليه^_^) المهم لأن ماشاء الله انا وسايره الكليه وايد أشوف مخالفات من بعض السائقين ويدخلون الدوار بصوره فضيعة جنه محد غيرهم يسوق فالشارع...؟؟؟؟؟
وفيه شي ثاني بعد ما لاحظتو انه خطوط المشاه مسويينهن عند الدواوير ( جان خاطف حدبسيكله وحد ياي بسيارته مطير بشله اوياه)!!
لأن صار موقف اوياي أنا وراده من الكولج أجانب يحليهم يمشون ع خط المشاه سلموا بسلامة ربهم ما طيرناهم وطبعا فالدوار لازم تخطف بسرعه لأنه مب كورنيش .(لأن المكان خطأ اصلا) ....
والحين بعد هالدوشه شو رايكم باللي صاير مب المفروض يتكرمون ويسوون فالبريمي ع الأقل اشارة مرور وحده نفرحبها ويغيرون مكان خطوط المشاه ؟؟؟؟؟؟؟؟ مب هذه اللي لازم يصير شو رايكم ؟؟؟

 

[ريمـــــان]

هلا وغلا ...
والله موضوعج حلو بس ما أعتقد في أمل أنهم يسوووون أشاير

خخخخخخخخخ

ورمستش صحيحه والشوارع ضيجه وايد وخاصه شارع الخضراء اللي عند حدود هيلي وايد ضيج وخربان ومب سيده لي سرعتي بتغيبي ولي شحفتي الرصيف بطيرين والله المسلم ولا في الشبك ولا فليت
ومحد يقدر يتجاوز

وأنا وحده أسوق سياره وأشوف العجب في الدروله ألا يداعس واللي مستعجل ويلف عليش لا عاد أذا شافو بنت يلفوا عليها ويخوفوها خخخخ واللي تسوق 20 كن الشارع حقها بس ولا عاد شيابنا يسوق 20 ولا 30 ومبطل الدريشه ومطلع أيده هههههههههه
وعراااااحته والله البريمي يبالها وايد ويبالنا أشاير عند دوا ر قابوس بسبت الكليه والي يييون من صحار ونواحيها يتشرووون حق العيد وعاد الحدود أأأأأأأأأأأف والله غربله ولا عاد أبشركم شهر 12 بيفتحوا مركز مال عمان الي عند عود التوبه والله يعينا أنا وحده بتخبل ما أداني الزحمه منا مركز عود التوبه ومناك هيلي أضن يوم بنشيب بيسووووولنا
أشاير ههههههههههه:61::61:

 

[نار الشوق]

ههههههه...قصدج يوم نموت الله يستر*_*
نبا نفرحبهن ونحن حييين وفعز شبابنا
انشالله يسوون بدل هالدوشه المستويه فالبريمي

 

[مشاغب]

انا ما شفت

 

[ريمـــــان]

هههههههههههه والله سو ولا ما سو أنا أدش الدوار عسرعة 120
أحيانا والله المسلم ولو سو أشاير أنا وحده أطوفها صفرا ومرات حمرااا

خخخخخخخخخ

بس حلو الواحد يغير نشالله يسون

 

[معاااد يمديك]

لو مايسوون اشاير احسن

 

[نار الشوق]

لا لو يسوون بيكوون أحسن^_^

 

[ريمـــــان]

وليش عاد لو ما يسوا أحسن؟ يا راعي مشاكل

 

[»̶»̶̥ м̽ɐ̲łќ 3̨̐τ̅н̲]

والله قاصه ع عمرج دوري فكل عمان امكن تلاجي اشارت مرورو وحده وبعد وين (فمسقط)

 

[ريمـــــان]

لا عاااد تصدق حتا فصلاله شي خخخخخخخخ ومحد معبرنهن كل واحد عكيفه وجديمات بعد

 

[الكعبية]

لا في أمل انه يسوون اشاير فالمستقبل ان شاء الله ^^

 

[حشيمة القلب]

سبحان الله نحن من كم يوم نفكر فهالموضوع انا واهلي ونرمس ان ماشي اشارات مرور فالبريمي

لو شي كان بيكون شي نظام فالسير صحيح ان البريمي صغيرة لكن محتاجين اشارات المرور لان ياما ناس تعرضت للحوادث والسبب لايوجد اي نظام



عندنا امل ان شاء الله يكون لنا فالبريمي اشارات مرور


وتسلمين اختي ع الطرح

 

[العا(هدوء)صفه]

موضوعج حلو اختي نار الشوق
انا ما ادافع عن حد بس المشكله انه ما عندنا زحمه وايد
تستاهل انهم يحطوا اشارات
وبعدين ع التهور وايد شباب يتهوروا ويسرعوا((حتى البنات))هع
بصراحه اذا بنطالب بشي خلينا نطالب بجسر عند السوق
وطبعا مع اشارات لانه المكان الوحيد لي نتلعوز فيه

 

[امير الحب]

هذي قضيه كان لابد ان تطرح


اصرااحه في واايد اماااكن ف البريمي

يبالهن اشااير


بس لا حياة لمدن تناادي


ربي يحفظكم


كان هناا امير الحب

 

[غريم الشوق]

أنتضرو البريمي بتتطور


الحين البريمي لا شوارع نفس الناس ولا شي .......انا اجوف كثرن الخيايط ف البريمي

 

[ذبحهم غروري]

ههههههههه مايصير في البريمي اشارات مرور لانها منطقه صغير ولو سو بيستوي حوادث خخخخخخخخ

 

[غٌَ ـلآ بُنٍيً گـ عُ ــبُ]

اسمحولي اول ما شفت العنوان ضحكت


ما احس ان بي يوم نشوف فالبريمي اشاره مرور لان البريمي مب من كبرها ووايد عليهم يعدلون الشوارع

 

[نملة متحنية]

مشكورة اميرة الشوق

صدق والله مسوين نفس نظام امريكا بس بصدق مب حلو جذية بعد

بس انشاءاالله يكون امل فالمستقبل

هههههههههههههههههههههههههههههههههههههههههه

 

[جرووح دفينه]

والله يبالها البريمي اشارات عشان يخفن الحوادث و اصلا البريمي خلال ها السنوات صار وااااااايد ازدحام في شوارعها .

 

[المنصوووري]

بعدة ما شي قريب بيسووا