مـــزاجك اليوم فــ بيتين من كتاباتك

[آل يذوه]

يا مرحبا يا مسهلا يا هلا بك
يا الي عيونك تشفي العوق والعل

من حشمتك مافيه حدٍ درابك
ومن قربك اليه دوم سميتك الخل

لا تنظر اليه تقول شلي جرابك ؟
وشهو بربك لي سلبني وما ادل ؟

من نظرتك من شفتك من هدابك
من ليلك الي ينوره وجه لا طل

انته سبب شعري ومغلوق بابك
لامن فتحته تستمح قلت بالحل


آل يذوه​

 

[نسايم ريف]

فدوتك عمري مع سنيني ... وانت لب القلب يالجاني

بسمتك تحيي شرايني .... وابتعادك سبب احزاني

لو بتطلبني نظر عيني ... مايسدن لجلك اعياني

بس تكفى لاتخليني ... عمري بدونك فلا كاني

 

[آل يذوه]

اهواك يامن لك فـ هالقلب مرباع
وامشي على درب الموده لعيونك

تكفي عيون الحر لي فيك لا جاع
لي حركت نبضات قلبي بدونك

افداك ايه افداك والحب قد شاع
مُجهر من جنوني ومخفي بجنونك

القلب من صدك غناتي ترا لاع
ما زلت ناطر طلتك وابشجونك

ان قلت تحذر قلت لك لي شـ الداع ؟
قرب وبيع الناس لي يحسدونك ​

​

آل يذوه ​

​

 

[نسايم ريف]

اليوم قلبي به من الشوق ماشل .... والشوق ماله حل أبداً محاله

أشتاقلك يابوي من يوم انا طفل ... وكل ما كبرت يزيد شوقي ثقاله

فيني هموم جسام والخاطر اعتل .... واللي يهّون ضيجتي كيف حاله

يرحمه ربي عد ماماطر ن هل .... وياجعله الفردوس سعده وفاله

 

[بو جسيمـ]

حسـّـي سطـآ يزاحم غدآ بين ضلعـآني

متقلـّـب ٍ وضعه حسب مـآ رغبـّـه

طعمه كمــآ السكـّـر لذيذ ٍ وأحياني

كنـّـه حميم ٍ فـ الصدر سـآل صبـّـه

مخ ـــــآويكم

 

[بنت ايران]

ماادري ليه انا حاير
افكر فيه واتأمل
ابسمع صوت هالطاير
اذا شاف الحزن وأسأل

 

[بو جسيمـ]

ليت السنين تقـّـدر الحــآل وتعود

ودي أرجـّـع بالزمن من حقبهــآ

ليت البشر والنفس ما تعرف صدود

كــآن الرخى عم ّ الكروب وغلبهــآ


مخ ـــــآويكم

 

[بنت ايران]

لو كنت عايش بلا قلب
كنت اشتكيت لدنيتي
بس انا ميت وعايش بسلب
كيف اتهنى بعيشتي

 

[نسايم ريف]

محلا هطال الغيم لامر لافي .... يسقي دياري بعد طول المغيبه

عساه دوم ولايرده كفافي .... وتغدي فياض الأرض عقبه خصيبه

والغيل عقب الكدره يصير صافي ... شوفه يشافي لي همومه عصيبه

 

[نسايم ريف]

مرتاح بالي دامه الزين مرتاح

ويالله عسى دووم الخواطر مريحه

 

[سِكًـآرِيُبِ]

أنا ضايق بالي ضايق..
وجوي ضايق ضيقن جايد..
نفسي ملت وروحي ولت ..
وعيني هلت دمعن واايد

 

[سامرينا]

​

تفجييييييييييييييييييييييييييير

​

ۈَۈَڵـع يآ البريمي . . ۈَڵـع ۈَڵـع

​

عزه نفسىي تجبر آلكل يحترمهآ

كيآن عقلىي دمر عقول آلمهآيطيـ‘ه

​

[^.^]​

ڪْانٍت من’ هنا اڵقناصـﮧ ڛَامٍرينٍا

​

 

[بو جسيمـ]

أغطس ببحر الهجر والأتعـآس

وأخرج وأنــا مغرّق مداونـّـه

كانك تباريــني قصد تندآس

زهـّـب لصدرك درع حـآمنـّـه

مخ ـــآوي

 

[نسايم ريف]

ليت النفوس اللي بها شك تصفى .... وتغسل ظلام صدورها بالتصافي

وتهدا رياح ن دومها دوم عصفى .... وتسري نسايمها عذيه تشافي

ماني من اللي يرصف القاف رصفى ... هذا شعوري دون شك وزيافي

 

[آل يذوه]

قالوا علام العين تدمع من السيل
ولويش ما تنظر لـ كل الخلايق

قلت البخت لي حطني ساهر الليل
وما كنت انظر غير اله متلايق

ومن بعد هجره صرت لحضوره اخيل
يا غير بعده صار ع القلب فايق

قفى وخل الروح تنهد بالحيل
وما صابني بعده سوى عوق ضايق


:: إهداء ::

آل يذوه​

 

[ذبحهم غروري]

اه منك منقهر ولابقى عندي صبر لاتبررلي خطاك ماابي اسمع عذر روح ونساني خلاص خلاص خلاص وقول فرقنا القدر

 

[الدلوعه]

ان كان حبي لك هو اعظم خطاياي

بقول يانفسي عن الحب توبي

 

[المـــــهآ]

صفيت لك من خافي الود شلال

كل ما قلت كافي احط وازيد

ياسيدي انا في هواك همّــال

مثل مزن(ن) شلهما صافي الرعيد

 

[نسايم ريف]

هي صدمة ن كانت على غلق موضوع

بس احمد الله مامداها تحلي

وهي سبة اشخاص ن ولااخص مجموع

لي ماخذين القاف لعبة تسلي

للهرج موضوع ن مخصص ومشروع

ولي يبغي يسولف يعرف المحلي

أما هنا لي يكتب الجيل مسموع

ولا فلاغيره جدانا يهلي




والسموووحه بس الموضوووع مب للسوااالف رجااااءً

 

[نسايم ريف]

ممزوج مابين الكسل واليهاده
ابغي أغض ولكن النوم ممنوع

وياحظ منهو تحت راسه وساده
مجاز م الدنيا وله عقبها رجوع