غيابك غيرني

[فديتني حبوبه والله]

غيابك غيرني...

غيابك غير حياتي
خلاني احكي آهاتي
سوى لي فراغ كبير
ما تمليه صيحاتي
بكيت الليل في غيابك
وسكن الحزن قليباتي
سألت الناس عنك وين؟؟
رحت وخليتني بريحاتي..!!
تعال وامسح دموعي
وخلني أعيش فرحاتي
تعال واحكي لي أخبارك
وبحكي لك حكاياتي
تعال وخلني ارتاح
وتبقى معي بدنياتي
أشوف الفرحة بعيونك
وتشوف الفرحة بعيناتي
28/3/2009م

عاد هذي اول مشاركة لي وابي رايكم

 

[آل يذوه]

صح لسانج خيتو

قصيده جيده

وربي يعطيج العافيه عليها

لكن عندي نقطه

الشاعر المفروض يصوع الحروف والكلمات له وما ينصاع هو للقافيه وينجبر انه يغير في بعض الكلمات عشان تنطبق على القافيه

عندج هالغلط .. في بعض الابيات .. مثل :

قليباتي / بدنياتي / بعيناتي

القافيه ما كانت فـ ذيج الصعوبه عشان تغيرين في الكلمات

يعني كان ممكن تتجنبين هالشي


لكن هذا ما يمنع انج اتقنتي الوزن بشكل مميز

وهذي في حد ذاتها ميزه


اتمنى لج التقدم .. وان شاء الله نشوف جديدج جريب

دمتي بود​

 

[أبو سلطااان]

ألف شكر ع الأبيات الجميله ...
و يسعدنا أن نرى خطوت البدايه معنا و يشرفنا أنضمامج ...

يعطيج العافيه بنتظار المزيد ...

 

[دانة غزر]

بدايه حلوووه منج

تسلمين على هالمشاركه

ونتريا كل يديد من صوبج

تسلمين

 

[الدلوعه]

أنا والله مافهم ف الشعر بس
عيبتني مررررررررررررررررره حلوه

 

[شووق قطر]

حلوة كبدآية صح لسآنج

 

[دموع الورد]

صح لسانج ... ونتريا الزود منج ​

 

[أ“أ‡أ،أ£ أ‡أ،أˆأ‡أڈأ­]

يا سلام عليج
صح لسانج ملاييين
وربي لا هان منطوووقج
كلمات جميله جدا
ونتريا منج الكثير...


ويلا إلى الأمام دومــا..




لا تحرمينا من يديدج


​

 

[قلبے ميـھـود]

صح ألسانج يالغلا على القصيدة

 

[فديتني حبوبه والله]

صح لسانج خيتو

قصيده جيده

وربي يعطيج العافيه عليها

لكن عندي نقطه

الشاعر المفروض يصوع الحروف والكلمات له وما ينصاع هو للقافيه وينجبر انه يغير في بعض الكلمات عشان تنطبق على القافيه

عندج هالغلط .. في بعض الابيات .. مثل :

قليباتي / بدنياتي / بعيناتي

القافيه ما كانت فـ ذيج الصعوبه عشان تغيرين في الكلمات

يعني كان ممكن تتجنبين هالشي


لكن هذا ما يمنع انج اتقنتي الوزن بشكل مميز

وهذي في حد ذاتها ميزه


اتمنى لج التقدم .. وان شاء الله نشوف جديدج جريب

دمتي بود​

شكرا لهذا النقداللي بصراحة اسعدني وانشاءالله بحاول اطور في المرات الجاية