بنت عمي ترييني بغازل وبرجع اخذج ..ولاتفكرين تشوفين غيري

مس كلوزر

¬°•| عضو مثالي |•°¬
إنضم
3 أكتوبر 2009
المشاركات
1,498
الإعجابات
0
الإقامة
عابر سبيل ولو انا فبلادي
#1
مرحباا
حيهم عرب البريمي
يمكن تستغربون من العنوان .. بس اانا برمس وبقول الي فخاطريه
وعاد النقاش عليكم
كح كح
انتو تعرفووون العادات والتقاليد والمذهب والسنه الي عندنا
وبدش عرررض فالسالفه
بنت العم حق ولد العم
وبنت الخال حق ولد الخال
انا للحييييين مستغربه ليش اهلنا بعدهم ع هالعادات وهالافكار الغريبه ؟؟؟؟

يعني الي يي من برع يسولها الف سالفه وسالفه ... وع قولتهم شو يذمنج يابنتي يمكن مب زين يمكن مايصلي يمكن لعاب يمكن ويمكن ويمكن .......
مافيه داعي اقول بالتفصيل لنكم فاهمين ^^ << جنها فمدرسه
ويوم نقووولهم شدراكم بولد العم ؟؟ يقولون نشوفه نصلي << صراحه يضحكووون ... انزين يمكن يصلي جدامكم ؟؟ يمكن يصلي بس عليه امور رديه ؟؟ ويمكن ويمكن ويمكن ؟؟؟
المهم
بسبة الاهل والعادات الي حاكمتنا( البنت ) هي الي تضرر وكلعاده تم صاخه ليش لانها بنت والبنت ماتتشاور !!!!
يعني الاهل يحطون فبالهم من يوم صغار انه ياولدي يوم بتكبر فلانه حقك وفلان حق فلانه وفلانه حق فلان .. ( برمستنا محيره)
ويكبرووون وتكبر معاهم هالفكره ..
طبعن الولد بيغااازل وبيعيش حياته وبيسير وبيرد واخرررر شي
بيرد حق بنت عمه
وانا شخصيا اعرف وحده ولد عمها اونه يباها ومرمس اهلها من كم سنه وهو يغازل ولامره وثنيت وثلاث صادته ويقولها ماعليه لاتستعيلين ع نصيبج فالنهايه انتي حقي؟؟؟؟؟
يعني هاذا منطق ؟؟
من غير الي سمعنا وسمعنا وسمعنا
ويليييت تم السالفه ع جي وبس مرات البنت لانها بنت وامتظهر وماتشوف حد صدق تم متعلفه بولد عمها ويمكن فالاخير مايسمع رمست اهله ويقولهم ماباها ؟؟؟ شو ذنبها هاي اللي تترياه من يوم صغيره؟؟؟ والسبب منوووو العادات والتقاليد ؟؟ورمست اهل ؟؟

احينان البنت ماتروم تقول انا مابا ولد عمي وانتو تعرفون الاسباب
بس الريال هو الي يقدر يرفض ويقرر

المهم الزبده رمست وايييد بس من الي نشوفه فواقعنا

جان عندكم رايي فيدونا ^^
تحياتي
مس كرز
 
التعديل الأخير بواسطة المشرف:

امير الحب

¬°•| حلم وانتهى |•°¬
إنضم
3 أكتوبر 2009
المشاركات
544
الإعجابات
1
#2
اول باركن


كلامج صح وواقع في مجتمعنى العربي

وبصراحه صار ها الشي معااي

بس انا معرووف مستحيل اعلق بنت ويايه

قلت حق اهلي يوم اكبر يصير الف خيــر < انا صغيروني

ماعرف شو اقول شو افسر لو اكتب الصفحه ما بتكفي

يعني حتى لو يقولون هذي بنت خالك او بنت عمك لك !!

لا تعلقها وتخليها تتعلق بك خلي الأمور طيبه ولا توعد وتخلف

اغلبية البنات الحين والله معقدات من شيئين الي هو الحب وزواج

1)الحب ايقص عليها ويقول بخذج وبتزوجج .

2)وزواج الي هو رمست الأهل بنت خالك لك وانت لبنت خالك .


اتمنى ها الشي يخوز من المجتمع العرربي بأكمله

لأنه اخر شي البنت تنظر الولد ما عليه بااس



وكل واحد ونصيبه....


احترامي / اسمحولي على الأطاله
 

مس كلوزر

¬°•| عضو مثالي |•°¬
إنضم
3 أكتوبر 2009
المشاركات
1,498
الإعجابات
0
الإقامة
عابر سبيل ولو انا فبلادي
#3
تراااه هنيييه المشكله انه البنت تتعلق والولد يلعب وفالنهايه حق بنت عمه
ولو عرفت بنت عمه انه يلعب ماتروووم ترمس
اونه الريال شايل عيبه
واونه انتي تعرفين اهله مب نعقج عند حد مانعرف اهله
وفوووق جييي مب بس ع اللعب شوووفووو يااااناااس الامرااض الوارثيه الي تطلع احينه ؟؟؟؟
وشوووفووو الغبااا يوم يتزوجون من الاهل ؟ شوفو عيالهم

تسلم امييير لنك دخلت معايه ع الخط
 

جرووح دفينه

¬°•|مُشْرٍٍفة سابقة |•°¬
إنضم
5 أكتوبر 2009
المشاركات
7,943
الإعجابات
0
الإقامة
البريمي
#4
تعرفين اختي اغلب الاهالي متمسكين بعادات اول يعني البنت لازم ياخذها ولد عمها او احد من اقاربها بس انا من وجهة نظري ان البنت احسنلها تتزوج من برا عائلتها
لان زواج الاقارب ما ييب الا المشاكل

بس الحمد لله ان اكثر الناس بدت تغير نظرتها وتوافق ع زواج البنت من برا عائلتها.
 

مس كلوزر

¬°•| عضو مثالي |•°¬
إنضم
3 أكتوبر 2009
المشاركات
1,498
الإعجابات
0
الإقامة
عابر سبيل ولو انا فبلادي
#5
هيييه والله صدقتي اختيه يوم قتلي احسلها من برع
اممم مب كلهم تغيرووو
وتسلمين حبيبتي ع مرورج
 

راعي صوغة

:: إداري سابق ::
إنضم
21 يوليو 2008
المشاركات
5,782
الإعجابات
0
الإقامة
قصر السور
#6
بسم الله الرحمن الرحيم


هاااااي العادااات نسمعهاا من زماااان

بنت العم حق ولد العم,,

بس كل واااااحد ياااخذ نصيبه ,,

والزوااااااج قسمة ونصيب,

لووووول, يمكن البنت تنغصب ع ولد عمهااا

بس الحيييين,, لا البنت الي ف راسها تسووويه,,

اذا ما بغت ولد عمهاا,, محد يروم يغصبهااا,

الحيين العرب درست وفهمت الصح من الخطأ,

طبعااا يمكن فيه نسية قليله من هالفئات.

بس نسبة 95%,, ما يغصبون البنت على ولد عمهاا,,


وف النهااايه الي كاتبه الله بصير,,

محد يروم يغيير شي,,

وجهت نظر,,^^
 

مس كلوزر

¬°•| عضو مثالي |•°¬
إنضم
3 أكتوبر 2009
المشاركات
1,498
الإعجابات
0
الإقامة
عابر سبيل ولو انا فبلادي
#7
اول شي اشكرك ع المرور
ثاني شي امم والله البنت ماتروم تسوي الي فراسها ؟؟؟منو مطلع هالاشاعه علينا هع هع
تعال كل يوم
 

راعي صوغة

:: إداري سابق ::
إنضم
21 يوليو 2008
المشاركات
5,782
الإعجابات
0
الإقامة
قصر السور
#8
اول شي اشكرك ع المرور
ثاني شي امم والله البنت ماتروم تسوي الي فراسها ؟؟؟منو مطلع هالاشاعه علينا هع هع
تعال كل يوم

تروووم انها تقول مابا ولد عمي,,
محد يجبرهاا.. الحيييين..

طبعااا المطوع الي بملجبهم,, لازم يسالهااا,,

هل توافقييين على فلان بن فلان,,

وهيه ترد هيه ولا لأ,, خبره صح ^^
 

مس كلوزر

¬°•| عضو مثالي |•°¬
إنضم
3 أكتوبر 2009
المشاركات
1,498
الإعجابات
0
الإقامة
عابر سبيل ولو انا فبلادي
#9
الله كشخه شرات الرسوم هل تقلبين به زوجا لك بكل سرور هههه
اممم لو رفضته فالمحمكه بتكبر السالفه اكبر وبن الاهل وجي وبيحتشرون
ع العموم تسلم ع المشاركه الحلوه ^^
 

مشاكل وبكيفي

¬°•| عضو مميز |•°¬
إنضم
5 أكتوبر 2009
المشاركات
247
الإعجابات
0
الإقامة
فبيتنا
#10
والله شو نسويييبهم دااام عقووولهم جيه
الكرز يوم غاااايته قوليلي وانا بقوله كلوووزر ما تباااك واجلب ويهك هههههههه
انا ابا افهم لييييش دااايما يقووولون هذا رياااال وشايل عيبه
احين يوم يسير يغااازل بنات النااااس ونسى بنت عمه
واااخر شي يردلها
هاااي اي ثقه بتكووون امبينهم واي محبه بتربطهم
الشك بيكوون امبييينهم

والجو طقس خخخخ
 

مس كلوزر

¬°•| عضو مثالي |•°¬
إنضم
3 أكتوبر 2009
المشاركات
1,498
الإعجابات
0
الإقامة
عابر سبيل ولو انا فبلادي
#11
هههههه
مشاكل والامور بيبسي ههه <<شفر خاص
وصدق انه الجو طقس ههه
حلوه هاي بقول كرز ماتباك هههههه
تسلميين ع مرورج
وتعالي كل يوم
 

هٌِـِـِـِتَـلُـرٍ

¬°•| عضو فعّال |•°¬
إنضم
10 أكتوبر 2009
المشاركات
133
الإعجابات
0
#12
اختي انا مب ويااج ..

محد يقدر يجبر البنت ع شي ما تبغااه

بعدين شوفيها لو خذت ولد عمها .. عاادي ..

احسن لها بيحشمها ولو كان فيه 100000000 عيب ..

وكلامج معنااته انه نغير اعاداتنا وتقاليدنا ومحد يرضى بهالشي ..
 

مس كلوزر

¬°•| عضو مثالي |•°¬
إنضم
3 أكتوبر 2009
المشاركات
1,498
الإعجابات
0
الإقامة
عابر سبيل ولو انا فبلادي
#13
حيهم الشيخ
اول شي انت ماتعرف حال كل بيت عسب البنت تقدر ترفض ولاتوافق
وانا مارمست من هوى بس لني متاكده
ثالث شي انا مب ضد انها تاخذ ولد عمها عادي هالشي راجعلها بس تكلمت عن سالفة انهم يحجوزنهم لعبض من قبل وعقب هو مايباها ولايروح عند غيرها
وبعدين شرداك انه بيشحمها؟ وبعد يمكن الغريب يحشمها؟؟؟
وبعدين يالشييييخ انا ماقلت تخلو عن عاداتنا بس فيه اشيا لازم الاهل يتفهمونها ^^
 

أم عقوص

¬°•| عضو مميز |•°¬
إنضم
2 يناير 2009
المشاركات
413
الإعجابات
0
العمر
27
الإقامة
البريمي (دار عيني)
#14
الجو طقس؟؟؟؟


هع

هع^^


الحمدلله فبيتنا ما عندنا هالحركات وهالخرابيط

بس الله يعين البنت اللي تنغصب على ريال ما تباه

ترا فالنهايه بيطلقها دام من اولها جي....~


واللي يلعب ويرجع حق بنت عمه.. هذا انسان بلا ضمير ولا روح ولا يستاهلها

والأهل لازم يسألون عن الريال قبل ما يزوجونه حتى لو كان من أهلهم وع قولتهم (ولدنا وعارفينه)


وبعض الناس الله يهديهم يقطعون رزق البنت ... يرفضون اللي يتقدمولها بحجة أنها لولد عمها...~

وفالآخر الولد يقول ماباها وتطيح فجبودهم هع



تقبلي مروري...~


ربي لا يحرمنا يديدج^^
 

مس كلوزر

¬°•| عضو مثالي |•°¬
إنضم
3 أكتوبر 2009
المشاركات
1,498
الإعجابات
0
الإقامة
عابر سبيل ولو انا فبلادي
#15
اشكرج ام عقوووص ع مرورج الغاوي ورايج الحلو
وصدقج القهر يوم يقطع نصيبها وخلاف مايباها
تعالي كل يوم ^^
 

امير الحب

¬°•| حلم وانتهى |•°¬
إنضم
3 أكتوبر 2009
المشاركات
544
الإعجابات
1
#19
تراااه هنيييه المشكله انه البنت تتعلق والولد يلعب وفالنهايه حق بنت عمه
ولو عرفت بنت عمه انه يلعب ماتروووم ترمس
اونه الريال شايل عيبه
واونه انتي تعرفين اهله مب نعقج عند حد مانعرف اهله
وفوووق جييي مب بس ع اللعب شوووفووو يااااناااس الامرااض الوارثيه الي تطلع احينه ؟؟؟؟
وشوووفووو الغبااا يوم يتزوجون من الاهل ؟ شوفو عيالهم

تسلم امييير لنك دخلت معايه ع الخط

ما تقدر ترمس ترها معلقه !!

مب شرط حتى لو مب من الأهل بعد احسن يوم مب من الأهل !!

والأمراض الوراثيه الي ف الأهل تتنقل الى الأبناء !!

الله يسلمج ختيه..؟


احترامي.

(امـ//ـير الحـ//ــب)
 

مس كلوزر

¬°•| عضو مثالي |•°¬
إنضم
3 أكتوبر 2009
المشاركات
1,498
الإعجابات
0
الإقامة
عابر سبيل ولو انا فبلادي
#20
انا يبالي اشرحكلم فلاحيا ولااييب ابلى بدرية هع
تسلم ع المرور والمداخله الحلو امير
 
أعلى