يومياتي

الحالة
مغلق و غير مفتوح للمزيد من الردود.

بنت البريمي

¬°•| استغفر الله |•°¬
إنضم
19 فبراير 2008
المشاركات
1,108
الإعجابات
0
الإقامة
البريمي
#1
السلام عليكم ورحمة الله وبركاته ,,,,

اشحالكم ؟؟؟ وشخباركم ؟؟؟؟

امممم الصراحة أنا أدش هالقسم احيانا يس ما خطر ببالي أكتب عن يوم من حياتي ...

فقلت اليوم بدش وبشارك وياكم وبكتب يوم عندنا مليء بالحيوية والنشاط خخ,,,,

الله يسلمكم في يوم من الأيام وهو يوم الثلاثاء يعني البارحة بتاريخ 6 / 10 / 2009 ....

الساعة 5 الفجر أنا أركب المنبه ع الفاضي ما اسمع شيء حق ربعاتي هع عشان يقومني حق الصلاة ( ما بقولكم عن الصلاة لأنه أكيد كل صلاة بنصليها) ,,, المهم قمت حق الصلاة وعقب رديت أرقد لحد الدوام ,,,,

الساعة 7:20 نشيت من الرقاد وتجهزت وسرنا الكلية ( الحلو انه الكلية عدال السكن ضبط ) الساعة 7:55 لأن المحاضرة تبدأ 8:00

المهم سرنا المحاضرة الأولى الدكتور سوداني ورقدنا عنده محد منتبه أنا أرسم واكتب اسمي ف بداية دفتر المحاضرات والا

الدكتور يشوف الكل سرحان واللي راقد وايي صوب الأولاد وسألهم ومحد جاوب وعاد أنا فريت صوب الصفحة

اللي كنت أكتب فيها المحاضرة ويا صوبنا وسألنا ونحن : صااااااااااااامت خخخخخخخ ,,,,,

يالله نشوف الوقت كل دقيقة لحد ما خلص الوقت وطلعنا 9:40 وسرنا سيدة ع الكافتيريا وشربنا شاي وفطيرة جبن وبعدين سرنا المحاضرة الثانية 10 عاد هذا نخافه ما نرقد عنده يهز صونه هز خخخخخخ بس ما نفهم شيء أفكاره ما مرتبه نحس عمارنا ف دوامة ,,,,

المهم ،،،،، انتهت المحاضرة بسلام ,,,,

سرنا أنا وربيعتي اللي ف الحجرة نفس تخصصي طبعا ونفس جروبي وروحنا اللاب وعقب ساعتين تقريبا رجعنا السكن وسرت الكافتيريا واشتريت غداء ( ممنوع عندنا الطبخ ) ,,

وسرنا الحجرة وتغدينا ورقدنا لانه ورانا فعالية كبيرة ههه ...

شو هالفعالية ::
احم احم وحدة من جروبنا معرسة ف الصيف ووحدة ممتلكة فحبينا نسويلهن حفلة بسيطة,,,

المهم العصر قمنا ربيعتي قامت قبلي راحت تشوف الترتيبات ويا ربعنا الباقيات وأنا بعدني ما قمت المهم قمت وحصلتها تسوي السنافر هع هع ,, فأنا علي الفيمتو وسويته ,,,,

ع فكرة نحن جروبنا من كل مناطق عمان فما بكتبلكم الحوار اللي يدور بينا خخخخ ,,,

وبعدين شو سوينا سرنا القاعة عندنا ف السكن فاضية وكنا منفخين بلونات بخبركم شو فايدتهن عقب ,,,,

وردينا الحجرة وكان خلاص بيأذن المغرب وطبعا الصلاة وعقب كان فيه محاضرة ف السكن فسرناها وكان عنوانها ( آفة الشكوى ) وكانت رووووووووعة وأسلوب البنت وايد حلو ,,,

وبعدين رجعنا عشان نتجهز حق الحفلة المهم تلبسنا وتكشخنا هع ,,,,,,

وطلعنا والبنات مبققات عيونهن يطالعن استحيت ( مستغربات منا حق شو متكشخين خخخخ )


المهم وسرنا الى مكان الحفلة ورتبنا الطاولة وحطينا الكيكة وكانت على شكل قلب ومكتوب عليها ألف مبروووك

وحطينا الحلاوة والبسكويت والشموع ,, وبندنا الليتات لأنه ربعاتنا بيوصلن وكنا مشغلين لابتوب وحاطين اناشيد أعراس ,,,,

ودشن وتفاجئن هع هع ,,,

المهم كانن لابسات الزي الشعبي مال بلدانهن ( صلالة ونزوى )

وبعدين يلسنا وحطينا العشاء ( كنا طالبين مندي دياي بس شو حلوووو )

وتعشينا وعقب حطينا الكيك والحلويات ,,,

وبعديييييييييييييين شو سوينا ؟؟؟؟؟

الحين بخبركم سالفة البالونات اللي نفخناهن أصلا نحن كنا حاطين ف بعض البالونات أوراق صغيرة كل بالونة فيها ورقة وهالوقة فيها سؤال ( عاد شو مب أسئلة محرججة وطلبات غريبة خخخ ) والاجابة لازم تكون بكل صراحة ,,,,

كل وحدة وحظها ,,, وكان الدور يمشي كل مرة وحدة تنقع بالونة ,,

وخلصت اللعبة وكانت وايد ححلوة ,,,

وكانت وحدة من ربعااتنا مسوية لعبة بعد كانت حلوة وهيه عبارة عن هدايا متداخلة والمفروض نسوي حلقة دائرية ونمرر هالهدية وصاحبة اللعبة مشغلة شيء بفونها اذا وقفت اللي ف ايدها الهدية تفتها وبيطلعلها هدية وتكمل تمرير الهدية لانه وايد هدابا فيها هع هع ,,,

وعطينا هدايا حق ربعاتنا اللي مسويلهن الحفلة وعجبنهن واستانسن وايد ,,,

المهم وخلصت الخفلة ع الساعة 12 ,,

بعدين رحنا حجرتنا عشان نرتب أمورنا ونرجع ههههه ( مب لازم تفاصيل )

هالمرة رجعنا أنا بس مب كلنا تجمعنا نفس قبل بعضهن سارن يرقدن أما نحن فرشنا السمة ( حصير ) ف المعشب وكان الجو حلو ويلسنا نسولف وسوينا اندومي طبعا ,,,

وخلص يومنا ,,

ع فكرة ما عندنا دوام الاربعا والا ما بنسهر وايد هع هع ,,,


والسموحة ما حطيت صور لأنه أغلبهن صور شخصية ,,,,

ان شاء الله اليوم نال على اعجابكم ,,,

في انتظار تعليفاتكم ,,,,,
 

امير الحب

¬°•| حلم وانتهى |•°¬
إنضم
3 أكتوبر 2009
المشاركات
544
الإعجابات
1
#5
ياعيني لو حد من ربعي جي يسويلي < مالت عليك


يووووووووم ولا ارووووع اصرااحه

نقل حلووووو هب لازم صور المهم اليووم < احم احم


مابطول عليج < وراك شغل

احترامي < لازم يعني اوف منك

هههههه

امـ//ــير الحــ//ــب
 

بنت البريمي

¬°•| استغفر الله |•°¬
إنضم
19 فبراير 2008
المشاركات
1,108
الإعجابات
0
الإقامة
البريمي
#6
ياعيني لو حد من ربعي جي يسويلي < مالت عليك


يووووووووم ولا ارووووع اصرااحه

نقل حلووووو هب لازم صور المهم اليووم < احم احم


مابطول عليج < وراك شغل

احترامي < لازم يعني اوف منك

هههههه

امـ//ــير الحــ//ــب
هع ،، مرورك أسعدني اخوي أمير الحب ,, تتكلم وتعلق على عمرك خخخ ,,,

وايد عيل فعاليات بس عيازة تعب الكتابة خخخ والا اكشنات نسوي ,,,
 

جرووح دفينه

¬°•|مُشْرٍٍفة سابقة |•°¬
إنضم
5 أكتوبر 2009
المشاركات
7,943
الإعجابات
0
الإقامة
البريمي
#8
حلو تجمع الربيعات مع بعض والسوااااااالف ما تخلص ونحن شراتكم في الكليه كانت عندي محاضره الساعه ثمان وكان الدكتور واااايد ممل ويعيد نفس الكلام دايما فتشوفي كل البنات يسولفن مع بعض ويضحكن لان حتى لو انتبهنا ما يقول كلام مفيد.ايام الدراسه احلى ايام العمر.تسلمي اختي وعيبني يومياتج ويا ربيعاتج وااااااااايد.
 

بنت البريمي

¬°•| استغفر الله |•°¬
إنضم
19 فبراير 2008
المشاركات
1,108
الإعجابات
0
الإقامة
البريمي
#9
حلو تجمع الربيعات مع بعض والسوااااااالف ما تخلص ونحن شراتكم في الكليه كانت عندي محاضره الساعه ثمان وكان الدكتور واااايد ممل ويعيد نفس الكلام دايما فتشوفي كل البنات يسولفن مع بعض ويضحكن لان حتى لو انتبهنا ما يقول كلام مفيد.ايام الدراسه احلى ايام العمر.تسلمي اختي وعيبني يومياتج ويا ربيعاتج وااااااااايد.

مرورج اسعدني خيتووو ,,

والله صدج بفتقد هالأيام عاد هالسنة آخر سنة ,, بفتقد ربيعاتي وبفتقد اللمة وياهن والمواقف الحلوة ,, عاد آخر السنة بتستوي المناحة خخخ,,,,
 

بنت البريمي

¬°•| استغفر الله |•°¬
إنضم
19 فبراير 2008
المشاركات
1,108
الإعجابات
0
الإقامة
البريمي
#10
اووووووووه طلعت حاطة يوم من يومياتي والله حماس مرت سنة عاد ,,

حمدلله تخرجت وتوظفت والحين اتمنى ارجع حق ايام الكلية ,,


هالسنة وااااااااايد أشياء صارت بصراحة ,,


لي عودة وياكم ,,

خلكم ويانا هع ..
 

بنت البريمي

¬°•| استغفر الله |•°¬
إنضم
19 فبراير 2008
المشاركات
1,108
الإعجابات
0
الإقامة
البريمي
#12
والله شو امس تعبت من التفكير ف موضوع محيرني مب عارفة اتخذ قرار ثابت ,,

ما قدرت ارقد ,,

مشكلتي اني ما اعرف اتخذ قرار بروحي احس راسي متلخبط ,,


الله المستعااااااان ,,
 

بنت البريمي

¬°•| استغفر الله |•°¬
إنضم
19 فبراير 2008
المشاركات
1,108
الإعجابات
0
الإقامة
البريمي
#14
فالاجازة هذي الحمدلله روحنا العمرة ,, وكانت حلوة بصراحة ,,

تمنيت اتم بمكة تحس مكان روحاني تنسى الدنيا وما فيها ,,

هذي صورة للحرم المكي والكعبة المشرفة :





وهذي صورة أثناء وجودنا في المسجد النبوي في المدينة :






وعقبال الجميع بإن الله ,,

((( صلوا ع النبي )))
 

بنت البريمي

¬°•| استغفر الله |•°¬
إنضم
19 فبراير 2008
المشاركات
1,108
الإعجابات
0
الإقامة
البريمي
#15
من ذاكرة الهاتف ,,

أنا بطبعي يوم اطبخ شيء احب اصور ,,

نترككم مع الصور

هذي أول تجربة لي ف المحشي لاني احبه فحبيت اسويه بروحي خذت الوصفة من عند وحدة من صديقاتي ,,





وهذي بيتزا مسويتنها شهر 3 أنا واختي ,,






وهذا السويسرول سويته الشهر الماضي اجرب الوصفة وضبطت :





وهذي كنافة ملكية اخوي لي في 12 طالبنا لما مخلص اختباراته :





اللي يريد أي وصفة انا حاضرة بخبره ,,

ودمتم على خير ,,

خاااااالص التحايا ,,

محبتكم :

بنت البريمي
 

بنت البريمي

¬°•| استغفر الله |•°¬
إنضم
19 فبراير 2008
المشاركات
1,108
الإعجابات
0
الإقامة
البريمي
#16
حقيقه صفحتي بيضا..

ولاعمري جرحت انسان
اساير وقتي القاسي بظلم وغيظ عدواني
ولا أذكر شكيت الحال لأي انسان مهما كان
أخفي قصة الحرمان عن القاصي وعن الدانى
أجامل وابتسم للناس وانا كلي شقى وأحزان
اقاوم دمعي ولكن عيوني حيل تفضحني
 

بنت البريمي

¬°•| استغفر الله |•°¬
إنضم
19 فبراير 2008
المشاركات
1,108
الإعجابات
0
الإقامة
البريمي
#18
احم احم يا هلا والله ,,

العصر سرت بيت يدوووه ,, حليلها يدوه بس تبا تأكلنا ,, قلتلها لو اتم عندج اسوبع بتخليني امتن هع هع ,,


وف الليل يت ويانا ماي سيستر لأنه باجر بتسير صلالة هيه وريلها ,,

اهئ اهئ وأنا ف البيت خخخ ,, حشى ملل بصراحة ,,
 

بنت البريمي

¬°•| استغفر الله |•°¬
إنضم
19 فبراير 2008
المشاركات
1,108
الإعجابات
0
الإقامة
البريمي
#20

دنيّا غريبه .. والبشر صارو أشبآه
‌ ‌ ‌ ‌ ‌‌‌‌‌ ‌ ‌ ‌‌ ‌ ‌ ‌ ‌ ‌ ‌ ‌ ‌‌ ‌وكلن ينادي.. (بإختلافه عن الغير) ..
يذكر خطأ غيره / وينسى سواياه
‌ ‌ ‌ ‌ ‌‌‌‌‌ ‌ ‌ ‌‌ ‌ ‌ ‌ ‌ ‌ ‌ ‌ كنه مطهر عن الذنب .. تطهير ..
آواه يالليل الوفـا .. بالحيل " اوآآه "
‌ ‌ ‌ ‌ ‌‌‌‌‌ ‌ ‌ ‌‌ ‌ ‌ ‌ ‌ ‌ ‌ ‌ ‌‌ ماعاد بك ذمـه .. ولاعاد بك خير ..!
 
الحالة
مغلق و غير مفتوح للمزيد من الردود.
أعلى