الفرق بين سواقة الشباب وسواقة الحريم :)

الحالة
مغلق و غير مفتوح للمزيد من الردود.

غــرتــكـ دنيــاكـ

¬°•| عضــو مــهــم|•°¬
إنضم
30 مارس 2009
المشاركات
84
الإعجابات
0
الإقامة
البريمي دار عيني
#1
مــرحـــبـــا بـــالشـــباب والــــحــــــــريــم


تعالوا نشوف الفرق ..

مشاوير:
الشاب الى: الدوام + البيت + البقاله + استراحة الشباب + مقاهي .
مشاوير الحريم: الصالون + الشغل + السوق + عزاء + عرس .


الاغراض المتواجده دائما في السياره :
في سيارة الشباب : غتره على كرسي + عقال + مناديل على الكرسي+ ولاعه ..
سياره الحريم :نقاب + مناديل كلها روج + علك + مجلة سيدتي.

في جيب الكرسي :
سيارة الشباب: اشرطة + سجائر+ ولاعه + ورقة مخالفه + مسواك + ورقة بلوت .
سيارة الحريم : روج+ كحل + حلاوه نعناع + مثبت شعر+ + مشط + شباصات.


شنطة السياره :سيارة الشباب: اوراق وكتب الجامعه + علبة فيري منكبه + شيشة ومعسل + ثياب من اخر طلعت بر .
سيارة الحريم: مزيل عرق + فازلين + مرطب+ عطر..


السوالف في السياره:
الشباب : كيف الاسهم اليوم ؟ شفتوا مباراة ريال مدريد ؟ الدكتور اليوم ماحضر؟
الحريم : يووو ماشفتي فلااانه ترى سقطت ياحسسسسسره ؟ شفت فلانه لابسه ساعه ماركه يوو تقولين جنه زوجها يغرف فلوس من البحر؟


اذا بيعبي بنزين:الرجال : يا صديق عبى فل !! وآخر شهر : يا صديق عبى بــ10 .
الحرمه : عبى بــ 40 وييب دبة ماي ..


عند التقاطع :
الشباب :يطالع يمين ويسار 20 مرة (يحسب فيه بنت اطالعه)
الحريم :نادرا ما تتحرك ويها سيده..



اثناء السياقه :
الشباب : مّبعد الكرسي لين اخره كنه منسدح وهو يسوق .
الحريم : ملزقة الكرسي لين اخره كنها سواق لموزين.



وضع الجسم اثناء السياقة:
الشباب : متكي يد ويسوق بيد ويدعس برجل والثانيه رافعها الى مستوى المكيف او شوي ويطلعها من الدريشه.
الحريم : حاضنه السكان كنه طوق نجاة..


اثناء السياقه وجا بيسلم على واحد :
الشباب : بيوقف السيارة وإلا بيزاعق ع ربيعه
البنات : بدق هرن أو بتغمز ع ربيعتها ..



اثناء كتابه المخالفه : الشباب : اقسم بالله ماقطع الاشاره والله ورب الكعبه وربي , على الحرام اني ماقطعتها ياجعلي اموت الحين كاني قطعتها
البنات : بلييز الله يخليك لأهلك لا تعطيني مخالفه بليز بليز,, وهي تناقز . هه


اثناء الحادث :
الشباب : وش في امك انت ماتشوف زين ؟
البنات : سوري بس شكلك ياحرام ماشفتني وانا معطيتك اشاره


اثناء السواقه و أحد السيارات حدك :الشباب : اسفط على جنب يابن الـ؟؟؟ انا اعلمك وش لون تسوق يا ولد الـ ؟؟؟؟
الحريم : ياحقييييييييييير يا حقييييير ماتشوف زين , روح يعلك العور إن شاء الله ..


اثناء التفتيش: العسكري لشباب : الرخصه والاستماره ووقف على جنب واجلع المخفي ..
العسكري للبنات : اخخخخ روحي دربك خضر..


اثناء السياقه و واحد من الاطفال يصيح :الشباب : تشب ولا كلمة ويالله انطم وإلا بوقف وبضربك بالعقال ياللله!!<= يتكلم وهو يتفل
الحريم : يالله, بابا خلاص لاتصيح عشان اشتري لك حلاوه


:) ههههههههه :)
 

غازي

¬°•| مصّور هآوي |•°¬
إنضم
7 يونيو 2008
المشاركات
2,274
الإعجابات
6
#2
اثناء الحادث :
الشباب : وش في امك انت ماتشوف زين ؟
البنات : سوري بس شكلك ياحرام ماشفتني وانا معطيتك اشاره


ههههههههههههههههههههههههههههههههه

يسلموو يالغلا على الموضوع

تحياااتي
 
الحالة
مغلق و غير مفتوح للمزيد من الردود.
أعلى