بنات الكلية faceless

الحالة
مغلق و غير مفتوح للمزيد من الردود.

العاثرة

¬°•| عضــو مــهــم|•°¬
إنضم
11 مارس 2009
المشاركات
615
الإقامة
عنـــد الكفــيل
السلام عليكم ورحمة الله وبركاته

حبيت انقللكم منظر لفتني فالكليه وانا منخشه ورا لثمتي وشكلي مهربه قات وانا واقفه فالزاويه
طبعاً انا ما أبا اظلم الكل بموضوعي ولا ابا اعمم بس راعي المعنى يستعنى

أول شي لفتني كان ريحة عطر تخلي عقلك يفتر فراسك ، ريحته حلوه وقوية طبعاً كانت أول ردة فعل
سويتها اني رفعت راسي اشوف صاحبة الريحة وأضطريت أني أرفع راسي لأقصى مداه عشان اوصل
لنهاية ناطحة السحاب اللي مرة جدامي <<بحكم طولي المخجل
المهم كانت البنت هااي طويله وجسمها منحوت نحت وطبعاً هي تعرف شو الأشياء اللي تناسبها فلابسه عباه مخصره ، أو خل أقول انه العباه مفصله على جسمها بالتمام ، تطريز ذهبي وحركات فراشه وخفاش وجراده <<هاي من عندي
، والشيله يادوبك تغطي قمة راسها ويا الفلعه اللي وراها تماثل حجم راسها مرتين بس البنت المسكينه مافيها وجه!

انا فتحت عيوني وسهيت فيها ، خزتني البنت الــ(faceless) ، وجها مختفي تحت أطنان المكياج متأكده انها هي لو تشوف نفسها فمرايه ما بتتعرف عليها...

خزتني بنظرة أحتقار من علوها العالي وقالت : خير شتطالعين؟

ابتسمت تحت نقابي وجاوبتها بلعانه : أطالع العجب

طبعاً هي سبت ومادري شقالت بالضبط لن العلج اللي فحلجها خلا كلامها يطلع مبهم وغير مفهوم آخر شي اتذكره انها سوتلي مالت ومشت<<طبعاً سوت مالت على تحت لأني كنت واصله عند سرها خخخخ


المهم ما أطول عليكم بالكلام ، لأن كثر الهذره تخيس الحلج

انا خاطري أناقشكم فسالفة بنات كليتنا ، بنات مدارسنا ، بنات المستشفيات ..... بختصر ابا اناقشكم فخواتي
فبنات عمي ..فأمهات المستقبل..

اباكم تتكرمون وتردون على هالموضوع لأنه بجد يقهرني:

فرايكم البنت اللي تشبه أختنا اللي ذكرتها فموضوعي شو تتوقع من ورا هالشي؟

انت كشاب وانتي كشابه شو نظرتكم لهنوعية من البنات؟

هل نعتبر هذي مشكله وتخلي عن القيم والعادات وابتعاد عن الدين ولا نقول ان لكل زمن أحكامه وهذي الظاهره مجرد مواكبة للتطورات؟

إذا كنت تعتبر هالظاهره مشكله ..عطنا اقتراحات عشان نعالجها ؟



تحياتي للجميع
:patch_swit:
العــــــــــــــــــاثرة
 

DarkFireSlash

¬°•|مٌفكِر وُمبِدع تطوِري |•°¬
إنضم
25 أغسطس 2008
المشاركات
4,467
الإقامة
البريمي وين بعد
همممممممممممممممممممممممممممممممممممممممممممممممممممممممممممممممممممممم


مب بس البنات حتى في اولاد يعني يحبون يختلفون عن غيرهم تلقاهم يلبسون بطريقة مب اعتيادية يمكن الهدف الرئيسي هو لفت الانتباه طبعا البنات نفس الشي نحن ما نقدر نشكك من اخلاقيات الانسان من خلال شكلة لازم هذا اول شي نكون محايدين ومع كل الاطراف طبعا مثل ما ذكرتي يالعاثرة ريحة عطر قوية ولبس مفصل وراص والعباة يادوب تستر الويه وحاطة مكياج علماء النفس بيفسرولج هذا التصرف كمحاولة يائسة لجلب الاهتمام بس مرات هذا الشي ما يكون صائب وحد يفسر هذا الشي كشي يطبق مبدا الليبرالية او التحرر

خلوان نركز على شي واحد مثلا بعض البنات يسوون اشكل يوم ما يكونن واثقات بانهن جميلات اوشي من هذا القبيل تبي تشوف حد بيمدحها ولا لا بس هذا الشي تصرف خاطىء نفس الشي عند الرجل كان ملتحي وحشها اللحية يبي يشوف منو بيقوله نعيما خخخخخخخخخخ المهم المهم التصرف الظاهري والمظهر محركه شي نفسي ومبدا غربي هذا هو تعليقي وشكرا



والتوعية النفسية واجبة واحتقار الغير مرفوض
 

Sμilε

¬°•| » نقـآء يسڪْننيّ|•°¬
إنضم
9 يناير 2009
المشاركات
2,085
العمر
63
هههههههه عيبتني حركة اللثام
عايشة الدور بضمير اسميج
شربي حليب عشان تطولين :)


فالسالفة مادل شو اقولج اختي!!
الموضوع بالفعل مستهجن بس مع مرور الوقت احس انه صار عند الناس عادي
والأدهى الناس اللي كان يعارضون هالشي تلقينهم اول حد يسوونه الحينه !!
ليش؟؟ هل هي عقدة النقص؟؟ انزين عاد ع شوه؟؟ الوحده تخسر دينها ودنيتها ؟؟ ليش؟؟

- أحيانا كبيرة يكون هالشي من غياب الوازع الديني !!
-أحيانا غياب توجيه الأهل!!
-أحيانا الصحبه الفاسده!!
-الموضة اللي يركضون وراها كانها كتاب مقدس!!

الله المستعان بس..

الواحد منا يحاول يصلح ولو بكلمه يمكن هالانسانه اللي مسويه هالشي كله
تنتظر حد بس ينصحها او يوجها عشان تترك هاذا كله!!
يمكن لجأت لهالشي لجذب الانتباه!!

والله من كثر مب ان الموضوع ضارب فراسي ما عارفه شو اكتب!!


الله يهديهن ويهدينا وياهن ..
 

زهرالصباح

¬°•| عضو مميز |•°¬
إنضم
20 يوليو 2008
المشاركات
246
الإقامة
العين والبريمـــي
أختي العاثرة موظوعج حلو وظاهرة منتشرة وااايد عندنا

في بنات يكشخن ويتعدلن ويكون شكلهم مرتب وريحتهم حلوة دليل على النظافة

بس يفرق لو كنت في مكان إختلاط لازم البنت تحط حدووود في كل شي

مب اللبس والمكياج بس

والمكان إللي ما فيه إختلاط كلهن نسوان وبنات شو المشكلة تحط عطر


بس أنا ضد البنت إللي تكلمتي عنها أو غيرها من البنات إللي ع شاكلتها

لبسهم وعطرهم زايد عن الحد وفي مكان مختلط بعد

الله يهدي الجميييييع
 

الحاتمي

¬°•| عضو فعّال |•°¬
إنضم
12 أبريل 2008
المشاركات
127
الإقامة
لوى
زين ما عطتج بكف ع وجهج هاهاهاهاهاهاهاه .... أنا ابي اعرف هذه كيف تظهر من البيت جدام أهله وهي مداومه ,, أكيد هناك نقص في الوازع الديني ,, إن رايت صاحب البيت يضرب الدف فلا تلومنا العيال اذا رقصوا .
 

المغرم الهاوي

¬°•| فخر المنتدى |•°¬
إنضم
23 ديسمبر 2008
المشاركات
2,631
الإقامة
BETWEEN MY LOVE
هههههههههههههههه
انا درست بالكلية وشفت العجب من البنات
يعني البنت اللي الله عطنها جمال وكل شي بعد تروح تخرب هالجمال باشيا تافه ليش
عشان الناس تعجب فيها
الحين الريال صار مستر اكثر من البنت
البنت بيت اهلها محتشمه ولو تشوفينها مره مطوعه لكن تعالي شوفيها يوم تكون بعيد عن اهلها
البنت المحشمه م حد يقولها شي والكل بيحترمها اما البنت شرات مثل م قالت لاخت هاي القيم ولاخلاق عنده منتهيه
اسف اذا اني حشيت بالبنات بس هذا الواقع صراحه
لاني شفته بعيني والله يستر بنات المسلمين
 
التعديل الأخير:

غازي

¬°•| مصّور هآوي |•°¬
إنضم
7 يونيو 2008
المشاركات
2,274
اختى صارة الناس بلادين ولاحياااا

والمصيبه الاكبر هي عدم اهتمام اوليااا لامور ببناتهم
اذا كان لابوى ولام مب متواجدين بالبيت ولايعرفون شي
ولا بعد عاجبهم الي يسونه لاولاد والبنات ويشجعونهم
 

بنت الكعبي

¬°•| عضو مميز جدا |•°¬
إنضم
5 مايو 2008
المشاركات
528
الإقامة
داخل بيتنا
خخخخخخخخخخخخخخخخخخ وربي عيبني الموضوووع\\

يسلموااااااااااا عليه


احم

بخبرج البنات نوعين:

نوع تستحين اطالعين صوبه

ونوع ربج اعلم بخفاياه( يعني دووووووووااااهي)

النوع الاول الله يحفظهن ويستر عليهن

جمال ادب اخلاق ذرابه

احيان مب حلوات بس اخلاقهن طيبه

والنوع الثاني: الجاذب للانتباه سبحانك ربي .. هالنوع مايفكر بيوم الحساب والعقاب غرته دنياته

وبالاخير عن الهذره الزايده بقوووووووووووووول:


الله يستر علينا جميع
 

العاثرة

¬°•| عضــو مــهــم|•°¬
إنضم
11 مارس 2009
المشاركات
615
الإقامة
عنـــد الكفــيل
همممممممممممممممممممممممممممممممممممممممممممممممممممممممممممممممممممممم


مب بس البنات حتى في اولاد يعني يحبون يختلفون عن غيرهم تلقاهم يلبسون بطريقة مب اعتيادية يمكن الهدف الرئيسي هو لفت الانتباه طبعا البنات نفس الشي نحن ما نقدر نشكك من اخلاقيات الانسان من خلال شكلة لازم هذا اول شي نكون محايدين ومع كل الاطراف طبعا مثل ما ذكرتي يالعاثرة ريحة عطر قوية ولبس مفصل وراص والعباة يادوب تستر الويه وحاطة مكياج علماء النفس بيفسرولج هذا التصرف كمحاولة يائسة لجلب الاهتمام بس مرات هذا الشي ما يكون صائب وحد يفسر هذا الشي كشي يطبق مبدا الليبرالية او التحرر

خلوان نركز على شي واحد مثلا بعض البنات يسوون اشكل يوم ما يكونن واثقات بانهن جميلات اوشي من هذا القبيل تبي تشوف حد بيمدحها ولا لا بس هذا الشي تصرف خاطىء نفس الشي عند الرجل كان ملتحي وحشها اللحية يبي يشوف منو بيقوله نعيما خخخخخخخخخخ المهم المهم التصرف الظاهري والمظهر محركه شي نفسي ومبدا غربي هذا هو تعليقي وشكرا



والتوعية النفسية واجبة واحتقار الغير مرفوض


بالضبط اهو نداء يائس للفت الأنتباه
وبالطبيعه نحن كلنا سواء بنات او شباب نحب نسمع الكلمة الحلوه
بس المفروض تاخذ بعين الاعتبار انها بفعلها هذا ما بتييب لنفسها ولأهلها غير السب والذم
يعني اللي بيشوفها بيقول فقدت ذيج التربيه
يعني اذا هي ترضا تيب الرمسه لأهلها بتسوي هالشي
 

العاثرة

¬°•| عضــو مــهــم|•°¬
إنضم
11 مارس 2009
المشاركات
615
الإقامة
عنـــد الكفــيل
هههههههه عيبتني حركة اللثام
عايشة الدور بضمير اسميج
شربي حليب عشان تطولين :)


فالسالفة مادل شو اقولج اختي!!
الموضوع بالفعل مستهجن بس مع مرور الوقت احس انه صار عند الناس عادي
والأدهى الناس اللي كان يعارضون هالشي تلقينهم اول حد يسوونه الحينه !!
ليش؟؟ هل هي عقدة النقص؟؟ انزين عاد ع شوه؟؟ الوحده تخسر دينها ودنيتها ؟؟ ليش؟؟

- أحيانا كبيرة يكون هالشي من غياب الوازع الديني !!
-أحيانا غياب توجيه الأهل!!
-أحيانا الصحبه الفاسده!!
-الموضة اللي يركضون وراها كانها كتاب مقدس!!

الله المستعان بس..

الواحد منا يحاول يصلح ولو بكلمه يمكن هالانسانه اللي مسويه هالشي كله
تنتظر حد بس ينصحها او يوجها عشان تترك هاذا كله!!
يمكن لجأت لهالشي لجذب الانتباه!!

والله من كثر مب ان الموضوع ضارب فراسي ما عارفه شو اكتب!!


الله يهديهن ويهدينا وياهن ..

:( لا يصلح الحليب ما أفسده الدهر خخخخخخ<<خربت المثل

تسلمين على الطله فديتج
فعلاً نقص الوازع الديني وانقراض النصح ساعد فانتشار هالظاهره
الله يهدي شبابنا وشاباتنا
 

العاثرة

¬°•| عضــو مــهــم|•°¬
إنضم
11 مارس 2009
المشاركات
615
الإقامة
عنـــد الكفــيل
أختي العاثرة موظوعج حلو وظاهرة منتشرة وااايد عندنا

في بنات يكشخن ويتعدلن ويكون شكلهم مرتب وريحتهم حلوة دليل على النظافة

بس يفرق لو كنت في مكان إختلاط لازم البنت تحط حدووود في كل شي

مب اللبس والمكياج بس

والمكان إللي ما فيه إختلاط كلهن نسوان وبنات شو المشكلة تحط عطر


بس أنا ضد البنت إللي تكلمتي عنها أو غيرها من البنات إللي ع شاكلتها

لبسهم وعطرهم زايد عن الحد وفي مكان مختلط بعد

الله يهدي الجميييييع


انا ماطريت الكل انا قلت فئه معينه
وأكيد لازم تتسبح ماتيي بخياسها وتوهف الأوادم
بعد الرسول صلى الله عليه والسلم وربج تعالى وصانا فالتطيب والنظافه
بس عاد كل شي له حدود وسواء البنت تدرس فالمسا وقت المختلط ولا صباحي ترا الحال نفسه
لأن العاملين هنود و الأساتذه بعد ريايل ولا هم طالعين من الحسبه!
 

العاثرة

¬°•| عضــو مــهــم|•°¬
إنضم
11 مارس 2009
المشاركات
615
الإقامة
عنـــد الكفــيل
زين ما عطتج بكف ع وجهج هاهاهاهاهاهاهاه .... أنا ابي اعرف هذه كيف تظهر من البيت جدام أهله وهي مداومه ,, أكيد هناك نقص في الوازع الديني ,, إن رايت صاحب البيت يضرب الدف فلا تلومنا العيال اذا رقصوا .


تهبي تصكني صح قصيره بس تراني قويه <<خير انشالله

والله مادري ياخوك حتى انا استغرب هاي شقايل اخوها يوصلها الكلية جذا!

عادي عندهم هكونا متاتا!
 

العاثرة

¬°•| عضــو مــهــم|•°¬
إنضم
11 مارس 2009
المشاركات
615
الإقامة
عنـــد الكفــيل
هههههههههههههههه
انا درست بالكلية وشفت العجب من البنات
يعني البنت اللي الله عطنها جمال وكل شي بعد تروح تخرب هالجمال باشيا تافه ليش
عشان الناس تعجب فيها
الحين الريال صار مستر اكثر من البنت
البنت بيت اهلها محتشمه ولو تشوفينها مره مطوعه لكن تعالي شوفيها يوم تكون بعيد عن اهلها
البنت المحشمه م حد يقولها شي والكل بيحترمها اما البنت شرات مثل م قالت لاخت هاي القيم ولاخلاق عنده منتهيه
اسف اذا اني حشيت بالبنات بس هذا الواقع صراحه
لاني شفته بعيني والله يستر بنات المسلمين

سبحان الله
صدق الزين مايكمل خخخخخخ:patch_music:
هذي مايسمونها حشمه هااي يسمونها نفاق
لأنها مب طالعه من داخلها يعني هي ملتزمه جدام اهلها بس عشان تسد حلجهم
وتكف اذاهم اما برا الله يعلم شتخدم بعمرها
الحشمه اتي من داخل الشخص مب من برا
 

العاثرة

¬°•| عضــو مــهــم|•°¬
إنضم
11 مارس 2009
المشاركات
615
الإقامة
عنـــد الكفــيل
اختى صارة الناس بلادين ولاحياااا

والمصيبه الاكبر هي عدم اهتمام اوليااا لامور ببناتهم
اذا كان لابوى ولام مب متواجدين بالبيت ولايعرفون شي
ولا بعد عاجبهم الي يسونه لاولاد والبنات ويشجعونهم


تلقى اولاياء الامور شياب مايدرون شو يصير حولهم
ولا يمكن ملتهين بدنياهم عن عيالهم
بس الخلل من داخ الشخص نفسه
 

العاثرة

¬°•| عضــو مــهــم|•°¬
إنضم
11 مارس 2009
المشاركات
615
الإقامة
عنـــد الكفــيل
خخخخخخخخخخخخخخخخخخ وربي عيبني الموضوووع\\

يسلموااااااااااا عليه


احم

بخبرج البنات نوعين:

نوع تستحين اطالعين صوبه

ونوع ربج اعلم بخفاياه( يعني دووووووووااااهي)

النوع الاول الله يحفظهن ويستر عليهن

جمال ادب اخلاق ذرابه

احيان مب حلوات بس اخلاقهن طيبه

والنوع الثاني: الجاذب للانتباه سبحانك ربي .. هالنوع مايفكر بيوم الحساب والعقاب غرته دنياته

وبالاخير عن الهذره الزايده بقوووووووووووووول:


الله يستر علينا جميع


صادقه فديتج

بس اغلب هالبنات تضربهن ثواره
زين يوم انتي جي خدمتي بعمرج شو حصلتي عاد؟
حد قالج انج حلو ولا عطاج جايزة!

سبحان الله
عجايب
 

روح البداوه

¬°•| عضو مبتدى |•°¬
إنضم
20 فبراير 2009
المشاركات
28
الإقامة
العـ دار ـين
اولا .. تسلمين ع النقاش المتميز ...

ثانيا ... اممممـ ما يخصه الجمال بالميك اب ... ومب كل اللي تحط ميك اب عندها نقص ...

بس يفرق من حط لحط ... عاد اللي تلخ بلستر فويها الصراحه وععععع

وبعد تفرق متى تحطه .. اذا فمكان مختلط ولا ..!!

ثالثا : وبالنسبه لهنوعيه من البنات ... ياما شفنا عجب العجاااب ...

وهاي يسمونها موضة التطور الله يعينا ويرحمنا ...

ويسلمووو مره ثانيه
 

بنت البريمي

¬°•| استغفر الله |•°¬
إنضم
19 فبراير 2008
المشاركات
1,108
الإقامة
البريمي
تسلمين الغلا ع الطرح المميز ..

والله شو نقولج بما أني أدرس ف كلية مختلطة بقولج شو أشوفه :

والله البنات مب كلهن بعضهن يسولج عمارهن حلوات وهن مناك خرطي ويتحسبن الناس يوم يشوفونهن معجبين وهم مستغربين من هالشكل ومن الأشياء اللي مسويتنهن ..

ووااايد شفنا ومب بس جيه .. احنا مسوين مرة عن الحجاب بس للأسف ما حضرت والفضيحة أنه الشباب اللي موضحين هالشيء من خلال المسرحية اللي سووها عن الحجاب ( يايبين قوطي بيبسي وتونه وما أدري شو أونه حاطينهن فوق روسهم يتطنزون ع البنات خخخ)

واعتقد هالشيء سببه :

قلة الوازع الديني هيه الأساس وبعدين دور الأهل ( بس اللي ما عندها ضمير من ورا أهلها تسوي هالأشياء الله يهديها )

وممكن صديقاتها يأثرن عليها ويغيرن افكارها اذا كانت من النوع اللي بسرعة يتأثر ..

ف النهاية ما بنخلص اذا تكلمنا فهالموضوع ّ!!

وكل وحدة عقلها ف راسها وتعرف شو الصح من الخطأ ..

الله يهدي شباب وبنات المسلمين ..

تقبلي مروري ..
 

دكتور عمرو السيد

¬°•| عضو مبتدى |•°¬
إنضم
28 مارس 2009
المشاركات
22
العمر
36
الإقامة
Alexandria -Egypt
السلام عليكم

والله موضوع جميل ما شا ءالله عليج

يمس قضية اجتماعية خطيرة

اولا من قرائتي للموضوع تيقنت ان البنت هذي محترمة مقارنة باللي اشوفه في المنطقة اللي انا فيها

طبعا اول شيئ بنلوم لبسها اللي وصفتيه

عباية ضيقة وملفته الميج اب
العلوج

والى غيرها من الصفات المذكورة

لو سالتوني عن رايي واللي سبب هذه الظاهرة التي لم تعهدها السلطنة من قبل ولا حتى الدول الخليجية المجاورة
بدون ذكر اسماء

ان السبب الرئيسي لهذا هو ما يعرف بتحرير المرأة وغزو عقلها فكريا

اعطيكي رقم واحد جهل الاهل بقيم الاسلام وكذلك البنت

خذي عندج رقم اثنين
القنوات الفضائية
وان كان رقم اتنين نتيجة مترتبة على رقم واحد

وهذا كله تحت شعار بوتقة التحرير المزعومة

الحل اننا نوعيهم بطريقة لينه كما امرنا حبيبنا المصطفى صلوات ربي وسلامه عليه
يعني كان المفروض منك تقربي من ه البنت
واحاولي تكوني رفيجتها
وبتصرفاتك تثبين لها انك لؤلؤة

وفي نفس الوقت تكوني اخذتي بايدها
واخذتي الثواب
يقول سيدنا محمد صلى الله عليه وسلم

(لإن يهدي الله بك رجلا واحدا.. خير لك من الدنيا وما فيها)

تصرفاتنا يا شباب لازم تكون قدوة لكل حد في اي مكان
ويا بخت من تخلق باخلاق المصطفى

اسف طولت عليكم بس اتمنى اكون افدتكم
 

قماااااااااري

¬°•| عضو مميز |•°¬
إنضم
26 مارس 2009
المشاركات
248
الإقامة
البريمي
هلا خويتي العاثرة موضوعج وايد حلووووووووو
وايد حلو يالطش يالرش هااااا
سوري طلعت عن الموجه المهم وين كنا هيه الموضوع
يناقش مشكلة بحد ذاتها وانا فالثنوية كوني طالبة آخر سنة والله تشوفين العجايب من الكل
يعني ما ادري شو اقولج بس هنيه لازم يدخلون دور التثقيف والتوعية
ولا ننسى دور الاعلام و غيره وانتوا ادرى بهالشيء
وسوالم هذا اللي عندي
 

السيف

¬°•| عُضوٍ شًرٍفٌ |•°¬
إنضم
28 يونيو 2008
المشاركات
454
العمر
43
الإقامة
البريمي
تسلمي العاثره على الموظوع الي اشوفه بصراحه توفقتي فيه اكثر من رائع

بس طلعتي موب عاثره عصيك طلعتي شيطانه

شوف اختي بختصار ولو اني ما بتفق مع الاخوان والاخوات في الموضوع

النوع من البنات الذي ذكرتيه بصراحه ما فيها طشت ادب ولا اخلاق ولا مربايه ولا عندها بيت ترجع عليه ولا اهل ولا ما بتكون بها الحاله

خويتي البنت المحترمه مثلك وشرواك تنعرف والخايسات من امثال هذي بعد ينعرفن ولاكن شوفي نهايتها نشاله دايم تكون تعيسه

هذا كل الي عندي من الغم الذي اشوفه فها الدنيا

تسلمي ختيه
 
التعديل الأخير:
الحالة
مغلق و غير مفتوح للمزيد من الردود.
أعلى