إزعــــاج إزعــــاج إزعــــاج

زهرالصباح

¬°•| عضو مميز |•°¬
إنضم
20 يوليو 2008
المشاركات
246
الإقامة
العين والبريمـــي
الســــلام عليكــــم

موظــوعي اليـــوم يتكــــلم عن المزعجـــين

إللي يظهـــرون تــالي الليـــل شــرات اليــن

واحـــد بدراجتـــــه وواحــد بسيـــارته

الســـرعة والويـــلات في نـــص الأحيــاء السكنيـــة

لا وإللــي يقهـــر الشـــاحنات يـــودرون الشــوارع الوسيـــعة

ويمــرون فوق البيـــوت على الشـــوارع الجريبة من البيوت

أبــداً ما عنـــدهم أي حس بالمســـؤولية مهيتـــين في شوارع

البريمـــــي لا حســـيب ولا رقــيب

طبعـــاً لا دوريـــات ولا حتـــى تــاير من تواير الدوريات

نتصـــل بالشــرطة يــا جمــاعة الخــير إحتشـــرنا وينكـــم

مليــــون ســـؤال عشـــان يعـــرف المكـــان

المفروض الشـــرطي يعرف كــل شبر في البريمـــي

ويـــن دور الشـــرطة ؟؟؟

من إللي يحـــاسب هالمستهــترين براحـــة النـــاس؟؟؟؟
 

روح الليل

¬°•| عضو مبتدى |•°¬
إنضم
16 سبتمبر 2008
المشاركات
11
الإقامة
ف بيتنا
هيه صدج وايد يصير..... واللي يغيضني أكثر شي دايما تيي سيارة ف حارتنا اخر الليل ويسوي حركات ب سيارة
ويشرد وبعد 5 دقايق يرجع ويسوي مره ثانية ... من الضيق خاطري امسكه واحطه تحت تاير سيارته واسوي ويلات وافحط ف ويهه عشان يعرف كيف يعدب الناس اخر الليل.....
وين (شرطي مرور) عنهم خليه يمسك هديل المستهترين
 

WiseMan

موقوف
إنضم
11 مارس 2009
المشاركات
36
العمر
44
الإقامة
AL Buraimi
هذا بسبب وقت الفراغ الذي يعاني منه الشباب ، وبنفس الوقت لعدم تشغيل أجهزة التكييف بسبب الطقس البارد مما يسبب الإزعاج والضوضاء المسموعة خارجاً
 

آل عزان

موقوف
إنضم
6 ديسمبر 2008
المشاركات
106
الإقامة
البريمي داري ومرباي وأصلي وفصلي
موضوع جيد للنقاش اختي زهر الصباح

سؤال

شو الأنطباع اللي ينطبعلك عن اللي يسوق دراجه فتالي الليل وياذي الناس بصوت دراجته ؟؟

انا عن عمري ينطبعلي الانطباع التالي :
انه قليل ادب وما وراه حسيب ولا رقيب وانه فاشل فالحياه الإجتماعيه

واللي يخمس بسيارته يتحرى عمره ريال لا والله المريله مب بالتخميس

والله انا اذا عطيت ويل فويه واحد بستوي قوي وريال

انا اسمي اللي يخمسون

عيال دريوليه

واذا عشان الشرطه اتي زهر الصباح

شرطة المدينه ما منها فايده

واما المهام ( النجدة ) يتصيدون اللي ما عندهم لياسن وما فالحين لغير انهم يمشون فالشوارع مبندين الصطابات

ومفقفين اذا حد لف اي لفه غلط لحقوه


الله يعين

تحياتي لج

آل عزان
 
إنضم
19 يوليو 2008
المشاركات
1,309
الإقامة
Between four walls
موضوع جيد للنقاش _

هو يعني هاي حشرة تالي الليل مشكلة ، حتى مرات اكون موطي راسي وما في حلاة رقدة ، يا دراجة يا شاحنة يا ويلات ، ولا نسمع ثنينه يتناقرون برع ، شهالحالة ياخي ؟؟

واذا على الشرطة كم بتزخ ؟؟؟؟؟؟؟؟ كلها الا دوريتين بالبريمي _
 
أ

أ‡أ£أ­أ‘ أ‡أˆأڈأ¦أ­

زائر
yeas am agree with you man
it's really very noisy sond
 

مظلوم البريمي

¬°•| عضو فعّال |•°¬
إنضم
12 نوفمبر 2008
المشاركات
187
العمر
41
الإقامة
أدور قلـــب أسكن فيه
آل عزان ليش ف نظرك انه اللى عنده دراجه فاشل ؟؟
ياخي الهوايات كثيرة يعني انا عندي دراجه وعندي سيارة مثلأآ لو شفتي ف الشارع بتقول عني فاشل؟؟
ياخي خلوا الناس تتواصل مع هوايتها الحمدلله اني الدراجه مااسوقها ف البريمي................
 

قطوة البريمي

¬°•| مُشرِفَة سابقة |•°¬
إنضم
18 يوليو 2008
المشاركات
7,113
العمر
33
امممم

مثل م قال مظلوم لبريمي هواية .. بس هالهوايه ازعاج للناس..

بس شو يسوون يعني ,,!!

مدري والله ..
 

دلع بني كعب

¬°•| عضــو مــهــم|•°¬
إنضم
21 يونيو 2008
المشاركات
1,033
العمر
34
الإقامة
اظني في بيتنا
ياخي اللي عنده هوايه
ويا يسووي جيه بسيارته ولا بالدراجه
يروح مكان بعيد عن البيوت
مب زين عليهم يحشرون الناس خاصه آخر الليل الواحد يبا يرتاح
 

زهرالصباح

¬°•| عضو مميز |•°¬
إنضم
20 يوليو 2008
المشاركات
246
الإقامة
العين والبريمـــي
اليوبيل المـــاسي

القلب داعيـــلك

مظلـــوم البريـــمي

قطوة البريمي

دلع بني كعب

الحمدلله كلكم متفقين معاي

شكرآ على تفاعلكم ومروكم الطيب
 

بصراااحة

¬°•| عضــو شرف |•°¬
إنضم
1 يناير 2009
المشاركات
1,858
الإقامة
بقلوب الاحباء
بسبب هالويلات انا من 3 شهور حصلت سيارتي مدعمه عند بيتنا كنت موقفنها الساعه 12 بالليل وقمت الس6 صباح لقيت المدعميه رايحه ..
شو اسوي هذيج الساعه حتى الشرطه مابلغتها ...
خليتها ع الله
...

لو يسووا حلبه للمسابقات هذي محد بيسوي هاالحركات البايخه ...

موضوع ممتاز ويحتاج الى حل ..
 

أبو قحطان

°•|كاتب وصحفي|•°
إنضم
12 مارس 2008
المشاركات
465
الإقامة
البريمي
لو كل واحد يسوق الدراجه بصوتها العادي ما في مشكله ، وخصوصاً ( أم شراع ) لكن المشكله أنهم يبطلون الفلاتر وغطاء الجزوز .. الخ علشان يتعمدون إزعاج الناس .

بالنسبة للدراجات (أم أربع) بأنواعها المفضل سواقتها في الصحاري والجبال والأماكن البعيدة عن المدن لأن بطبيعتها أصواتها عاليه .

ومن يقود الدراجة الناريه هو إنسان هاوي ، يعني مثلاً أنا أضم صوتي للصوت اللي قبلي وأقولك أنا أسوق دراجه ، نعم هي دراجة أولادي أشتريتها لهم ولقيتها فرصة ، كل يوم والثاني قالصنها بالسياره في العربة مالها وعلى السيح سر
و أستمتع بالسياقه فالرمول والجبال .
وحتى جاتني فكرة في يوم من الأيام أعمل جمعية هواة الدراجات الناريه فئة أربع تواير يكون مقرها البريمي ها هاي
 

مشاغب

¬°•| <font color="#040000"> زçـــيم </font><font
إنضم
24 فبراير 2009
المشاركات
2,474
وين ايام البدع

وكذي السالفة
يوم تشوفوهم راعة الدراجات طلعوا السكتون وسيدا على التاير
 

آل عزان

موقوف
إنضم
6 ديسمبر 2008
المشاركات
106
الإقامة
البريمي داري ومرباي وأصلي وفصلي
آل عزان ليش ف نظرك انه اللى عنده دراجه فاشل ؟؟
ياخي الهوايات كثيرة يعني انا عندي دراجه وعندي سيارة مثلأآ لو شفتي ف الشارع بتقول عني فاشل؟؟
ياخي خلوا الناس تتواصل مع هوايتها الحمدلله اني الدراجه مااسوقها ف البريمي................

اذا انته تتحوط فنص اللي وبدراجه عليها صوت ومسوي صدعه فالحواير

فأنته فاشل

واذا انته غير هالشيء تراك مب فاشل بنظري
 

مظلوم البريمي

¬°•| عضو فعّال |•°¬
إنضم
12 نوفمبر 2008
المشاركات
187
العمر
41
الإقامة
أدور قلـــب أسكن فيه
اذا انته تتحوط فنص اللي وبدراجه عليها صوت ومسوي صدعه فالحواير

فأنته فاشل

واذا انته غير هالشيء تراك مب فاشل بنظري
أشكر فنك ع الرد الطيب!!!
بس انا ماتكلمت عن الحواير والسكيك ...
أنا سألت لو شفتني ف الشارع اسوق دراجه بتقول عني فاشل؟؟
ع العموم ابشرك لا عندي ام شراع ولا غيره مثل ماقال احد الاعضاء

ولا عمري سقتها ف حارة ولى شارع عام
كل حدي رمله بداير ولى رمله مصنع الادويه بس....
والحمدلله انا مش صغير عشان توجه لى كلمة فاشل ..
وسوآ كنت فاشل ام ناجح فهذا راجع للانسان نفسه
ف الاخير احترم وجهة نظرك
واشكر كل من أيدني ف رأي وقال هذي:patch_rir: هوايه ...
 

غربة الروح

¬°•| عضو مميز |•°¬
إنضم
13 سبتمبر 2008
المشاركات
287
العمر
36
هيه والله شو هالمصخره ...

عاد من وين سكنات بنات الجامعه يزيدن الويلات والتخميس .... والله مصخره .... أصلا الرقابه الذاتيه هي إللي بتردع الشخص نفسه بس وين الرقابه الذاتيه خلوها ع الله...
 
أعلى