الشارع الفرعي المؤدي إلى مستشفى البريمي _

إنضم
19 يوليو 2008
المشاركات
1,309
الإقامة
Between four walls
السلام عليكم ورحمة الله وبركاتـــه _

اشحالكم يا شباب ويا بنات _

اليوم موضوعي عن الشارع الفرعي لي يخطف على مخبز النيادي واسواق هدايا العين وعمانتل ، مقابل فندق البريمي _

بس خاطري اسأل سؤال قبل لا ابتدي في الموضوع _ سؤالي هو // اشرايكم بهالشارع بكل صراحة وخاصتاً جدام اسواق هدايا العين؟؟؟؟؟؟؟؟؟

الأسبوع الماضي كان فيه ازدحاام والسبب انه واحد يسوق تاكسي وقف فجأة وواحد كان يمشي وراه وما كان منتبه ودعمه ، ما ادريبه شو كان يسوي يمكن يتعبث بالتلفون ولا المسجل مال السيارة فــ المهم كان الحادث بسيط ،لكن بس بسبب انه الشارع اصلاً صغير استوت الزحمة _

اللحينه بالنسبة للشوارع الصغار هذاك الشارع ما كان فيه زحمة اصلاً لكن يوم استوى هناكي اسواق هدايا العين زادت الزحمة بشكل فضيع ،،،، خلو واحد بس يوقف دقيقة شوفوا اشقايل اتصير الزحمة !!!!!

بالنسبة للتخطيط الشارع انا اشوفه في نظري غلط بهالطريقة، بس الله يهدي الجماعة لي يخططون ما يحسبون لجدام ما عندهم تخطيط مستقبلي ، لأنه الشارع اساساً حيوي يعني حتى ما يفضى من السيايير دائماً اتمر فيه ، بس لوكان مزدوج وكان فيه دوار صغير مجابل عمان تل انا اشوف انها بتنحل المشكلة _ وخاصتاً انها موجودة مساحة كافية بينه وبين الشارع العام (شارع الفندق) _

على العموم انا آسف على الإطالة _

بس نبغي نشوف ونسمع اقتراحاتكم وتفاعلكم ومناقشتكم في هذا الموضوع _

تقبلوا كل الود والمحبة _


اخوكم / اليوبيــــــل الماســـــي _
 

♦L♦

زعيم المبدعين
إنضم
27 أغسطس 2008
المشاركات
4,828
الإقامة
.♣In The Sadness♣.
انا الصراحه نادرا ماأمر مناك
.
لاكن انته محق بخصوص الزحمه اللي أستوت قدام هدايا العين انا كنت راد من الكلية وشفت الوضع الصراحه الزحمه واصله الين الدوار ×_×
.
الزحمه تكثر خاصه اذا كان الشارع عدال سوبر ماركت
.
يعني لازم يحطون في بالهم المستقبل مايخططون الا جيه ×_×
.
أسمحلي على هذا الرد البسيط لاني انا نادرا ماأمر مناك
.
السموحه منك يالغالي ^^"
 

السَعيدي

<font color="#ff0000">¬°•| إداري سابق|•°¬</span></
إنضم
21 سبتمبر 2007
المشاركات
9,912
الإقامة
توام


اولا احب اشكرك على الطرح أخي الفاضل

بالنسبة للموضوع الذي ذكرت

طبعا كلنا نتمنى اقتراحك يصير
ولكن
هذا شارع فرعي يخدم المحلات الموجوده في المكان
يعني مكفي الغرض

ما ممكن شارع خدمات يكون فرعي
اولا المكان مزدم بالماره ولو كان الشارع مزدوج بتزيد السرعه وطبعا حالات الدهس بتزيد
إلا في حالة عمل آلية معينه مثل المطبات وجسور العبور

وبالنسبة للحوادث البسية الي تسبب الزحمه
هذا كله سببه جهل الناس
الآن في آلية معمول بها بالنسبة للحوادث البسيط
الهدف منها عدم التسبب في الازدحام
وهي استمارة الحوادث البسيط
يعني اول ما يصير الحادث
يطلع الطرفين من الشارع
ويعبوا الاستماره ويسيرو على طول شركة التأمين
هذا في حالة تراضي الطرفين


لكن في اقتراح جيد وهو انهم يستغلوا المكان الي بين شارع الفندق والشارع الفرعي ويخلوه باركنات ويوسعوا الشارع هذا شوي
وبكذا بتنحل المشكله


 

غٌَ ـلآ بُنٍيً گـ عُ ــبُ

¬°•| םـشُرٍَفٍة سْابِقِهْ|•°¬
إنضم
6 يونيو 2008
المشاركات
5,921
العمر
36
الإقامة
му σωη ωσяℓD
ما اعرف في هالسوالف بس كذا مره خطفنا مناك ودومني اقول لهم احس ان هالشارع غلط


اذكر اول ما سوو هالشارع في وايد ناس قاموا يمشون رون سايد والسبه تخطيطه
 

حورية البحر

¬°•| مشرف سابق|•°¬
إنضم
9 مارس 2008
المشاركات
239
الإقامة
ارض الله الواسعة
مشكورة ع موضوع مناقشة
بس اسمحيلي مااقدر افيدج في شي لاني ماعرفه اصلاا
 

تحياتي لمن دمر حياتي

¬°•| عضو مبتدى |•°¬
إنضم
25 نوفمبر 2008
المشاركات
51
شكرا ع الموضوع

ولكن انا مااعرف شي عنه السموحه منك اهل الدار ادرى بدارها

السموحه منك كان خاطري يكون لي تفاعل بس مااعرف عن الموضوع شي
 

ونتي ونه خفيه

¬°•| عضو مميز |•°¬
إنضم
6 أكتوبر 2007
المشاركات
303
أنا اشوف لو يتم تعريضه خمسة أمتار زياده أشوف أنه بيفي بالغرض..
 

السَعيدي

<font color="#ff0000">¬°•| إداري سابق|•°¬</span></
إنضم
21 سبتمبر 2007
المشاركات
9,912
الإقامة
توام
ما اعرف في هالسوالف بس كذا مره خطفنا مناك ودومني اقول لهم احس ان هالشارع غلط


اذكر اول ما سوو هالشارع في وايد ناس قاموا يمشون رون سايد والسبه تخطيطه



أظن انتي تقصدي شارع الجامع
لان هالشارع أصلا ما فيه سيد ورون سيد
هو شارع واح بالأتجاهين

 

زهرالصباح

¬°•| عضو مميز |•°¬
إنضم
20 يوليو 2008
المشاركات
246
الإقامة
العين والبريمـــي
تخطيط الشـــوارع في البريمي

كلهـــا غـــلط يت ع هالشــارع بس!!!!!

مثل ما قلت قبل ووجهة إقتراح حق إدارة المنتـــدى

نكـــون لجنـــة متابعــــة مع الوزارات المختصة مكـــونة من إدارة المنتــــدى

تتابع القضايا إللي تنطرح في هالقسم

عشــــان نعرف وين الغلط ونعالجه بإسلوب راقي

مجـــرد الكتـــابة في المنتـــدى ما راح تحـــل

أي شـــي

شكـــرآ اليـــوبيل المـــاسي موظـــوع يستحـــق المتـــابعـــة
 
التعديل الأخير:

غربة الروح

¬°•| عضو مميز |•°¬
إنضم
13 سبتمبر 2008
المشاركات
287
العمر
36
بصراحه هذاك الشارع ييبلي توتر مررررره..

المهم اخوي اليوبيل فكرتك حلوه بصراحه وبتنحل المشكله وفكرة الأخ الأرجنتيني البار بعد...

تسلم يمينك أخوي ع الطرح الرائع ..
 

الفارسي

¬°•| عضو مبتدى |•°¬
إنضم
25 فبراير 2009
المشاركات
47
الإقامة
حيث الأمل والتفاؤل
السلام عليكم ..مساكم الله بالخير
مؤيد وبشدة ..إن هذا الشارع غلط فغلط
أنا ما كرهت الشوارع ... ولا خفت فيهم ..كثر ما أخاف فهذا الشارع..
المكان حيوي وايد..والمحلات الطلبات عليها وايد.. مخابز .. ومقاهي ..شقق ..ومصرجع العقول المتخفي بإسم(هدايا العين).. وغيره ..
المحلات فوق بعضها ..ما فيه مسافات .. ولا باركينات جدامها ..
المكان يحتاج توسيع..كيف ما أدري ..يمكن الحل فنظري صعب..
إعادة بناء
 

حلوة مكحلة

¬°•| lمشرفة سابقة|•°¬
إنضم
6 نوفمبر 2008
المشاركات
2,271
الإقامة
وسط قلبين
تسلم اخوي على الموضوع الجميل

والصراحة زحمة فوق المعتاد تكون قدام السواق هدايا العين بالاخص

ونص السيارات يرجعن رون سيد وروح يالارجنتيني هناك بس نص ساعة على الساعة 8 أو 9

وشوف الزحمة كيف

 
إنضم
19 يوليو 2008
المشاركات
1,309
الإقامة
Between four walls
انا الصراحه نادرا ماأمر مناك
.
لاكن انته محق بخصوص الزحمه اللي أستوت قدام هدايا العين انا كنت راد من الكلية وشفت الوضع الصراحه الزحمه واصله الين الدوار ×_×
.
الزحمه تكثر خاصه اذا كان الشارع عدال سوبر ماركت
.
يعني لازم يحطون في بالهم المستقبل مايخططون الا جيه ×_×
.
أسمحلي على هذا الرد البسيط لاني انا نادرا ماأمر مناك
.
السموحه منك يالغالي ^^"

افا عليك يا ملك المبدعين :)

اهم شي انه مرورك وتعليقك يشرفنا _
 
إنضم
19 يوليو 2008
المشاركات
1,309
الإقامة
Between four walls


اولا احب اشكرك على الطرح أخي الفاضل

بالنسبة للموضوع الذي ذكرت

طبعا كلنا نتمنى اقتراحك يصير
ولكن
هذا شارع فرعي يخدم المحلات الموجوده في المكان
يعني مكفي الغرض

ما ممكن شارع خدمات يكون فرعي
اولا المكان مزدم بالماره ولو كان الشارع مزدوج بتزيد السرعه وطبعا حالات الدهس بتزيد
إلا في حالة عمل آلية معينه مثل المطبات وجسور العبور

وبالنسبة للحوادث البسية الي تسبب الزحمه
هذا كله سببه جهل الناس
الآن في آلية معمول بها بالنسبة للحوادث البسيط
الهدف منها عدم التسبب في الازدحام
وهي استمارة الحوادث البسيط
يعني اول ما يصير الحادث
يطلع الطرفين من الشارع
ويعبوا الاستماره ويسيرو على طول شركة التأمين
هذا في حالة تراضي الطرفين


لكن في اقتراح جيد وهو انهم يستغلوا المكان الي بين شارع الفندق والشارع الفرعي ويخلوه باركنات ويوسعوا الشارع هذا شوي
وبكذا بتنحل المشكله



ونعم الاقتراح اخوي الارجنتيني _ ومشكور على مرورك ومشاركتك يالغالي _
 
إنضم
19 يوليو 2008
المشاركات
1,309
الإقامة
Between four walls
ما اعرف في هالسوالف بس كذا مره خطفنا مناك ودومني اقول لهم احس ان هالشارع غلط


اذكر اول ما سوو هالشارع في وايد ناس قاموا يمشون رون سايد والسبه تخطيطه

تسلمين على مرورج اختي غلا بني كعب // بس يمكن تقصدين شارع ثاني ، او مثل ما قال الارجنتيني شارع الجامع _

بس موضوعنا يتكلم عن الشارع لي جدام مخبز النيادي :) _
 
إنضم
19 يوليو 2008
المشاركات
1,309
الإقامة
Between four walls
مشكورة ع موضوع مناقشة
بس اسمحيلي مااقدر افيدج في شي لاني ماعرفه اصلاا

العفو ياخي :confused:

افاا عليج بالحل والله :(

اقول يا شيخة الشيخيات تراني ريال هب بنية _ هههههههههههه
 
إنضم
19 يوليو 2008
المشاركات
1,309
الإقامة
Between four walls
شكرا ع الموضوع

ولكن انا مااعرف شي عنه السموحه منك اهل الدار ادرى بدارها

السموحه منك كان خاطري يكون لي تفاعل بس مااعرف عن الموضوع شي

مشكورة اختي العزيزة على المشاركة _

وعادي اذا ما تعرفين شي يمكن إنتي مش من البريمي بس اهم شي انج حطيتي بصمتج على هالموضوع وهالشي نحن نفتخر فيه :) _
 
أعلى