سائقي سيارات الأجرة

إنضم
19 يوليو 2008
المشاركات
1,309
الإقامة
Between four walls
السلام عليكم يا شباب وبنات _

اشحالكم عساكم ابخيير _

اليوم عندي موضوع يديد عن التكاسي الموجودة في ولاية البريمي بشكل عام _ ورجاءاً اخواني الأعضاء كل الرجاء إنه محد ياخذ هالكلام في خاطره ، لأنه موجود والكل شايف وعارف __

طبعاً انا ما بعمم على الكل لأنه في بعض العائلة لتدني الدخل يستخدمون هذا التاكسي علشان يزيدون من دخلهم الشهري _ وهالنقطة كلكم متفقين معاي _

بصراحة لي خلاني اكتب هالموضوع // كنت امس امشي في شارع فندق البريمي بسيارتي وساير يعني لا اسرع ولا شي ، بس جذا قوم 70 - 80 كم /س ، المهم والله شوي حرمة أشرت حق التاكسي لي كان يتجاوزني ، حبيبنا لي يسوق التاكسي ولا كأنه سيارة عداله ولا شي الحبيب لف وكسر علي ، وانا طبعاً ريلي سيييييييييده على البريك ، طنشته انا ورحت ،، بس احينه بالله عليكم لو دعمته بترزه عليه ذيج الـ 200 بيسة ،، يعني تصليح سيارتي وسيارته لأنه هو لي بيكون غلطان هذي وحدة ،،، ثاني شي الإنتباه وبالذات من سواقين التكاسي لازم الإنتباه ،،، يا ناس تراه الأرزاق بيدين الله _ وزين انه بعد محد من الشرطة هناك ولا بيسويله مشكلة _

وفي شغلة ثانية بعد وخاصتاً ويا الشباب ،،، انا اللاحظ لما واحد من الشباب يكون عنده تاكسي يشوف هندي يأشرله طنش ، يشوف بتاني طنش ، يشوف عماني طنش ،،، بس اذا شاف كائن حي إسمه بنت وقف مهما كانت بس المهم بنت _

مرة موقف صار جدام عيني شيبة مسكين يأشر حق تاكسي كان في التاكسي واحد من الشباب فما وقفله وكان ذاك الوقت الساعة 2 الظهر والجو حااار موووت ،،، بصراحة ما هان علي ذاك الشيبة وقفت له ووصلته ،، كسر خاطري والله _
يعني عنبوه ماشي رحمة !!! سبحان الله بس


فشوو رايكم يا شباب عن هذي الظاهرة ؟؟؟ ومنو المسؤول عنها ؟؟ وكيف طريقة علاجها ؟؟؟ مع عدم الأخذ بالتعميم لأنه فيه ناس يدورون رزقهم الحلال بصراحة __

نتريا تفاعلكم ،،،،

اخوكم / الـ ـيـ ـوبـ ـيـ ـل الـ ـمـ ـاسـ ــ ـــي _
 
التعديل الأخير بواسطة المشرف:

أبو سلطااان

مؤسس و رئيس الفريق التطويري
طاقم الإدارة
إنضم
8 يونيو 2008
المشاركات
5,874
العمر
112
الإقامة
?!?!
سبق و طرح نفس هذا الموضوع و قلنا الكثير ....
بصراحه اللي ما عنده سياره عايش تحت رحمتهم ...
مره سيارتي بالصناعيه و لازم كل يوم واقف على راسهم طبعا عشان تحلص أسكن خلف المقياده و تحيولوا يمر عليه أكثر من عشر نكاسي فى كل مره و لا حد يوقف إلا إذا كان السائق شيبه و طبعا معروف السالف لأني ريال و مرات أوصل للصناعيه مشي و لا فيه تكسي يوقف ليش إذا كان مكتفين و عندهم ما يغنيهم يخلوا التكسي للمحتاج أبرك ...
فى مره قلت أسأل صاحب تكسي ليش الشباب جيه رد عليه قال إنه بروحه حصله نفس المشكله كانت سيارتع عطلانه و يخبرني عن سالف عيوز ماسكه ريال بيدها و تأشرله وقف لها و سألها ليش تأشري بالفلوس ردت صار لي ساعه بالشمس و لا حد عبرني من التكاسي الكثيره لي مرة عليه و قلت يمكن يفكروني ما عندي فلوس و طبعا مش موضوع الفلوس الموضوع إنها كبيره بالسن ...
أنا أقول لمثل هذيلا من أصحاب التكاسي أتقوا الله بأنفسكم الدنيا دواره باجر حد من شوابكم أو أهلكم أو حتي أنفسكم بيطيح بمثل هذا الموقف ....
و غير عن اللي يلف و يكسر و لا يفتكر بالسيارات و ليش
!!!؟؟؟
 

السَعيدي

<font color="#ff0000">¬°•| إداري سابق|•°¬</span></
إنضم
21 سبتمبر 2007
المشاركات
9,912
الإقامة
توام


الموضوع حلوااااااا
لكن من يقدر يشوف الحل
انت طرحت القضيه لكن الحل من بيطرحه
هذا الشي راجع لتربيه الشخص نفسه
هالشي ما حد ينكر يصير في كل مكان في البريمي وفي كل مكان
يعني تبون الشرطه تمنع الي يقل عمره عن 40 سنه ان يسوق التكسي؟؟؟
ولا تبون الحرمه يوم تشوف واحد شباب يسوق التكسي ما تركب وياه؟؟
ولا الحل برايكم ان اصحاب التكاسي يتأدبوا ويودروا هالحركات؟؟

مشكور اخوي على طرحك الرائع
ربي يوفقك

 

السَعيدي

<font color="#ff0000">¬°•| إداري سابق|•°¬</span></
إنضم
21 سبتمبر 2007
المشاركات
9,912
الإقامة
توام


ينقل الموضوع الى قسم الحوار الجاد
لان هالشي ما بس في البريمي وهذي قضية نقاش

 

أبو سلطااان

مؤسس و رئيس الفريق التطويري
طاقم الإدارة
إنضم
8 يونيو 2008
المشاركات
5,874
العمر
112
الإقامة
?!?!
الموضوع حلوااااااا
لكن من يقدر يشوف الحل
انت طرحت القضيه لكن الحل من بيطرحه
هذا الشي راجع لتربيه الشخص نفسه
هالشي ما حد ينكر يصير في كل مكان في البريمي وفي كل مكان
يعني تبون الشرطه تمنع الي يقل عمره عن 40 سنه ان يسوق التكسي؟؟؟
ولا تبون الحرمه يوم تشوف واحد شباب يسوق التكسي ما تركب وياه؟؟
ولا الحل برايكم ان اصحاب التكاسي يتأدبوا ويودروا هالحركات؟؟

مشكور اخوي على طرحك الرائع
ربي يوفقك
أخوي الأرجنتين طبعا لا الشرطه و لا غيرهم يقدر يحل هذا الموضوع إلا إذا تأدبوا من نفسهم ...
لكن فيه بعض الأشياء ممكن تخف من هذه الظاهره مثلا لو أشرت لتكسي وما عنده ركاب و ما رضي يوقف يعطي مخالفه أو حتى تحجز سيارته لمده معينه إلا إذا عنده ضرف طبعا و فى بعض الدول مطبقين هذا النظام ....
 
إنضم
19 يوليو 2008
المشاركات
1,309
الإقامة
Between four walls
مشكورين ابو سلطان والأرجنتيني البار ،،،، وتسلملي يا الأرجنتيني على نقل الموضوع في المكان المناسب _

طبعاً الحل لهذي المشكلة موجود ،،، اللحينه نظام التاكسي في دبي لو لاحظتو فوق قبة السيارة ليت الأجرة _ اذا كان لون الليت أحمر معناته يا عنده زبون أو محجوز __ إذا كان الليت لونه أخضر يكون فاضي ، واي واحد يقدر يأشر _ بس ضنتي موجود نفس الشي في العين حسب النظام اليديد لسيارات ،،،، ولا اشرايكم ما يلست ادقق تبون الصدق _
 

السيف

¬°•| عُضوٍ شًرٍفٌ |•°¬
إنضم
28 يونيو 2008
المشاركات
454
العمر
43
الإقامة
البريمي
موضوع جميل بس لا حياة لمن تنادي

ولا تجلس كل يوم طايح بحد ولا والله بوجف رعات التكاسي في الشارع وبخبرهم عن مكانك وبخليهم يغسلوك غسال
ههههههههههه
تقبل مروري
 

همسة حنين

¬°•| عضو مميز |•°¬
إنضم
4 فبراير 2009
المشاركات
416
الإقامة
في قلوب أحبتي
موضوع جميل بس لا حياة لمن تنادي

ولا تجلس كل يوم طايح بحد ولا والله بوجف رعات التكاسي في الشارع وبخبرهم عن مكانك وبخليهم يغسلوك غسال
ههههههههههه
تقبل مروري

هههههههههههههه الله يعينه
 
إنضم
19 يوليو 2008
المشاركات
1,309
الإقامة
Between four walls
موضوع جميل بس لا حياة لمن تنادي

ولا تجلس كل يوم طايح بحد ولا والله بوجف رعات التكاسي في الشارع وبخبرهم عن مكانك وبخليهم يغسلوك غسال
ههههههههههه
تقبل مروري

ياريااااااااااال هههههههههههههههههههههه
 

قطوة البريمي

¬°•| مُشرِفَة سابقة |•°¬
إنضم
18 يوليو 2008
المشاركات
7,113
العمر
33
اممم مشكله بصراحه ...

بس اول مر اسمع عن التكاسي الي فدبي .. بصراحه حلو نظامهم ..

لو يسوون جذا ف البريمي ..

بس عاد انطر يا حمار لين اييك الربيع هع هع^^
 

دانة غزر

صاحبة الروح الطيّبة
إنضم
15 أبريل 2008
المشاركات
20,153
الإقامة
البـــــــــــريمي
كل الناااااااااااس تعاني من هالتكاااااااااااااسي


حتى اخوي يوم نكون سايرين مكان


ويكون جدامنا تكسي


اخوي يخفف السرعه يقول تكسي


اتوقع منه ايي حركه ما يحاسبون ولا يهتمون


طبعا مب كل التكاسي بعضهم


تسلم اخووووي على هالطرح الرااائع


الله يعطيك االعافيه
 

غربة الروح

¬°•| عضو مميز |•°¬
إنضم
13 سبتمبر 2008
المشاركات
287
العمر
36
بصراحه موضوع رائع للنقاش...
اعتقد حال التكاسي ويانا ما ياي يتغير...

تسلم يمينك أخوي على الموضوع...
 
إنضم
19 يوليو 2008
المشاركات
1,309
الإقامة
Between four walls
اممم مشكله بصراحه ...

بس اول مر اسمع عن التكاسي الي فدبي .. بصراحه حلو نظامهم ..

لو يسوون جذا ف البريمي ..

بس عاد انطر يا حمار لين اييك الربيع هع هع^^

عاده نتريا وانشوف _

تسلميلي قطوة على مرورج الطيب _
 
إنضم
19 يوليو 2008
المشاركات
1,309
الإقامة
Between four walls
كل الناااااااااااس تعاني من هالتكاااااااااااااسي


حتى اخوي يوم نكون سايرين مكان


ويكون جدامنا تكسي


اخوي يخفف السرعه يقول تكسي


اتوقع منه ايي حركه ما يحاسبون ولا يهتمون


طبعا مب كل التكاسي بعضهم


تسلم اخووووي على هالطرح الرااائع


الله يعطيك االعافيه

تسلميلي على طلتج الغاوية يا انين الصمت _ بصراحة ما جذب اخوج صدقه _
 
أعلى