الصالونات الرجالية ومحلات الحلاقة بمحافظة البريمي _

إنضم
19 يوليو 2008
المشاركات
1,309
الإقامة
Between four walls
السلام عليكم ورحمة الله وبركاته _

اشحالكم شباب _ وبنااات _

اليوم ياي اتكلم عن موضوع يديد يخص محلات الحلاقة وبالذات الصالونات الرجالية ويانا في البريمي _ بصراحة يعني صارن بمنتهى المصاخة وخاصتاً من الناحية الصحية وقلة النظافة وعدم مراعاة القواعد الصحية وقواعد السلامة _

يعني انا معقولة ادش صالون رجالي وادفع ما يقارب 10 ريالات على حلاقة لحية وشعر وحمام زيت وبخار _ هذا كله ب10 ريالات وكل شهر الشباب يستعملون هالنوع من الحلاقة_

انا ما بغيت احط لكم صور علشان الموضوع بس حشمة لكم وحشمة لأصحاب الصالونات هاي وخوفاتي بعد يكونو اعضاء معانا في المنتدى _ فأعتبره انا عيب _

اول شي انيي حق سالفة الحناء الاسود لي ينحط بعد الحلاقة عشان يعطي وضوح حق شعر اللحية ،، احذركم منه يا شباب تراه كيماوي مش طبيعي واكبر دليل ، المادة هذي قبل لا تنحط في الماي يكون لونها ابيض عقب ما تنحط في الماي ينجلب لونها من الأبيض إلى الأسود ، وحسب ما قريت في بحوث طبية عن هالمادة إنها اتسبب مرض الصدفية (البرص) _ الله يحفظنا ان شاء الله منه ، ونفس الكلام ينطبق على صبغ الشعر _

ثاني شي والأهم التعقيم تخيلو يا شباب مشط يستعمل حق كل الزبائن ، نفس الشي بالنسبة للفوطة ، نفس الشي بالنسبة للشبة مع انها ممنوعة لكن فيه حلاليق ما زالوا يستخدموها ، لكن نفس هالأشياء المشتركة بعد تنقل امراض واولها الايدز مثلا واحد مصاب بفيروس الايدز اعاذنا الله ، صار له جرح وطلب تنظيف واستخدم مادة نفس هذي البروش لي يستخدموها حق تنظيف الويه وخطفت على مكان الجرح ، بيروح وبيحطها في زبون ثاني وثالث ورابع _ وهكذا _

ومثل لي قلته قبل اكثر شي يصير مع مكاين الحلاقة هاي ابا افهم شقايل يعقمونها !!!!!!!! _ ؟؟؟؟ _

فشو رايكم يا شباب بهالموضوع ، وشو تقترحون الحلول المناسبة _

ننتظر مشاركتكم واقتراحاتكم وتفاعلكم ويا هالموضوع _ وسلامتكم _

تقبلوا مني كل الود والمحبة @@@ اخوكم //// الــ ـيـ ــو بـ ـيـ ـل الـ ـمـ ـاسـ ــ ــي _
 

كبـــــــريـاء

¬°•| مُشرفَة سَابِقِهْ |•°¬
إنضم
13 يناير 2008
المشاركات
2,664
الإقامة
بـــــلا وطن ،،،
لفتة طيبة منك اليوبيل الماسي ،،

الكل يهتم للمطاعم والتدقيق والمتبعة من قبل الحكومه والجهات المختصه ولو ان في بعض هالمطااااااااعم والمقاهي ...(خارج نطاق التغطية بكل ما تحمله الكلمة من معنى) ،،


محلات الحلاقة (موضوع يستحق المتابعه) قد يعني فئة الشباب اكثر منا نحن ،،

الحلول كثيرة ،، بس الطبيق هو المهم هالموضوع لازم اتابعه الجهات المعنية !!!!!

طبعا من الحلول:

لابد من وجود لجنه من وزارة الصحه او من بلدية المنطقة نفسها القيام بزيارات اسبوعية او شهرية لمحلات الحلاقة ،،

توعية العمال (اغلبهم هنود ما يفهموا شيء مع احترامي لهم ) وتوعية صاحب هذا المحل باتباع القوانيين وتوعية عماله ،،
المكسب المادي ليس هو الهدف الاساسي،، اهم شيء وجود الضمير

عند اداء العمل ..


من ناحية اخرى البعض يتوجه الى محلات حلاقة راقية (فيها سوريين ولبنانيين) هذيلاء احسهن انظف من محلات الحلاقة العادية صح السعر اغلا بس الواحد يضمن انه بيخرج من المحل وهو مطمن من كل شيء ،،



تحياتي ،،
 
التعديل الأخير:

أبو سلطااان

مؤسس و رئيس الفريق التطويري
طاقم الإدارة
إنضم
8 يونيو 2008
المشاركات
5,874
العمر
112
الإقامة
?!?!
و عليكم السلام و الرحمه ...
أولا أشكرك أخوي الموضوع حساس و يستاهل المناقشه ..
بخصوص الصالونات بالبريمي أعتقد إنها بالنظافه أكثر نظافه من أماكن آخرى كثيره و هذا شيء الجميع يعرفه ...
و لكن هناك بعض الأمور الأخري كما تفضلت يجب أن ننتبه لها ...
مثل الفوطه و المشط و غيرها و أما أقترح الحل إنه كل واحد يحتفظ بأدواته و أنا عن نفسي عندي أدواتي الخاصه و لكن للأسف مرات الواحد يطلع مستعجل و يضطر إنه يستخدم أدوات الصالون ...
أما شغلات الحنا و هذي السوالف الكل يعرف إنها مضره و لكن للأسف نطنش ...
و لي عوده ...
 

دانة غزر

صاحبة الروح الطيّبة
إنضم
15 أبريل 2008
المشاركات
20,153
الإقامة
البـــــــــــريمي
مساء الخير


موووضوع راااااائع يستحق المنااااقشه


انتوا ركزتوا على صالونات الرجااااال حتى صالونات الحريم


يعاااانون من نفس المشكله وكلام ابو سلطان صح احسن ان الواحد

يشل ادواته الخااااصه عشان يكون مطمن وما ايلس يفكر ويحااااااااتي


ومشكور اخووووي على هالاهتمااااااااااااااااااااام
 

قطوة البريمي

¬°•| مُشرِفَة سابقة |•°¬
إنضم
18 يوليو 2008
المشاركات
7,113
العمر
33
اممم والله انه مشكله ..

بس الحل مثل ما قال بو سلطان كل واحد يشل وياه اغراضه الخاصة الي بيستعملهن .. كيف تستعملون فوط المحل انتو وعع هب شي ..

وبالنسبة للصبغ .. اممممم مدري والله شو الحل ..
 

سعود الظاهري

:: إداري سابق ومؤسس ::
إنضم
15 أكتوبر 2007
المشاركات
6,861
الإقامة
الجنـ هي الهدف ـة
بسم الله الرحمن الرحيم

السَلآم عَلى مَن إتبع الهُدى ،!
سـ أرد على الموضوع بما يجوب بخاطري بختصار جم
بخصوص قلة النضافة وعدم الاهتما م .. نحن مسائلين أذا سكتنا عن هذا الشي لان هذا الشي يمس محافظة البريمي
أما بخصوص المشط و المقص بصراحة أنا واحد من الاشخاص الي لاأبالي هذا الشي ولكن الحلاق ألي أسيرله أخليه يغسلة بديتول قبل ما يحلقني
أشكرك أخي المبدع اليوبيل الماسي وألي مسوي شغل غير طبيعي في المنتدى
نشيط ماشاء الله عليك
ألى الامام يا بطل
دُمتم في حِمى الرحمن ..

ولـ يحفظكُم الربْ !
 
التعديل الأخير:

الغافري

¬°•|عُضوٍ شًرٍفٌ |•°¬
إنضم
15 مايو 2008
المشاركات
2,351
الإقامة
دار النشــــــا محافظة البريمي ـــــــما
أخي اليوبيل الماسي أشكرك على هذه اللفته الطيبه

موضوعك فعلاً يستحق المتابعه من قبل المسؤولين ولكن....


إذا أخبرتك بأن معظم محلات الحلاقة المتواجده في محافظتنا الحبيبه أصحابها من البلديه

يعني بكل أمانه وللأسف شكلياً إحنا نعمل تفتيش (( على الفقير )) أما محلاتنا انتبهوا صوبها لا تمرون

كم من محلات مخالفه ولا يقتصر الأمر على محلات الحلاقه

عندك المواد الغذائية ... حدث ولا حرج

المطاعم ... قمة الحساسيه ولا حركة لساكن

وغيرها الكثير


تبي الصراحه خذ الحل من عندي :

(( إشتر لك عدة الحلاقه ومتى ما عزمت روح وحلق وإنت مطمن ))
 

منى الروووح

¬°•| عضو مثالي |•°¬
إنضم
15 يونيو 2008
المشاركات
1,252
الإقامة
دوحة البريمي وسط العز سكناتي
يسلموا اخووي ع الطرح
مووضوع مهم وهو النظافه
والنظافه لازم تكوون بكل مكان
ومثل ماقال ابو سلطان
دام انه مايقدرون يووفرون لكل شخص حاجاته للحلاقه
ليش مايبهن وياه مثل المشط والمقص
بس الا شياء الثانيه شو راح يسون فيها ؟؟؟
اتمنى ان تكوون رقابه خاصه للحلاليق
 
أ

أ“أ‡أ،أ£ أ‡أ،أˆأ‡أڈأ­

زائر
انا منقهر من ربعي يلي يصبغون لحاهم ويخسرون المخاسير
بس زين تفيدهم بمعلومات الصبغه والمواد الكيماويه يلي فيها
ونتريا بعد الأخت قمر تحللنا هذي الماده ونشوف شو داخلها عشان يتأكدون الشباب .


وبخصوص الحلاقه بالفعل اخوي العزيزي الاشياء يلي يستخدمها الحلاق مشتركه من فوطه ومقص ومشط..


أما انا عن نفسي فتراني أحلق بــ خمس دراهم ...ويرتبني الحلاق ترتيب على كيفه...



ولكن بخصوص العقم هذي مشكله لا اعتقد حلها سيكون بقرار نقرره في يوم وليله لأنه يحتاج إلى تطبيق وتعب وعلم ودراسه وكشوفات ورقيه تثبت هذه الاشياء..ومن بعدها التحرك بإعلانات التوعيه والتشديد لأهميه هذا الموضوع.



شكرا لك يا فريقنا المميز على كل جديد تطرحه لنا وبصراحه قايم بدور كبير جدا والله ...يعطيك العافيه.





عثاري
 

غٌَ ـلآ بُنٍيً گـ عُ ــبُ

¬°•| םـشُرٍَفٍة سْابِقِهْ|•°¬
إنضم
6 يونيو 2008
المشاركات
5,921
العمر
36
الإقامة
му σωη ωσяℓD
ان يينا للحق وايد اشياء قاموا يسوونها الشباب مب من شغلهم والي هو الخيط والوكس البنات ما يسوون هالاشياء والشباب وايد يهتمون في هالسوالف

عيل من متى الحناء حق الرياييل ولا ها حمام البخار وما ادري شو

ما اقول الا يالله بالستر

والله يعين بعد ما نشوف يوم من الايام الحلاليق يسوون مكياج
 

دلع بني كعب

¬°•| عضــو مــهــم|•°¬
إنضم
21 يونيو 2008
المشاركات
1,033
العمر
34
الإقامة
اظني في بيتنا
موضوع جميل ومهم

تسلم اخوي على الطرح

والله الصالونات مشكله سوا صالونات
البنات ولا الشباب
فالعين والبريمي نفس الشي
انا انصح كل اللي يروحون الصالونات
ان تكون عندهم عده خاصه
محد يستخدمها غيره
والله الواحد ما يعرف اذا الادوات المستخدمه معقمه ولا لا
 
إنضم
19 يوليو 2008
المشاركات
1,309
الإقامة
Between four walls
لفتة طيبة منك اليوبيل الماسي ،،

الكل يهتم للمطاعم والتدقيق والمتبعة من قبل الحكومه والجهات المختصه ولو ان في بعض هالمطااااااااعم والمقاهي ...(خارج نطاق التغطية بكل ما تحمله الكلمة من معنى) ،،


محلات الحلاقة (موضوع يستحق المتابعه) قد يعني فئة الشباب اكثر منا نحن ،،

الحلول كثيرة ،، بس الطبيق هو المهم هالموضوع لازم اتابعه الجهات المعنية !!!!!

طبعا من الحلول:

لابد من وجود لجنه من وزارة الصحه او من بلدية المنطقة نفسها القيام بزيارات اسبوعية او شهرية لمحلات الحلاقة ،،

توعية العمال (اغلبهم هنود ما يفهموا شيء مع احترامي لهم ) وتوعية صاحب هذا المحل باتباع القوانيين وتوعية عماله ،،
المكسب المادي ليس هو الهدف الاساسي،، اهم شيء وجود الضمير

عند اداء العمل ..


من ناحية اخرى البعض يتوجه الى محلات حلاقة راقية (فيها سوريين ولبنانيين) هذيلاء احسهن انظف من محلات الحلاقة العادية صح السعر اغلا بس الواحد يضمن انه بيخرج من المحل وهو مطمن من كل شيء ،،



تحياتي ،،

تسلميلي على مرورج اختي كبرياء بالنسبة للقطاع الحكومي نحن انلاحظ انه القطاع الحكومي دوامهم من الساعة 7 لين 2 ونص _ ، فما أعتقد إنهم يشكلون ضغط كبير على المطاعم والحلاليق او بشكل عام على الأنشطة التجارية ، لي تحتاي موافقة صحية ، بس المفروض انه يكون الموظف الحكومي او المفتش الصحي حتى برع دوامه لما يشوف نفس هالأشياء يسكت بس لما يداوم يبلغ على طول _

ثاني شي اصحاب الحلاليق لي هم الملاك همهم بس المكسب المادي مش مهم عندهم صحة الزبون يدش المحل وياخذ حايته يطلع متعافي ولا مريض ولا اي شي هم هالشي ما بيتخصصون فيه _ وبعدين حد من الملاك اصحاب الحلاليق يأجرون الرخص اصلن بس ياخذ عن الهندي او الباكستاني ايجار شهري _

هو صح كلامج إنه بعض الشباب فعلاً يروحون حق الحلاليق لي هم من جنسيات عربية ، بس بعد انا اقولج وارد واقول انها تراه هي هي السالفة _ وتسلميلي على مداخلتج البسيطة_
 
إنضم
19 يوليو 2008
المشاركات
1,309
الإقامة
Between four walls
و عليكم السلام و الرحمه ...
أولا أشكرك أخوي الموضوع حساس و يستاهل المناقشه ..
بخصوص الصالونات بالبريمي أعتقد إنها بالنظافه أكثر نظافه من أماكن آخرى كثيره و هذا شيء الجميع يعرفه ...
و لكن هناك بعض الأمور الأخري كما تفضلت يجب أن ننتبه لها ...
مثل الفوطه و المشط و غيرها و أما أقترح الحل إنه كل واحد يحتفظ بأدواته و أنا عن نفسي عندي أدواتي الخاصه و لكن للأسف مرات الواحد يطلع مستعجل و يضطر إنه يستخدم أدوات الصالون ...
أما شغلات الحنا و هذي السوالف الكل يعرف إنها مضره و لكن للأسف نطنش ...
و لي عوده ...


تسلملي على مرورك ياخوي وهذا واحد من الحلول إنه كل شخص يشل معاه اداواته الخاصة _

وبالنسبة للضرر في النهاية ايي من كثرة الاستخدام او سوء الاستخدام _ انته ياريال لو تركز في الي يصبغون بتشوف مب بس الشعر حتى البشرة يوصلها الصبغ هذا او الحنا الاسود _

واشكرك مرة ثانية اخوي وعزيزي بو سلطان _ على هذي المداخلة الطيبة والمفيدة ونتريا عودتك وتعليقك على الموضوع مرة ثانية _
 

غربة الروح

¬°•| عضو مميز |•°¬
إنضم
13 سبتمبر 2008
المشاركات
287
العمر
36
تسلم أخوي ع الموضوع ...

ديروا بالكم شباب لازم تشترطون ع الحلاق يغيرلكم كل الأدوات قبل لا يستخدمها فيكم..

بعدين الصبغه السوداء قبل لا تكون مضره هي حرام..

والله يكون فعون اليميع...
 
إنضم
19 يوليو 2008
المشاركات
1,309
الإقامة
Between four walls
مساء الخير


موووضوع راااااائع يستحق المنااااقشه


انتوا ركزتوا على صالونات الرجااااال حتى صالونات الحريم


يعاااانون من نفس المشكله وكلام ابو سلطان صح احسن ان الواحد

يشل ادواته الخااااصه عشان يكون مطمن وما ايلس يفكر ويحااااااااتي


ومشكور اخووووي على هالاهتمااااااااااااااااااااام


الله يخليج يا اختي انين الصمت وتسلميلي على مرورج الطيب وتعليقج المفيد والمؤيد لأخونا العووود بو سلطان _

بالنسبة اذا البنات يعانون نفس المشكلة هذي في الصالونات والكوافيرات بس تراه مب من زود روحة البنات للصالونات بس عشان اعراس وعشان مناسبات وافراح اما ككشخة تراه عدة المكياج موجودة اعتقد عند كل بنت _ في الغرفة في الشنطة في كل مكان _
:)
 
إنضم
19 يوليو 2008
المشاركات
1,309
الإقامة
Between four walls
اممم والله انه مشكله ..

بس الحل مثل ما قال بو سلطان كل واحد يشل وياه اغراضه الخاصة الي بيستعملهن .. كيف تستعملون فوط المحل انتو وعع هب شي ..

وبالنسبة للصبغ .. اممممم مدري والله شو الحل ..

تسلميلي على مرورج يا قطوة البريمي _ ومياو قصدي مشكورة خخخخخ

هو احسن حل انه الواحد ياخذ اغراضه ويروح الحلاق _
 
إنضم
19 يوليو 2008
المشاركات
1,309
الإقامة
Between four walls
بسم الله الرحمن الرحيم


السَلآم عَلى مَن إتبع الهُدى ،!
سـ أرد على الموضوع بما يجوب بخاطري بختصار جم
بخصوص قلة النضافة وعدم الاهتما م .. نحن مسائلين أذا سكتنا عن هذا الشي لان هذا الشي يمس محافظة البريمي
أما بخصوص المشط و المقص بصراحة أنا واحد من الاشخاص الي لاأبالي هذا الشي ولكن الحلاق ألي أسيرله أخليه يغسلة بديتول قبل ما يحلقني
أشكرك أخي المبدع اليوبيل الماسي وألي مسوي شغل غير طبيعي في المنتدى
نشيط ماشاء الله عليك
ألى الامام يا بطل
دُمتم في حِمى الرحمن ..


ولـ يحفظكُم الربْ !

تسلملي اخوي الظاهري على تعليقك المفيد وفعلاً هذا بعد حل بالنسبة للأدوات المستخدمة لي هي نفس المشط والمقص والموس اذا اتغمست في الديتول هذا بعد مطهر تعقيم _

الله يدوم عليك النعمة_
 

حلوة مكحلة

¬°•| lمشرفة سابقة|•°¬
إنضم
6 نوفمبر 2008
المشاركات
2,271
الإقامة
وسط قلبين
ستلم ياخوي على هذي الفته
الطيبة منك


والف شكر

ومثل ما قالوا الاعضاء يكون كل واحد واغراضة احسن
 

اللهب المتجمد777

¬°•| عضو مبتدى |•°¬
إنضم
19 فبراير 2008
المشاركات
73
بالفعل يا أخي انا االاحظ هالشي وفيه مشكلة اخرى وهي ان الجماعة (خان وجماعته) ما يرضون الا (بالبخشيش) ولازم أقل شي ريال واحد.
ولكن من وجهة نظري ان السبب في هذا هو احنا لاننا ندفع لهم .
ولكن أريد ما اظلمهم كثير لإأنا الاحظ ان محلات الحلاقة في البريمي متطورة واكثر نظافة مقارنة بالعاصمة مسقط.
 
أعلى